.
.
[البارت٣]
.
.
عند العيال با جلستهم
حمد: خالد خلصت قهوه ارياف؟
خالد: اي والله
حمد: يوه عاد والله انها حلوه
فيصل: زينه ماشاءالله بس ياعيال من يودي الصينيه
خالد: بتال
مشعل: انت مهبول؟ بتال ماهوب قايل بنسري بيتنا تلاقيهم زد راحو
خالد: يوه نسيت
حمد: وش نسوي؟
مشعل: ابد منصور بيوديه
منصور:(انفجع) لا مانيب موديه وده انت ولا واحد من العيال اذني ما ابي تروح تكفون
مشعل: ياولد وش وده يمكن ابوها هناك ولا شى
منصور: طيب طيب مو هالحين ياعيال
حمد: شويات واخذه عانه جنب سلتكم
منصور: زين زين
.
.
عند بيت ريما
ام ريما:(تسولف مع الحريم)
سلمى: ريما
ريما: ها؟
سلمى: صدق انتم عزمتو ارياف؟
ريما: اي
وجدي: ليه عزمتوها؟
ريما: بس كذا عزمنها بتصير حرمه ولد خالتي
وجدي: صدق؟
ريما: اي امي تقول
سلمى: بس هي قالت مابتزوجه
ريما: ابوها بيوقف بوجهها
وجدي: اذا تزوجته وش بتسوون فيها؟
ريما: بتصير خدامتنا
سلمى: طيب وعبير ومشاعل؟
ريما: هذول بالطقاق اذا جت ارياف معنا
وجدي: اي صح
سلمى: طيب كيف تخلونها معنا؟
ريما: (تضحك) خطه امي الله يحفضها
وجدي: وش الخطه؟
ريما: بتعرفون قريب
وجدي: طيب
.
.
في بيت أبو فيصل
ارياف:(تلبس عبايتها بتروح بعد ماسهرت عندهم)
عبير: مسرع ارياف ماجلستي عندنا؟
ارياف: مره ثانيه اناشاءالله بروح البيت تعرفون معاد في فاديه ولازم ارجع انام عشان اصحي ابوي
مشاعل: والله ماش سهره ماعجبتني
ارياف: وش اسوي مشاعل بكره نتقابل
مشاعل: كذا تم تم
ام عبد الملك: يابنيتي بتروحين لحالس للبيت؟
ارياف: اي عادي مابه شى
ام مشعل: مايصير يجيك شى ولا شى
مشاعل: يمه ارياف تسوق سياره معا الليول ماتبين تمشي خطوتين لبيتها
ام مشعل: وش؟(مافهمت)
عبير: يلا يلا مع السلامه
ارياف:(تسلم عليهم كلهم) مع السلامه
(الكل: مع السلامه)
ارياف:(طلعت تمشى لبيتها)
ام مشعل: حنا بعد بنسري يلا يابنات
عبير: يوه ماطولتو عاد
مشاعل: عادي نطول المره الجايه
ميلًا: اناشاءالله نشوفك المره الجايه
عبير: اناشاءالله
(حريم بيت أبو عبدالملك طلعو لبيتهم)[صعبه اقول وحده وحده)
عبير:(تنضف وتغسل المواعين)
.
.
عند بيت أبو فاديه
منصور:(يطق الباب عشان يعطيهم السله)[توه جاء قبل ارياف] هذول وينهم؟
ارياف:(تجي وصرخت اول ماشافته) [كان ضلام الشارع وفي انوار خفيفه]يمه بسم الله جنيي
منصور: ياويلي اذني راحت(حط يده علي اذنه) انتي علامس يالخبله مانيب جني
ارياف: من؟ منصور؟
منصور: اي اي يمال الوجع
ارياف: يوجع العدو وش جابك هنا ها؟
منصور: ليتني ماجيت اعطيس سلتس وصينيتس ياخبله
ارياف: انت ماتتوب لازم تروعني؟
منصور: وانا وش دراني انس بترتاعين انا جاي اطق الباب
ارياف: حسبي الله علي العدو قلبي طلع من مكانه
منصور: بسم الله عليس
ارياف: ها؟(توسعت عيونها)
منصور:(توتر) اقصد هاك سلتس والصينيه
ارياف: حطها هنا ماتشوف معي اغراض؟
منصور:(يحط السله والصينيه عند الباب وراح بسرعه)
ارياف: اف ياربي الادمي هذا لازم يروعني!(تدخل الاغراض داخل البيت)
.
.
في بيت أبو عبدالملك عند الحريم با الصاله يسولفون
ريهام : محلوه ارياف ماشالله
ميلًا: اي تطيح الطير من السما
اشجان: اي يازينها
امال: الصدق توحمت علي وجهها جلست اناضر فيها وتنحت ابي بنتي ولا ولدي نفس وجهها مملوح
هنوف: احسدس يا امال والله
امال: قولي ماشاءالله
هنوف: ماشاءالله ماشاءالله
ام مشعل: الا مشاعل كم عمرها؟
مشاعل: ٢٦ ليه
ام مشعل: لا مملوحه و٢٦ غريبه ماتزوجت!
ام متعب: لو عندي ولد ماتزوج بخطبها له
منصور:(جاء من دقايق وسمع الكلام قبل يدخل عليهم لانهم بالصاله) من ذي؟
ام مشعل: مدري عنهم اخاف يعييون[يرفضون]
ام متعب: وليه يعييون ياحافظ
ام مشعل: مدري مدري بشوف
مشاعل: بس يمه ارياف ماتبي الزواج الحين
ام متعب: وليه اناشاءالله؟ مابقولك شى وتدخل الثلاثين
مشاعل: لا قصدي مو كذا قصدي انها ماتبي زواج تقليدي تبي تتزوج عن حب
ام مشعل: ابك وشو! وشتقولين صادقه؟
مشاعل: اي والله
ريهام: ما الومها كل ذا الزين ودكتورة وزواج تقليدي!
ام متعب: ريهام لايكون بتسوين مثلها؟
ريهام: لا حشا يمه
ميلًا:(تهمس لريهام) انتي يجيك زوج با الاول
ريهام: (بهمس) اص اص بس انتي الثانيه اذا جاك تكلمي
مشاعل: الخطاطيب ببيتهم كثر النمل ماتبين تختار عن حب!
ام مشعل: ماعندنا العلم هذا زواج عن حب وخرابيط
مشاعل: يمه انا اتفق معها علي حالتها اولا ماتبي واحد يمشيها علي كيفه وكيف أهله ويأمرها وينهيها ثانيا تبي واحد يحتويها ويكون سند وعزوه لها بعد ابوها الى تشوفه كل شى لها وحنان الأم الى فقدتها وغيره و سند وعزوه الاخ وسماع الاخت لها والاولى عندها بس مايجلس معها واجد وتحس بفقده الثانيه راحت الله يرحمها الثالثه ماعندها والرابعة راحت عليها لاتلومونها اذا تبي زواج عن حب لان تبي كل هاذا فيه مدامه حبها الزواج التقليدي مابيفهمها من الاول نفس الحب
ام متعب:(تفكر بكلام مشاعل) الله يرحم امها صادقه مشاعل انا شفت فيها الكسر من عيونها رغم ابتسامتها بس تحمل بقلبها كسور واجد
ميلا: حرام تقطع القلب
ريهام: اي والله مسكينه
امال:(تتنهد) انا بروح الغرفه تمسو علي خير
(الكل:وانتي من اهله)
امال:(تروح غرفتها هي وكرم)
منصور: (الى سمع كل الكلام وحس بضيقه مايدري من معاناها للحياه ولا الزواج مايدري من وش بس تنحنح عشان يدخل وأم متعب والبنات يتغطون)
(ام متعب والبنات تغطو علطول)
ام مشعل: ادخل يامنصور
منصور:(يدخل بهيبته الى متعودين عليها) السلام عليكم(وهو صاد)
(الكل: وعليكم السلام)
ام مشعل: وين كنت اخوانك كلهم جو وراحو ينامون الا انت
منصور: كنت ببيت أبو فاديه اودي مواعين لهم وجيت(وهو ماسك اذنه)
مشاعل: علام اذنك؟ (هي عارفه بس تبي تطقطق عليه)
منصور: عوار خفيف وبيروح اناشاءالله
مشاعل: من اولا عوار خفيف وماراح
منصور: ايه جيبي لي مويه للغرفه
مشاعل: طيب (راحت للمطبخ تجيب له موية)
منصور: تمسي علي خير
ام مشعل: وانت من هله
منصور:(راح للغرفه)
ام متعب: يلا حنا بننام بعد بنات الهباب كل وحده بغرفتها
هنوف: يلا (تاخذ عبد الملك ولدها من الكنب)
ريهام: بساعدك(تشيل محمد ولد هنوف)
هنوف: ياحلوك رهوم مابي اثقل عليك
ريهام: اقول بس امشى خل عني تثقلين عيال اخوي يثقلون علي! امشي بس امشي
هنوف:(تضحك وراحت الغرفه)
ريهام:(تلحقها)
اشجان: يلا لمو للغرفه تنامين
لمى: مافيني نوم ماما تكفين بجلس اشوف التلفزيون مع خالتي مشاعل
مشاعل:(تطلع من المطبخ) خاله مشاعل لتنام تبين تنامين جنبي؟
لمى: اي اي
مشاعل: روحي فوق سريري بودي المويه لخالس منصور
لمى: طيب (بفرحه وراحت لغرفه مشاعل الى بتنام فيه اشجان بعد)
اشجان: لمو شوي شوي لاتطيحين(وراحت ورها)
مشاعل: (راحت لغرفه العيال)
ام متعب: يلا ميلا وش تحترين؟
ميلًا: ولا شى تمسي علي خير(ولحقت البنات لغرفتها)
ام متعب: مع السلامه تمسي علي خير ام مشعل
ام مشعل: وانتي من اهله
ام متعب:(تروح غرفتها)
ام مشعل:(تروح بعد لغرفتها)
.
.
عند امال وكرم
كرم:(كان يشتغل با لابتوبه)
امال:(جالسه جنبه تشوف جوالها)
كرم: امول حبي
امال: هلا ياروحي
كرم: بكره العصر بنرجع تبوك
امال: يوهه مايمدي نجلس هنا يوم بعد؟
كرم: ياليت بس الشغل صعبه نجلس والله الود ودي نسكن هنا بس وش اسوي الشغل
امال: طيب ياروحي بجهز الشناط
كرم: لا لا الشناط انا جهزتها انتي ماتلمسين شى خايف علي ولدي يصير له شى
امال:(تمسح علي بطنها) بسم الله عليه ولا عليها كرم لاتقول كذا لوليدي ولا بنيتي
كرم: بسم الله عليه بس انا قلت لك تسع شهور ماتلمسين شى
امال: ابشر ابشر
كرم:(يبتسم ويعود للابتوب يشتغل)
امال:(قامت وراحت للسرير) كروم انا بنام تبي شى
كرم: سلامه روحك بلحقك شويات
امال: تمام(تنسدح علي السرير بصعوبه)
كرم: يوجعك شى
امال: لا ولاشى ياقلبي
كرم: تمام ياروحي
امال:(تجلس دقايق الا وغطها النوم)
كرم:(يكمل شغله وبعد نص ساعه قام وراح ينام)
.
.
في غرفه هنوف ومتعب
متعب:(جالس يناضر التلفزيون)
هنوف؛(تدخل) السلام عليكم
متعب: وعليكم السلام
هنوف: (تحط عبد الملك با سريره)
ريهام: يوه كسر ضهري(تحطه علي السرير)
هنوف:(تضحك) قولي مشاءالله
ريهام: زين ماشاءلله
متعب: رهوم غريبه مانمتي
ريهام: بنام هالحين انت الى غريبه ماخمدت بكره بتروح للنياق
مع ابوي
متعب: (يضحك) ابشري ابشري روحي انتي هالحين نامي
ريهام: صدق لازم اروح للشغل بدري تمسو علي خير(وراحت ركض تنام)
متعب:(يضحك)
هنوف: ياحلوها رهوم(تضحك)
متعب:(قام وقرب منها) وياحلوك انتي
هنوف:(تبتسم بخجل) يلا ننام
متعب:(يضحك) احبك اذا ضحكتي ويازين مبسمك
هنوف: تحبني بس اذا ضحكت!
متعب: نص احبه كله ونص كامل احب الضحكه
هنوف:(تضحك) اجل بنقضيها الليله غزل؟
متعب: يمكن بس انا لازم أقوم بدري اروح مع ابوي للنياق وبعدها(يغمز) ابشري بالغزل الين تطفشين
هنوف: ما اطفش منك يانضر عيني
متعب: يوههه بسس بموت من هالكلام
هنوف: متعبب لاتقول كذا
متعب: (يضحك) ماعاد بقول سذا وانتي لاتقولين سذا عشان ما اموت صدق
هنوف: ماعاد بقول كذا وانت لاتموت طيب
متعب: من عيوني
هنوف: يخليني عيونك
متعب: تبيني اموت!
هنوف: لا لا خلاص
متعب:(ينسدح علي السرير) ماتبين تنامين؟
هنوف: الا بس ببدل وجي
متعب: طيب
هنوف:(تروح تبدل وبعدها رجعت لسرير ونامت)
متعب:(نايم)
.
.
في غرفه العيال
مشعل:(جالس يناضر جواله ينتضر منصور)
خالد:(نايم)
منصور:(يدخل بصمت يحسبهم نايمين الين شاف نور جوال مشعل) مشعل؟(وهو ماسك اذنه بالم)
مشعل: ها! علامك تأخرت
منصور: اسكت تكفى بقول لك شويات
مشاعل:(تدخل وتمد كوب المويه) امسك امسك اذنك تعورك اجل!
مشعل: قولي سلام عليكم علي الاقل
منصور:(ياخذ المويه وشربها) وشو؟
مشاعل: شعليل قايم!
مشعل: لا نايم
مشاعل: زين نوم العوافي الا منصور
منصور: ها
مشاعل: من وشو اذنك تعورك؟
منصور: قلت لس عوار خفيف ويروح انتي وشفيك؟
مشاعل: عوار خفيف يالعيار؟
منصور: وش تبين هالحين؟
مشاعل: ترا ادري انه من صراخ ارياف يالسذوب ترا قالتلي
منصور: وليه جايتني تسألين؟
مشاعل: عشان اتأكد تكذب عليه ولا لا وطلعت تكذب عليه
منصور: برا برا الله يعافيك جايبه شى جديد هالحين؟
مشاعل: اي جديد بس مو الشرهه عليكم الشرهه على انا الى جايتكم اقول ارياف وش قالت لمنصور الجعري
مشعل:(يضحك) وش قالت؟
منصور: بسوي نفسي ماسمعت اخر كلمه
مشاعل: اول شى قالت لي عن سالفه صراخها لمنصور وقلت شفته ماسك اذنه اليوم
منصور: طيب كملي وش قالت؟
مشاعل: (تضحك وقلدتها) صدق! شكلي صرخت عليه بالحيل واضح عليها الندم المسكينه
مشعل: تسذبين؟
مشاعل: لا والله
منصور: (يبتسم) قالت كذا؟
مشاعل:(تضحك علي وجهه منصور) اي قالت كذا
مشعل:الا منيصير وشبك انقلبت وين وجع اذنك؟ راح
منصور:(يرجع لبروده ويعطي الكوب مشاعل) اطلعي برا بالله نبي ننام وانتي اذلفي نامي بعد
مشاعل:(تضحك) بروح بروح مع السلامه(وراحت تودي الكوب وراحت غرفتها)
منصور:(ينسدح علي السرير)
مشعل: منصور لاتحسب بفوت هذا لايكون تحبها؟
منصور: (يتنهد) لايولد
مشعل: طيب طيب وش السالفه الى بتقول تقول لي بعدين؟
منصور: اهه قبل ما اجي البيت كنت اودي مواعينها مادريت انها ماهيب موجوده بالبيت لاهي ولا ابوها دقيت الباب مادريت الا الى صرخت وراي وطلعت تحسبني جني(يضحك)
مشعل: وبس ذا الى ضحكك
منصور: اي خوفها وكل مانتقابل تخاف مني بدون سبب
مشعل: انت من شكلك الى دايم برود ومعصب تخرش الكل
منصور:طيب وش اسوي انا كذا
مشعل: ندري انك كذا وعشان كذا يلا اخمد ونام ورنا شغل بكره
منصور: طيب اصلا كنت بنام انت الى جيت لي(يضحك)
مشعل: مهبول والله(يضحك وراح لسريره)
منصور:(يتنهد وجلس يفكر با ارياف وكيف اذا تقابلو ماتنخرش منه)
مشعل:(جلس شويات ونام)
منصور:(يبتسم ليغمض عيونه ونام وأول نومه له يحس بشى بقلبه)
.
.
بغرفه مشاعل
اشجان: (كانت تسولف مع مشاعل وإزعاجهم لمى)لمى والله لدق علي بابا يجي بكره ياخذنا يلا نامي
لمى: ماما لا بليز بكره لا
اشجان: نامي اجل
لمى:(تغطي نفسها بالبطانيه)
اشجان: كملي مشاعل
مشاعل: وجيتك عاد
اشجان: يعني في أمل منصور يحب؟
مشاعل: الله يسمع منك
اشجان: طيب وأرياف شفتي عليها شى له
مشاعل: لا والله، الا اشجان
اشجان: هلا؟
مشاعل: متى بترجعين بيتك؟
اشجان: تبين الفكه مني؟
مشاعل: لا والله حشى ثم حشى لابس اسأل
اشجان:(تضحك) ادري ادري بس اناشالله بعد بكره او بكره
مشاعل: طيب (تقوم وتنسدح جنب لمى)
اشجان: (دق جوالها وطلعت عشان تكلم سعود)
مشاعل: لمو
لمى: ها
مشاعل: وش رايك نطلع انا وانتي بكره لسوق نشتري عسكريم
لمى: يلا
مشاعل: بس بعد نصلي ونجلس شوي وبعدها نروح للسوق نتمشى ونشتري عسكريم
لمى: طيب
مشاعل: لاتقولين لاحد
لمى: ابشري
مشاعل: كفو بنت اختي (تضحك)
لمى:ماما بتجي تهاوشنا عشان مانمنا
مشاعل: اي يلا يلا ننام سمي بالله واقري المعوذات عشان مايجيك شى وربي يحميك
لمى: طيب(تحضن دبدوبها وتنام)
مشاعل:(تتنهد وكانت تفكر بحال ارياف ونامت)
اشجان:(تخلص المكالمه وترجع لتبتسم علي اشكالهم وتغطيهم زين وترجع لسريرها تنام)
.
.
في بيت أبو فيصل
فيصل:(يدخل ويدخل المواعين المطبخ)
عبير: (با غرفتها نايمه)
فيصل: (راح لغرفته وفصخ ثوبه ونام)
أبو فيصل:(كان يقضي ليلته بالحبس بسبب المخدرات)
.
.
في بيت أبو فاديه
ارياف: (كانت تغسل المواعين وتخلص جت تشيل السله وجتها عطر عود منصور وابتسمت) مغير يخوفني(تضحك وشالت السله بالدرج) ارياف انتي خبله تحبين واحد يرعا نياق والكل يخاف منه! وبعد كل شوي يخوفك (تطلع من المطبخ وكانت بتروح غرفتها بس شافت غرفه ابوها مفتوحه شوي وقربت تشوف)
ابو فاديه:(كان يصلي ويدعي بصوت محد يسمعه الا هو) يارب ياقدير ارزق بنتي الى تتمناه يارب مابي اثقل عليها كثر ثقلها الى حاملته من هموم ومشاكل يارب احمها وخلها لي وابعد عنها كل عيال الحرام وارزقها الذريه الصالحة والزوج الى يحبها ويقدرها ويعزها يارب(ويردد ويردد ويقوم يصلي)
ارياف:(تدق باب غرفته بشويش)
أبو فاديه:(يسلم) ادخلي ادخلي
ارياف:(تدخل) تقبل الله
أبو فاديه: منا ومنك علامك؟
ارياف: لا بس شفت غرفتك مفتوحه حسبتك نمت من اولا
أبو فاديه: ابنام هالحين
ارياف: يبه
أبو فاديه: هلا
ارياف: يبه انا بتزوج بس
أبو فاديه:(بفرح) مبروك مبروك من وافقتي عليه؟
ارياف: الصراحه ولا واحد بس ابيك تعطيني السنه الجايه محاوله اخيره لي وبعدها بتزوج تعرف عشان استوعب السالفه وأحاول اتأقلم ادري ان تصرفي ماهوب صحيح بس السنه الجايه يبه وبعدها اطردني اذا ماتزوجت
ابو فاديه:(يتنهد بضيق وقرب وجلس جنبها) يابنيتي موب قصدي اطردك انتي اخر العنقود بنت الغاليه الله يرحمها وينقطع لساني اذا طردتك بس انا كبرت وابي اشوف عيالك نفس فاديه الى طاعتني وتزوجت ولد عمها
ارياف:(ضاقت اكثر واكثر بسبت زوج فاديه جميل الى مغير يلاحق الحريم وتشوف بعيونها وتشوف فاديه بس تطنش عشان بيتها وعشان بعد جميل ينخرش من فاديه) ادري يايبه بس مابي من الخطاطيب ذول عطني مهله وبشوف وبستخير وبإذن الله ربي يكتب الى فيه الخير
أبو فاديه: اللهم امين(يمسح علي كتفها) روحي نامي وعيني من الله خير وانشاءالله مايصير الا الى ربي كاتبه ومستخيره لك
ارياف:(تبتسم وقامت وحبت راس ابوها) الله يخليك لي
أبو فاديه: ويخلكم كلكم لي
ارياف: تمس علي خير
أبو فاديه: وانتي من اهله
ارياف:(تحب راسه مره ثانيه وراحت غرفتها والفرحة بقلبها كبيره ونامت)
أبو فاديه: (يطفي النور وراح لسريره وفعل المثل ونام وهو يتمنى ان ارياف يجيها النصيب الى يحق لها وتستاهله)
.
.
(وتمر أيام رمضان الجميلة الى محد ينكر انها الاحلا علي السنه والاحلا الصدفات الحلوه الى تجمع ابطالنا بمواقف مضحكه وجميلة وجات ليله العيد عيد الفطر الى الكل مستانس وفرحان بالعيد)
.
.
في بيت أبو عبد الملك
عند العيال با الحاره يجهزون للعيد والاطفال مستانسين وفرحانين
حمد:(يركب اللمبات)
فيصل: حمد ارفعه شوي
خالد: لا ينزله موب ضابطه
فيصل: اقول اسمع كلامي بس وارفعها
حمد: الله ياخذكم ثنيناكم ياولد وين ارفعه للقمر؟ انهبلت والثاني تبيني انزله القاع؟
خالد: لاتدعي علينا انت الصدق ماتعرف
حمد:(ينزل) اجل هاك يالي تعرف وركب نشوف
خالد:(يرفع ثوبه) شف شف وتعلم بس (وأخذ اللمبات وركب يركبها)
حمد: رح زين
منصور: ياعيال بكره عيد فكونا من الدعاوي الشينه
حمد: استغفرالله هم الى حدوني والله
فيصل: نحدك علي العلوم الغانمه
مشعل: (يجي) علوم غانمه وشن العلوم الغانمه تركيب لمبه الله يشفيكم
حمد: ايه اسأله (يضحك)
خالد:(ينزل) عاين عاين [ناضر ، شوف] ياولد تركيبي بس (بتفاخر وثقه)
حمد: كأنها مايله صح ياعيال؟
(العيال: اي (بضحك))
خالد: اقول وخر بس انت وياه بركب لمبات ابو فاديه
مشعل: زين زين انتبه ياولد لاتطيح
منصور: بيطيح صدقني(يضحك)
حمد: (يضحك) اي والله بس ضبط الانوار زين ها عاد هو دكتور جامعه
خالد: ادري بضبطه اللمبات زين وبسوي تكنيك يصلح للدكاتره ذي الأيام
فيصل:(يضحك) لاتفشلنا ياولد انت وتكنيكك وركب اللمبات زين وخلصنا
خالد: منصور امسك ذي لا اطيح وينفجر راسي واموت عليكم وعاد العيال البقيه حيلكم بيدينكم
مشعل: من غير ماتقول بنروح(يضحك)
(راح مشعل هو وحمد وفيصل يركبون الباقي مع عيال الحاره)
منصور:(يمسكه الحديده ذيك الى يركبون عليها يركبون الاشياء وكذا)(مسكها بيد واليد الثانيه بجيبه)
خالد:(يركب) امسكها با يدينك الثنتين منصور لا اطيح
منصور: ياولد مانتب طايح ركب اللمبات وخلصنا
خالد: (تنهد وبدا يركبها)
ارياف:(توصل بسيارتها وفتحت بوابه البيت من ريموت البوابه الى معها ودخلت سيارتها وسكرت البوابه)
خالد:(ينزل) ياحضها ياولد سياره كشخه وتروح وتجي علي كيفها
منصور: وش ترا تروح لشغلها وتجي وبعدين قل ماشالله
خالد: ماشالله ماشالله
منصور: وبعدين كل ذا من شغلها ورابها انت دور شغل واشتغل وبيجيك رزق مثلها
خالد: يالله الله كريم مشينا نركب الباقي بس
منصور: (يشيل الحديده) يلا يلا(وراحو للبيت الى بعده يركبون ويركبون)
.
.
السوق عند مشاعل وعبير
عبير:(تدق علي ارياف)
ارياف: هلا والله من العايدين
عبير:(تضحك) اصبري بكره العيد موب اليوم
ارياف: يعني نعيد قبل العرب(تضحك)
عبير: ايه من الفايزين وين وصلتي؟
ارياف: البيت انتي وين؟
مشاعل: في السوق تعالي
ارياف:(تضحك) اني داريه ابشرو بس توني جايه من المول هالحين ومتكسره وجالسه انزل العفش والاغراض للبيت
عبير: اها طيب اذا خلصتي بتجين السوق؟
ارياف: اي اي بجي
عبير: طيب نحتريك
ارياف: مع السلامه
عبير: مع السلامه
(سكرو الخط)
مشاعل: ليه ماقلتي تجي بالسياره يديني راحت فيها من الاغراض
عبير: ماعليه يابنت تحملي
مشاعل: مانيب متحمله بدق عليها
عبير: ياوك منك
مشاعل:(تدق علي ارياف)
ارياف: (ترد) هلا مشاعل
مشاعل: أرياف السموحه بس جيبي سيارتك لسوق صعبه امشي للبيت ومعي كل ها الاكياس
ارياف: ابشري جايتكم جايتكم
مشاعل: طيب والسموحه مره ثانيه
ارياف: مابيننا لو تبين عيوني عطيتك اعتبريني اختك
مشاعل: ما اعتبرك وبس(تضحك)
ارياف: بجي
مشاعل: طيب
(سكرو الخط)
عبير: هذاك المحل انا ابيه مشينا
مشاعل: يلا
(وراحو يكملون شغلهم)
.
.
عند العيال
حمد: ركبت الى عندي انتم خلصتو
منصور: اي خلصنا
أبو فاديه: ياعيال قواكم الله
(العيال: الله يقويك)
أبو فاديه: عانو الزل الفرشات باحوش بيتي طلعوها وافرشوها ان كانكم خلصتو
فيصل: ابشر ياعم
منصور: تم ازهل
أبو فاديه:(يفتح لهم الباب) تشوفونها اذا كانت ثقيله عليكم قولولي اجيب عمال يشيلون
مشعل: افا ياعم مابيننا لا لا ماهيب ثقيله
أبو فاديه: وانا بساعدكم
حمد:(يضحك وشال الفرشه) طلعت شباب
أبو فاديه: انا شباب من يومي
(العيال تعالو اصواتهم بالي انا اشهد ،اي والله ،كفو ياعم وضحكهم)
ارياف:(تطلع وشافت العيال ودخلت بسرعه)
أبو فاديه: (لمحها ودخل) روفي! علامس
ارياف: ولا شى بس جيت بطلع لقيت العيال
أبو فاديه: ايه وين؟
ارياف: السوق للبنات بس بروح با السياره
أبو فاديه: وليه؟ السوق قريب دايم تروحين برجولك
ارياف: اي البنات معهم أغراض واجد وطلبو اجيب السياره يشيلون الاغراض وكذا
أبو فاديه: طيب طيب تبين فلوس؟
ارياف: لا يبه بس ابي اركب السياره
أبو فاديه: العيال؟ (يضحك) مابيصبرونك [مابيناضرونك] وماعليك بقولهم هالحين يصدون عشان تطلعين
ارياف: طيب (تبتسم)
أبو فاديه:(يطلع) ياعيال البنت بتطلع بس سوو لها طريق لاهنتو
(العيال الى شال بسرعه وطلع ولي صد وطلع)
أرياف:(تشوف من الدريشه وطلعت وركبت سيارتها وفتحت البوابه وراحت السوق)
خالد: يوهه السياره حلوه ياعيال
حمد: اي والله الله يرزقنا بس
فيصل: اقول بس بدال ما تجلسون كذا ساعدونا نبسط الفرشات بس
منصور:(يبسط فرشه) جيبو الباقي
(راحو حمد وخالد يجيبون الفرشات الباقيه)
.
.
[انتهى البارت🤍]
