《للحب روايتان.. كلاهما أنت》
...ودخول شوقا لحياتها بهاد الطريقة وفهاد الوقيتة بالظبط.. حساتها اشارة.. حيت غير شافتو قلبها خفق بجنون.. وعطفو وحنانو عليها خلاها تفرح.. وتمنات غير تبقا معاه.. صحيح باغا وقت تبعد فيه على حياتها الروتينية.. ولكن باغا تبقا معاه غير هو.. على هاد الفكرة رجعات دارت شافت فيه وهي متبسمة.. حتى شافتو وقف قدام واحد المبنى ووقفات تاهي.. قرات الاسم عرفاتها مدرسة.. ودارت شافت فيه فاش بدا تيهضر وهو ساهي فالمبنى..
شوقا: هادي المدرسة لي قريت فيها.. (شاف فيها) دوزت فيها اجمل ايامي..
نسرين شافت تاهي فالمبنى: بصح.. الابتدائي ماتيتعوضش..
شوقا: الطفولة..
نسرين ومات بالايجاب: تماما..
شوقا سها فيها وهي تتشوف فالمدرسة.. حتى تنهدات وشافت فيه وهو يبعد نظرو عليها..
نسرين: باقا خدامة..؟!
شوقا وما بالايجاب: باقا.. غير تصادفنا مع العطلة داكشي باش سادة..
نسرين: ندخلو..؟!
شوقا شاف فيها: كيفاش اندخلو..
نسرين سبقاتو للباب البراني تاع الصور.. كان على شكل قضبان.. تعلقات فيه حتى وصلات للفوق.. وشافت فيه بإبتسامة..
نسرين: انتسناك لداخل..
قالت كلمتها ونقزات.. خلاتو يضحك وقرب تاهو تعلق فالباب ونقز.. لقاها واقفة تتشوف فالجردة متبسمة.. ودور عينيه تاهو تيتفكر طفولتو.. ماكرهش يرجع بيه الزمن لديك الفترة.. باغي يعاود يعيشها وهاد المرة بسعادة كثر.. يبعد منو الخوف من المستقبل ويعيش الحاضر..
قربات نسرين من الارجوحة لي كانت فالقنت نتاع الجردة.. وركبات فيها تتشوف فيه..
نسرين: هيه.. اوبا..
شاف فيها لقاها تترمش فيه..
نسرين: دفعني..
بدا تيضحك من جديد وقرب منها تيخرج جيابو من الجيب.. وقف من وراها وبدا تيدفع بيها الارجوحة بالشوية وهي تضحك فرحانة.. حتى تمات نازلة وشيراتلو باش يركب تاهو.. رفض فالاول ولكن ضغطات عليه حتى ركب وبدات دفع بيه وتعلات ضحكتهم بزوج..
نزلو من الارجوحة ولعبو فباقي الالعاب ناسيين اعمارهم.. ناسيين همومهم وحياتهم المملة.. خرجو طفولتهم المدفونة فيهم.. ولعبو بدون قيود بحاليلا تيعرفو بعضهم من زمان..
وقفو تيشوفو فبعضهم فاش لقاو راسهم عياو من اللعب.. ونطق شوقا مقرب من شجرة وجلس تحت منها..
شوقا: عييت..
نسرين ضحكات وقربات منو ناحية الشجرة.. وتسرحات فالارض حداه تتشوف فالسماء.. ثواني وهوما على وضعيتهم حتى نطقات نسرين..
نسرين: تنظن عمرني فرحت وضحكت فحياتي بحال اليوم..
شوقا شاف فيها ورجع شاف قدانو تيضحك: يمكن حتى انا..
نسرين رجعات جلسات تتشوف خلاتو يتنوا..
شوقا: مالك..
نسرين وقفات تتسوس حوايجها: العشية باقا طويلة.. والمورال طالع.. خلينا نزورو كاع البلايص لي مدة ماشفتيهم.. بغيت نكتاشف المدينة..
شوقا رجع يديه: انا عييت..
نسرين نزلات شفتها ونطقات بغنج: اوبااااا..
شوقا تنهد ووقف تيضحك وتيتسوس فحوايجو: واخا هاني.. فين انمشيو..
نسرين بدات ترمش فيه..
شوقا ضحكاتو: ماتبقايش تشوفي فيا هاكا..
نسرين: واسربي.. ايمشي علينا الحال..
شوقا: تتصرفي بحاليلا انمشيو فحالنا اليوم من هنا.. (فيكسا عينيه فعينيها) من غير الى كنتي باغا تمشي بصح..
نسرين نفات براسها: لا.. مزال مطولة معاكم.. (عوجات تعابير وجهها بطفولية) حتى نطلع ليكم فالراس..
شوقا تبسم وسبقها داير يديه فجيابو.. حتى تبعاتو تتجري..
نسرين: قررتي فين نمشيو..؟
شوقا وقف حدا الباب: نخرجو هو الاول بعدا..
نسرين تعلقات فالباب بلا ماتجاوبو.. ونقزات للجهة لوخرا حتى لحق عليها.. وشافت فيه..
نسرين: يالاه قولي دابا..
شوقا: امم.. الصراحة ماشبعتش اليوم فالغذا.. انمشيو ناكلو..
نسرين سكتات لثواني تتفكر عاد نطقات: فكرة مزيانة..
شوقا: ولكن بشرط..
نسرين بفضول: شنو هو..؟!
شوقا: بدون قيود.. اناكلو لي تشهينا.. بمعنى آخر انرفعو الريجيم علينا بزوج..
نسرين: وخدمتك..؟
شوقا: ورياضتك..؟!
نسرين: صافي لقيتها.. ناكلو لي بغينا.. وغدا نصومو ونلعبو رياضة مكثفة..
شوقا: موافق..
نسرين نقزات سابقاه: ݣرايت.. (مذهل)
شوقا بقا غير تيشوف فيها سابقاه معارفاش فين غادا.. وهو يتبعها شادها من دراعها جارها للطريق لوخرا..
شوقا: من هنا..
نسرين بقات تتشما بهدوء حتى نطقات: اوبا..
شوقا شاف فيها: امم..
نسرين: هضرتي مع الشركة..؟! وباقي الاعضاء عارفينك كاين هنا..؟
شوقا: ياس..
نسرين: مالقيتيش معاهم مشكل..؟! ولا خليتيهم معتاقدين ان باباك مريض..
شوقا: هوما براسهوم كانو مشاركين فهاد المسرحية..
نسرين شافت فيه: مافهمتش..
شوقا: مدة ماجيت لدييغو.. واليديا الى بغاو يشوفوني ولا خويا الكبير تيجيو عندي لسول..
نسرين: ضروري ما ايكون سبب لي خلاك ماتجيش لهنا..
شوقا: كنت فواحد الفترة دخلت فاكتئاب.. وكرهت دييغو بكل مافيها.. هادي اول مرة نجي ليها بعد مابريت..
نسرين بعفوية: تانكس كود (شكرا للرب) انك بريتي..
شوقا تبسم: ياااه.. دابا انا مزيان.. واخا مرة مرة تنحس بستريس ولكن دغيا تيفوتني..
نسرين: كاملين عايشين فستريس يومي.. وتياكلنا من لداخل بلا مانحسو.. ولكن واخا هكك الحياة تتستامر..
شوقا: الناس لي تنتلاقاو بحياتنا اليومية لي تيخليونا نستامرو مع الحياة..
نسرين ومات بالايجاب: هادي متافقة معاك فيها مية فالمية.. كنت محتاجة دفعة جديدة باش نكمل حياتي.. (شافت فيه بهدوء) وحصلت عليها..
شوقا شاف فيها بدورو.. وسها فعينيها العسليين لي ضربات فيهم الشمس.. حتى قفزاتو فاش شيرات لواحد الجهة ونطقات بحماس..
نسرين: شوووف..
دار تيشوف فين تتنعتلو.. حتى لقا واحد تيبيع كوطون كاندي.. (غزل البنات) قربات منو بجرية وهي متحمسة.. حتى لحق عليها وهو تيضحك وطلبو زوج فألوان مختالفة.. بقاو تيتسناوه يوجد ونسرين بدات دور فعينيها حتى شاف فيها شوقا وعرف فاش تتفكر.. تبسم جابد من جيبو بزطامو.. خرج منو اوراق نقدية ومدهم ليها..
شوقا: هادو تاوعك..
نسرين شافت فيه: ها..؟
شوقا: خوديهم باش تحسي براسك شريتيهم بفلوسك..
نسرين: و ولكن..
شوقا حطهم ليها فيديها: عتابريهم سلف..
نسرين بقات تتشوف فيه لثواني حتى تبسمات وكمشات يديها على دوك الفلوس.. حتى نطق البائع بين وجد طلبهم وردو معاه بالهم.. مد شوقا يديه باش يخلصهم ولكن سبقاتو نسرين..
نسرين: انا نخلص.. علينا..
شوقا شاف فيها ورجع يديه لجيبو مخليها على خاطرها..
خلصات البائع وخدات من عندو طلبهم ومدات لشوقا واحد..
نسرين تتلذذ: مدة ماكليتو..
شوقا: عمرني ماكليتو..
نسرين شافت فيه تضحك: كولشي ليه اول مرة..
شوقا فتح فمو باش يجاوبها.. ولكن فاتتو فالمشية ثاني فاش لمحات شي حاجة تتباع.. واضطر يتبعها وهو غا مبتاسم..
كملو عشيتهم تيدورو فالأسواق شعبية حتى ظلام الحال.. جربو ياكلو جميع انواع الاطباق لي تيتباعو.. وحسو براسهم شبعو وماقدروش يزيدو.. وبداو تيتحداو بعضهم شكون ايقدر يزيد ياكل.. حتى استسلمات نسرين مخلية شوقا تيضحك عليها حيت مشات تتقلب على طواليط باش ترجع.. دقائق ورجعات عندو تتمسح فمها ووجهها..
قرب منها شوقا خايف عليها حيت بانتلو صفرة.. ولكن خوفو تلاشا فاش شافها بدات ضحك فاش وصلات عندو..
نسرين: خسرت..
شوقا: نتي بيخير..
نسرين: نتا لي واش بيخير.. انا فرغت معدتي..
شوقا طرطق بالضحك: لا انا بيخير..
نسرين: باقا فكرشك بلاصة لاكلاص..
شوقا نفا براسو وهو تيضحك: لا..
نسرين عوجات شفايفها بطريقة طفولية: اذن ناكل حقي وحقك..
شوقا: بصحتك..
خشات يديها فدراعو وجراتو ناحية لي تيبيع لاكلاص.. خدات زوج بنكهات مختالفة.. وشافت فيه..
نسرين: نمشيو لشي بلاصة نرتاحو باش ناكل فخاطري..
شوقا: كاينين كراسا قراب من هنا..
نسرين: ان نمشيو..
سبق شوقا فالمشية وهي تابعاه تدور فعينيها فرحانة.. حتى وصلو للكراسا وجلسو فصمت.. حتى نطقات نسرين وهي تتمد لشوقا لاكلاص الثاني..
نسرين: شدولي..
خرج شوقا يديه وشد من عندها لاكلاص.. وهي تكات على ظهر الكرسي تتاكل لي فيديها.. وعينيها على الناس لي غادية جاية والاضواء نتاع الاسواق.. طلعات راسها فالسماء لي كانت مغيمة وماتيبان والو من غير الغيام.. رجعات نزلات عينيها وهي تلمح طفل واقف قبالتها وتيشوف فيها..
بقات ترمش فيه لثواني حتى استوعبات بين تيشوف فلاكلاص لي فيديها ماشي فيها.. تبسمات ودارت عند شوقا طيراتلو لاكلاص لي شاد ليها.. وناضت مقربة عند داك الطفل.. تحنات على ركبتها ومدات ليه لاكلاص ونطقات بكورية معكلة..
نسرين: بغيتي هادا..
الطفل وما بالايجاب.. خلاها تبسم كثر..
نسرين: اذن خوذو..
الطفل نفا براسو مرة اخرى خلاها تعبس.. الشي لي لاحظو شوقا لي كانت متبع ليها العين منين ناضت من حداه.. قرب منهم هو الاخر وتحنا تاهو..
شوقا: مالو..
نسرين شافت فيه: تشها لاكلاص ولكن مابغاش يشدو من عندي..
شوقا شاف فالطفل: بغيتي لاكلاص..؟
الطفل وما بالايجاب مرة اخرى..
شوقا: اشمن نكهة بغيتي..
الطفل بصوت رقيق: شوكولا..
نسرين نزلات عينيها للاكلاص لي كانت تتاكل.. كان تاع الشوكولا ولكن قرب يكمل.. وشافت فشوقا..
نسرين: بقا عندي غير نتاع الفاني..
شوقا وقف ومد يديه للطفل: يالاه معايا نشريلك كلاص شوكولا..
نسرين وقفات تاهي: فين هي ماماه..
شوقا بدا يدور فعينيه: ما تتبانش ليا..
نسرين وسعات عينيها: ياكما تلف عليها..
شوقا: كون تلف عليها ايكون تيبكي.. (رجع حنا عند الطفل) فين هي ماماك اولدي..
استوقفهم صوت مرأة جايا تتجري وتغوت.. حتى دارو عندها منداهشين.. وصلا عند الطفل وتحنات معنقاه ومزيرة عليه وهي تبكي..
- ولدي..
نسرين وشوقا شافو فبعضهم ورجعو شافو فيها هي لي هزات الطفل فيديها.. ونطقات تتحني ليهم بإمتنان..
- شكرا ليكم حيت عتانيتو بولدي..
شوقا: واش كان تالف عليك..؟!
الام ومات بالايجاب: تلفلي وسط الناس.. فاش شفتكم تدورو فعينيكم بحاليلا تتقلبو على شي واحد.. وطليت بانلي ولدي معاكم بالفرحة جيت تنغوت.. سمحولي..
نسرين تبسمات ونطقات بالكورية: ماشي مشكل.. المهم تلاقيتو.. كنا اصلا ما انخليوهش بوحدو حتى نلقاوك..
شوقا تبسم من محاولتها باش تهضر بالكورية.. لهجتها مكسرة شوية ولكن لغتها صحيحة وسليمة..
شاف فالمرأة لقاها حناتلهم مرأة اخرى تتشكرهم وبغات تغادر.. حتى نطقات نسرين وهي تتمد ليكلاص لشوقا لي شدهم عليها..
نسرين: تسناي..
غادرات لدقائق ورجعات هازة فيديها كلاص شوكولا.. مداتو للطفل وباستو فخدو.. شكراتهم الام مرة اخرى وتمات مغادرة مخلياهم بزوج تيشوفو فيهم فرحانين..
دارت نسرين عند شوقا شدات من عندو لكلاص ديالها لي قربات تكملو.. ونطقات وهي فرحانة..
نسرين: نهاية سعيدة..
شوقا تبسم فوجهها: يااه.. نهاية سعيدة..
رجعات جلسات نسرين تتكمل الكلاص ديالها حتى لحق عليها شوقا وجلس حداها.. كملات الكلاص الاول ودارت لعندو باش تاخذ الثاني.. وكاع شفايفها قهويين بكلاص الشوكولا..
بقا ساهي فمنظرها لي جذبو من اول مرة شافها.. وكل مرة تتزيد تجذبو ليها كثر.. جمالها.. ضحكتها.. مرحها.. شغبها..
تبسم على منظرها وجبد من جيبو منديل وقرب منها بهدوء تحت استغرابها.. بدا تيسمح ليها فمها وهو تيشوف فعينيها لي بدورها تتشوف فعينيه.. غاصو بزوج فبحر عيون بعضهم بلا مايحسو.. وبداو تيقربو من بعضهم اكثر حتى بقات سنتمترات تتفصل بين شفايفهم..
فيقهم من عالمهم قطرة تاع المطر لي سقطات بيناتهم.. خلاتهم يبعدو من بعضهم محرجين بزوج من الموقف لي كانو فيه بلا مايحسو..
بدات نسرين تتحك عنقها بتوثر وهي تدور عينيها هنا ولهيه.. حتى نطق شوقا بعد مامد ليها الكلاص..
شوقا: تنظن خصنا نرجعو.. (بدا تيشوف فالسماء لي تتنقط بالشوية) الشتاء اتجهد على مابانلي..
نسرين وقفات ودارت عندو: ولكن المشي تحت الشتاء زوين..
شوقا: انمرضو..
نسرين طلعات كتافها بلا مبالاة: ديما تناخذو الاحتياط باش مانمرضوش ولكن تنمرضو واخا هكك.. خلينا هاد المرة نديرو السبب..
شوقا ضحك بخفة ونطق تيشوف فيها: نسرين.. تابعاك مباريات التنس.. الى مرضتي شكون ايلعب..
نسرين: مابقيتش باغا نلعب..
شوقا بصدمة: كيفاش..؟!!
نسرين تبسمات على ردة فعلو: فعلا التنس هو حلم حياتي.. وانني ناخذ البطولة العالمية جزء من حلمي.. ولكن..
شوقا وقف قبالتها بهدوء: ولكن شنو..
حسات بالشتاء جهادت وطلعات راسها للسماء مخلية قطرات المطر تيداعبو وجهها..
نسرين: خلينا دابا نستمتعو باللحظة.. دير بحالي..
طلعات يديها على شكل جناحين وبدات دور باشلوية فرحانة بالشتاء.. مخلية شوقا تيشوف فالناس لي تيهربو يتخباو منها في حين هي باغا تبقا تحت منها..
شافها كيفاش فرحانة وقرر يدير بحالها.. طلع راسو هو الاخر للسماء وبدات الشتاء تتنقط على وجهو خلاتو يتبسم ويفتح فمو بلا مايحس.. وطلع يديه بحال نسرين مستمتع معاها..
حتى نزلات نسرين راسها وتقادات فوقفتها تتشوف فشوقا متبسمة.. قلبها تيخفق بفرحة وسط ضلوعها.. عمرها حسات بالفرحة والراحة لي حسات معاه.. حتى من كالفن ماحساتش بهاد الشعور معاه.. الطمأنينة والسكينة والسعادة القصى لي عاشتهم مع شوقا.. ماكرهاتش تبقا معاه ديما.. حيت لقات فيه مواصفات رجل احلامها..
وساعت ابتسامتها فاش نزل راسو تيشوف فيها.. وقربات منو بهدوء وهوما مبللين بزوج بالشتاء لي مزال خيط من السماء.. وقفات قدامو وحطات يديها على صدرو جهة قلبو... وتعلات على صبعان رجليها وبقات تتشوف فيه مباشرة وهو كذلك..
تخدرو بزوج وهوما تيشوفو فعيون بعض.. حتى غمضوهم وغاصو فقبلة متحكمين فيها بزوج بيهم.. قبلة هادئة مملوءة بمشاعير غير معروفة من غير الانجذاب والاعجاب.. وحتى قطرات الشتاء زادت للمنظر رومانسية اكثر..
شوقا بلا مايحس دور يديه على خصرها جابدها عندو اكثر دافن شفايفها وسط شفايفو.. في حين نسرين طاحلها الكلاص من يديها.. وطلعات يديها مع صدرو بطريقة بطيئة حتى وصلات لعنقو ودورات عليه يديها.. ماحاسينش بشنو داير بيهم بقد ماحاسين غير بالرغبة اتجاه بعضهم..
بعد ثواني قليلة فصلو القبلو منتاشيين.. فتحو عينيهم ببطئ تيشوفو فعيون بعضهم.. وشوقا حيد المونطو تاعو وهو مزال تيشوف فعينيها.. وحطو فوق راسهم مدرق عليهم الشتاء..
بداو تيحسو بالبرد مورا مافاقو من عالمهم الخاص.. ونسرين هبطات يديها من عنقو ودوراتهم على خصرو جهة الكلاوي.. وبدات تهضر بهدوء وهي تتشوف فعينيه..
نسرين: اتمرض.. بالخصوص هاد البلاصة اتضرر من البرد.. نرجعو للدار.. !؟
شوقا تيحس بيديها الدافيين على خصرو: الدار بعيدة.. ما انوصلوش بكري..
نسرين: وشنو انديرو..
شوقا: كاين واحد الكوخ قريب من هنا نتاع بابا.. (شد يديها) تحركي قبل مانزيدو نسردو.. (بضحكة هادئة) وانصدقو مراضين بزوج..
نسرين تبسمات بسباب ضحكتو.. وتمو غاديين فالطريق مدرقين عليهم الشتاء بمونطو شوقا.. كانو تيسرعو فخطاويهم حتى تجهدات الشتاء وحيد شوقا المونطو من فوق راسو مخليه على راس نسرين.. وشد يديها تيجري بيها خلاها تحيد حتى هي المونطو من فوق راسها وتشدو بيديها..
شافها شوقا حيدات المونطو من فوق راسها ونطق معاتبها وهوما مزال تيجريو..
شوقا: اتمرضي..
نسرين مستمتعة باللحظة: نمرضو بزوووج..
شوقا تبسم وكملو جرا حتى وصلو للكوخ لي قال شوقا.. وقفو قدام الباب مدرقين بالسقف.. ونطقات نسرين وهي تترجف..
نسرين: سربي فتح الباااب..
شوقا ضحك على نبرتها وفتح الباب بالساروت لي كان وسط فاز حدا الباب.. دار عندها شافها ساهية مارداتش البال بين فتحو.. وهو يجرها من يديها مدخلها..
شوقا: هاني فتحت الباب..
نسرين بدات دور عينيها على الكوخ.. كان من الخشب ومصبوغ بالبني الغامق.. فيه اثاث خفاف ونقي.. الظاهر تيجيو ليه بزاف..
دارت عند شوقا لقاتو تيقاد الخشب فالمدفأة لي فقنت الصالة.. ومشات هي تتحيد الغطاء البيض لي على الفوطوي.. وحيدات المونطو حاطاه فوق كرسي حتى دار عندها..
شوقا: خصك تبدلي حوايجك.. سيري على يديك ليمن كاينة تما بيت النعاس.. اتلقاي تما حوايج ماما.. لبسي شي حاجة دافية..
نسرين ماهتماتش بهضرتو.. قصدات الشرجم الكبير.. جرات عليه الخامية حتى بان الزاج وبدات تشوف فالشتاء لي كثيرة بزاف وتضرب فالشرجم بقوة.. ماحسات حتى وقف من وراها شوقا تيشوف حتى هو..
شوقا: انبقاو هنا حتى تقطع ونرجعو للدار..
نسرين طلعات فيه راسها: ويلا ماتقطعاتش..
شوقا نزل فيها راسو: انباتو هنا..
نسرين بقات تترمش فيه بشفارها الساردين.. ولي تيزيد شعر شوقا يقطر على وجهها اكثر.. دارت لعندو تتعض فشفايفها وخدودها لي توردو.. مخلية شوقا يثبت عينيه على شفايفها لي تتعض عليهم.. و شوفتها بمنظرها المغري..
شعرها السارد تيقطر والحوايج لي ليصقو عليها.. عنقها لي تيبري بسباب انعكاس الضو عليه وهو سارد.. بلع ريقو تيتحكم فراسو.. ولكن القبلة لي كانت بيناتهم قبيلا شجعاتو.. وحتى من نظرات نسرين ليه شجعاتو كثر.. لي كانت هي الاخرى تتشوف فيه بنظرات مغريين منتشية بمنظرو السارد سيكسي..
عضات على شفتها مرة اخرى حتى شهقات فاش دور شوقا يديه على خصرها وجرها بقوة لاصقها مع صدرو.. ونقض على شفايفها بقبلة فرنسية جامحة.. مدور يدو الثانية على عنقها جابدها عندو اكثر..
في حين نسرين تطلع الكبوط لي لابس مع كرشو.. حتى وصلاتها لصدرو وشوقا لصقها مع الحيط خلاها تشهق مرة اخرى وسط فمو.. طلع يديها للفوق خلاهم معلقين مع الحيط.. كمل نصيل الكبوط لي خلاتو عند صدرو.. وبدا تينصل ليها الكسوة لي لابسة ببطئ حتى وصلو لصدرها لي بان بارز من سوتيان الكوحل لي لابسة..
طلع الكسوة مع يديها ولاحها فالارض وغرس وجهو فعنقها منتاشي بجسمها.. وهي مطلعة راسها للفوق تتنفس بصعوبة.. ومستمتعة بلمساتو على جسدها العاري..
دور يديه على خصرها وتم جارها ناحية بيت النعاس لي كانت قريبة ليهم.. وسد عليهم الباب..
》》... نهاية فلاش باك•
...المظيفة: ماي لايدي.. (شافتها ماتكلماتش وعاودات عيطات) ميسز نسرين..
فتحات نسرين عينيها بعد ماداها النعاس للمرة الثانية فالطيارة.. دورات راسها نايحة المظيفة لي كانت حانية بلباقة..
المظيفة: بقات ساعة الا ربع نوصلو.. بغيتي شي حاجة حيت طول الرحلة ماكليتي والو..
نسرين شافت قدامها وسهات لثانية حتى تبسمات فاش تفكرات ذكرى.. ونطقات وهي تتومي براسها وتتشوف فالفراغ..
نسرين: ياه.. شامبانيا..
المظيفة استغربات من طلبها حيت ماولفاتش تشرب فهاد الوقت.. ولكن تبسمات ومشات تجيبلها طلبها.. مخلية نسرين تتشوف فالشرجم لي حداها..
ثواني وتمات المظيفة راجعة هازة بلاطو فيه كاس شامبانيا.. مداتو لنسرين لي ردات معاها البال فاش كانت جايا.. شداتو من عندها بيدها اليسرى مخلية الخاتم دالزواج لي بحجرة سوداء يبان للمظيفة.. خلاها تبسم وهي تتشوف فيه.. ختى انتابهات عليها نسرين ونطقات بهدوء..
نسرين: عجبك..؟!
المظيفة حسات بالاحراج ولكن اضطرات تجاوب وهي حانية عينيها: سي..
نسرين تبسمات: بغيتي بحالو..؟!
المظيفة طلعات فيها عينيها: بغيت شي واحد لي يبغيني بحال كيف تيبغيك مستر يونغي..
نسرين وساعت ابتسامتها: دابا تلقايه.. توقعي كولشي من الدنيا..
المظيفة تبسمات بعيون لامعة فوجهها.. حتى حسات على راسها واستأذنات مغادرة.. مخلية نسرين تبع ليها عينيها حتى غابت عليها.. وهي ترجع نظرها للكاس لي بين يديها.. ميلات راسها تتمعن فيه النظر والفقاعات لي تي طيلعو للفوق.. حتى رجعات بيها الذاكرة للوراء مرة اخرى..
》》... فلاش باك- قبل 37 عام•
...ناعسة نسرين على جنبها فوق السرير.. مغطية غير باللحاف دالسرير مطلعاه على صدرها.. في حين يديها وعنقها باينين.. متكية راسها على يديها وتتشوف فشوقا لي واقف لابس غير شورط قصير فالكحل.. كان رادلها بظهرو العريض والبيض تيلمع.. وثار انتباهها الغمازات فأسفل ظهرو لي عجبوها..
ثواني حتى تم دار عندها هاز فيديه زوج كيسان تاع شامبانيا.. قرب منها بهدوء وطلع على السرير بركابيه تاوصل عندها.. مد ليها كاس لي شداتو بيدها اليسرى.. وحتافظ بكاسو وتكا على حاشية السرير تيشرب بهدوء.. ونطق بعد ماشاف فيها وطلع الكاس فوجهها..
شوقا: نخب اليوم لي تمردنا على روتيننا..
تبسمات فوجهو وطلعات تاهي الكاس بحالو.. ورشفات رشفة وحدة ونطقات هي الاخرى..
نسرين: الظاهر الشتا ما اتوقفش..
شوقا تبسم: واخا توقف دابا ما انرجعوش.. مشا الحال..
نسرين هزات براسها متفهمة.. حتى شاف فيها وبدا يضحك.. خلاها تبسم حيت نواها ونطقات تتستفسر..
نسرين: مالك..
شوقا: بانلي الشتا عدوة شعرك..
نسرين طرطقات بالضحك فاش فهمات قصدو.. ورشفات من كاسها مرة اخرى عاد نطقات..
نسرين: شعري الى ماصايبتوش تيتقطع..
شوقا: ما تتفكريش تقطعيه..
نسرين نفات براسها: نوب.. تيعجبني الشعر طويل..
شوقا هز براسو: حتى انا..
سكتو لثواني مرة اخرى.. حتى نطق شوقا خلا نسرين تفيق من سهوتها..
شوقا: نسرين..
نسرين شافت فيه: ياب..
شوقا تيدور الكاس بين يديه وتيشوف فيه: علاش قلتي مابقيتيش اتلعبي البطولة..
نسرين نزلات على الكاس كامل وحطاتو فطابل دونوي حداها.. وتقادات فالجلسة شادة اللحاف على صدرها.. وبدات تجبد فيديها حتى وصلات للسوتيان تاعها لي كان حدا رجل طابل دونوي.. هزاتهوم ورداتلو بالظهر تتلبسو.. في حين شوقا مرة يشوف فيها مرة يشوف قدامو تيتسناها تجاوبو..
غير لبسات سوتيان تحنات هزات سترينغ تاعها ووقفات لبساتو بهدوء.. ودارت تتجمع فشعرها كعكة وشداتو بمقابط الباتشا لي لقاتهم مزلعين حدا خديتها..
غير كملات رجعات تخشات تحت اللحاف من البرد.. ودارت لعندو لقاتو تيشوف فيها..
نسرين: مابغيتش نمشي من هنا..
شوقا بقا غير تيرمش فيها لثواني.. ودار حط الكاس فوق طابل دونوي لي فجنبو.. وتخشا تاهو تحت اللحاف ودار لعندها موسد يديه فوق الخدية..
شوقا: علاش..
نسرين تتشوف فعينيه: بغيت نبقا هنا.. (بلعات ريقها) معاك..
شوقا بقا تيشوف فيها مخلي الصمت يطغى على الارجاء.. في حين هي بقات غير تتشوف فيه تتسناه يقول شي حاجة كيف ما كانت.. ماباغاش تفرض عليه راسها.. ممكن تكون عندو حبيبة ولا معجب بشي وحدة.. واخا ضاجعها ماتيعنيش بين ايبقاو بزوج وايكون حبيبها.. ممكن تكون مجرد ليلة عابرة..
بدا تيدخلها الندم على الهضرة لي قالت.. خافتو يفكر انها تتفرض عليه راسها.. ولا يشفق عليها ويقبل بيها تبقا معاه..
فتحات فمها باش تهضر مبدلة الموضوع وتنقذ لالقات ماتنقذ.. وتخرج راسها من الاحراج.. ولكن شوقا سبقها فالهضرة خلاها توسع عينيها..
شوقا: بإمكانك تلعبي البطولة وترجعي..
نسرين: ز زعم..
شوقا قاطعها: ياك باغا تبقاي هنا.. (فيكسا عينيه فعينيها) معايا.. (مد يدو ولمس خدها) حتى انا بغيتك تبقاي..
نسرين توردو خدودها وعيونها لمعو.. خشات وجهها فالخدية حشمانة خلات شوقا يبدا يضحك.. ودار طافي ضو الفيوز لي خلا مشعول.. ورجع دار لعندها جارها لعندو.. وحط راسها على صدرو..
شوقا: بونوي..
نسرين تبسمات ودورات يديها على كرشو: بونوي..
》》... نهاية فلاش باك•
...الابنة: وشنو درتو فداك الكوخ ابابا..؟!
يونغي شاف فيها: والو.. شعلنا العافية وجلسنا تنتعرفو على راسنا اكثر.. تسنينا الشتاء تحبس ولكن ماتحبساتش.. واضطرينا نباتو تما..
الابنة بعيون لامعة: شنو تعاودتو فديك الليلة..؟!
الابن المتوسط: كانو تيصنعو خونا الكبير أ إيلّا..
إيلّا وسعات عينيها بالصدمة.. في حين الباقي حبسو الضحكة.. مخليين يونغي يصغر فيهم عينيه حيت عرفهوم فاش تيفكرو.. تبسم حتى هو ونطق مكمل هضرتو..
يونغي: الغد ليه وقعو بزاف دالحوايج لي ماضربناش ليهم الحساب.. داك النهار تفارقنا بطريقة عمرني تخيلت شي نهار انتفارق بيها مع شي وحدة..
الابن المتوسط: هي مكثرهوم الواليد..
إيلا ضرباتو لكرشو ورجعات اهتمامها لباها: شنو وقع ابابا..؟!
يونغي شاف فيها ورجع بذاكرتو للوراء..
》》... فلاش باك-قبل 37 عام•
...غاديين كل من شوقا ونسرين فالطريق فالصباح راجعين للدار.. لابسين عليهم نفس الحوايج باش جاو والمونطويات بعد مانشفو.. نسرين مدرعة يد شوقا لي دايرها فجيب.. وحاطة راسها على كتفو.. وغاديين ببطئ وهوما تيهضرو ناشطين..
فجأة وقفو ثلاثة طوموبيلات بفران سيك عكرو عليهم هدوء الصباح وزقزقة العصافير.. كانو دايرين عليهم من جميع الجهات خليهوم يكونو الوسط.. شوقا وقف جابد يديه من جيابو وتيدور فراسو ناحية طوموبيلات مفاهم والو.. في حين نسرين تنهدات ونطقات بصوت مال..
نسرين: صافي جيتو..
شاف فيها شوقا مبلونطي.. حتى سمع صوت الباب دإحدى لوطويات تفتح ورد معاه بالو.. شاف شاب خارج من لوطو لابس الكحل من ساسو لراسو.. كومبلي انيق مع كرافاط.. وداير نظاظر سوداء.. طويل وبينتو قوية.. وعضلاتو كانو بارزين من الكومبلي..
أنت تقرأ
فستان زفافها الأسود (مكتملة)
Romans✒ فستان زفافها الأسود.. ✒للكاتبة: Nina Rim ✒صنف القصة: دراما و رومانسية ✒نوع القصة: قصة قصيرة 》● ومن ليالي ديسمبر الباردة ليلتان.. لإحياء القلب وقتله كفيلتان.. لم أكن أعلم عن الحب سوى الدموع.. وحياة مظلمة لا تضيئها شموع.. ظه...
