اعداء حتي النهاية ( كاملة )

الفصل الثالث

 الفصل الثالث

الحياه السعيده طول عمرنا كل الناس بتدور على الحياه السعيد بس هو فين السعاده ممكن في الفلوس لا الفلوس ليها مشاكل زي طمع الناس الي حوليك فيها او ممكن في الاهل و الاصحاب برضه لا الاهل و الاصحاب ديمن ها يكونه شيفين انه ليهم راي في حياتك و يتحكمه فيها تحت اسم اهل و اصحاب و خيفين عليك طيب فين السعاده الصراحه مش عارف فين السعاده شكلها كده كذبه كبير جدا على الناس علشان تقدر تكمل حيتها يكون امل ليهم و لما يكون الامل كاذب بتكون الاهداف كاذبه من البدايه

رؤيتي الشخصيه))

بدايه الفصل

وقفنا الفصل الي فات لما إيهاب خد عماد و راحه الفندق بتعهم في اسيوط قعده شويه خده قعدتهم الي كان فيها خمور الان المكان سياحي بس محبش اني حد من هناك يعرف هو مين اصل برضه من الزوق يعني ده قاعد يشرب خمره خلصه و رجعه تاني بات عماد مع إيهاب في مضيفه في البيت و تاني يوم عماد رجع تاني القاهره و ايهاب قعد فتره مدتها شهر علشان جدته و يثبت ليها انه لو عايز يمشي فا ها يكون منه هو في يوم خده الحج فتحي و راحه معرض عربيات في اسيوط كل الي هناك من العمال بيرحبه فيه جدا و هو بيوزع عليهم فلوس

شخص : يا اهلا يا اهلا بالحج فتحي المحمدي نورت المعرض كله

فتحي : ازيك ياض يا صديق

صديق : في نعمه يا حج

فتحي : فين معلمك

صديق : في المكتب فوق الست هانم مراته الاوله لسه عطياه على دماغه و بعدها التانيه

فتحي : طيب خد ايهاب ابن اخويا و فرجه على العربيات الالماني يله وانا طلع لي معلمك روح مع صديق يا ايهاب

انا : ماشي يا عمي

رحت مع صديق و عمي فتحي طلع لي صاحب المعرض اسمه يسري المكتب فوق هما اصحاب من يجي 40 سنه

يسري : ايه الي جابك يا فتحي

فتحي : هو انا اعرف غير خلقه امك علشان اقعد معاها

يسري : فتحي اطلع من دماغي

فتحي : مالك يا صحبي فيك ايه

يسري : مشكله كبيره يا فتحي

فتحي : ايه هيا

يسري : مراتي الجديده حامل

فتحي : ههههههه و فيها ايه يعني

يسري : فيها اني داخل على 60 سنه يعني الواد ها يكبر وانا مش موجود

فتحي : و عرفت منين انتا عارف ها تموت امتا

يسري : لا بس بالمخ كده انا كل يوم بكبر

فتحي : طيب سيبك من الكلام ده الي خلقه و خلقك مش ها ينساكم
 
يسري : المشكله في الاوله انا كنت متفق معاها اتجوز بس مخلفش من التانيه