Continued from Chulu
So in a short space of time English send for me and me reach England. Never bring my mother same time and it look like God know why.
When me reach English tell me say him nuh really live with woman and him have a nice little place set up for me and it would be near to where I would also work.
Honestly me never too question why we couldn't live together, me just take him word for it and hold my own. Me just glad me reach England.
I got a little place nice and cozy and most of the time English is there, him sleep there every now and then, still nah bother me at all.
I got a little space in a hair salon. The salon was a big help and me gwan good because me can do hair good and the England dem love dash out them money on so elaborate hairstyles.
Sometimes the clutchers dem come give me clothes and shoes for just a hairstyle.
In two months I could pack barrel and send give my mother to sell from. Things a gwan good. English nah send on money, him start move side ways like crab but me nah put him on practice cause me and get care and me come a long way from Chulu days.
Six months me deh England a thrive. Me cyah complain. I was comfortable and well alright with what I had.
One morning me a guh work in the cold me a tell you say everything a freeze enuh. Me see wah black van pull up beside me and a lady jump out.
She start cuss me and me a back away from her because me nuh know a wah this.
The woman a cuss again and her dialect a switch from British to Jamaican bout me must stop fuck har baby father and me a mash up them life.
Me still stand up deh shock because me nuh understand wah take place. Only fi see the woman start strip, 🤣🤣🤣 the woman a peel off layers of clothes inna the bloodclaat cold enuh only thing me could do is take up foot inna my hand and start run out rass. Me run suh till me reach wah restaurant when English friend own.
When me reach in there me tell him say wah woman a run me down and a cuss and him start laugh and say him aguh call English.
When English reach under 10 minutes him inna a different car. So me described the woman to him. Me seh! Only fi see English start jump inna circle like a bullfrog and him friend Mark a dead with laughter.
So me ask him a wah gwan, who the woman? Him say me come get me things them him aguh make me stay with Mark.
Me now a wonder a weh the rass a gwan, suh Chulu never kill me so English carry me come a England fi mad woman do it. Suh again me ask him is who the woman. Him say is him baby mother and she nuh stop stalk him that's why him can't live with nobody.
Suh me ask him why him never tell me? Him say he wanted me to be comfortable. KMFT😒
I never vex so inna my life. Remember I don't have nobody here and me barely know the place good.
Me move out of my house and go live with Mark and his two daughters. Mark was a nice man and his wife left him and married to man a Jamaica and leave the girls with him.
Man Have a nice house and he gave me a room at a section of the house.
I had my own little everything and I guess at one point English was paying the rent for me. Anyways me live there for 3 months.
Me only see English when me go work sometimes is like the man abandoned me enuh. Him change all him number and the only time me hear from him a if him call Mark.
Me cry sometimes cause me start feel sorry for myself but me brush it off and still take care of myself.
One day me deh work and a girl came in the shop and she say she wanted me to do her hair.
Anyways the girl start talk to me and she start tell me how English and the woman married and her father died leave some money give her and a it English a spend up like it's his.
She said they had two sons. Me asked her how she know all this? She say she did deh with English before him come a Jamaica come meet me🤣🤣
She say when he came back from Jamaica him tell her say it nah work out between them. She say a she send the woman on me but she realizes say me never know wah gwan😨😨
Like I said I was very idle. Still is but dem time, I had too much time on my hands🤣
