اعداء حتي النهاية ( كاملة )

الفصل السابع _ السلسلة الثانية

الفصل السابع

هو الموت راحه وله لا اصلي مجربتش اموت قبل كده بس الناس بتقول راحه انا خايف من الموت خايف من الدنيا الي مش هترحم اللي ليا لو انا مت وله ممكن ترحمهم برده معرفش

بدايه الفصل

جمال اخد الصدمه ان ممكن ابوه يفضل تعبان طلع من المستشفى و راح المدافن قعد جنب قبر يوسف اخوه

جمال : ليه يا يوسف ليه تسبني كده ليه تسبني يا اخويا يا صحبي مش كنا على الحلوه و المره مع بعض مش كنا على عهد ازاي تخلف تسبني لوحدي كده من غير اي مساعده انتا مرتاح و انا في الدنيا طالع عين الي خلفوني انا تعبت قوي و عايز اجيلك عايز اكون معاك زي ما كنا مع بعض في الدنيا يا اخويا يا صحبي (و قعد يبكي على قبر اخوه فاق على صوت عتمان)

عتمان : لو البكي على قبر الي راحه ها يرجعهم كان زمان عنينا نشفت

جمال : (مسح دموعه) جدي

عتمان : قاعد اكده له

جمال : تعبت يا جدي و جاي اتكلم مع الحبايب

عتمان : حبايب مين قصدك شويه العضم الي ملفوف بالقماش وله شويه الطوب او التراب الي سترهم تتكلم مع مين يا ولدي الاموت مش بيسمعه

جمال : بس بيحسه

عتمان : و لما اخوك يحس بتعبك ها يعمل ايه هو مش بايده حاجه هو عايز الي يساعده في حسابه بس الحساب لازم يكون لوحده و انتا محكوم عليك تصفي الحسابات لوحدك تشكي لمين و من ايه

جمال : ابويا بيموت يا جدي و خايف عليه

عتمان : لما تعيش عمر قد عمري ها تفهم الموت الموت يا ولدي زي الطابور كلنا واقفين فيه بالدور و كل واحد و دروه بس الطابور ده متقدرش تعرف انتا واقف فين وله وراك مين او قابلك مين او تجيب واحد مكانك قوم يا ولدي و زياره الاقارب و صله الرحم مهمه قوم زور عمك حماده

جمال : (استغرب) عمي حماده

عتمان : ايوه يا ولدي عمك حماده خد زياره و روح زوره ده من دمك و لازم توده قوم

جمال : و ابويا

عتمان : انا و انتا و يوسف و حماده و ابوك بين ايدين الخالق معادنا جاي جاي قوم يا ولدي قوم

جمال : (قام) ماشي كلامك يا جدي قايم

قام جمال و عتمان فرد الشال بتاعه على الارض و قعد عليه و جمال جهز واجب محترم و راح لي حماده البيت

حماده : (بأسلوب جاف) خير ولد ايهاب

جمال : المحمدي ايهاب المحمدي يا عمي

حماده : جاي ليه

جمال : جاي ازروك يا عمي وله عيب

حماده : بعد ما وقفت قصادي