ذهبت جميلة لمنزل عمها وطرقت الباب ثم فُتح لها الباب نظرت جميلة خلف الباب وكان مازن
جميلة: يا رخم مخلتش كريم اللي يفتح ليه.
مازن: دلوقت بقيت أنا كخه صح، ماشي يستي مهو على رأي المثل من لقى أحبابه نسي أصحابه.
جميلة: انت بتقول اي كلام علفكرا، تعالى ندخل جوا بس اما اقولك.
مازن بصوت واطي: موطيه صوتك ليه.
جميلة بصوت واطي: كدا علشان محدش يسمعنا
مازن بصوت واطي : قولي في ايه
جميلة بصوت واطي: ادم بعتلي وقالي نتقابل بكره الساعه ٦ في الكافيه.
مازن بصوت واطي: تمام كدا
جاء كريم من الخلف وقال بصوت واطي مثلهم: انتو بتتكلموا بصوت واطي كدا ليه.
جميله بصراخ: ااااااه انت جيت امتى
مازن: ايه يعم خضتني.
كريم: بتتكلموا ف ايه.
مازن : ولا حاجه كانت بتقولي أنها موافقه.
نظرت جميلة ل مازن بعينان متسعتان
مازن: ايه أعوذ بالله بتبصيلي كدا ليه، أقوله يعني انك مش موافقه ونكسر بقلب الراجل.
جميلة ل كريم: أنا موافقه.
عانق كريم مازن بعفويه.
مازن: مبروك
كريم : الله يبارك فيك عقبالك
اكرم ( ابو كريم ومازن) : ازيكو يا ولاد بتبارك ل اخوك على ايه
مازن: ولا حاجه ي بابا اصل كريم خلاص قرر يخطب
اكرم: دا خبر حلو اوي، ومين بقا اللي امها داعيه عليها دي.
مازن: جميلة بنت اخوك إن شاء الله، اللي هي دي اللي واقفه هناك لازقه ف الحيطه دي.
اكرم ينظرهم لهم جميعاً في استفهام
كريم : والله يبابا أنا كنت هقولك انا قولتلها امبارح والله وهي والله كانت بتفكر ووالله لسه قايله أنها موافقه دلوقت.
اقترب اكرم من كريم ب ملامح جديه ابتعد كريم للخلف وهو خائف ثم عانقه والده في فرحه شديده وقال له متخافش يلا مبروك، ثم التفت إلى جميله وقال لها : ايه انتي في حد لازقك ف الحيطه ولا ايه قربي.
اقتربت جميلة من عمها ثم عانقها ثم قال مازن: اي اشمعنا هما أنا عايز حضن أنا كمان.
ضحك والده وعانقه عناق شديد وقال له: عقبالك ي حبيبي.
جاءت والدتهم وهي " تزرغط" : الف مبروك ي حبايبي.
مازن: احنا لازم نحتفل النهارده بقا.
اكرم: اكيد طبعاً.
ظلو يتسايرون ويضحكون في سعادة وكريم يجلس بجوار جميلة ثم همس لها: تعالي نطلع ف البلكونه شويه لوحدنا سيبك منهم ولا انتي مش عايزة تقعدي معايا.
مازن: في اتنين بيتسحبو وبيهربو من وسطنا، سلم نفسك انت محاصر نينينينينيني لفساد الأخلاق بتناصر نينينينينيني
نظروا جميعهم له ب اشمئزاز وقال كريم: ابو دمك يلا، دا انت رخم، يلا يبنتي سيبك منه.
مازن: ءنا عملت ءي
كريم لجميلة: جميلة انتي بتحبني ولا وافقتي علشان أنا ابن عمك ومش عايزة تكسفيني.
جميلة بخضه: لا لا والله أنا بحبك من زمان مش علشان أبن عمي لا والله.
ضحك كريم على كلامها وقال لها: منا عارف بس كنت عايز اسمعها منك بس.
ضربته جميلة على كتفه وقالت: انت رخم علفكرا.
كريم: عامله ايه ف شغلك بقا.
جميله: والله أنا في اجازة شويه، عايزة أفضى لنفسي شويه.
كريم: كويس والله، ياريت أنا أعرف ادي لنفسي اجازة، دا كان المدير علقني لو قولتلو حاجه.
ضحكت جميله، وقضت ليلة من الحديث اللامتناهي وأفضل ليالي حياتها مع كريم.
ذهبت إلى منزلها وتحدثت مع والدتها
جميلة: الو يا ماما
أم جميلة: الو ايوا ي جميلة ازيك يا حبيبتي عامله ايه وحشاني اوي.
جميلة: وانتي كمان، أنا اتصلت علشان اقولك اني اتخطبت ل كريم ابن عمي.
أم جميلة: مبروك ي حبيبتي كان نفسي ابقى معاكي، انتي عارفه ي حبيبتي إن ابوكي محرج عليا مكلمكيش وإلا هيطلقني، مش عارفه دا كله ليه.
جميلة: لا عادي يماما ولا يهمك أنا خلاص اتعودت مع السلامه علشان بابا ميسمعش سلميلي على اخواتي، سلام.
ثم اغلقت جميلة الخط وذهبت لتنام.
في اليوم التالي ذهبت جميلة لمازن وأخذته سرًا إلى منزلها كي لا يسمعهما أحد
مازن: ايه يبنتي في ايه.
جميلة: انت نسيت ولا ايه الساعه دلوقت ٣ وهنروح نقابل ادم، ومش عارفه هننزل ازاي من غير كريم ما يعرف وانا مش عايزة أقوله.
مازن: كريم لو عرف ممكن يقتله فيها أنا هتصرف، هروح دلوقت علشان البس ع ما انتي تلبسي .
مازن: كريم تعالى عايزك ف موضوع من غير ما تتعصب ولا اي حاجه.
كريم :خير يا مازن ايه اللي حصل
مازن: بص يا سيدي فاكر ادم اللي كان خاطب جميلة ...." قص مازن ما حدث لكريم " وبس يا سيدي احنا هننزل نقابله النهارده وجميلة خايفه ومتوتره وخايفه انك تعرف أو تعمل حاجه ف الواد دا.
كريم: أنا جي معاكو.
مازن: يا كريم طب...
كريم: أنا قولت اللي عندي
مازن: طب متتعصبش على جميلة علشان مقالتلكش .
كريم: جميلة ملهاش ذنب.
"الساعه خمسه ونص "
كريم: يلا يا جميلة.
نظرت جميلة إلى مازن باستفهام، ثم هز رأسه بأن كل شيء بخير.
نزلت جميلة مع كريم ومازن وركبت معهم السياره ثم وصلوا إلى الكافيه.
وجدو ادم يجلس في توتر، ذهبوا إليه وجلسو بجوار بعضهم.
ادم: ازيك يجميلة.
نظرت جميلة ل كريم في خوف، ثم أومأ لها رأسه.
جميلة: أنا كويسه الحمدلله.
ادم: انتي جيباالي معاكي كل دا ليه أنا مش هخطفك.
كريم: أنجز وقول انت عايز ايه .
ادم: جميلة أنا يمكن ف الاول مكنتش حبيتك وكان مصلحه ف الاول بس والله أنا حبيتك اوي وغيرتي فيا حاجات كتير وانا عارف انك كنتي بتحبيني أنا غبي علشان خسرتك.
جميلة: مين اللي قالك تعمل كدا.
ادم: المحامي بتاع ابوكي، اللي هو اصلا مش ابوكي.
جميلة، وكريم، ومازن: نعممممممم
كريم: مش ابوها ازاي يعني .
ادم: زمان من ٢٣ سنه كان في اتنين أصحاب اوي جوز امك وابوكي الحقيقي كان ابوكي بيحب امك اوي وجوز امك كان متغاظ منه علشان هو كان احسن منه ف كل حاجه وكان بيحب امك برضو بس امك كانت بتحب ابوكي، ف لما ابوكي وامك اتجوزو جوز امك الغيرة سيطرت عليه وقتل ابوكي وزور وصيه بإنه يتجوز امك علشان هي كانت مرات صاحبه ومفيش حد يأمن ليه غير صاحبه دا المهم كانت امك حامل فيكي ف آخر شهر وجوز امك ضحك عليها بالوصيه دي واتجوزها ولما ولدتك كان كارهك اوي وكان نفسه تكبري علشان تروحي الجامعه وتمشي وتسيبي البلد علشان مكانش هينفع يرميكي صغيرة امك كانت هتسيبه المهم جوز امك كان عايز يقتلك ومش عارف ازاي فقال للمحامي بتاعه والمحامي قاله لو القتل كان دفاعاً عن شرفك محدش هيتكلم والمحامي دا انا اعرفه ف قالي وعرفني عليكي والمكان اللي انتي ساكنه فيه والحاجات اللي بتحبيها وبتكرههيها علشان اعمل فيكي زي ما هما عايزين وجوز امك دا يقتلك علشان جبتيله العار وبكدا محدش هيقدر يلومه، بس ربنا بيحبك وانقذك منهم أنا والله بندم ومش عارف دماغي كانت فين وقتها سامحيني، كانو هيدوني 200 الف وانا كنت محتاجهم، وشطاني غواني، أنا والله اسف.
جميلة بحزن: مسامحاك، *نظرت جميلة لكريم* يلا نروح.
مسك كريم يدها واتكأت عليه، ركبوا السيارة والسكوت يعم المكان، جميعهم يفكر والصدمه تحل عليهم جميعاً، لا يعلمون ماذا يفعلون.
كريم: انتي رايحه فين يجميله انتي مش هتنامي لوحدك وانتي ف الحالة دي.
مازن: ايوا طبعا مش هتنامي لوحدك.
ذهبوا إلى منزل اكرم.
وسقطت جميلة على الأرض فاقده للوعي.
أنت تقرأ
خفايا القدر
Short Storyتسير حياة جميلة في هدوء كأي فتاة عاديه، ثم تقابل خفايا القدر لها،ما اعرفه هو أن الحياة لا تدوم طويلاً بالسعادة ولا تدوم طويلا بالحزن، أيا يكن ف من المؤكد أن السعادة قادمة لا محالة ويجب ألا تفوتني، أنا استحق أن أعيش.
