ابو عبد الملك: عياله عبد الملك ومحمد وهو من الشياب العصبيين حيال عيشه بالديره وعياله كلهم يبيهم با الديره ويشوف عيال عيالهم قدامه ويتزوجون ويكبرون قدامه وكلمته وحده ومايثنيها ابد وصارم باتعامله
ام عبد الملك: هي من الجدات الطيبات وتحب عيالها واحفادها وماتبي ابو عبد الملك يتحكم با عيشتهم وتقبلهم لديره غصب بس مو بيدها
.
.
أبو فهد: رجل من الاولين ويحب ديرته وعنده محل عقارات في السوق وهو رجل مقتدر ماديا ولا يبي عياله ينقصهم شى ويحبهم (اسمه: عبد الملك)
ام فهد: الزوجه الاولى لابو فهد(اسمها: حصه) وهي تكره الديره وتبي الفكه منها وتبي المدينة وعيالها من ابو فهد ٢ فهد وجود
ام مشعل: الزوجه الثانيه لأبو فهد(اسمها: سلوى) تحب زوجها واجد وتغليه وهي ام قلب ابيض وعندها خمس عيال من ابو فهد مشعل واشجان ومنصور وخالد ومشاعل
فهد: الابن الاكبر وهو متزوج وزوجته اسمها (سوسن ،عمرها:٣٠)
وعمره (٣٥ سنه) والى الان ماجاب عيال وهو يشتغل با شركه وهو مدير قسمه
مشعل: الابن الى بعد الأكبر وهو كان متزوج وتطلق بسبب زوجته الى تركته وراحت لغيره شغله با محل عقارات ابوه وهو هادي جدا وأخوه الاقرب منصور ويحبه مره عمره(٣٢سنه)
اشجان: الاخت الأكبر لخواتها وهي طبيبه بيطريه وأم قلب ابيض وهي متزوجه (زوجها: سعود) وعندها بنت منه (عمرها:٣٢)(بنتها:لمى ،عمرها:٦)
منصور (البطل): ولد يحب الديره وابو قلب رهيف عكس شكله الضخم والغاضب ويحب مشعل اخوه واجددد والاقرب لقلبه ومايحب الشغل يبي بس يتمشى ويقنص ويصيد وفي الاستراحه عند اخوياه وعند نياق جده أبو عبد الملك ودايم مع جده (عمره:٢٩)ومو متزوج ولا يبي يتزوج ودايم يتهرب من الطاري لانه يعتبره شين وشاف تجارب اخوانه ومايبي يصير نفسهم
جود: بنت تحب اخوانها كلهم الى من ابوها عكس امها الى تكرههم وتعيي ان جود تجتمع معهم او تقعد معهم لان امها ماتبي جود تتعلق فيهم وهي تدرس الجامعه تخصص اداره اعمال وحلمها تشتغل با شركه وتستقل ماديا وتتزوج رجل يحب العمل مثلها ويحب أهلها واخونها الاهم(عمرها:٢٨)
خالد: الابن الإكسل بينهم ويحب عبير ومايحب الشغل مره ولا حتى النياق الا بعض الاحيان يهاوشه جده يروح معهم النياق ولا فهد يهاوشه يروح لمحل العقارات حق ابوه مع مشعل (عمره:٢٨)
مشاعل: هي العوبا وعنقود العايله ودايم تتهاوش مع سوسن وأم لسان با العايله ودايم تدافع عن امها وخواتها وتتهاوش مع زوجه ابوها الاولى وتحب تروح لبيت ارياف وعبير صديقاتها (عمرها:٢٦)وهي ماتحب الدراسة وتبي تتزوج واحد عنده فلوس وماهمها الدراسة بس تحب وتموت بشي اسمه الرسم
.
.
أبو متعب: اخو عبدالملك(اسمه:محمد) رجل عصبي يحب كل شى بوقته عنده اربع عيال وهو بالديره وعنده نياق له ويبيع ويشتري فيهم بحكم ابوه بذا المجال حب انه يكمل بمجال ابوه
منيره: زوجته وهي تحب محمد وهي فيها مرض السكر(الله يكفينا شره)وتحب عيالها مره
متعب: ابن محمد الكبير ويشتغل مع ابوه (عمره:٣٤) ومتزوج وعنده توأم اطفال(محمد،عبدالملك ،أعمارهم:٤)(زوجته:هنوف،عمرها:٣٠)
كرم: رجل مستقر ومتزوج ويسكن با تبوك ويجي الديره ايام وايام(عمره:٣٢) (زوجته: امال،عمرها: ٢٨ ، حامل بالشهر ال٣)
ريهام: هي البنت الاولى لمحمد تشتغل طبيبه بيطريه مع اشجان وتبي تتزوج وتستقر بحكم انها كبرت وتبي لها عيال يشيلونها (عمرها:٣٢)
ميلا: الابنه الأصغر ومتعلقه با ابوها مره وهي معجبه با منصور وتبيه زوجها وهي ماتدرس (عمرها:٢٨)
.
.
.
.
ابو فاديه: رجل مستقر ماديا وسكن با الديره عنده بنتين كان متزوج وزوجته توفت بسبب مرض السرطان(الله يكفينا شره) دكتور ب الجامعه وعنده محل عقارات عشان يشغل نفسه ومايفكر بزوجته الى جلس سنتين مكتئب بس قدر الله وماشاء فعل ويحب بناته مرهه ويعرف ابو عبد الملك وعياله وعبد الملك يحبه ودايم يشجعه يتزوج عشان مايفكر بازوجته
فاديه: الابنه الأكبر وهي تشتغل معلمه لغه عربيه(عمرها:٣٧) (زوجها:جميل،عمره:٣٩ وراعي حريم بس يهجد قدام فاديه) عندها (٧اطفال وسنويا حامل وتولد)
ارياف(البطله): دكتوره جروح وهي صديقه مشاعل ودايم تطلع معها لبيت عبير ام الهوشات وتفزع معهم دكتوره با مستشفى با المدينه وتسوق ومعتمده علي نفسها صح حزينه علي وفاه امها بس مافي شى يوقفها وتكره زوج اختها ودايم تقول لفاديه عنه تحب اختها فاديه بس تنجن من وراعينها (عمرها:٢٦)
.
.
أبو فيصل: كان متزوج وتطلق وعنده بنت وولد وهو راعي تدخين ومخدرات ومايهتم با عياله ابد وصديق أبو فاديه وأبو فهد
شيخه: كانت زوجه ابو فيصل تعبت منه ومن التدخين والمخدرات الى يتعاطها تطلقت منه بحكم انه كان يضربها وتركته وتركت عيالها عنده
فيصل: الابن الاكبر ويكره تعامل ابوه مره ودايم يطلع لاستراحته هو والشباب مايتعطا ابد ويبي يتزوج جود بنت أبو فهد ويشتغل عسكري ويحب اخته عبير مرهه ودايم يوصيها علي نفسها (عمره:٣٢)
عبير: هي العوبا ولي يقرب لها يويل ويله ودايم تتهاوش مع ام العش(ريما) وتتهاوش مع امها وطق ومطاقق بالحارة وتحب اخوها فيصل مره (عمرها:٢٦)
.
.
(نتعرف علي الحاره)
ريما: ام العش لان دايم شعرها منكوش وهي صغيره وسموها ام العش (عمرها:٢٧) وتكره عبير وأرياف ومشاعل
ام ريما: تكره عبير ودايم مع بنتها وتتهاوش مع عبير متزوجه بس زوجها هي الى متحكمه فيه وجايبه منه ريما بس
كومار: هندي البقالة ودايم يهاوشونه ويخاف من منصور واذا سمع سبحه منصور مغير يتنافض ويعدي مايشوف الدرب
وجدي: هي البنت راعيه الاخبار وهي صديقه ريما وتحب خالد ولد أبو فهد وتفزع مع ريما (عمرها:٢٦)
سلمى: هي راعيه الأعشاب او العطار بالسوق وصديقه ريما وهي الى تسبب فتنه وهواشات(عمرها:٢٧)
أبو علي: من شياب الديره ودايم يهاوش منصور والعيال عشانهم يجلسون با الاستراحه الى هي جلسه مرفوعه ومفتوحه ويجتمعون الشباب وهو يهاوشهم عشان البنات الى بيروحون وهم موجودين
الساحرة ام ثامر: يخافونها البزارين وينحاشون لاشفوها وساحرة كلبه بس أحينا مسكينه تكره الكل وتبي الفكه من الحاره بس هي متدبسه عشان لا احد يمسكها ويسجنها
علي: شاب طموح وهو يشتغل ويبي يبني بيته ويحب ارياف ويبيها زوجته (عمره:٣٠)
(ملاحظه: أبو فهد وأبو متعب عايشين با بيت واحد عشان ابوهم أبو عبد الملك)
.
.
[البارت ١]
.
(في رمضان)
في المطبخ بيت أبو عبد الملك)
ام مشعل: (وهي تغرف اليدام) ها يابنياتي خلصتن؟
مشاعل: ضلوعي معاد احس فيها يمه نسوي ذا كله واخرتها با لقمه وحده يلزطونها (ياكلونها)تعبت انا والله
ريهام: يابنت انتي صايمه صايمه احتسبيها اجر
ميلا: الله يرحمنا مقدما ورنا ٢٥ يوم
ام متعب: حسبي الله علي عدوس ياميلا الرز علامه سذا؟
ريهام:(تضحك) ماهيب يم الرز يم عد الايام
ميلًا: كذابه والله يمه ماقدرت استوعب انه رز
مشاعل: تحسبه سمبوسه تقليها (تضحك)
هنوف:(تضحك وهي تشوف المحشي) يلا تحملي ماعليه تستوعبين اذا سلخ جلدك عمي
ميلًا: شدخلني ينسلخ جلدي شايفيني ذبيحه؟
مشاعل: عند عمي محمد ذبيحه (تضحك) يويلس منه
ريهام: ميلا اعملي نفسس ميته
مشاعل: اوف اوف تعمل وبس؟ مايحتاج بتموت (تضحك)
ميلًا: مشاعل اسكتي والله عصافير بطني تصوصو ترا باكلس
مشاعل: يمهه بسم الله علي وخري متوحشه
ميلا: انقلعي من زين لحمتس عاد عرد(قاسيه)
امال:(تدخل عشان تساعدهم)
ام متعب: امال ياحبيبتي روحي ارتاحي انتي حامل
امال: لا عادي ياعمتي الحركه زينه
ام مشعل: لا مايصلح يابنيتي روحي روحي ارتاحي حلفنا عليس
امال:(تتنهد)
مشاعل: امال تعالي تعالي خذي صحن القهوه ونقي(صفي) حب القهوه بالصاله واذا خلصتي جيبيها
ميلًا: ليتني قهوه
ريهام: اسكتي لاتستعجلين علي رزقس
امال:(تاخذ صحن القهوه وتجلس با صاله الحريم تشوف التلفزيون وهي تنقي حب القهوه)
(العيال داهموهم بالمطبخ وريهام وأم متعب وميلا طلعو)
خالد: ام خالد وش مسويه تكفين لاتقولين ماسوينا سمبوسه جبن
منصور: لا تكفين يايمه والله اليوم مشتهينها
مشاعل: نيابه عن الوالده ماسوينها
ام مشعل: اي والله ماسوينا اليوم
منصور: انتي يا ام لسان ليه ماسويتها؟ ماوراس غير الروحه لبيت عبير وأرياف؟ استحي علي عمرس وانثبري (اجلسي بالبيت)
مشاعل: علي الأقل اشوف وجيه تفتح النفس وسوالف ترد الروح
مشعل: الحش صار سوالف ترد الروح؟
خالد: استحي ترنا با شهر فضيل
مشاعل:اول حاجه ماحشينا ثانيا الشهر الفضيل اعبد فيه مو اسوي سمبوسه جبن لخالد ومنصور ومشعل
منصور:(يضحك) الا جود وين؟
ام مشعل: ماجت ماشفناها اليوم
مشاعل: ايه امها الحيه ماخذتها الحسود عشان ماتشتغل معنا
ام مشعل: الله يهديها ماتدرين يمكن بهن شى
(دخلت سوسن والعيال صدو علطول وطلعو من باب المطبخ الى علي الحوش)
مشاعل: هييي خير انشالله ماتشوفين العيال هنا؟
سوسن: وهم وش جابهم هنا؟ ليه ماينقلعون عند الرجال وش يبون با المطبخ
مشاعل: لا والله البيت بيت ابونا والقوم حاربونا انتي وش تبين ها؟ ماتشتغلين معنا ولا شى وش تبين تترززين بالمطبخ؟
ام مشعل: مشاعل خلاص يابنت، سوسن يابنيتي وين طرحتس العيال مالين البيت
سوسن: شدخلني انا يملون البيت ولا يموتون بالطقاق
مشاعل: قطع يقطع لسانس تبيني اقطعس هنا
سوسن: جربي والله لانادي عليك فهد يلعنس
مشاعل: تهددين؟
سوسن: اي
مشاعل(نطت عليها تضربها والبنات تجمعو يفككونهم)
أبو عبد الملك:(يدخل علي الأصوات)
أبو فهد:(دخل مع ابوه من الصوت الى وصلهم)
ابو متعب:(يدخل وراهم)
فهد:(علطول راح معهم)
أبو عبد الملك: نفض الله روسكن يالي ماتستحن ابك تتضاربون با النعل والشوش (بغضب)
أبو فهد: معصب من سوات مشاعل) مشاعلل وش سويتي؟
أبو متعب(صد وطلع)
سوسن: والله ماسويت شى هي الى بدت تضربني ياعم
فهد: مشاعلل(بغضب وصوت مرتفع)
أبو عبد الملك: قطع يقطع لسانك يالي ماتستحي انزلع انزلع انت وحرمتك
فهد: تمون ياجد تمون(واخذ سوسن وراح الغرفه)
أبو عبد الملك: ماربيت بنتك يا عبد الملك
أبو فهد: السموحه يبه بس مشاعل ماهيب سذا والله
مشاعل: هي الى جايه تنفش ريشها علي
أبو فهد: اص اص ولا كلمه انتي وانقلعي لغرفتس
مشاعل:(راحت والغضب متملكها وسكرت علي نفسها الباب)
أبو عبد الملك:(راح المجلس)
ام مشعل: الله يهديهم
أبو فهد: يهديهم كلهم جاس العلم سوسن و مشاعل مايدخلون المطبخ مع بعض يفضحونا
ام مشعل:(تتنهد) طيب أبشر
أبو فهد: وين العيال ياخذون الفطور للحاره
ام مشعل هالحين اعلمهم
أبو فهد: لا انا بروح لهم
.
.
(عند المقلط العيال يسولفون ويضحكون)
أبو فهد:(دخل عليهم) ولد انت ويها
(الكل قام)
أبو فهد: اسمع كلن ياخذ الفطور ويوديه الجيران والمسجد هالحين
(الكل: ابشر)
.
.
(بيت ابو فايده في المطبخ)
ارياف: انا وش الى خلاني اطلع من شغلي هالحينننن ياربي راسي بينفجررر من الازعاج فاديه سكتيهم
فاديه: خليهم يستانسون عند بيت جدهم
ارياف: وانا بالطقاق اذني تروح فيها
فاديه: اذنك رايحه فيها بسبت عبير ومشاعل الى تثرثرين معهم
ارياف: وش عليس انتي سكتي وراعينس فضخو(فجرو) راسي
فاديه: انتي خاله ولا عدوه؟ خليهم ياخي (وهي تمسك ضهرها بتعب لانها حامل)
.
.
(بيت أبو فيصل)
عبير:(حطت الفطور بالصاله وحطت القسمه حقت الجيران وعطته فيصل)
فيصل: سلمتي والله اف يا الريحه
عبير: عشان تعرف اسم علي مسمى
فيصل:(يضحك) اي والله اسم علي مسمى
عبير: يلا خذ الفطور بس للجيران
فيصل: وحنا؟
عبير: فيه فيه خير رح ود فطور الجيران اول شى
فيصل: يلا الله يعين
عبير: صح فيصل
فيصل: ها؟
عبير: تراي عازمه البنات بعد الفطور نتقهوى ونحلي
فيصل:(يضحك) طرده محترمه حلوه
عبير: يعني هي مو طرده استأذن منك
فيصل: يلا عادي انا با جلسه حمد
عبير: خلاص
فيصل: (طلع يوزع الفطور)
.
.
(مطبخ أبو عبد الملك)
(العيال دخلو يأخذون الفطور)
منصور: غريبه وين ام لسان؟
خالد: ايه وينها بطقطق عليها قبل ما اروح
مشعل:(يضرب راس خالد) ياحول والله مابتفتك منك انت وياه
ام مشعل:(عشان العيال مايعصبون من فهد) راحت غرفتها تعبت شوي وتبي ترتاح
خالد: مشاعل تروح ترتاح وانتي بالمطبخ؟ بروح لها
ام مشعل: خلها ياولد انا قلت لها تروح مدمها تعبانه
خالد: ايه طيب وين الفطور عطيني القسمه
ام مشعل: منصور خذ قسمه أبو فاديه ودها لهم وقسمه المسجد ومشعل خذ قسمه أبو علي وأبو ريما وخالد خذ قسمه أبو فيصل وأبو علي
(العيال ابشري)
(كلن راح يودي الفطور)
.
.
(بيت أبو فاديه)
منصور:(يطق الباب)
ارياف:(تنفض يدها من مويه كانت تغسل المواعين ولبست طرحتها وراحت عند الباب) من؟
منصور: منصور (بصوته الرجولي الفخم والمعتاد) جايب قسمه الفطور
ارياف: استانست لانها بتعطيه قسمه بيت أبو عبد الملك ولا تاخذ مشوار وقالت لبنت فاديه تجيب القسمه وجابت القسمه بنت فاديه وفتحت الباب)
منصور:(يحط القسمه عند الباب)
ارياف: اصبر اصبر(مدت قسمه بيت أبو عبد الملك) قسمتكم واعذرونا علي القصور
منصور:(وهو صاد وأخذ القسمه) مابه قصور بالعافيه(وراح وهو ماياخذ ويعطي مع احد واجد)
ارياف:(خذت القسمه من الباب لتدخل) هو علامه كذا؟ دايم منفس ذا(تقلب عيونها وراحت المطبخ بعدم اهتمام)
.
.
(في بيت أبو فيصل)
خالد:(يعدل لبسه عشان عبير وطق الباب)
عبير: اف طيب طيببب(تقرب من الباب) من؟
خالد: خالد عبد الملك جايب القسمه
عبير: حطها عند الباب ورح
خالد:(حطها عند الباب وراح شوي عن البيت عشان يراقب)
عبير:(بعد ماتأكدت انه راح فتحت الباب واخذت القسمه وسكرت الباب)
خالد:(ابتسم اول ماشاف يدها وراح يودي باقي القسمه وهو مصنوع يومه عشان شاف يدها)
.
.
(اذن والكل افطر وراحو المسجد صلو ورجعو)
.
.
(عند عبير وأرياف ومشاعل بالسوق)
ارياف: اف الله يعينكم عليها بس
مشاعل: انقهرت ودي لو اصفقها ذي الملعونه
عبير: لو تجيبينها عندي اعرف شلون اربيها يالي ماتستحي هاذي
مشاعل: مايحتاج(تضحك) ربي ريما الى ماتستحي
عبير: اههه لو امسكها وامصع شوشتها بس ذي مغير ماسكتن(تقصد ارياف)
ارياف: اص بس فاضين حنا للمشاكل شهر فضيل
عبير: مابه عيب اذا تهاوشت معها شويات
ارياف: اص اص بس
مشاعل: ايه عليس بها عشات اريافف
ارياف: انتي تراس بسبدي لهالحين اسكتي
مشاعل: افاااا افا بس
عبير:(شافت فيصل مع منصور ومشعل والعيال با القهوه) فيصل؟ وش جابه اليوم قايل لي بيروح الجلسه مع العيال
مشاعل: (شافت اخونها) اخواني معه ماعليه امشي امشي شكلهم طفشو من الجلسه وجو قهوه السوق
ارياف: تعالى اختي اليوم متوحمه علي بابونج مشينا نروح للأعشاب بس
مشاعل: يلا
(راحو عند الاعشاب)
.
.
(عند العيال)
مشعل:(ساكت يهوجس ماهب يم العيال الى يسولفون)
منصور:(يضرب كتفه بشويش) شعلول علامك ؟
مشعل: مافيني شى انت علامك؟
منصور: ماسك علي مسكه؟ مافيني شى(يضحك) شكل حاط عينك علي حرمه ها؟
مشعل: اعوذ بالله لا لاماحطيت ولا شى بس افكر با مشاعل اليوم
منصور: ليه علامها بعد؟
مشعل: جينها مافيها شى ومنها جينا ناخذ القسمه ماهي موجوده ويقولون تعبانه وحنا شفنها بخير
منصور: تبي الصدق؟ حتى انا مادخل ببالي انها تعبانه ابدد
مشعل: الله يستر لايكون شى صار وحنا ماكنا موجودين
منصور: لاتشيل هم مدام الشبل شعلول اخوها مابيصير لها شى اناشالله
مشعل: هاذا الى انا خايف منه انه يصير لها شى وحنا اخونها وماندري عنها
منصور: لا ندري مابها شى تراي لمحتها دخلت مع عبير وأرياف العطار مشعل: اها زين مدامها معهم ماينخاف عليها(يضحك بضيق)
.
.
(عند العطار او الأعشاب الى تسمونه)
عبير: سليمه لاتخليني انجن عليس يالعبده رخصي بالسعر ٤٥ ل إيش؟
سلمى: اول شى اسمي سلمى ثانيا انتي خذيتي بابونج كرتونين وخذتو بهرات كبسه وقهوه حزمه ومع الضريبه
مشاعل: افا ياسليمه تاخذين علينا ضرايب؟ حنا نشتري منس كل شوي ضريبه؟ علي كم غرض؟
سلمى: ماله دخل الضريبه إنكم كل شوي تشترون مني وتراكم كل بعد يومين تجون تشترون مني وكلكم دفعه وحده بعد
عبير: يالي ماتستحين حنا كل بعد يومين؟ احمدي ربس ولا من يدخل عليك وريحه المخيسه في محلس
مشاعل: اي والله يع انطلي الحلبه قتلتنا
سلمى: اذا ماتبين روحي وشوله جايه تشترين؟
ارياف: بنشتري خلاص لايطق لس عرق وتموتين ونبلش فيس
عبير: اخر كلام سلموه ذا كله با ٣٠ سامعه؟
سلمى: حرام عليك مايصير والله
مشاعل: حرمت عليس عيشتس العلم وصلك عشره من كل وحده
(تدخل ريما هي ووجدي)
ريما: بنات الفقر هنا(تضحك) يرخصون با اعشاب حمدالله والشكر
وجدي: (تضحك) اول مره اشوف احد يرخص با ببونج
عبير: اقول يا ام عش تبيني ابلعك اعشاب؟
مشاعل: هه(تضحك) خدامتها معها وجدي انتي اخر من يتكلم عن رخص البابونج لانك انتي اصلا رخيصه بكرامه ولا بدون
وجدي: احترمي نفسك تراي محترمتك عشانك اخت زوجي المستقبلي
ريما: يععع وش تبين با نسبهم؟
مشاعل: تخسين وتعقبين وانا بنت عبد الملك علي اخر عمري تبين تتزوجين من اخواني
ارياف: مشاعل بنات خلاص هونوها يلا عطيتها الحساب مشينا
ريما: اقول مو عشانس دكتوره تسوين يعنني الفاهمه؟ روحي امسكي عيال اختك المجنن واختك الى كنها صرصور مغير تولد
ارياف: احسن منس يالعانس يا ام العش يالي محدن يحبس
وجدي: من يحبس انتي اصلا؟
مشاعل: كلن يحبها احسن منس انتي وأم العش مغير الوراعين ينحاشون منها وهي ماشالله(وهي تسمي علي ارياف) كلن حبها صغار وكبار وذربه بنيتنا وشعرها يلفح موب شعر العش(تضحك)
عبير: يحصلها اننا نتكلم معها ام العش (تضحك)
ريما:(عصبت) منقهراتن مني (تقلب عيونها وهي الى منقهره)
عبير: علي وش ياحافض من زينس ننقهر منس؟
ام ريما:(تدخل علي الهوشة) اقول يالعانس انتي وياها وخرن عن بنيتي
عبير: انتي تبين تموتين؟ بس ابشرس موتس علي يدي ياعجوز قريح
(ويطبن البنات هوشه وسحب بالشعور)
ام ريما: عسا يدس الكسر فكي شعر بنتي يالعانس
عبير: صدق؟ ابشري(وتعض راسها وهي تسحب شوشتها) اخذيه يا ام العش
مشاعل:(استلمت ام ريما بالضرب والنعل)
ارياف:(مسكت سلمى ووجدي) ههاي اذا رحتن تفزعن مع ام العش وعجوز قريح والله لانتف اذانيكن وشوشكن
وجدي: وخري بس لاصفقك
ارياف: هاه ماسمعت سمعني مرا ثانيه(تذكرت الرياكشن ههههه) اقول تصفقين من يا عبده اص ولا كلمه ولا والله لاخنكس با خلاط البهرات سمعتيي
سلمى: حرام عليك شوفي كيف تعذبو وخري نفزع
ارياف: مايحتاج انا مافزعت خلكن عشان ما افزع والعن شكلكن
(وهنا ابتدت الهوشة والضرب داخل العطار)
.
.
(عند قهوه العيال)
بزر الديره: فيصل الحق فيصل
فيصل:(قمز) علامك ياورع؟
بزر الديره: عبير تطق ام العش ومشاعل تطق عجوز قريح(كلن يعرف ان ام العش ريما وعجوز قريح امها) وأرياف مستلمه وجدي وسلمى
فيصل: ها(ترك بياله الشاهي وراح للعطار)
مشعل: اخو مشاعل(وقمز للعطار)
منصور: (يقمز ورا مشعل وفيصل)
خالد: لاوالله كدينا خير(وراح وراهم)
.
.
(عند العطار والغبار والرفوف طايحه وهن يتهاوشن)
مشعل: مشاعللل
فيصل:(مسك عبير) انتي علامس انهبلتي؟(يعدل طرحتها)
منصور:(يسحب مشاعل) وشبس انتي يالخبله ماتتوبين
عبير: فكني اذبح ام العش الملعونه السلوقيه
مشاعل: هن الى بدن والله حنا جينا نشتري وهن الى جو لنا
خالد:(صد عن البنات وجلس يناضر مشاعل) وانتن خبلات تتهاوشن با العطار؟
مشعل: والله ليقطعس ابوي وجدي يامشاعل
مشاعل: جت علي يعني؟
منصور: ايه جت عليس
ارياف:(كانت بعيد تشيل اغراضها)
(اما ام العش وعجوز قريح ووجدي حاله يرثى لى وسلمى راحت كرامتها ومحلها وعبياتهن كلها تراب ووجيههن رايحه فيها من كثر التبقيس الى جاء)
ام ريما: والله لاوريكم يالعوانس واساسا انتي يامشاعل يا سيده العوانس
مشاعل: ماتتوبين من الضرب ياعجوز قريح تبين تزيدين ها؟
ريما: يمه يالمتوحشات كسرتو عظامي
عبير: والله لو بيدي كسرت راسك مو بس عظامك يا ام العش
ام ريما: اقول يالدكتوره يالفاهمه يالي كنا بنزوجك ولد اختي مالت عليك
ارياف: حامض علي بوزك يا عجوز قريح تزوجوني ولد اختكم المهبول ههاي بتزوجونه دكتوره تخسين اص لا افك عليك مشاعل هالحين
وجدي: الله ياخذك انتي ومشاعل وعبير
مشاعل:(مسكت نعالها ورمتها علي راس وجدي) الله ياخذك انتي يالعبده
وجدي:(طاحت) حسبي الله عليك
مشعل: مشاعل يلا مشينا البيت يلا
منصور:(سمع صوت ارياف وميزه علطول وحس بشى غريب تحرك بداخله منه سمع صوتها وطلع علطول)
(مشعل هو وخالد خذ مشاعل وراحو)
فيصل:(يطلع عبير من المحل) عبير انتي علامس ماتتوبين ها؟ ماتتوبين؟
عبير: با اتوب اذا شفتهن ميتات هذلي
فيصل: ابشرس امهات سبعه وسبعين روح بتتعبين نفسك وانتي تحترين موتهم
عبير: الله يقلعهم
فيصل: يلا يلا البيت
عبير: لا با خذ ارياف معي ضعيفه
فيصل: انا الضعيف والله(وراح)
عبير:(راحت لارياف) جاس شى؟
ارياف: لا بسم الله علي بس والله صفقتيهم تصفيق(تضحك)
(وهم يمشون بيطلعون من السوق)
عبير: مانيب هينه بس مسكينه مشاعل ودي لو جت معنا
ارياف: اي والله(وهي تفكر با منصور كيف راح كذا بس سكتت)
.
.
(باطريق ثاني عند مشاعل واخونها)
مشعل: انتي خبله تتهاوشين مع هذلي؟ ماتستحين؟
مشاعل: والله والله ماجيناهم هم الى جو وهم الى ابتدو الهوشه
خالد: خلاص عرفنا بس ماتمسكين لسانك؟
مشاعل: ما اقدر واللهي لان لو اقدر مسكته عنكم
مشعل:(يضحك وضرب راسها بشويش) وعارفه بعد انها ماتمسكه عندنا
مشاعل: احبكم بس تكفون جدي وأبوي لايدرون والله يسلخون جلدي عاد هم اليوم الصبح بغو يسلخونه جلدي
مشعل: ليه وش سويتي؟
مشاعل: سوسن الكلبه جايه المطبخ تتهاوش معي ويعني تطاقينا
مشعل: طيب؟
مشاعل: جاء جدي وأبوي علي الصوت وهاوشوني وقالو اذلفي غرفتك ولا تطلعين
خالد: اهااا عشان كذا اثاري مو تعبانه؟
مشاعل: لا طبعا ياخبل وش اقول من اولا؟ وبعدين من قال لك اني تعبانه
خالد: قبل الفطور منا جينا ناخذ أقسام فطور الجيران مالقيناك وقلنا لأمي وينك وهي قالت انها قالتلك روحي الغرفه
مشاعل: يابعدي يا اميمتي خليتها تشتغل لحالها
منصور:(كان يمشي معهم با جسد بس اما فكر بعيدددد ناحيه ارياف)
مشعل:(يضحك) يابعدي يا اميمتي اجل (لف يناضر منصور) ولد؟
منصور: (انتبه) هاه؟
مشعل: علامك انت وين راح فكرك؟
خالد: اوهه يعني في زواج قريب
مشاعل: اوه مبروك من؟
منصور: خبل والله انت وياها لاطبعا بس افكر با حمد قلت اني بجيه الجلسه شويات
مشعل:(يضحك) ايييه اجل انا بعد بروح معك
منصور: زين زين
.
.
(وصلو البيت ودخلت مشاعل غرفتها والعيال راحو للشياب با المجلس)
ابو عبدالملك: جيتو بعد دواجه بالشوارع يالسرابيت؟ وينكم من اولا
مشعل: كنا في المحل
أبو فهد: ايه الله يقويكم
منصور:(ياخذ القهوه من كرم) اجلس بس اجلس
كرم: لا عادي يارجال(يضحك) مابه كلافه
منصور: انت ابو منصور لازم نضيفك يا ابو سميي
خالد: ومن قالك انه بيصير سميك؟ سميي انا طبعا
منصور: اقول بس اهجد خل عنك بيسميه منصور
مشعل: لا بيسميه مشعل
متعب: افا انا وين رحت بس متعب اطلق اسم
أبو عبد الملك: اص ولا كلمه بتسميه عبدالاله(اسم أبو عبدالملك)
كرم: ابشر
.
.
(بالصاله عند البنات)
مشاعل:(قالت لهم سالفه محل الاعشاب)
ميلا:(تضحك) الله يستر منكم محد يجي بين يدينكم
ريهام: (تضحك) يوك منكم تخوفون
ام مشعل: الله لايفشلنا بس وانتن ماش بنات علي الفاضي مافي حيا وسحا؟
مشاعل: يمه والله هم الى بدن ماجيناهم
ام متعب: ماعليس منهن يابنيتي خذي حقس بيدس للي تغلط عليس
مشاعل: لاتوصين حريصه
ام مشعل: ام متعب الله يهديك لاتقوين البنت مايصلح
ام متعب: اقويها علي الحق ولا تبينها تنضرب الله يهديك يا ام مشعل
ام مشعل: مو كذا قصدي بس تستحي البنت
ام متعب: هي ماسكه نفسها وهن الى جو لها يستاهلن
ام مشعل:(تتنهد)
ميلا: كان ودي اشوف وجيههن(تضحك)
ريهام: قهر (تضحك)
مشاعل: مالت عليهم
ام عبد الملك: مشاعل يابنيتي انتبهي انتي تراس بنت منتي ولد تتهاوشين وتضربين سذا
مشاعل: جده ترا هم الى بدو وخل يستاهلون العبادات
ام عبد الملك: كلنا عبيد لله استغفري ربس مشاعل
مشاعل: ونعمه بالله واستغفرالله
ام فهد:(تنزل وهي منفسه وجلست هي وجود)
جود:(تبتسم) السلام عليكم؟
(الكل: وعليكم السلام)
ام عبدالملك: ام فهد؟ مافي السلام عليكم ولا لازم نعلمك ؟
ام فهد: السلام عليكم مساء الخير(با ابتسامه مزيفه وجلست تناضر التلفزيون)
مشاعل:(تبتسم لجود)
ميلًا:(تهمس لمشاعل) ذي الى صدق ودس تكفخينها(تقصد ام فهد)
مشاعل: اي والله اهه يالقهر بس لو امي وجدتي تفلتني عليها
ريهام: اهجدي يابنت ماهيب ام العش وعجوز قريح
مشاعل: (تضحك) بهجد من دون ماتقولين عشان ما يتعلق راسي ويتحنط با مجلس الرجال واصير عبره بدال ما اصير قدوه
ميلًا: صح صح اتفق اهجدي احسن من الخيار الثاني
ريهام:(تضحك) خيار ولا جزر؟
مشاعل وميلا: سامجهه(بهمس مع بعض)
جود:(جالسه تناضرهم بحزن وهي مو قادره تجتمع معهم بسبب امها)
.
.
في بيت أبو فاديه وتحديدا غرفه ارياف)
عبير: ودي ادق علي مشاعلوه تجي عندنا
ارياف: اي والله مسكينه ياليتها تجي
عبير: اليوم لو تحلمين اخونها مايطلعونها بس يمكن بكره
ارياف: يوه عاد لو حلفو ماتطلع مصيبه
عبير: اي والله يتكون مصيبه، ارياف
ارياف: هلا علامك؟
عبير: انتي لهالحين بشغلك؟
ارياف: اي والله وش تبيني اسوي احاول املي الفراغ
عبير: مايصلح وانتي مع الخطوط وتعب وانتي رايحه جايه خافي علي عمرس لايصير بك شى
ارياف:(تضحك) أبشرك بخير الحمدالله ومنتبهه علي الخطوط
عبير: انتبهي علي عمرس مو علي الخطوط
ارياف: منتبهه يابنت انتي علامس؟
عبير: ولا شى بس في واحد يقولون أهل الديره انه كان جاي لديره وصدم ناقه وتوفى وتوفت الناقه
ارياف: لاحول ولاقوه الا بالله إنا لله وإنا اليه لراجعون
عبير: الله يرحمه
ارياف: امين
عبير: اليوم تراي زعلانه منكم انتي ومشاعلوه ماتقهويتم عندي بكره تجوني تتقهون
ارياف: لا وين نكلف عليك مايحتاج تعالو عندي
عبير: انا قلت بكره عندي يعني عندي ولا كلافه ولا شى
ارياف: يابنت بكره عندي انا
عبير: لا مالي دخل تعوضون اليوم
ارياف: طيب طيب بدق علي مشاعل وأقول لها
عبير:(تقوم تلبس عبايتها)
ارياف: وين وين
عبير: كثر الله خيرك بروح اجل لابسه العبايه ليه؟
ارياف: ماش ماجلستي عندي (تقوم)
عبير: مره ثانيه يلا مع السلامه(تسلم علي ارياف)
ارياف: مع السلامه
(راحت عبير لبيتهم)
.
.
في مطبخ أبو عبد الملك)
جود:(كانت تسوي السمبوسه وتلفها)
مشاعل: (تقطع اللحم للسحور)
ميلًا:(تقطع الخضار للسلطة)
ريهام:(تساعد جود)
ام مشعل: مشاعل تقاطيع ماهيب كبارر ولا صغار سمعتي؟
مشاعل: أبشري يمه سمعت سمعت مانيب صمخا
ام مشعل: انتي صمخا(تضرب يدها) هذا وشن؟ كبار كباررر
مشاعل: ايي مادريت يمه علامس ضربتيني
ام مشعل: عشان تعرفين قطعي الكبار يلا عجلي
مشاعل: (تقطع)
ام متعب: (وهي تسوي الكوسه) ام مشعل! مافي عرس لعيال مني مناك؟ تراهم كبار
ام مشعل: والله اني قايله لهم بس هم مغير يعيون(يرفضون) مدري علامهم
ام متعب: مشعل بيعيي اما منصور وخالد ليه يعيون ياحافظ؟
ميلًا:(تعدل جلستها عشان تسمعهم بوضوح)
ام مشعل: منصور مغير يتهرب من هالطاري واذا مسكناه قال طارين شين انا ما ابيه وخالد مدري عنه مايتكلم ابد اذا جبنا الطاري
ام متعب: بنات الديره واجد قولي لعمي أبو عبدالملك عنهم والله ليغصبهم
ام مشعل: هاذا الى مابيه انه يغصبهم علي شى هم مايبونه ابد
ام متعب: (تتنهد) الله يهديهم ونشوف الين متى
ام مشعل: اناشالله مايطولون وهم سذا
ام متعب: اناشاءالله يلا يلا بنات استعجلن محمد بيجي تعبان والله ليعفس الدنيا اذا ماخلصنا
مشاعل:(تضحك) عمي اصلا عافس الدنيا خالصين
ام مشعل: وين خلصتي؟ قطعي قطعي اللحم وانتي ساكته مغير تدوجين مع بنات صحنين فول يكفيهن عن وعايلتهم موب حنا ماشالله
مشاعل: هذول مايجيبون واجد انتم مغير تزوجون وتحملون وتولدون
ام مشعل: اص اص قولي ماشالله بس
مشاعل: ماشالله
ميلًا: شوفي فاديه آخت ارياف مغير حامل وتولد حامل وتولد ماشاءالله عليها
ام مشعل: ايه تبي عيال يشيلونها
مشاعل: وين يشيلونها مغير صجوها ولجوها وأرياف مغير تصايح منهم ومن ازعاجهم
ام متعب: عشانهم صغار شوفيهم وهم بيكبرون
مشاعل: زين زين انا خلصت اللحم واذا كبرو وراعينها المجنن قولولي
ريهام:(تضحك)
ام فهد:(تدخل المطبخ وهي معصبه علي جود) جود جود بنت ليه انتي هنا؟
جود:(كانت مستانسه بالجمعه الين امها جت) اساعدهم يمه وهاذا سحور ابوي وجدي وعمي
مشاعل: وانتي وش عليك؟ البنت عندنا تشتغل وش تبين؟
ام فهد: ولا كلمه يا ام لسان انا جالسه اكلم بنيتي، جود يلا تعالي
جود:(تتنهد وراحت لامها)
مشاعل: من زينس عاد يلا يلا روحي لاهفك براس المعزا
ام فهد:(مسكت جود وراحو غرفتهم)
ام مشعل: مشاعل انتي علامس؟ خليها هي وبنتها كيفها
مشاعل: يمه والله تقهر تقهررر
ام متعب: الصدق تقهر بس ماعليه يا مشاعل كملي شغلس وش نسوي
مشاعل:(تكمل بضيق وحزن علي حاله جود المسكينه)
.
.
(با غرفه ام فهد)
ام فهد: وانتي وشوله رايحه تساعدينهم؟ خليهم بالطقاق
جود: بس يمه مايصلح هذول خواتي واهلنا الين متى بنقاطعهم وننحاش عنهم سذا؟
ام فهد: ليوم القيامة وخليهم يخيسون بالمطبخ انتي اصلا ريحتك كلها بصل ولحم وحميسه روحي بدلي يجوز الريحه تروح لأني با اموت منها
جود: طيب(راحت تتروش وهي ضايقه من تعامل امها لهم مع انهم ماسوو شى لها)
.
.
عند مجلس عبد الملك والشياب)
(كانو يسولفون الشياب)
ابو عبد الملك: أبو فهد! وين العيال؟
أبو فهد: يبه تلقاهم بجلسه الشباب المعتادة
أبو عبدالملك: لاحول ولا قوه الا بالله وهذول مسرعهم يروحون الجلسه؟
ابو فهد: قبل شوي كانو موجودين وبعدها راحو شباب يبه
أبو عبد الملك: ماخربهم غير الشباب والشباب
أبو فهد:(يتنهد)
أبو عبد الملك:(يسولف مع الشياب الثانين)
أبو فهد :(ساكت)
أبو متعب: أبو فهد! انت علامك؟
أبو فهد: مافيني شئ
أبو متعب: والله انه فيك
أبو فهد: تبي الصراحه؟ العيال العيال متعبيني ابوي مغير يشرهه علي بس ماهوب بيدي
أبو متعب:(يضرب كتفه بشويش) هونها وتهون ياخوي ماعليه
أبو فهد:(يبتسم)
(رجعو يسولفون مع الشياب)
.
.
عند جلسه العيال)
كانو يسولفون ويضحكون ومستانسين)
فيصل: أبو علي وينه غريبه اليوم مامرنا؟(يضحك)
منصور: اص بس لايجينا هالحين ويخرب الجلسه ماتسودنا(استانسنا) انه ماجاء
خالد: لحد يخرب مزاجي بطاريه الاقشر ذا
مشعل: خالد تراه كبر ابوك لاتشرهه عليه
حمد: ياعيال جاء جاء
(تأففو كلهم)
أبو علي: انت ياولد ماتستحون؟ ماتنتخون؟ هالحين جالسين هنيا عشان البنيات(البنات) افا افا بس علي التربيه
خالد:(بهمس لمنصور) وش دخل التربيه هالحين؟
منصور: زهايمر ماعليه طنش طنش(يضحك بشويش)
خالد: اني داري
حمد: ياعم غيرنا مكان الجلسه خمس مرات وين تبينا نحطها؟
أبو علي: قطع يقطع لسانك تراددني يالي ماتستحي؟
حمد: مارددناك بس حنا نعلم
فيصل: اي والله ياعم غيرنها كم مره ومغير تهاوش وين تبينا نحطها هاذي المره؟
ابو علي: بعيد عن طريق البنات
خالد: ودينها أماكن بعيده وقلت مكان البنات وش تبينا نسوي؟
أبو علي: مافي جلسه ابد اجل
مشعل: ياعم ليه كذا حنا مانب يم. البنات ابد
أبو علي: جاكم العلم(وراح)
منصور:(يضحك) وين يبينا ذا الشايب؟
مشعل: با زحل
خالد: والله لتروح لزحل ويلحقك
فيصل:(يضحك) الله يعينه علي نفسه
حمد: اي والله يلا ياعيالل السحور
فيصل: سمو بالله ياعيال واكلو
(الكل: بسم الله)(بدو يتسحرون)
.
.
في بيت ابو فيصل)
عبير:(جالسه تتسحر با الصاله)
أبو فيصل:(يدخل وبيده الدخان ووجهه مشووه من كثر الحبوب والمخدرات)
عبير: يبه تبي أحط لك السحور
أبو فيصل: لا لا(بدوران وجلس با الاريكه) ابي شاهي
عبير: ابشر (قمزت تسوي الشاهي ومنها رجعت لقته نايم وابتسمت) ادري انك بتنام وما يتشرب الشاهي(تضحك وحطت الشاهي علي الطاوله وراحت تجيب بطانيه وغطته ابوها واخذت الدخان من يده ورمته وشالت المواعين وراحت تغسلهم ورجعت لصاله وطفت النور وراحت لغرفتها)
.
.
في بيت أبو فاديه)
ارياف: انا مابتسحر معك انتي ووراعينك هذول (تحط لها بصحن)
فاديه: وين باتروحين؟
ارياف: غرفتي اتسحر براحتي
فاديه: بتخلينا
ارياف: اي ولا دقي علي زوجك الى مغير يراكض ورا الحريم وخليه يتسحر معك
فاديه: جميل مايلاحق ورا الحريم ارياف لاتغلطين ترا ساكته لك انا واجد
ارياف: اوهوووو اسكتي الين تموتين انتي شايفه زوجك وفعايله وتسوين نفسك عميا ياخي صارحيه وقوليله
فاديه: اصارحه ان اختي المتربيه المتعلمة الدكتوررهه تقول زوجك يلاحق الحريم
ارياف: ماقلت قولي كذا
فاديه: روحي روحي غرفتك ارياف بالله
ارياف: بروح من دون ماتقولين(خذت صحنها وراحت غرفتها)
فاديه: (حطت صحنهم بالصاله وجلسو ياكلون وهي تفكر باكلام ارياف الى للحين يزن با راسها)
ارياف:(تتسحر وهي تناضر التلفزيون)
.
.
في بيت أبو عبدالملك
ام مشعل: مشاعل ابسطي السفره حقت الرجال بالمقاط
مشاعل: توي اعرف نعمتكم يا اخواني(واخذت السفره وراحت تحطها بالمقاط)
ام متعب: ريهام حبيبتي اخذي صحون السلطه وميلا اخذي المويه والحليب واللبن شوفيهم بكيسه وودوهم للمقلط
ريهام: ابشري(اخذت صحون السلطه وراحت المقلط)
ميلا: طيب(خذت كيس المويه والحليب واللبن وراحت للمقلط توزعهم)
أشجان:(ترتب الجريش با الصحون)
هنوف: اشجان عنك اسويه
اشجان: تخسين وخري ورا بس(بمزح)
هنوف:(تضحك وراحت تسوي سفره الحريم)
امال: عمه عطيني اودي مع البنات
ام متعب: امال حبيبتي اجلسي لاتتعبين
ام مشعل: اي حنا خلصنا
امال: بس تعب علي البنات، طيب ابشرو
اشجان:(تضحك) امال حبيبتي بيجيك الى يجيني حتى صحن ما اشيل استمتعي با الشهور ذي لان بيجيك بعدها كرف مو طبيعي
امال:(تضحك) عشان كذا انا ماودي اجلس
اشجان: روحي بس لايجينا كرم ويسلخنا عشانس انتي وولدس
امال: طبعا(تمسح علي بطنها) الا ولدي(تضحك)
اشجان: يارب صبرك مشاعل وين بس
امال: الا مشاعل مابفتك من لسانها
اشجان: (تضحك) تربت علي الطيب بنت عبدالملك
ام مشعل: لا والله تربت علي الفرفره والضرب باخلق الله
امال:(تضحك) ياحلوها والله هاذي الى كفو
ام متعب: انتي كفو لو جلستي
اشجان:(تضحك بقوه) روحي اجلسي يا ام كفو
امال:(تضحك وراحت الصاله)
(رتبو سفره الحريم)
.
.
بامقلط الرجال
مشاعل: يابنت لا غلططط مو كذا يسوون الحليب
ميلا: وش دخلس انتي كذا شكله حلو
مشاعل: والله شكله يفقع المراره زينيه زين جنب الجريش يالخبله
ميلا: انا خبله؟ اجل زينيه انتي يالذكيه
مشاعل: بحتريس يعني (تزين السفره)
ريهام: اقسم بالله إنكم وراعين في احد يتهاوش علي سفره حمدالله والشكر
ميلا: اسألي بنت عمس الذكيه
مشاعل: ذكيه من دون ماتقولين وخري وراس لاهفك باصحن الجريش ويخليك تدورين ماتدرين وين الله حاطك
ريهام: ميلا تهديد قوي واضح بيتنفذ بعد عشر ثواني
ميلا: (تنحاش)
مشاعل: (تضحك) يلا يلا مشينا
ريهام: يلا
(طلعو من المقلط )
.
.
مجلس الشياب
أبو فهد:(بعد ماتأكد ان العشا جاهز جاء) يلا السحور
(الشياب كلهم قامو يغسلون يدينهم ويتوجهون للمقلط)
أبو عبد الملك:(مسك أبو فهد) وين عيالك مايجون يتسحرون؟
أبو فهد: شكلهم بجلسه حمد وتسحرو هناك
أبو عبد الملك: يافضحنا فضحاه يتسحرون با جلسه حمد وسحور بيتهم مايجونه؟
أبو فهد: يبه بيجون ماعليه وانا قايل لهم يتسحرون عنده هم بعد رجال ماهب وراعين يايبه
أبو عبدالملك: اه ياتربيتي لك اجل ماهب وراعين وخلهم السرابيت فضحونا (وراح وهو معصب علي أبو فهد)
ابو فهد:(يتنهد بقله حيله وراح وراه)
(بدو الشياب يتسحرون)
.
.
(الحريم بعد بدو يتسحرون)
.
.
عند جلسه العيال
(قامو يغسلون ورجعو يجلسون مكانهم)
مشعل: كثر الله خيرك ياحمد
حمد: الخير كثير بس انتم ماتجون
منصور: حمد انت تعرف جدي كيف مايمدينا نجيك الا بالياله او بالتدسس(التخبي) وهالحين جيناك والله يستر اذا رجعنا وش بيسوي جدي
فيصل: ياولد انتم الى خليتوه كذا معكم
خالد: لاوالله هو من يوم يومه كذا وش نسوي ماخليناه كذا
مشعل: ماعليه بس يلا ياعيال مشينا (يقوم)
حمد: مسرعكم ما امداكم تجلسون
منصور:(يقوم) بكره بنجيك الساعه ١٢ الليل جهز الجلسه
خالد: (قام) اهم حاجه الحلى ياعيال والقهوه
فيصل:(يضحك) في خير تعال انت بس
مشعل: اجل يلا توصون شى ولاش؟
حمد: سلامتكم
فيصل: السلامه
(راحو منصور وخالد ومشعل للبيت)
.
.
.
[انتهى البارت✨]
