.
.
[البارت ٢]
.
في بيت أبو عبد الملك
(راحو الشياب)
أبو عبدالملك: يلا قومو أرقدو ورنا شغل بكره
أبو متعب: ابشر
أبو فهد: ابشر
ابو عبد الملك:(راح لغرفته ينام)
أبو متعب: يلا تمس علي خير
أبو فهد: الخير يجيك
أبو متعب:(راح لغرفته ينام)
ابو فهد:(جالس بالصاله يحتري العيال)
ام مشعل: ابو فهد علامك مارحت تنام؟
أبو فهد: احتري عيالس الي مايستحون وفضحوني قدام ابوي
ام مشعل:(تتنهد) يا ابو فهد هم رياجيل ويعرفون سواتهم
ابو فهد: لا ماهب رياجيل الرياجيل يجلسون مع الرياجيل مو مع السرابيت
مشاعل:(كانت تسمع ودخلت)
ام مشعل: مشاعل؟ مارحتي نمتي؟
مشاعل: لا ماجاني نوم قلت اجلس بالصاله(تناضر ابوها) يبه؟ علامك معصب؟
أبو فهد: من اخوانك
مشاعل: علامهم؟
ام مشعل؛ مافيهم شى يلا يلا قومي غرفتس ونامي
مشاعل: ماش ماجاني نوم ابد يا يمه
ام مشعل: اقري المعوذات والكرسي واستغفري ونامي يلا
مشاعل: ابشري(راحت لغرفتها وعلطول دقت علي مشعل)
مشعل:(يرد) ها مشاعل؟
مشاعل: مشعل ترا ابوي بالصاله يحتريكم وكان معصب منكم
مشعل: اني داري حنا جايين هالحين
مشاعل: انتبهو
مشعل: طيب(وسكر الخط)
منصور: من؟
مشعل: مشاعل
منصور: وش بها؟
مشعل: تعلمني ان ابوي جالس بالصاله يحترينا وأنه معصب
خالد: يوه عاد ابوي بيلعنا
منصور: انا اشهد وش السوات؟
مشعل: ولا شى نستسلم للواقع المر
منصور: هو مر من دون شى
(وصلو البيت ودخلو وكان أبو فهد يحتريهم)
أبو فهد: ماشالله مابغيتو تشرفون انت وياه
مشعل: السموحه يبه بس حمد الى حلف علينا السحور عنده
منصور: اي والله ولا حنا اصلا كنا بنجلس
أبو فهد: كان علمتوه ان عندكم رجال؟
مشعل: قلنا له والله بس غصبنا الا نتسحر عنده
أبو فهد:(كان بعصب بس مشعل هداه با رده) مره ثانيه قولو له عندنا رجال سمعتو؟
(كلهم: ابشر)
أبو فهد: (راح للغرفه عشان ينام)
ام مشعل: الله يهديكم يا عيال
منصور: اميمتي حلوه اللبن(يحب راسها وراح للغرفه)
خالد: لبى والله حلوه البن(يحب علي راسها وراح للغرفه)
مشعل:(يضحك عليهم وحب راس امه) تصبحين علي خير
ام مشعل: وأنتم من اهله
مشعل:(يبتسم وراح مع العيال للغرفه)
ام مشعل:(تطفي الانوار وراحت تنام)
.
.
في بيت أبو فاديه
ارياف:(خلصت من السحور وراحت تغسل يدها والمواعين وراحت لغرفتها تنام)
فاديه:(اصلا بغرفه هي وعيالها ونايمين)
أبو فاديه:(باغرفته يشتغل)(طول اليوم ماكان بالبيت)
.
.
بيت ابو فيصل
فيصل:(يدخل بشويش وراح لغرفته ينام)
.
.
(ذهب الليلو وطلع الفجرو والعصفور صو صو ههه)
.
.
(اليوم الثاني الفجر)
(كل أهل الحاره راحو المسجد يصلون ورجعو البيت ولي قيل ولي راح لشغله وكلن لاهي بنفسه)
.
.
(الساعه ١٠ الصباح في بيت أبو عبد الملك)
منصور:(وهو بالمطبخ يكتب. الأغراض الناقصة ومشاعل تنقله) بس كذا
مشاعل: ايه بس هذا
اشجان: كتبت زبادي؟
منصور: ايه يا ام محمد
اشجان: زين
مشاعل: منصور بروح معك
منصور: لا طبعا
مشاعل: تكفى تكفى تكفىىى
منصور: الله يلجك يلا انقلعي البسي عبايتك
مشاعل: ابشر(وراحت بسرعه تلبس عبايتها وجت)
منصور: امشي
(وطلعو من البيت)
.
.
عند بيت أبو فاديه
ارياف:(تكتب الاغراض الناقصة)
فاديه: ارياف لاتنسين الفمتو لانه خلص امس
ارياف: كتبته
فاديه: زين وبسكوت الشاهي بسوي حلا
ارياف: كتبته
فاديه: حليب؟
ارياف: كتبته خلاص تراي اعرف الاشياء (تلبس شنطتها)
فاديه: اخذي عيالي معس
ارياف: لا والله وخريهم عني بس(وراحت بسرعه)
فاديه: افف لاحول مغير تنحاش
.
.
في بيت أبو فيصل
أبو فيصل:(يصحى واخد مفتاح سيارته وراح)
عبير:(كانت تسوي الفطور) حتى فطور عندنا مايفطر كنا فندق
فيصل:(يدخل) صبح صبح عبور
عبير: هلا هلا
فيصل: الريحه لغرفتي
عبير: طبعا الريحه بتوصل لغرفتك
فيصل:(يضحك) الا عبور
عبير: ها؟
فيصل: ابيس الساعه ١١ باليل تصلحين حلا وقهوه بروح لجلسه العيال
عبير: ياذا الجلسه الى لجيتنا فيها ياخي اجلس بالبيت ياولد
فيصل: وش اسوي اجلس مع العيال نسولف ونلعب ونضحك انتي ماعندك غير الحش
عبير: الحش اجل! خل احد ثاني يسوي لك الحلا والقهوه
فيصل:(يضحك وحب راسها) والله انس غاليه من دون طلبي بس مدامك ماتبين تسوين بروح اشتري جاهز
عبير: افا جاهز وأختك عبير هنا؟ لا لا يسوي لك حلًا وقهوه وشاهي نعناع يحبه قلبك
فيصل: الله لايحرمني منس ياخيتي
عبير: ولا منك
فيصل: انا بروح تبين شى ناقص شى
عبير: لا موب ناقص شى واذا ناقص بروح أجيبه انا
فيصل: (يضحك) طيب مع السلامه(حط فلوس علي الطاوله وطلع)
.
.
(في بقاله كومار)
ارياف:(تجمع اغراضها)
كومار:(اول ماشاف منصور جاء بدا يتنافض ومايعرف وش يطلع)
منصور:(يدخل) السلام عليكم(بصوته الحاد ووجهه البارد)
كومار: و..وعليكم..سلام
ارياف:(شافته) بسم الله اللهم سكنهم مساكنهم هو علامه معصب يالله صباح الخير
منصور: لاتشوف محارمنا ياكميره(بغضب وضرب الطاوله)
كومار:(ينزل راسه) اسف صديق انا مافي شوف (برجفه)
منصور: روحي اخذي اغراضس
مشاعل:(راحت وشافت ارياف) اريافف
ارياف:(تضحك) هلا والله مشاعلو
مشاعل: يوه من بعد امس ماشفتكم
ارياف: يوهه عبير جت عندي البيت
مشاعل: تتجمعون من دوني يالخاينات
ارياف: انتي رحتي مع اخوانس وش نسوي عاد
مشاعل: اي صح وش جابس هنا؟
ارياف: وش جابني يعني البقاله اكيد ناقصني اغراض
مشاعل: اي حتى انا
ارياف:(تضحك) نسيت مشاعل ترا بعد الفطور عبير عازمتنا عندها بالبيت تعالي
مشاعل: مدري بشوف امي واخواني
ارياف: زين
منصور: مشاعللل؟(بصوت عالي) خذيتي اغراضك؟
مشاعل: جالسه أخذهم
ارياف:(سكتت من الخرشه)
منصور: اشوفك قاعده تثرثرين
مشاعل: لا لا جالسه اخذ الاغراض(وهي تجمع اغراضها وراحت لمنصور) خلصت
ارياف:(وقفت قبلهم تحاسب)
منصور:(صاد) متأكده كلهم!
مشاعل: اي كلهم
كومار: مدام حساب مال انتي ٣٠٠
ارياف: زين(تعطيه الحساب واخذت الأكياس وطلعت)
مشاعل:(انصدمت من السعر) ماخذت واجد عشان تعطيه ٣٠٠
منصور: كميره الكلب استغلالي(عرف ارياف من صوتها)
مشاعل: مسكينه ارياف راتبها راح
منصور: راتب؟
مشاعل: ايه هي تشتغل دكتوره جروح
منصور:(تفاجاء) ماشالله
مشاعل: كل المحلات يستغلونها عشان راتبها المسكينه
منصور: اها(حط الاغراض علي طاوله كومار) حاسب يلا
كومار:(حاسب وهو يرتجف وخايف من منصور) حساب ١٥٠ريال
مشاعل:(هنا انصدمت من حسابهم وحساب ارياف) انت هي حساب مدام هاذا ٣٠٠ ليه؟
كومار:(توتر) هي اخذ واجد شى
مشاعل: تسذب حنا اكثر منها كم حساب الحرمه الى قبل شوي بالحقيقه
كومار: ٣٠٠ ريال مدام
مشاعل: تستعبط؟ قلت كم حساب حق هي والا خليت منصور يضرب انتا
منصور: كم حساب حرمه قبل شوي(ببرود)
كومار:(يبلع ريقه) ١٠٠ ريال ١٠٠ريال صديق
مشاعل: يالي ماتستحي ١٠٠ وتعطيها ٣٠٠ ليه مو حرام عليك؟
منصور: طلع ٢٠٠ حق مدام يلا طلعها
كومار:(يطلعها بخوف)
مشاعل: والله لاقولها مدام هاذا صديق مال انا
كومار: لا لا مدام انا سوري مافي سوي كذا مره ثانيه
منصور: كم تاخذ منها با الاسبوع؟
كومار:(ينزل راسه) اسبوع هاذا انا اخذ من مدام ١٠٣٠ريال (بخوف)
مشاعل:(تمط عيونها) يالي ماتستحي ١٠٣٠ حرام عليك الله فوق والله لاقول لها والله
منصور: لاحول ولا قوه الا بالله(يا خذ الاغراض ويعطي كومار الفلوس) بقول لمديرك ياكميره
مشاعل:(تاخذ ٢٠٠ ارياف) حسبي الله ونعم الوكيل (وطلعت)
منصور:(طلع معها) مشاعل
مشاعل: ها بعد
منصور: كميره طلع مو سهل(يضحك)
مشاعل: مو سهل علي الضعيفه وانا اقول وين تغدي فلوسها
منصور: كم راتبها؟
مشاعل: وانت وش دخلك تبي تصك الادميه عين مسكينه
منصور: واجد؟
مشاعل: اي واجد وش تبي انت تسأل؟
منصور: يمكن اسوي نفسي كومار وأخذ منها فلوس(يضحك)
مشاعل:(تضرب كتفه) اص بس لحد يسمعك قال ايش بيصير كومار بقول لها تحاسب حقت الاسبوع ذا وتروح تاخذ فلوسها الباقيه من كميره الكلب
منصور: (يضحك) طلع موب هين الهنيدي
مشاعل:(شافت ارياف) عنها ارياف اصبر بروح لها
منصور: طيب اسرعي
مشاعل: طيب (وراحت لارياف) ارياففف
ارياف:(لفت لها) ها علامك؟
مشاعل: ارياف يالمصروعه(تعطيها ٢٠٠ وقالت لها عن سوات كومار)
ارياف: (تشهق) الكلب ملعون ويعترف بعد
مشاعل: منخرش من منصور الكلب بس عانيني علمتك عدي حساب الاغراض الى خذيتيها الاسبوع ذا وروحي اخذي فلوسك واذا عيا يعطيك علميني
ارياف: شكرا ياروحي مدري كيف ارد لك حقك
مشاعل: مابه حق بيننا حنا خوات
ارياف: (تبتسم) ياحبيبتي والله
مشاعل: يلا بروح مع السلامه
ارياف: مع السلامه(راحت لبيتها)
مشاعل:(ترجع لمنصور)
منصور: مابغيتي
مشاعل: وش اسوي كنت اقولها
منصور: امشي بس للبيت
مشاعل: طيب لاتنافخ
منصور:(يدفها بشويش) امشي
.
.
(في بيت أبو فاديه)
ارياف:(تدخل بتعب وراحت تحط الاغراض با المطبخ وطلعت عبايتها) ملعون كومار
فاديه:(وهي تشوف الاغراض) ليه علامه؟
ارياف:(قالت لها السالفه)
فاديه: الكلب الى مايستحي وسخ حسبي الله عليه
ارياف: حسبي الله بس اليوم بحاسب اغراضي حقت الاسبوع ذا وبروح بكره اخذ فلوسي
فاديه: ايه ايه ازين حل
ارياف: الحل الوحيد يلا نسوي الفطور تراي تعبانه وجيعانه
فاديه: (ابتدت با العجين)
ارياف:(تجهز السمبوسه)
فاديه: صح بتودين الأقسام انتي
ارياف: اصلا مافي احد بيوديها غيري جبتي شى جديد!
فاديه: طيب اذا تبين احد يساعدس قولي لعيالي ترا نعين ونعاون
ارياف: شكرا مابي الصحون تتكسر
فاديه:(كملت تسوي الأكل)
ارياف:(كانت تفكر با منصور وكيف كان تعامله) ليه تطلع جانبك الاسوء منك؟ انا اعرف انك طيب وتحب تساعد بس ماتطلع الجانب ذا
فاديه: من؟
ارياف: ولا احد وش فيس داخله با افكاري بعد
فاديه: سمعتس بس
ارياف: ماعليه انا اشوف مسلسل ذي الايام وابي اعرف وش بيصير با حلقه اليوم
فاديه: اهااا طيب كملي كملي شغلس خل عني المسلسلات
ارياف:(تضحك وكملت شغلها)
.
.
(في بيت ابو عبد الملك)
منصور :(عطا الاغراض مشاعل بحكم انه مايقدر يدخل المطبخ وريهام وهنوف وامال وميلا وأم متعب موجودات) انتبهي علي الاغراض لاتتكسر مالي حيل ارجع لكميره
مشاعل:(تاخذ الاغراض) زين طيب (وراحت المطبخ تحطهم)
ريهام: اوف جبتو عسكريمات! من اليوم افكر فيه ومشتهيته الله جابك(تاخذ العسكريمات وتحطهم بالثلاجه) اهه متى يأذن بس
ميلًا: مدري بقى اربع ساعات علي ما اضن
ريهام: اربع ساعاتتت!!!! واجد
ام متعب: اشتغلي والهي نفسك وبتنسين الجوع والضما
مشاعل: اي صح ميلًا ريهام
ميلًا: هلا
ريهام: ها؟
مشاعل: بعد الفطور بنخلص اشغال البيت وبعدها نروح لبيت عبير عازمتنا علي القهوه والشاهي
ميلًا: صدق؟ زين والله الله يجزها خير ودي من زمان نجلس معها
ريهام: اي والله نبي نرتاح شوي
مشاعل: اي ارياف بعد بتجي
ميلا: اها
ريهام: تمام اجل يلا نسوي الفطور بعدها الحلا والقهوه
ميلًا: اي اي بسوي حلا مره حلوو
مشاعل: خلاص انا بسوي القهوه وريهام الشاهي
ريهام: زين
ام مشعل: يلا يابنات ساعدونا بالفطور خلو السوالف بعدين
مشاعل: طيب يمه
.
.
عند العيال با نياق جدهم وأبو متعب
أبو فهد: يا مشعل اخوك منصور وين؟
مشعل: كلمته هالحين وقال بالطريق
خالد: كان يجيب أغراض البيت
منصور:(يدخل) السلام عليكم يا قوم (يقرب يحب علي راس جده وابو فهد)
(الكل: وعليكم السلام)
أبو عبدالملك: منصور ياشقردي رح احلب النياق نبيه علي الفطور اليوم
منصور: ابشر (قمز يحلب النياق)
مشعل:(لحقه يساعده)
منصور: مشعل
مشعل: ها؟(وهو يجيب الدلو)
منصور: تعرف ارياف بنت أبو فاديه؟
مشعل: معرفه شخصيه؟(يضحك) لا والله
منصور: لا انت خبل اقصد تعرف انها تشتغل
مشعل: اي اعرف
منصور: وش تشتغل؟
مشعل: دكتوره عاد مدري دكتوره وشن
منصور: اهاا ماشاءالله
مشعل: اجل حاط عينك عليها؟(يغمز)
منصور: لا ماحطيت بس اليوم صار موقف خلاني افكر وش تشتغل
مشعل: وشن الموقف؟
منصور:(قاله سالفه كومار)
مشعل: اوح هي ما انتبهت؟
منصور: ماضنتي انتبهت وتشتري منه
مشعل: غريبه بس كميره استغل فلوسها المسكينه
منصور: اي بس تتوقع كم راتبها؟
مشعل: مدري بس توقعاتي ٢٥الف او اكثر
منصور: لا شكله اكثر
مشعل: شكله
أبو فهد: يا منصور يلا وين الحليب بنسري للبيت
منصور: جيت جيت (وهو يشيل الدلو)
مشعل:(يشغل السياره)
منصور:(يحط الدلو با الصندوق) انا ومشعل با الشاص
كرم: انا بأخذ ابوي وعمي وجدي
خالد: وانا؟
منصور:(يضحك وركب الغماره) خلك عند النياق
مشعل:(يضحك) عادي اجلس مع عمر(الزول الى يرعا النياق)
خالد: لا والله؟ اقول وخر وخر بركب معكم
منصور: مافي مكان اركب بالصندوق
كرم:(يضحك) تعال اركب معنا
خالد: ولد العم افضل من الاخوان(يركب مع كرم الشياب)
مشعل: نحرك؟
منصور: قدام
مشعل:(يضحك ويحرك)
كرم:(حرك وراهم)
.
.
في بيت ابو فيصل
عبير:(كانت تشتغل بكل طاقتها تسوي الفطور وتسوي القهوه للبنات والعيال والحلا صينيتين وكانت مربطه الطرحة علي راسها)
فيصل:(يدخل عليها) السلام عليكم
عبير:(وهي تشتغل) وعليكم السلام
فيصل: ول ول ول وش ذا كله؟ بيجونا قريش؟
عبير: تنكت انت ووجهك؟
فيصل: (يضحك) بس هاذا كله لمين؟
عبير: البنات بيتجمعون عندي بعد الفطور وانت بعد واخوياك
فيصل: اهااا الله يقويك
عبير: ويقويك
فيصل: تبين شى اجيب شى اساعدك بشى؟
عبير: لا لا اصلا قربت اخلص
فيصل: خلاص اجل انا بالصاله
عبير: طيب
فيصل: (راح وجلس بالصاله يشوف التلفزيون)
عبير:(تكمل شغلها)
.
.
في بيت ريما
ام ريما:(جالسه علي الكنب تنتضر التلفزيون)
ريما:(تناضر جوالها وقمزت) يمههه
ام ريما: وشبس بسم الله عليس
ريما: الملعونات
ام ريما: منهن؟
ريما: العوانس عبير ومشاعل وأرياف
ام ريما: وش فيك وش تبين فيهم العوانس
ريما: مسويات جمعه في بيت عبير بعد الفطور وعازمين بنات الحاره كلهم
ام ريما: وشن؟ حسبي الله عليهم يبون يوخرونهم عنا
ريما: يمههه وش نسوي يا يمهه
ام ريما:(تفكر) والله لاوريهم والله بنات الفقر
ريما: اففف متى يتقلعون بس
ام ريما:(تضحك) اوريهم بس حنا لازم نسحب ارياف معنا
ريما: ارياف؟ مستحيلل ذي صديقتهم الروح بالروح كيف نسحبها
ام ريما: انا اخترت ارياف لانها دكتوره ونستغل الدكتوره شوي وهي لو تصير معنا بنتعدى عبير ومشاعل العوبات
ريما: (تفكر) اي والله بس يمه كيف نقنعها هي حتى سلام ماتسلم
ام ريما: بنخطبها لولد اختي(هو علي ولد أبو علي)
ريما: انتي سمعتيها بالعطار تقول والله ما اتزوجه لو اموت
ام ريما: هه صبر علي بس تعرفين الساحرة ام ثامر؟
ريما: ايه
ام ريما: عرفتي خطتي
ريما:(فهمت علي امها) اهاااا طيب طيب ياعبير ومشاعل العوانس
ام ريما:(تضحك) اصبري علي رزقس
ريما: بنصبر ونشوف
.
.
في بيت ابو فاديه
(فاديه وأرياف يشتغلون بالمطبخ)
فاديه: مانيب رايحه لبيت عبير
ارياف: احسن شى والله عيالك مجنن بيكسرون بيت البنت
فاديه: لا مو علي سبب عيالي يالخبله
ارياف: اجل وشنهو؟
فاديه: بعود لبيتي ولرجلي وبشيل عفشي وبروح بعد الفطور اناشاءالله
ارياف: اهاا طيب درب السلامه
فاديه: بجيكم بعد اسبوعين بإذن الله
ارياف: طيب(تحط الصواني الحلا بالثلاجه)
فاديه: ثلاث صواني الله وكبر عليك
ارياف: وش فيك؟
فاديه: انتم بنات ولا مجاعه؟
ارياف: (تضحك) لا مجاعه يالخبله كلمتني عبير تقول زيدي صينيه عشان نوديه للعيال با جلستهم
فاديه: وانتي وش عليك با العيال يقربون لس وانا مدري؟
ارياف: لا بس عبير ضعيفه كل الشغل عليها وبنجي بيتها وفوق ذا كله حلا للعيال وقهوه لهم قلت اساعدها
فاديه: اهاا تساعدينها ولا حاطه عينك علي واحد منهم؟(تضحك)
ارياف: لا طبعا وش ذا السؤال الغريب يعني مالقيت الا هم
فاديه: مالقيت الا هم(تضحك)
ارياف: خبله والله(تكمل شغلها)
فاديه: انتي الى بتودينه للعيال؟
ارياف: لا بخلي ولدس يوديه
فاديه: طيب
.
.
في بيت أبو عبد الملك
(العيال والشياب وصلو وجلسو بالمجلس)
منصور:(اخذ الدلو وراح للمطبخ وتنحنح قبل يدخل)
مشاعل:(تطلع له) وش فيك تتنحنح سذا؟ حلقك به شى
منصور: لا (يمد الدلو) امسكي هذا حليب النياق جدي اليوم مشتهيه
مشاعل: وش اسوي فيه انا
منصور: خلي امي تسوي فيه انتي وش عليس
مشاعل: (تقلب عيونها) خلاص طيب(تدخل)
منصور:(يروح عند الرجال)
خالد:(راح يودي اقسام الجيران)
منصور:(يجلس ويقلب بسبحته يفكر)
مشعل: منيصير(يضرب يده)
منصور: ها علامك تخريب جو انت
مشعل:(يضحك) اخوي جو علي العاشق
منصور: اوهوو نعيد يعني؟ قلت مانيب حاط عيني عليها
مشعل: وانا مانيب خبل
منصور: ياولد انت وشبك تراك لاحس مخي ذي الأيام والله
مشعل:(يضحك ليتنهد)
ملحوس مخي بسبتك يالزين . . ليتك تفكر فيني ولو شويه
منصور: الله الله بس شعرك بيض ماضبطتها يا شعلول(يضحك)
مشعل: يلا عاد وش نسوي جوعان واثر الصيام فيني ياله ياله جبت شعر ينبلع
منصور: لا وشرقت فيه بعد
مشعل:(يضحك)
منصور: مشعل من الزين الى تقصدها ولا تفكر فيك
مشعل: (يتنهد)
منصور:(عرف من يقصد وقام يشوف المقلط الفطور جهر او لا)يقصد زوجته السابقه او طليقته الى تسمون)
مشعل:(جالسه بصمت)
منصور:(يدخل عليهم بعد ماشيك علي الاوضاع) الفطور جاهز
(الكل قام يغسل وجلسو بالمقلط عشان يفطرون)
.
.
في مطبخ أبو عبد الملك
ام مشعل:يلا يابنات تعالو (وهي بالصاله) بيأذن هالحين
مشاعل: دقيقه يمه
ميلًا: (وهي تحط الكريما علي حلاها) خلصنا بس وين البسكوت المفتفت؟
ريهام:(تعطيها) يلا انجزيي الحريم ينادونا
مشاعل: هذا حلاس؟ حمدالله والشكر معانيتنا وموقفتنا سذا عشان بس هذا؟
ميلًا: مشاعل هو حلا يعني ايش؟ بنخترع المجره مثلا؟
مشاعل: انا احسبنه بيبطي يالمهبوله
ريهام: اي والله صادقه مشاعل نحسبه بيطول وانتي حمستينا علي لاشئ
ميلًا: اص اص انتن وش عرفكن (تحط حلها بالثلاجه)
(يأذن)
(البنات طلعو من المطبخ جري للصاله)
ام عبدالملك: ابك انتن علامكن طولتو وش تسون بالمطبخ؟
ريهام: نسوي حلا ياجده
ام عبدالملك: الحلا وشن
ام مشعل: عمتي الحلا ينأكل بس فيه سكر واجد وحق القهوه والجلسات
ام عبدالملك: اها
مشاعل: ميلا ازحفي [مدري كيف اشرح لكم بس تبعد شوي من جنبها]شوي انا انحشرت[المكان ضيق او انخنقت)
ميلًا: لا حتى انا انحشرت وين ازحف؟
مشاعل: مدري بس زحي بتربع
ميلًا: كيف تتربعين يالخبله حشر المكان
مشاعل: اص(تتربع بالقوه) اهه يا الراحه
ميلًا: مشاعل حرام عليك انتي ارتحتي وانا انحشرت
مشاعل: تربعي
ميلًا: مقدر
مشاعل: حاولي
ميلًا:(تحاول الين تربعت)اف يا الراحه صدق راحه راحه
مشاعل: قلت لس
ام متعب: يابنات سمو واكلو يلا
(الكل: بسم الله)(بدو يأكلون)
.
.
(كذلك عند الرجال والحاره سمو وابتدو يفطرون اول ماسمعو الاذان ولاهي الا دقايق ورجال الحاره راحو يصلون المغرب والحريم ببيوتهم يصلون)
.
.
في بيت أبو فاديه
فاديه: (تسلم من صلاتها)
ارياف: (تسلم من صلاتها)
فاديه: ارياف
ارياف: هلا؟
فاديه: بتروحين السوق شويات؟
ارياف: (لعرفت تبي شى) ايه علامس؟ تبين شى؟(هي اصلا ماتبي شى بس عشان فاديه)
فاديه: اي والله توحمت علي ورق عنب تبيعه ام سعيد عند السوق
ارياف:(تقوم) طيب ابشري بروح اجيبه [معلومه ارياف مأخذه اجازه من شغلها ثلاث ايام]
فاديه: (تبتسم علي رغم ارياف الى تهاوشها الا انها ماترفض لها طلب وتحبها)
ارياف:(تطلع شرشف الصلاة وراحت غرفتها تلبس عبايتها وتاخذ شنطتها ونزلت) بس ورق عنب؟
فاديه: اي بس
ارياف: طيب تمام
فاديه:(تقوم تصلي السنن)
ارياف:(طلعت من البيت) يوه توهم يطلعون من المسجد(وهي تدور بعيونها علي ابوها)
.
.
ناحيه ثانيه
(ابو فاديه وابو فهد يسولفون وقدامهم أبو متعب وابو عبدالملك ووراهم العيال)
أبو فهد: مدري علامهم كلهم مايبون الزواج
أبو فاديه: الله يعين كلهم رجال ويعرفون ان الزواج يكمل نص دينه وأرياف بعد رافضه الزواج
أبو فهد: ليه علامها؟
منصور:(انشد لحديث ابو فهد وابو فاديه)
أبو فاديه: تبي تكمل شغلها وتعتمد علي نفسها وتقول السن المناسب للزواج ٣٠
أبو فهد:(يضحك) ابك انا تزوجت زوجتي الثانيه وعمري ٢٥ والحمدالله العيال واجد
أبو فاديه: الأجيال تختلف يا ابو فهد انت عندك اكثرهم ماشاءالله عيال وانا عندي بنتين وتزوجت وحده وتبقت الثانيه عيوني الثنتين ولا اقدر ارد طلبها ولا اغصبها علي شى واندم
أبو فهد: انا افهمك يا أبو فاديه بس البنت مالها الا بيت زوجها وعلي كم مره خطبها ورفضت
ابو فاديه: لاتكلمني علي البخيل علي والله ثم والله مايتزوجها وراسي يشم الهوا
منصور:(يبتسم لاشعوريا)
مشعل:(بعد ماسمع الكلام وشاف ابتسامه منصور عرف انه مب خالي بس يحتري يوصلون البيت)
أبو فهد: يا ولد لاتحلف الزواج قسمه ونصيب
أبو فاديه: وهذا ماهو قسمتها ولا نصيبها
أبو فهد:(يسكت)
أبو فاديه: ازوج بنتي واحد شاريها موب بخيل وشاريها عشان فلوسها وراتبها
أبو فهد: صدقت
أبو فاديه:(يلف يم بيته وشاف ارياف واقفه) توصي شى؟
أبو فهد: سلامتك بس والله لتتسحر عندنا
أبو فاديه: لا يا أبو فهد ليه حلفت
أبو فهد: جاك العلم
أبو فاديه: (تنهد) اناشاءالله (راح لارياف)
مشعل:(يضرب كتف منصور) اندري انك منب خالي من ورا هالابتسامه
منصور:(يعود لبروده) اي ابتسامه؟
مشعل: ابتسامه منك سمعت ان أبو فاديه مابيزوج ارياف علي
منصور:(حس انه انكشف) يلا انا بروح لفيصل بقهوه السوق (انحاش للسوق)
مشعل: والله لوريك يامنيصير تحب من ورنا ها
.
.
عند بيت أبو فاديه
أبو فاديه: ارياف علامس واقفه برا؟
ارياف: يبه انا بروح لسوق
أبو فاديه: تبين فلوس؟
ارياف: لا يبه الله يجزاك خير بس ابي استأذن منك عشان ماتقول اني رايحه بدون اذنك
أبو فاديه:(يضحك) تبين اذني لس راسي كله
ارياف: (تضحك) انا ادري عشان كذا بروح لسوق تبي شى؟
أبو فاديه: سلامتس وانتبهي علي عمرس من عيال الحرام
ارياف: ابشر(وراحت لسوق)
ابو فاديه:(يدخل البيت)
.
.
في بيت ابوعبد الملك
(الرجال با المجلس يتقهون)
خالد:(كان يصب لهم القهوه)
كرم: سلمت
خالد: تسلم يا ابو خالد
كرم: (يضحك)
خالد: ترا بتسميه خالد سمعت؟
كرم: انشالله
خالد:(يكمل يصب القهوه)
.
.
في بيت أبو عبد الملك عند البنات
مشاعل:(تسوي القهوه)
ام مشعل: مشاعل لقمتي القهوه؟
مشاعل: اي يمه اي وانتضرها تفيح
ام مشعل: زين متى بتروحون لعبير؟
مشاعل: بعد صلاه العشاء اناشالله
ام مشعل: يلا اخلصي قهاوي الرياجيل وبعدين جهزي قهوتك
مشاعل: ابشري
ريهام: مشاعل القهاوي واجد
مشاعل: طيب؟ الرياجيل يلزطونها
ريهام: ماشاءالله عليهم
ميلًا: وحنا؟ قهاوينا وين؟
مشاعل: يالخبله بنسوي قهاوي الرياجيل اول بعدين حنا
ميلًا: اها كذا زين
خالد:(يجي وطق باب المطبخ) مشاعل؟ وين القهوه؟
مشاعل:(تحط دلال القهوه با صينيه و ميلًا تفتح الباب وراحت ورا الباب عشان خالد مايشوفها) هاك هاك الله لايشغلنا الا بطاعته
خالد:(ياخذ الصينيه) ايوهه عشان ما اجيكم
مشاعل: رح رح بس
خال:(يضحك وراح لرجال يصب القهوه لهم)
.
.
في بيت أبو فيصل
عبير:(بعد ماخلصت الفطور والصلاه قمزت تنضف البيت مره ثانيه عشان الحريم)
فيصل: عبور انا بروح للسوق بتقهوى هناك وانتي اذا خلصتي الحلا والقهوه دقي علي اخذها
عبير: ابشر(وهي تكنس)
فيصل: تبين شى من السوق؟
عبير: لا لا ما ابي
فيصل: طيب مع السلامه
عبير: مع السلامه
فيصل:(طلع وراح لسوق)
عبير: (تكمل ترتيب البيت وتنضيفه)
.
.
في السوق
منصور:(جالس با قهوه السوق وجنبه حمد يسولفون)
منصور: الا حمدمد
حمد:(يضحك) ها
منصور: ابسألك
حمد: اسلم
منصور: ارياف بنت أبو فاديه علي كم مره خطبها؟
حمد: اوهه خمس مرات وكلها قبلت بالرفض
منصور: اوح خمس مرات؟
حمد: اي والله وكل شوي ترفضه الا انت ليه تسأل؟ تبيها؟
منصور:(يضحك وهو يلعب بشاربه) لا وين (يضحك)
حمد: بنت اكابر ماترضى الا علي مستوها
منصور: ليه؟
حمد: امي تقول كذا وتقول جوها خطاطيب واجد ورفضتهم
منصور: بسبب؟
حمد: امي تقول ماترضى الا علي مستوها والناس يقولون انها ماتبي تتزوج وأبوها يقول مانيب غاصب البنت
منصور: اي تهقى في سبب مقنع اكثر؟
حمد: لا والله
منصور: فيها شى عشان تعيي مو معقوله بتجلس الين ال٣٠ وبتتزوج
حمد: هو صدق مو معقوله بس البنت وكيفها يمكن عشان وفاه امها الله يرحمها
منصور: الله يرحمها يمكن كل شى جايز
فيصل:(يدخل) السلام عليكم(يسلم علي العيال(
منصور: وعليكم السلام(يسلم عليه)
حمد: وعليكم السلام هلا بالي قاطعنا (يسلم عليه بعد منصور)
فيصل:(يضحك) تأخرت خمس دقايق وصرت قاطعكم؟
منصور: اقول اجلس اجلس
حمد:(يضحك)
فيصل:(يجلس) ياعيال لاتكثرون قهوة السوق ترا الحريم مسويات قهاوي زينه للجلسه
حمد: اي منصور من اولا يجغد من قهوته
منصور: (يضحك) بس بس مبي
فيصل: منصور الساعه ٩ وأنتم بالجلسة موب ١٢ عشان الوقت
منصور: زين زين بقول لخواني
فيصل: تم
(سكتو على دخول علي الى راح لخوياه)
فيصل: مافي سلام الله لاتبلانا
حمد: ماعليك بخيل حتى بكلامه
منصور: بخيل على كلام ربي؟ وشفيه مكشر كذا مصروع
حمد:(يضحك) رفضته مره سادسه
منصور: معاد في كرامه!
فيصل: قدام القلب والحب ماعاد فيه ولا بيكون فيه
منصور: مو لذا الدرجه عاد
فيصل: وأكثر ماجربته انت بس طاري الى تحبه ينفضك نفض ماعاد تعرف قبلتك
حمد: الله الله مالي ومال هذا الحب اتزوج بنات عمي ولا امي تختار لي
فيصل: ماتدري يمكن يجيك هذا الاحساس وينفضك انت وشماغك (يضحك)
حمد:(يضحك) لا يارب مابي اجي نفس علي
منصور:(ساكت يفكر)
فيصل: الا منيصير علامه ساكت لايكون نافضك الحب بعد!
منصور: (انتبه وجلس يضحك) ياليت بس ماضنتي
فيصل: ليه عاد؟
منصور: ماش يعور الراس
حمد:(يضحك) والله انه نافضه
منصور: انا وشوله اجلس مع مصرع مثلكم ها(يقوم)
فيصل:(يسحبه يجلس) ماهوب على ياولد صادق انت؟
منصور: حمد يسذب لانفضني ولا شى انا انفض ما اتنافض
فيصل: اخلص علينا وعلمنا مني يالي تنفض ماتتنافض
منصور: لاحول فيصل انت من عقلك تصدقه؟
فيصل: ماقال شى الا وشايف عليك شوفه
منصور: لاشوفه ولا شى بس خل عني الكلام هذا
فيصل: زين زين انت وين تروح؟
منصور: بعود البيت
فيصل: اجل تم على موعدنا؟
منصور: اي تم تم
فيصل: طيب
منصور:(راح بس قبل مايروح البيت مر بقاله كومار)
.
.
في بقاله كومار
ارياف:(بعد ماخلصت من ام سعيد راحت لكومار) اقول طلع الفلوس والله ترا ها ادق على الشرطه تجي تشيل انتا
كومار:(ببرود) ماعندي فلوس حق انتا مدام
ارياف: كوماررر لاتجنني طلع الفلوس
كومار: اووو مافي فلوس لك انتي
ارياف: زين زين انا بدق علي مشاعل تجي هي واخو هيا منصور تعرف؟(هي داريه ان كومار ينخرش من منصور)
كومار:(اول ماشاف منصور خاف وتربط لسانه)
ارياف: اففف كومار بسرعه طلع ٥٩٩ هالحين يالسراق (هي عدت الفلوس الزايده الى اخذها كومار وطلع ٥٩٩ الى اخذها زياده لان الباقيه اغراضها)
منصور: السلام عليكم (بصوته الى اذا سمعه احد بدا يرجف من قوه وفخم الصوت)
ارياف:(تصنمت وابتعدت شوي)(بداخلها: ياربييي هذا وش جابه هالحين فاضيه لك)
منصور: كومار علامك ماترد السلام!
كومار: عل..عليكم س..سلام
منصور: ايه ابي حمضيات
كومار: طيب طيب(وراح يجيب الحمضيات وجاء) بريال ونص
منصور:(عرف ان ارياف جايه عشان الفلوس الى سرقها كومار منها بس مايعرف وش يسوي وعطا كومار الفلوس ريال ونص) (ودخل يسوي نفسه يشتري شى)
ارياف: (عرفت انه دخل البقاله وتضن انه مايسمعها) كومار تطلع الفلوس ولا شلون؟
كومار: شلون انتي في تبي تسرقي انا؟
ارياف: انت سرقتني انا كيف اسرقك باخذ فلوسي الى زايدن عليها
كومار: مافي فلوس انتي
ارياف: عطني رقم صاحب المحل طيب يلا اسرع
كومار: مابعطي رقم حق انتا
ارياف: كومار عطني الرقم
منصور:(كان يسمعهم)
كومار: ايش قول؟ كومار اخذ فلوس زياده مدير وفلوس ٥٩٩
ارياف: وش عليك انا وش تقول انت تشتغل هنا يعني عطني الرقم وانت ساكت
كومار: ايش ساكت(يرفع صوته) روحي برا مافي فلوس حق انتي
ارياف:(انصدمت) جايه اشحذ منك انا
منصور:(يجي) كميره تصرخ علي الحرمه؟(بعصبيه)
كومار:(انخرش ونزل راسه)
ارياف: (انصدمت من منصور)
منصور: عطها الى تبي
كومار: تبي فلوس مال هيا وانا مافي فلوس حق هي
منصور: والرقم؟ عطها رقم مديرك
كومار: لا لا مدير في يطرد انا بعطي فلوس حق هيا
ارياف: انا ابيه يطردك يالكذاب ابي رقم المدير عطني الرقم
كومار:(يعطيها)
ارياف: (تسجله بجوالها وطلعت)
منصور: لا اشوفك ياكميره تصرخ علي الحريم فهمت؟
كومار:(يهز راسه)
منصور: تهز راسك ماتدري وين الله حاطك (يطلع وسمع أرياف تكلم المدير ووقف يسمع)
ارياف: اي هو كومار ليه ياخذ كذا.... لا مابي الفلوس خلاص بس الفلوس حلالك انت وكومار ريال واحد من الفلوس هاذي ماياخذها .... طيب شكرا مع السلامه(تسكر الخط وشافت منصور وصرخت رعب)
منصور:(انخرش) علامس يالمصروعه(من الخرشه)
ارياف: بسم الله انت وش جابك هنا سكنهم مساكنهم
منصور: سكنهم منس اعوذ بالله أذني راحت فيها ياوجه الله(وهو يمسك أذنه)
ارياف: جاي وراي وانا اكلم وتبيني ما اخاف ولا اصرخ؟
منصور: الشارع مو بسم ابوك
ارياف: ولا بسم ابوك
منصور: (عرف من يكلم وراح لبيته وهو ماسك اذنه وضحك اول ماتذكر موقفهم)
ارياف: (تمشي لبيتها) المصروع هو بعد ذا الى ناقص يقول لي مصروعه
.
.
في بيت أبو عبد الملك
منصور:(يدخل وهو ماسك اذنه) السلام عليكم (يجلس جنب مشعل) يوك الله يستر بس لايكون طبله اذني منفجره
أبو عبد الملك: وعليكم السلام منصور انت علامك مساك اذنك؟
منصور: ولاشى بس عوار خفيف ويروح
أبو عبدالملك: ايه
مشعل: منصور
منصور: هااا تكفى يامشعل ارخي صوتك اذني رايحه فيها
مشعل: علامه بعد؟
منصور: بقولك بعدين مغير هالحين بقولك ترا فيصل يقول الساعه ٩ وحنا بالجلسة
مشعل: زين السحور ٨ بنتسحر وبعدها نروح للجلسه
منصور: طيب
(الشياب كملو يسولفون)[كلام مالنا به هههه]
.
.
في بيت أبو فاديه
ارياف:(تدخل) السلام عليكم
أبو فاديه:(جالس يتابع التلفزيون وعيال فاديه حوالينه) وعليكم السلام
ارياف:(تعطي فاديه الأكل) هاك الى طلبتيه وترا جبت محاشي ورز دجاج منها
فاديه: واجد مره يا ارياف
ارياف: عادي بتاكلونه
فاديه:(راحت للمطبخ تحطه با صحون)
أبو فاديه: ارياف ابيك بعلم بيني وبينك با غرفتي سامعه؟
ارياف: ابشر يبه هالحين؟
أبو فاديه: اي طلعي عبايتس والحقيني الغرفه
ارياف: طيب(وراحت غرفتها تطلع عبايتها)
أبو فاديه: (راح غرفته)
ارياف:(راحت لغرفه ابوها)
أبو فاديه: سكري الباب
ارياف:(تسكره) هلا يبه(تجلس) تبي شى؟
أبو فاديه:(يتنهد) ارياف انتي خابره ليش ناديتس
ارياف: (عرفت) يبه سالفه الزواج انا قلت لك
أبو فاديه: الين متى؟ انا مدري متى اموت وانا ابوك وابي اشوف عيالك وافرح
ارياف: انا ادري يبه بس انا ما ابي الزواج الحين
أبو فاديه: متى تبين؟
ارياف: يبه انا ما ابي من الرياجيل الى جوني يخطبوني
أبو فاديه: علميني ليه رافضه ليه
ارياف: شفت كلامهم يبه اسلوبهم بالكلام؟ انت اصلا عارفهم كلهم واحد واحد مايحتاج انا اقول
ابو فاديه: طيب في رجاجيل ونعم فيهم ليه معيه عليهم
ارياف: يبه انا بفتره ما اقدر اتحمل منهد حيلي والله يبه انا مابي اتزوج الحين واخليك
ابو فاديه: وانتي وش عليس مني؟ تزوجي عيشي حياتك يابنتي ان كانك تحبيني وانا ابوك تزوجي
ارياف:(تقوم) يبه انت عارف اني احبك من دون سالفه الزواج هاذي(تفتح الباب) مابي الزواج هذا يبه
أبو فاديه: عندك السنه هاذي بس والسنه الجايه انتي ببيت زوجك
ارياف:(تطلع لغرفتها معصبه وقفلت علي نفسها) غصب يعني الوضع غصب(تتأفف وتدق علي مشاعل)
.
.
في بيت أبو عبد الملك في المطبخ
ريهام:(وهي تاكل العسكريم) اهه يسرسح علي القلب
ميلًا: اي والله (وهي تاكل). باردد اوف
مشاعل:(تضحك) ويسرسح علي السبد بعد
ريهام: مشاعل جوالك يدق
مشاعل: (تاخذ جوالها لترد) هلا والله بالزين(تضحك)
ارياف: هلا فيك مشاعل
مشاعل: ها؟
ارياف: احد عندك اسمع صوت
مشاعل: اي ميلًا وريهام ليه؟
ارياف: ايه سلميلي عليهم
مشاعل: بنات ارياف تسلم. عليكم
ريهام: الله يسلمها
ميلًا: الله يسلمها تصبر شوي بنجيها (تضحك)
ارياف:(تبتسم) اناشاءالله
مشاعل: أطراف علام صوتك؟
ارياف: مشاعل روحي غرفه خاليه بتكلم معك
مشاعل: تبشرين(راحت غرفتها)
ميلًا: وش بها ارياف؟
ريهام: مدري والله يمكن تعبانه ولا شئ
ميلًا: مسكينه اذا تعبانه
.
.
في غرفه مشاعل
مشاعل: ها علامك فيك شى؟
ارياف: اههه يامشاعل مخنوقه مخنوقه
مشاعل: ليه وش فيك؟
ارياف: نفس موال الزواج من ابوي
مشاعل: يوهه عاد وش الجديد دايم ابوك كذا
ارياف: (تضحك) الجديد انه قال لي السنه هاذي بس والسنه الجايه ببيت زوجك
مشاعل: وشو مافهمت؟
ارياف: كنه يطردني من البيت
مشاعل: طرده محترمه صراحه
أرياف: الا سوء المنقلب استغفرالله وش السوات هالحين؟
مشاعل: تدورين علي عريس
ارياف: تستهبلين؟
مشاعل:(تضحك) امزح بس وش تسوين؟
ارياف: مدري مدري انا داقه عليك تساعديني مشاعل مو تزيدين الطين بله
مشاعل: شوفي انا ماعندي حل وسط ابد اخذي لك بيت لحالك اسكني فيه السنه الجايه ولا تزوجي واسكني ببيت زوجك
ارياف: انجنيتي مشاعل وش ذا الكلام؟
مشاعل: الخيار الاول مايمديك الثاني كذا ولا كذا بيصير
ارياف:(تتأفف) يعني
مشاعل: يعني استسلمي يابنت الين متى بتسوين نفسك قويه علي الزواج
ارياف: بس انا ابي شخص احبه ويحبني مشاعل
مشاعل: بتحبون بعض بعد الزواج الله يعافيك
ارياف: وانا مابي كذا
مشاعل: الحين الدكاتره مافي واحد حبيتيه فيهم؟
ارياف: لا للاسف
مشاعل: طيب ابوك ماحلف عادي
ارياف: هو ماحلف بس جايز يحلف با اي وقت
مشاعل: صادقه طيب تعالي بيت عبير ونقول لعبير يمكن تلاقي لنا حل
ارياف: طيب الله يستر بس
مشاعل: مع السلامه
ارياف: مع السلامه
(سكرو الخط وكل وحده تفكر با حل)
.
.
في بيت أبو ريما
ام ريما:(عزمت كل حريم الحاره الا عبير ومشاعل وعزمت ارياف)
ريما: مابتجي يمه ليه عزمتيها
ام ريما: بس كذا يمكن تجي
ريما: كل الحريم بيجون!
ام ريما: اي مو كلهم نصهم لان النص الثاني عندهم اشغال مايقدرون يجون لابيتي ولا بيت العانس
ريما: كذا حلو عجبتيني يمه
ام ريما:(تضحك بخبث) أوريك فيهم
.
.
في بيت أبو فيصل
عبير:(اول ماشافت رسايل الحريم وعرفت عزيمه ريما انقهرت مره) اوريس يا ام العش وعجوز قريح تحطون راسكم براسي يالسلوقيات! طيب طيب بنشوف من يفوز (قامت تحط الطاوله وتحط عليها الحلا وراحت المطبخ تحط قهوه وشاهي والحلا حق العيال بالسله ودقت بفيصل يجي ياخذها)
فيصل:(جاء وراح المطبخ وأخذ السله) زين اسمعي عبور
عبير: ها؟
فيصل: خلاص بس كذا؟
عبير: اي بس وترا بتجيكم حلا وقهوه وشاهي ارياف الله يجزها خير ساعدتني
فيصل: امين تم اجل تبين شى دقي علي
عبير: طيب
فيصل:(طلع لجلسه العيال)
.
.
في بيت أبو عبد الملك
(بعد ماتسحرو الشياب وقامو لغرفهم يرقدون والحريم راحو بيت عبير يسهرون والعيال بالجلسه حقت الشباب)
.
.
عند جلسه العيال
منصور: ارخو اصواتكم بالله
مشغل:(يضحك) انت وش جابك ورها تستاهل(قاله منصور السالفه)
منصور: وانا وش دراني انها بتصرخ سذا
حمد: يلا يمكن فتحت قلبك(يضحك)
فيصل: افتحت شرايينه بعد
منصور: ليتكم ساكتين بس
بتال:(ولد فاديه عمره ١٣ سنه)( جاء ومعه سله قهوه وشاهي وصينيه حلا) سلام عليكم
(العيال: وعليكم السلام)
بتال:(يحط السله القهوه وصينيه الحلا على الطاوله) من خالتي ارياف
منصور:(سمع اسمها وسكت علطول)
فيصل: زين اقلط بتال
بتال: لا بنعود مع ابوي البيت
فيصل: طيب درب السلامه
بتال: الله يسلمك(نزل من الجلسه وراح لبيت أبو فاديه)
حمد: ياعيال ارياف لها اخو بيننا!
مشعل: لا وين (يضحك)
منصور: وش السالفه؟
فيصل: لا سالفه ولا شى بس هي تساعد اختي الى ما امدها تسوي قهوه زياده النا ولا حلا ثاني كلمت ارياف وأرياف ماقصرت
حمد: اهاا
مشعل: مادريت ان دكتوره تعرف للقهوه والشاهي والحلا احسب انها ماتلمس شى(يضحك)
حمد: ياعيال الاهم انها ماتسممنا بس
خالد: اوف عاد شكل الحلا يشهي مره
منصور:(تذكر الموقف وضحك) صب لي قهوه بس
خالد: من قهوتها ياعيال؟
حمد: قدام
فيصل: نجرب
مشعل: ان تسممنا بندبسها بها
منصور: اجل وشن (يضحك)
خالد:(يفتح السله وطلع القهوه) الريحه تشق الراس(يصب لهم)
.
.
عند بيت عبير
ارياف:(تجي متأخر ودخلت) السلام عليكم
(الكل وعليكم السلام)
ارياف:(تفصخ عبايتها وسلمت علي الحريم وراحت تطلع القهوه والشاهي من السله وصفقتهم علي طاوله الحريم وحطت صنيتين الحلا علي الطاوله)
مشاعل:(قامت تساعدها) ارياف
ارياف: ليه تاخرتي؟ كنت اساعد فاديه با اغرضها بترجع لبيتها
مشاعل: اها
عبير:(تصب القهوه للحريم)
ميلًا: ماعرفت هاذي منهي؟
ريهام: ارياف علي ما اضن
ميلًا: يازينها زيناه تجنن
ريهام: قولي ماشالله لاتصكين الادميه عين
هنوف: هاذي من؟
ريهام: مدري شكلها ارياف
امال: حلوه ماشالله
ريهام: اي من يومها حلوه
هنوف: هاذي الدكتوره؟
ريهام: اي اذا كانت ارياف
هنوف: تجي تعالجنا بعد ماشفنها
اشجان: طحت بغرامها بنات حلوه حلوه
ريهام: بنات شوفو نضرات ام مشعل لها (تضحك)
ميلًا: في زواج قريبب حماس
هنوف:(تضحك) عينها عليها يابنات ماوخرتها
امال: ما الومها
ميلا: اي والله
اشجان: بنات امي ماتناضر كذا الا في زواج استعدو (تضحك) الحين تفكر من تخطبها له
ارياف: مشاعل(بهمس)
مشاعل: هاا
ارياف: انا فيني شى ولا
مشاعل: لا ماشالله عليك تجننين
ارياف: وش السالفه ليه امك تناضرتي كذا شكلي ماعجبتها
مشاعل: (تضحك) اخر مره شفت النضرات هاذي وهي تناضر زوجه اخوي مشعل السابقه وعلطول خطبتها
ارياف:(توسع عيونها) وش تقولين انتي
مشاعل: اي والله
ارياف: وخري بس خل عني زواج (تاخذ الحلا توزعه)[بنات السموحه بس في صينيه حلا تتقطع وتنحط با صحون وفي زي حلويات كذا مغلقه تتوزع علي الضيوف ويفكون الغلاف منها انشالله فهمتو لأني ابدا ما اعرف افهم احد ذي الامور]
ارياف:(ابتدت با ام متعب)
ام متعب: بس ياقلبي ما اكل حلا
ارياف:(تبتسم وراحت لام مشعل)
ام مشعل:(تبتسم لها واخذت حبه) سلمتي
ارياف: الله يسلمك(ومرت ووصلت عند ريهام والبنات)
ريهام:(تاخذ حبه) انتي ارياف؟
ارياف: اي (تبتسم تتقدم تمد لميلا)
ميلًا: شكرا(تبتسم تاخذ حبه)
ارياف: (راحت لاشجان وبعدها الهنوف وبعدها امال وانتهت وحطته علي الطاوله)
عبير: ارياف ماعرفناك طلعتي صدق راعيه ضيافه
ارياف: طايحه من عينك مالت عليك
مشاعل:(جالسه جنب ميلًا وريهام يسولفون)
ميلًا: مشاعل تكفين نادي ارياف تجلس معنا
ريهام: اي اي ناديها
مشاعل: نادوها انتم
ريهام: ياشين السرج علي البقر ياخي مشاعل نديها تسوين معروف
مشاعل: خلاص طيب (تنادي ارياف تجلس جنبهم)
ارياف:(تجلس جنبهم)
ميلًا:(تناضر ارياف) اءاءء كم عمرك؟
أرياف: ٢٦ (تبتسم)
ريهام: ماشالله انتي دكتوره جروح صح؟
ارياف: اي
ريهام: تصدقين كنت بدخل دكتوره جروح بس في بنات قالو صعبه صعبه مانقدر عليها ودخلت طبيبه بيطريه
ارياف: اي حتى قالو لي تبين الصراحه صعبه اول مادخلتها وبعدين تعودت عاد وش اسوي
ريهام: صادقه والله
اشجان: ارياف اختك فاديه وين؟ ليه ماجت؟
ارياف: راحت لبيتها وما قدرت تجي
اشجان: اها
مشاعل: (قامت وسحبت ارياف لمطبخ عبير وعبير فيه) صدق الى سمعته بالجوال؟
ارياف: اي والله
عبير: وشن؟
مشاعل: ارياف ابوها يقول تزوجي
عبير: وش صاير بعد؟
مشاعل: اجل وش صاير عندس؟
عبير: عجوز قريح عازمه كل حريم الحاره الى انا عازمتهم وكلهم راحو لها وسحبن علي
مشاعل: وش السبب
عبير: قالت لهم ابوي يدخل وهو سكران ويطعنهم وتناحشو
مشاعل: (تضحك) وهن مهبل يتناحشون؟
عبير: مهبل اي والله
ارياف: (تتذكر رساله ام ريما لها) بنات
عبير: ها؟
مشاعل: هلا؟
ارياف: تذكرت قبل ما اجيكم بساعتين جتني رساله من ام ريما تعزمني علي بيتها
مشاعل: وشو؟ صادقه؟
عبير: لا هاذي ماتتوبين حتى صديقتي شكلها تبي التصفق مره ثانيه
مشاعل: اصبري نفهم ليه عزمتس انتي؟
ارياف: معروفه عشان تشحذني اتزوج ولد اختها
مشاعل: وولد اختها مايتوب؟ البنت رفضتك غصب يعني؟
ارياف: مشكله في ناس مايفهمون
عبير: مايتوبون الا بالضرب
ارياف: ابد بس بالطقاق لهم ماهموني
مشاعل: اي والله
عبير: الا انتم وش عندكم؟
مشاعل: أبو ارياف
عبير: الزواج؟ بالله ما ابي اسمع دايم يعيد الاسطوانه
ارياف: لا في اسطوانه جديده
مشاعل: اسطوانه طرد بالمعنى الصريح
عبير: وش طرد!!
ارياف: ابوي يقول السنه الجايه ببيت زوجك
عبير: تسذبين؟
ارياف: لاوالله ما اكذب قالها بالمعنى الفصيح
عبير: يوك ما توقعت يطلع من ابوك سذا
ارياف: قلتها قبلك(تتنهد)
مشاعل: ماعليه يمكن يهدد بس عشان توافقين علي رجال زين بيجيك
ارياف: ما اتوقع
عبير: الا يمكن عشان هو يشوف حياته ويتزوج هو ولا يشيل همك
ارياف: مستحيل ليه ماتزوج من ٨ سنوات؟
مشاعل: يمكن كنتي صغيره بنضره ولايتزوج وتزعلين ولا شى
عبير: شى جايز ماهوب بيدينك
ارياف: طيب وش اسوي
مشاعل: تدورين زوج
ارياف: مشاعل اسكتي انتي وافكارك الخايسه
عبير: طيب قولي لابوك عطني مهله كذا سنه ثانيه وبتزوج عشان استوعب سالفه الزواج ذي
ارياف: هاذي الحلول الزينه اسمعي يا مشاعل موب ادور زوج
مشاعل: طيب سنه ثانيه لوشو؟ تدورين زوج
عبير: تسعين بالميه كلام مشاعل صحيح
مشاعل: شفتي
ارياف: كيف ادور يالذكيه انتي ويها؟
مشاعل: من الدكاتره
عبير: يعني الى تحبيه ويحبس
ارياف: وينه هو طيب؟
عبير: مشاعل توسطي لها من اخوانك
مشاعل: مشعل مستحيل وخالد وراه بلا وضنتي يحب الا منصور يعني مبروك
ارياف: لا لا تكفين منصور لا
مشاعل: مشاعل علامك وش فيه ماشاءالله ملح وقبله
ارياف: بعد ماخرشني تكفين لا
عبير: خرشك بوشو؟
ارياف:(تقول لهم السالفه)
مشاعل: (تضحك) وانا اشوفه اليوم ماسك اذنه حرام عليك
ارياف: صدق؟ شكلي صرخت قوه(حست بالذنب) وهو وش جابه وراي
عبير: وانتي ليه تكلمين عند البقاله كان وصلتي البيت وكلمتي
ارياف: مادريت يابنت قلت كنت اكلم راعي المحل وما انتبهت في احد وراي
مشاعل: اقول علامك اخوي وش فيك يقول مافيني شى عوار خفيف بس من وشو مدري هالحين عرفت
عبير:(تضحك) المفروض شكرتيه موب الصراخ
ارياف: وش دراني اني بفضخ اذنه
مشاعل: لازم شى عشان تردين معروف اخوي اي لايروح هباء منثورا
ارياف: وش اسوي مثلا
مشاعل: مثلا يجيك المستشفى تفحصين علي اذنه
ارياف: ههايي با الأحلام بعد ذا الى ناقص مابه شى ليه افحص عليه
عبير: وأرياف مو دكتوره اذون تفحص علي اذنه
ارياف: صدق ذا مو تخصصي
مشاعل: انتي دكتوره! يعني خلاص افحصي عليه بس
ارياف: وش دخلني افحص عليه ولو جاء وقال اذني بيقولون رح لدكتوره متخصصه بهذا الشى ومابيجيني
مشاعل: ياونتي عليك ياخوي
عبير: وني الين تقولين بس يلا بس طولنا علي الحريم عيب
مشاعل: يلا يلا
ارياف: طيب
(ودخلو علي الحريم)
.
.
[انتهى البارت]
