ادم: ها فكرتي ولا لسه، أنا عايز اساعدك والله، موافقه نتقابل ولا لا
جميلة:ماشي موافقه بس مش هاجي لوحدي.
ادم: انتي خايفه برضو يا ميلا بس ماشي متجيش لوحدك.
جميلة: لو سمحت متقوليش ميلا دي تاني.
ادم: ليه يا ميلا كدا انتي كنتي بتحبي اوي الدلع دا مني.
جميلة: كنت وخلاص خلصنا:
ادم: وحشتني أيامنا سوا وحشتيني اوي يا جميله.
جميلة بزعل : وانا موحشتنيش حاجه، مع السلامه.
ادم: بتهربي مني يا جميلة مني أنا دا انتي كنتي بتهربي ليا فاكره .
جميلة: انت لسه بتتكلم كدا وكأنك معملتش حاجه انت معندكش دم.
ادم: والله ندمان.
رأت جميلة رسالته ولم تعطيه اي رد، أغلقت جهازها.
وارتدت ملابسها وذهبت إلى منزل عمها، طرقت الباب وفتح لها كريم، خجلت جميله وأحمر وجهها.
كريم: تعالي يا جميلة اتفضلي.
جميلة: هو مازن هنا!
كريم: ايوا جوا يبنتي تعالي اتفضلي.
دخلت جميلة واغلق كريم الباب.
كريم: انتي بقا يا ست جميلة مش بتيجي غير علشان تشوفي مازن كأن هو بس اللي ابن عمك.
ضحكت جميله بخجل: لا بس علشان أنا مش فاضيه بس وباجيلكو كلكو.
كريم: واضح واضح؛ يا مااااازن.
مازن: مفيش غير مازن ف البيت دا ولا ايه.
كريم: مش انا اللي عايزك يا ظريف، دي جميله.
مازن: ايه جميله اوعى كدا طيب، تعالي كدا بس انتي كمان ع البلكونه بسرعه، معلش يا عم كريم امشي بس علشان هنتكلم كلام سر، ها احكي.
نظرت جميله ل مازن بوعيد ونظرت لكريم بخجل، ونظر كريم لمازن بصدمه وقال: انت اتجننت خالص.
رحل كريم وقال مازن: مشي الحمدلله، ها احكي ايه اللي حصل كلمك تاني اكيد صح.
جميله: اه وانا رديت.
مازن: يارب متكونيش عكيتي، قولتيلو ايه.
جميلة: قولتلو اني موافقه اقابله.
مازن بصوت عالي: نعممممممم تقااااا ايه.
جميله: وطي صوتك يخربيتك، أنا مش هقابله لوحدي اكيد انت هتيجي معايا.
مازن: والمقابله دي هتكون امتى إن شاء الله.
جميلة: مش عارفه لسه متفقناش.
مازن: طب بقولك سيبك من الواد دا المهم دلوقت الواد التاني " ثم غمز لها وأشار ليها على كريم "
جميلة بكسوف: عايز ايه يعني.
مازن: مش عايز يستي، عايز أوفق راسين ف الحلال، هجس نبضه كدا وأشوف في حاجه كدا ولا كدا واقولك.
جميلة: والله طول عمري اقول عليك انك جدع ياض يا مازن.
مازن: عدي الجمايل بقا.
جميلة بكسوف: طب متنادي عليه يجي يقعد معانا.
غمز لها مازن
مازن: ماشي يعم.
مازن: كرييييييييييم يا كريييييييم.
كريم: ايه حد حصله حاجه ولا ايه خضتني.
مازن: لا لا شوفتك قاعد وحيد قولت اما اعطف عليك و تيجي تقعد معانا شويه.
كريم: ههيهيهيي ي خفيف، عاجبك يا جميلة اللي هو بيعمله دا.
ابتسمت جميلة بضحك وكسوف.
مازن: جميلة تيجي نخرج بليل.
كريم: وانا عايز اجي معاكو.
مازن: احنا هنلم بقا.
كريم: علفكرا أنا اخوك الكبير والمفروض تحترمني اكتر من كدا.
مازن: طب احنا نسأل جميلة طيب، ها يا جميلة موافقه كريم يجي معانا!
نظر لها كريم في عينيها نظره استعطاف.
ونظر مازن ل جميلة وغمز لها وأشار على نظرة كريم.
جميلة: امممم ماشي موافقه.
ابتسم لها كريم.
خجلت جميله وقالت: اومال هي فين طنط.
ضحك مازن بصوت عالٍ وقال لها: ماما جوا ف المطبخ ادخليلها.
جميله: طنط يا طنط
كريمه " ام مازن" : حبيبة طنط تعالي يقلبي عامله ايه وحشتيني.
جميلة: والله انتي اكتر يا طنط.
كريمه: خدي بقا السندويتشات دي ليكو كلوها وانتو قاعدين وابعتي مازن ياخد العصير .
جميلة: حاضر يا طنط
كريمه: يحضرلك الخير يا حبيبتي.
التقطت جميلة الطعام قابلت كريم على باب المطبخ، ظل واقف في طريقها تأتي يمين يأتي يمين تأتي يسار يأتي يسار، تنظر جميله لما تحمله بخجل.
كريم: يبنتي انطقي قولي عديني اضربيني اي حاجه اشمعنا مازن بتتكلمي معاه أنا اخوه برضو، عايزين ننول الرضا.
كريمه: سيب جميله يا كريم مترخمش عليها، وتعالى خد العصير دا.
كريم: حاضر يا ماما.
دخل كريم وجميله على مازن وهما يحملان الأواني.
مازن بضحك: والله لايقين على بعض عقبال شرباتكو.
كريم بضحك: شربات ايه يلا جميلة اختي.
ابتسمت جميله بحزن و نظرت ل كريم ومن ثم نظرت لمازن، وقالت اتفضل كلل
مازن: حبيبتي ربنا يخليكي.
كريم: يلا ننزل بقا.
مازن: اه يا بطني مش قادر انزل، بص انزل انت وجميلة وقال بحزن مصطنع؛ وربنا يسعدكو بقا من غيري.
جميلة : لا لا خلاص مش مشكله ننزل بقا " واكملت وهي تضغط على أسنانها وتنظر لمازن" لما مازن ينزل معانا.
كريم: بلا مازن بلا بتاع يلا يستي يلا، ولا اقولك خلاص بقا احنا عايزين مازن معانا.
جميله: طب
كريم: مفيش طب، انا قولت يلا يبقى يلا اسبقيني وانا هجيب مفتاح العربيه.
كريم: عالمي يلا يمازن.
مازن: عد الجمايل بس، ثم غمز له وقال وابقى طمني.
قال كريم وهو يغلق باب الشقه: ابقى ادعيلي.
نزل كريم وفتح باب السياره ل جميلة، ركبت جميلة وجلست بجاور كريم ووجهها كاد أن ينفجر من شدة الاحمرار والخجل.
كريم: ايه يا بنتي وشك احمر كدا ليه، مكسوفه كدا ليه.
جميله: ها لا مفيش حاجه.
جميلة لنفسها" كان يوم اسود يوم ما اتولدت، كان نفسي اموت ولا تيجي اللحظه دي، هو الجو بقا حر كدا ليه، الحب وسنينه، انا وجميلة اخواط يا مازن، جاتك القرف فيك وف جمالك وحلاوتك وكاريزمتك ااااه يانا ياما"
كريم: ايه مالك سرحانه ف ايه.
جميلة: ها لا ولا حاجه.
كريم: ولا حاجه ايه يبنتي دا انتي مش معايا خالص بقالي ساعه بتكلم.
جميلة: كنت بتقول ايه.
كريم: ولا حاجه كنت بقول بس اني بحبك وعايز اتجوزك بس يعني حاجه عاديه.
جميله: طي.... أي انت قولت ايه.
كريم: أنا! أنا مقولتش حاجه.
ضحكت جميلة : يا رخم.
كريم: اخيرًا هزرتي معايا، ها يستي عايزة تروحي فين.
جميلة: تعالى ننزل نتمشى عند النيل شويه.
نظر لها كريم بحب: عنيا .
هبطوا من السيارة وجلسوا أمام النيل ونظر لها كريم طويلا.
جميلة بخجل : ايه بتبصلي كدا ليه.
كريم: لا مش مصدق نفسي بس أنك قاعده قدامي اول مره اكون قاعد قريب منك اوي كدا طلعتي جميلة اوي أوي من قريب.
جميلة: قصدك يعني اني مش جميله من بعيد.
كريم بضحك: لا لا اكيد مش قصدي كدا انتي كدا اجمل أوضح واطعم وألطف.
جميله: احم احم.
كريم: مردتيش عليا ع الكلام اللي قولته ف العربيه.
جميلة: اللي هو ايه.
كريم: هنستعبط بقا.
جميلة: عايزة اسمعوا تاني " نظرت له بخبث" معلش بقا مكنتش مركزه .
كريم: امممممم ماشي يا استاذه جميلة كنت بقول اني بحبك وعايز اتجوزك.
جميلة: امممم هفكر.
كريم: فكري براحتك معاكي يوم.
جميله: طب احكيلي بقا بتحبني من امتى.
كريم: من اول مره جيتي فيها عندنا من وانتي لسه صغيره، كنت دائما بدعي ربنا انك تكوني من نصيبي بس انا مكنتش عارف اقولك ازاي لحد اما مازن شجعني اقولك ، طب وانتي كلميني عنك شويه.
جميلة: اسمي جميلة عندي ٢٣ سنه عايشه لوحدي
كريم: ايه دا سبحان الله مكنتش اعرف.
ضحكوا بصوت عالٍ وقضوا وقتًا ممتعًا، حتى ذهبوا إلى المنزل، وقفوا يتحدثون أمام باب الشقه حتى طلع مازن عندما سمع صوتهم وقف مازن ينظر لهم ويقول : الله الله ايه دا كله يا ست هانم اتبسطو من غيري بقا.
كريم: اوي اوي يا مازن متعرفش اد ايه الخروجه كانت حلوه من غيرك .
مازن: بقا كدا.
وضع كريم يده على كتف مازن وظل ينظر لجميلة ويقول: تفتكر يا مازن لو جبنا اطفال هيكونو شبه مين شبهي ولا شبهها
ظلو يتناقشون بجديه وتنظر لهم جميلة في ذهول تام
ثم انتبهوا على صوت الباب وهو يُغلق، ضحك كريم ومازن بشده على جميله.
جميلة من خلف الباب: علفكرا أنا ممكن اقول لا براحتك بقا.
كريم بترجي أمام الباب: ابوس اديكي لا، خلاص انا اسف.
جميلة: ماشي سامحتك.
كريم: طيب تصبحي على خير يجميلتي.
جميلة بصوت منخفض جدا:. وانت من اهل الخير "واكملت بداخلها" يا قلب جميلتك.
ظلت جميلة ترقص في سعاده وتوضأت وصلت صلاة استخارة لتستخير ربها في زواجها من كريم، وحين أنتهت تسطحت على السرير وذهبت ف النوم.
في غرفة كريم ومازن: تفتكر يا مازن جميلة هتوافق.
مازن: أكيد طبعا، انت مش شايف وشها نور ازاي.
كريم : انت بجد لو مكنتش قولتلي أنها بتحبني أنا عمري ما كنت هتشجع واقولها، شكرا بجد يا مازن.
مازن: عد الجمايل بقا.
كريم: انت هتشوف نفسك عليا يلا يلا نام.
استيقظت جميلة في سعاده ظلت سعيده لحين أن رأت رسالة من تلك الادم
ادم: هنتقابل بكره الساعه ٦ ف الكافيه اللي شوفتك فيه
جميله: 👍
ذهبت جميلة لمنزل عمها وطرقت الباب ثم فُتح لها الباب
أنت تقرأ
خفايا القدر
Short Storyتسير حياة جميلة في هدوء كأي فتاة عاديه، ثم تقابل خفايا القدر لها،ما اعرفه هو أن الحياة لا تدوم طويلاً بالسعادة ولا تدوم طويلا بالحزن، أيا يكن ف من المؤكد أن السعادة قادمة لا محالة ويجب ألا تفوتني، أنا استحق أن أعيش.
