.
.
[البارت ٤]
.
.
في السوق
ارياف:(توصل وراحت للبنات) السلام عليكم
عبير: وعليكم السلام
مشاعل: وعليكم السلام جابك الله ريوفه
ارياف:(تضحك) وقت المصالح تجيك الكلاب مشتاقه
مشاعل: افا انا كلب؟ بس مسموحه عشان أغراضي الى بيدي
ارياف:(تضحك) داريه يلا نودي الاغراض للسياره ونرجع
عبير: طيب يلا
(وودو الاغراض السياره ورجعو السوق)
مشاعل: يوه بنات امي طلبت اجيب قهوه حب من سلموه
عبير: اففف مالقيت الا سلموه؟
ارياف: بنات بكره عيد تعوذو من ابليس والهوشات الى مالها داعي مانبي
عبير: مابنتهاوش امشو بس
(راحو عند عطار سلمى)
عبير: سلموه نبي حب قهوه
سلمى: كم تبين؟
مشاعل: نبي نص كيلو
سلمى: طيب(بتأفف وراحت تجيب القهوه)
ام ريما:(اول ماشافتهم سحبت ريما ووجدي ودخلو عطار سلمى)
ريما: افف يمه ليه دخلتينا عند هذول
عبير: هذول يا ام العش لهم اسامي
وجدي: (تضحك) اساميكم جزمه وزباله وحرام ارياف عشانها حالها حل نفسها وبتصير منا بعد
ارياف: تخسين
عبير: انتي الجزمه انتي والزبايل الى معس
مشاعل: انتو شكلكم تبون تبلعون تراب صح؟ ترا عادي نبلعكم تراب وحصيان[حجر]
ام ريما: اقول بس يا ام لسان اص حنا جايين لارياف مو عشانكم ياوجيه النحس
عبير:(تشهق) حنا وجيه النحس ياعجوز قريح
مشاعل: لااا ذي ملتتوب(ترفع كمومها)
ريما: يمه وحوشش اقوللل وخرو بس عنا ولا والله لنادي أهل السوق عليكم
عبير: اوهووو انا ابيهم يتجمعون علي الحرب الى بيصير يا ام العش(ومسكتها ضرب وتمعط شوشتها)
ام ريما: (تحاول سحب عبير وهي منبطحه فوق ريما ضرب) وخري عن بنتي حسبي الله عليك موتتيها
مشاعل: لااا انتي ياعجوز قريح علي (ومسكتها ضرب وتسحب برقعها)
سلمى: بنات تكفون تهاوشو برا مو هناااا(تحاول دفعهم برا وجها ضرب)
ارياف:(تضحك) تستاهلون
وجدي : انتي هييي وخري ذول حسبي الله عليك حساب مابعده حساب
ارياف: هييي(تدفها بقوه وطاحت وجدي فوق سلمى) تحسبين مين انتي(ضربتها باملعقه البهارات)
وجدي: اييي راسييي الله ياخذك
ام ريما: برقعييي شلتيههه(تتضارب مع مشاعل)
مشاعل: وبشيل راسك يا عجوز قريح(وضربت بطنها برجلها)
ريما: يمههه ذي كسرتني
عبير: ماجاس شى ياعجوز قريح
مشاعل: (شافت عيال جو) يابناتتت العيال العيال بيسلخونا
عبير:(قامت واخذت عفشها) مشينا مشينا
ارياف:(تاخذ القهوه واغرضها) يلا مشينا
مشاعل:(ضربت ام ريما كم لكمه وقامت) يلا
(وطلعو بسرعه لسياره ارياف)
ام ريما: حسبي الله عليكم(تاخذ برقعها المتقطع)
ريما: يمهه شوفي يديني كلها دم من تخميشهم الله ياخذهم(تبكي)
وجدي: اهه راسي معاد اشوف شى
سلمى:(طايحه علي الارض) حسبي الله ونعم الوكيل عليهم
ام ريما:(تقوم) والله لاوريهم العوانس
وجدي: هاذي الى بتكون زوجه خالتك ياريما؟ شوفي وش سوت فينا هي وصديقتها الله ياخذهم كلهم
ريما: يمههه مانبي ارياف خلاص
ام ريما: اصبري علي رزقس وبيجيك ياريما
ريما: مابصبر اكثر من كذاااا
ام ريما: خليس معي وتشوفين
ريما: اهه يدييي
.
.
عند البنات با السياره
ارياف:(تضحك وشغلت السياره وحركت)
عبير: راحو وطي
مشاعل: اي والله (تضحك)
عبير: كفو عليسس مشاعل وطيتي فوق العجوز
مشاعل: كفوس الطيب وانتي بعد بردتي سبدي فوق ريما تبقسينها[تلكمينها]وتعرين[تسحبين] شعرها ام العش
عبير: قهرتني بس بردت كبدي (تضحك) ارياف تضرب وجدي باملعقه البهارات البهارات
مشاعل: اي ماهيب هينه الدكتوره
ارياف:(تضحك) وش اسوي بعد فقعت مراره كبدي وما لقيت الا ملعقه البهارات وخبطتها علي راسها الكبير
مشاعل: انا اشهد ان راسها كبيررر
عبير: اههه بطني انفقع من الضحك بنات اشكالهم رايحه فيها ومشاعل قطعت برقع عجوز قريح
مشاعل: ايه عشان يشوفونها الشيفه عجوز قريح هي وبنتها
ارياف: مهبولات هي ولي معها
عبير: مهبولات على عمرهم بس علينا لا اطلع الهبال من خشومهم
مشاعل: اي والله
ارياف:(تضحك وتوقف عند بيت مشاعل)
خالد:(شاف سياره ارياف عند البيت) ياعيال ذي وش جابها بالبيت؟
مشعل: معها مشاعل
فيصل: اي وشكل بعد عبير معهم
خالد: ها؟(زين شكله وضبطه) بروح لمشاعل دقايق عانوها نزلت
منصور:(يمسك كتف خالد) وين رايح وين رايح؟! خبل انت تروح للبنت(بهمس لخالد)
خالد: مانيب رايح لها بروح لمشاعلوه اختي
منصور: (يفك كتفه) عناني علمتك لا اشوفك توطوط عند الحرمه
خالد: اوهوو مانيب جايها قلت لك(وراح لمشاعل)
مشاعل:(تشيل اغرضها من سياره ارياف)
ارياف:(نزلت تساعدها)
خالد: تبون مساعده شى ولا شى؟(وانضاره لعبير)
مشاعل: لا خلصنا
ارياف:(تركب السياره) تبي شى ثاني؟
مشاعل: سلامتس
ارياف: (تحرك لبيت عبير)
خالد: اوفف بس القهر اف بنت وعندها سياره بعد يوهه ونضيفه تغسلها كل خمس دقايق
مشاعل:(تضرب راس خالد) انا ادري ان عيونك ياخويلده علي عبير بس مافي الين يتزوجون اخوانك الكبار بعدين يجي دورك يالمهبول
خالد: لو تجي عبير والسيارة بس اوفف تكتمل فرحتي
مشاعل: (تضحك) قسم بالله خبل بدال بيت ولا ارض ولا شى ينفعك سيارههه سياره بدال السياره سيارتين اذا توضفت
خالد: من وين لي بس
مشاعل: اناشاءالله الله يرزقك ويرزقنا كلنا
خالد: اللهم امين ادخلي ادخلي بس
مشاعل: يدخل بتحريك اجل؟(تضحك ودخلت البيت)
خالد:(يروح للعيال)
.
.
عند بيت ابو فيصل
ارياف:(توقف)
عبير:(تنزل تشيل اغرضها)
ارياف:(تنزل تساعدها)
عبير: ارياف ماودك تجلسين عندي؟
ارياف: (تضحك) هو ودي بس ما اقدر تعرفين
عبير: افف اجلسي عندي ساعه كذا وبعدها روحي
ارياف: الود ودي اجلس بس ما اقدر والله
عبير: طيب علي راحتس
ارياف: مع السلامه
عبير: مع السلامه
ارياف:(تركب سيارتها وتحرك)
عبير:(تدخل تزين البيت وترتب اغرضها)
.
.
في بيت أبو عبد الملك
مشاعل:(تدخل با اغرضها)
ميلًا:(تروح لمشاعل) جبتي الى قلت لك عليه؟
مشاعل: ايي (تعطيها الكيس) هاذا هو
ميلًا: شكرااا (بفرحه وراحت لغرفتها)
ريهام: وانا عاد وين اغراضي؟
مشاعل: هاذي حقتك(تعطيها كيستها)
هنوف: حمدالله علي السلامه وانا؟
مشاعل:(تعطيها) مانسيتس لاتخافين
هنوف؛(تضحك وأخذتها) ياقلبيي
ام مشعل: وانتي علامس تأخرتي؟
مشاعل: كنت اشتري الاغراض يايمه أكيد با أتأخر الاغراض واجد
سوسن:(تنزل وتجلس) اف يالكتمه ريحه مخيسه
مشاعل: انتي الى جبتي الريحه معك جعلك تروحين ولا تردين
ام فهد: (تنزل وتجلس جنب سوسن)لايردك يا ام لسان جعل لسانك القطع اص لاتقولين كذا زوجه وليدي سمعتي
مشاعل: يمهه خفت جالسه ارتجف من التهديد(وهي تمثل الخوف) اقول هي من زين مرت ولدك حمدالله والشكر لازين ينمدح ولا وجه ينمدح(تضحك)
ام فهد: من قهرك منها بسم الله عليها
ام مشعل: مشاعل شيلي أغراضك وروحي غرفتس
مشاعل: صبر يمه(تلتف تناضر ام فهد) مانيب راده عليس كبرتي وخرفتي (تضحك وتسيل اغرضها لغرفتها)
ام متعب:(تضحك)
ام فهد: وش يضحك ضحكينا معك
ام متعب: البنيه الصغيره عرفت مقامك ماله داعي انا احكي (وقامت لغرفه بناتها وهي تضحك)
ام مشعل:(تتنهد) يا ام فهد ترا ام احمد عازمه كل حريم الحاره لبكره العيد
ام فهد: يصير خير
ام مشعل:(تروح لغرفه البنات)
.
.
عند العيال بعد ماخلصو الانوار
خالد: ضهري راح فيها ياعيالل
حمد: اي والله ضهورنا تكسرت
مشعل: كسالا والله
خالد: مو سالفه كسالا بس تعب وش نسوي يعني
حمد: صادق تعب مره
فيصل: لا والله مافي لياقه
منصور:(يتكي علي الجدار وهو يلعب با شواربه بيد واليد الثانيه بجيبه يفكر)
مشعل:(يقرب وتكى جنبه) منصور؟
منصور: هممم
مشعل: علامك؟
منصور: ولا شى انت الى علامك؟
مشعل: مافيني الا العافيه بس اشوفك تهوجس يارهيف القليب (يضحك)
منصور:(يضحك بخفه)
رهيف القليب بسبتك يالي رهفته . . انا مانيب رهيف بس الى سكنه رهيف
مشعل:(يضحك وضرب كتفه) ماعليك نشمي يارهيف القليب امش بس نجهز ونمرح لبكره
منصور:(تتنهد) اي يلا مشينا
مشعل: خويلد يلا مشينا ندخل ورنا مسراح من بكره لازم نقوم بدري لصلاه العيد
خالد:(يقوم) اي يوهه والله ناسي
حمد:(يضحك) في احد ينسى العيد؟
خالد: من الربعي ولا انا ما الومني
حمد: اي اي مره رح رح بس (يضحك)
خالد: بروح بحتري الاشاره الخضرا منك يعني؟(يضحك)
منصور: ها امش يا الاشاره الخضرا(يضحك)
مشعل: حمرا مو خضرا(يضحك)
خالد: اي اجتمعو التشمات انا مانيب جالس عندكم (يدخل البيت بسرعه)
(مشعل ومنصور ضحكو ولحقوه)
حمد: اهه ياضهري
فيصل:(يسحبه يقوم) امش امش لبيتك بس لاتتبطح
.
.
في بيت أبو فاديه
ارياف:(بعد مارجعت وراحت لغرفتها ترتب اغرضها)
فاديه: ارياف الاحمر احلا من الابيض
ارياف: محتاره والله الصدق كلهم حلوين
فاديه: اي بس الاحمر حليو كذا جسمك يطلع عليه تحفه واذا فكيتي شعرك يطلع احلا واحلا الابيض خليه ثاني يوم عيد عند بيت أبو عبدالملك وثالث يوم عيد البسي البنفسجي حلو مره
ارياف: كذا اجل؟
فاديه: اي طبعا
ارياف: شورك وهدايه الله زين خلاص كذا حلو
فاديه: تمام اجل يلا انامي عشان نصحى بدري نروح لصلاه العيد؟
ارياف: طيب تصبحين علي خير
فاديه: وانتي من هله(وطلعت لغرفتها)
ارياف:(تنسدح فوق السرير لتنام)
أبو فاديه:(جاء من عند الشياب وراح لغرفته ينام)
.
.
في بيت أبو فيصل
عبير:(ترتب المطبخ)
فيصل:(يدخل) السلام عليكم
عبير:(تطلع من المطبخ) وعليكم السلام خلصتو انوار الحاره؟
فيصل: اي الحمدالله
عبير: مابغيتو طول اليوم وانتم مغير تعدون[تجرون]
فيصل: اي بس هانت وخلصنا الحمدالله
عبير: الحمدالله تبي تاكل شى
فيصل: لا لا ما ابي بروح انام
عبير: طيب نوم العوافي
فيصل: يعافيك (وراح لغرفته عشان ينام)
عبير:(بعد ماخلصت من البيت راحت تنام)
.
.
عند بيت أبو عبد الملك
في غرفه بنات أبو متعب الكل متجمع
مشاعل: هذا يجنن
امال: صدق والله كنت حيرانه
ميلًا: لحد يلبس احمر هذاني اقول مايصلح الا عليه
ريهام: محد بيلبس احمر خبله
مشاعل: اكرمينا با سكوتك بس
هنوف: بنات بكره كل وحده تجيب مكيجها هنا سمعتو؟
(البنات: زين)
ام متعب: انتم بتمرحون ولا
مشاعل: مابيجينا نوم
ميلًا: صح صادقه مشاعل
ام مشعل: وش السوات يعني؟ لازم تنامون
هنوف: انا والله بأخذ عيالي وبروح لغريفتي انام
امال: حتى انا
مشاعل: المتزوجات بيسحبون علينا
ميلًا: يلا روحو بس حنا عزوبيات
ريهام:(تضحك) نسيتو العشره
هنوف: لا والله مانسينها بس ننام ونقيل ونعين من الله خير وبعدها يحلها الف حلال
امال: عاد انا مافيني حيل لسهر
ميلًا: خابرينك امال لو مانمتي عند اخوي كرم بتصقطين هنا
ام متعب: ميلا بسم الله عليها لاتقولين كذا مهبوله تخذف العلم ماتدري وين يطيح
مشاعل: هذا الصدق بس فجرتها ميلا
امال:(تضحك) الله يسامحكم شفتي ياعمه قلبو علي
ام مشعل: بسم الله عليها وعلي ولدها اني دارين صراع النوم الى فيكم قومو كل وحده لغرفتها ترقد
مشاعل:(تشيل اغرضها) انا مانيب منهم (تضحك وتنحاش لغرفتها)
ريهام: خلتنا الى ماتستحي
ميلًا: انا اوريها
هنوف:(تضحك واخذت عيالها وراحت لغرفتها تنام)
امال: بكره عيد لاتتهاوشون(تضحك وراحت غرفتها)
ام مشعل: يلا تمسو علي خير
ام متعب: وانتي من هله
ام مشعل:(تروح غرفتها عشان تنام)
ام متعب: يلا انتي ويها امرحو
ميلًا: طيب
ريهام: ابشري
ام متعب: (تروح غرفتها)
(البنات راحو لسرايرهم ينامون)
.
.
عند العيال با غرفتهم يضحكون ويسولفون)
ابو فهد :(يدخل) لا بارك الله في عدوكم انتم ما امرحتو؟ امرحو الهباب كل واحد بفراشه هالحين
خالد: يبه حنا با فرشنا
أبو فهد: انا اشوفك لسانك طايل ياخليد
مشعل: ابشر علي هالخشم بننام
أبو فهد: مايبرد قلبي الا مشعل الله يبارك لك بس لو تتزوج
مشعل:(يمثل النوم)
منصور: انا مو التالي(يغمض عيونه)
خالد: انا ابي بس تزوجو وفكوني (بهمس لمشعل ومنصور)
منصور: حامض عليك يالخكري
خالد: انا خكري؟
أبو فهد: اص انت وياه وامرحو وبكره الفجريه معي سمعتو(بغضب وطلع)
مشعل: ياعيال ارقدو وفكونا من المسراح الى يشين الخاطر
منصور: اي والله عاد ابوي ياوك
خالد: صادقين يلا نوم
مشعل:(يلف الجهه الثانيه عشان مايشوفهم ويضحك)
منصور:(يفعل المثل)
خالد:(منسدح علي ضهره بحكم انه بالوسط)
(نامو بيت أبو عبد الملك وكل الحاره)
.
.
(تمر الفجريه الى متعودين عليها وبعدها غيبوبه العيد الين المغرب والكل صحى يجهز عشان عشى ابو احمد الى دايم العيد الاول عنده)
.
.
في بيت أبو عبد الملك
عند البنات
هنوف: بنات فنياله محمد ولدي وين؟
ريهام: مشاعل اثبتي الايلاينر بيخرب شفتي؟
مشاعل: خلاص مابدمع امسحيه يلا
ميلا: امسحيه بتفله (تضحك وهي تدور فنيله محمد ولد هنوف)
مشاعل: التفله هالحين من عمي محمد اذا ما انزلعتي له من اولا ينادي
ريهام: اي والله والله ليقطعنا ميلًا روحي لابوي
اشجان:(تدخل) السلام عليكم؟(توها جايه من بيتها عيدت عيد أهل زوجها وجت الحاره)
(البنات: وعليكم السلام)
ميلًا: جابك الله اشجان فنيله محمد ضايعه دوريها وانا بروح لابوي بيقطعني (وراحت بسرعه لا ابوها)
اشجان: بسم الله الرحمن انتن عالمكم الغرفه حوسه ودوسه
امال: (وهي تسوي شعرها) اي والله مره حوسه
مشاعل: ريهام خلصي والله ترا لاقرط با يدك
ريهام: اصبري شوي يالمشفوحه
ام مشعل:(تدخل عليهم) ابك هذا وشن وما خلصتو بعد؟ الله لايفشلنا
هنوف: لقيت فنيله حمود (تمسك حمود تلبسه)
اشجان: انا وجهي وشعري خلصته بالبيت بس بلبس
ام متعب:(وهي تبخر وتقرا عليهم)
ريهام: يمه خلاص انخنقنا
ام متعب: زين عشان العيون يابنيتي
امال: ماله داعي كل هاذا كل وحده تقرا علي عمرها وعلي عيالها وصل الله وبارك
ام متعب: ماعليه هذا زين لنا كلنا اسرعو انتم
ريهام: انتهيت يالمشفوحه قومي
مشاعل: انتي المشفوحه (تقوم) الله لايختقنا بس (وطلعت لغرفتها تلبس)
اشجان: (تروح غرفه مشاعل بعد عشان تلبس)
(البنات كل وحده استلمت حمام تلبس فيه)
أبو متعب: ميلا وين شماغي؟
ميلًا:(تروح تجيبه)
أبو متعب: امك وين تجي تبخرني؟
ميلًا: ابشر بروح اقولها
أبو متعب: اسرعي بروح مع الريجيل خل عني علعله[تأخير] الحريم
ميلًا: طيب (وراحت لامها تناديها لابوها)
.
.
عند غرفه العيال
خالد: ياعيال سروالي وين؟
مشعل: وش درانا حنا؟(وهو يطق الباب علي منصور الى بالحمام) ياولد اطلع ترا طولت
منصور: (يطلع) خلصت خلصت
خالد: منصور هذا سرواليي طلعه
منصور: والله مو سرواك
مشعل:(يدخل الحمام)
خالد: والله سروالي طلعه
مشعل:(يفتح الباب بشويش ورمى سروال خالد) خذيته بالغلط
خالد: ياخذه طلع انت شعليل يالكلب
منصور: تتبالني مو بصحوك
خالد: وش دراني عاد(ودخل يلبس)
منصور:(يلبس ثوبه وشماغه وتعطر با عطره ولبس ساعته وحط القلم با جيبه الامامي الى على صدره الضخم ويعطيه هيبه ومسبحته بيده)
مشعل:(يطلع من الحمام ولبس ثوبه) خالد اطلع من الغرفه شماغي عندك ياولد
خالد:(يفتح الباب وهو يضبط شماغه)
مشعل:(يدخل يلبس الشماغ ويتجهز)
ام مشعل:(تجيهم) بسم الله عليكم ياعيالي الله يحفضكم(وهي تبخرهم)
منصور:(يتبخر وحب علي راس أمه) وش ذا الزين يا ام مشعل؟
خالد:(يحب راسها) اوهه عاد امي بطلت الحريم كلهم
مشعل:(وهو يضبط الكبك وقرب) انا اشهد(وحب راس أمه)
ام مشعل: ياحبايبي والله
خالد: يمه كل ذا الزين عشان ابوي(يضحك وغمز)
ام مشعل:(تضحك بخجل وضربت كتف خالد) استح علي عمرك ياولد(تضحك)
منصور: (يضحك) الله يخليك لنا يالوالده
مشعل: اللهم امين
مشاعل:(تدخل عليهم) ومشاعل مالها من الدعاوي الزينه نصيب؟
مشعل:(يضحك وضرب كتفها)
مشاعل: يويلي دفش
مشعل: لا والله انا دفش؟ علمي عمرس وزهبي نفسك يجوز احد من الحريم تجوزك من عيالها ونفتك منك
مشاعل: علي جثتي يا شعليل ما اتجوز بجلس علي قلوبكم بعد بتربع عليها
منصور:(يقرص كتفها الثاني) بنشوف
مشاعل: لا انا بين الاثنين رحت وطي
مشعل: اي والله بس مو هالحين عشانه عيد والله
منصور: صادق الوعد لاجينا
مشاعل: افااا حرام عليكم اختكم انا
أبو فهد: ياولد انت وياه يلا مشينا وش تحترون؟
خالد: ولا احد خلصنا يبه
منصور: اي خلصنا
أبو فهد: ها امشو
(العيال: ابشر)
(طلعو من البيت كلهم وراحو لبيت ابو احمد مشى)
.
.
في بيت أبو فيصل
عبير:(خلصت ونزلت الصاله)يا ماشالله اخوي وش ذا الزين
فيصل:(يضحك) وانتي بعد الزين كله
أبو فيصل:(ينزل) خلصتو؟
فيصل: اي
عبير: اي
أبو فيصل: مشينا تأخرنا علي الناس
عبير: طيب
(وطلعو متجهين لبيت أبو احمد مشى بعد)
.
.
في بيت أبو فاديه
عند غرفه ارياف
فاديه: لاتكثرين لي ما احب من هذا واجد
ارياف:(تحط لفاديه ميك اب) ماكثرت شوي حتى شوفي بالمرايه
فاديه:(تشوف بالمرايه) كذا زين يلا انتي خلصتي؟ لاتحطين مكياج واجد وجيهك كذا حليو منور
ارياف: ادري مابحط كثير (وهي تضبط ميك اي وجهها)
فاديه:(تقوم تلبس عيالها)
أبو فاديه: يابنياتي اسرعن العرب يحترونا
ارياف:(تروح تلبس بسرعه)
فاديه: اي يبه خلصنا عطنا خمس دقايق بس
أبو فاديه:(يجلس علي الكنب) ها اسرعن
فاديه: اجلسو عند جدو شوي وا اجي (وراحت لارياف)
أبو فاديه:(يلاعب عيال فاديه)
ارياف:(تطلع) وش رايك؟
فاديه: ياحلوك حلوه حلوه واجد ماشالله اقري اذكار المساء وحصني عمرس
ارياف: اي قريتها(تلبس عبايتها)
فاديه: اي اي (تلبس عبايتها وهي يالله يالله تمشي بسبب حملها)
ارياف: قلت لس اصبري وبعدها احملي وتقولين لا لا ابي عيال يشيلوني وعلم ماله اول ولا تالي
فاديه: (تتنهد) مشينا طلعنا بس
ارياف: الله يهديك
(طلعو لأبو فاديه)
أبو فاديه: ماشالله كل ذا تزين؟
فاديه:(تضحك) تعرف يبه بنات وكذا
أبو فاديه: عارف والله يخليكم لي
ارياف: اللهم امين ويخليك لنا
ابو فاديه: مشينا وخلكن جنبي سمعتن؟
ارياف:(تضحك) من عنيا
(طلعو من البيت مشى لبيت ابو احمد وكانو تقريبا من اوخر الناس)
.
.
في بيت أبو احمد عند الرجال
(يتقهوون ويسولفون الشياب والشباب بعد سوالف وسعه بال والعيال الصغار يولعون طراطيع او صواريخ)
متعب: ياولد النار لاتاكلكم
كرم: انتبه بيحرقهم
خالد: هذا الى خايف منه يجيني عيال ويسوون كذا
حمد: انت خل خوانك با الاول يتزوجون وبعدها انت
مشعل: عن نفسي سالفه الزواج مابيها
فيصل: وليه؟
مشعل: خلاص من تجربه فاشله أخذت عبره
فيصل: ياولد مو كل الحريم نفسها الله لاتبلانا
مشعل: ماعلي انا بس هالطاري انا مابيه وسكر الموضوع
خالد: ياعيال تراي شريت نوافير وش رايكم نجربع بعض؟
منصور: قدام ماعندي اي شكال
حمد: اوهه عاد منصور بهيبتك كذا بتعدي [تجري] ورا خالد لا لا(يضحك)
منصور: لا شكلي بجربعك انت يا حماده
حمد: لا فكني رجلي تعورني من امس
مشعل: حوف والله عدم الشغل والتبطح با الجلسه ماعاد فيه لياقه
حمد: يوههه عاد جاء ابوي الثاني يلا ثم وين النوافير بس با اطلقها علي راس مشعل
مشعل: عشان ما ادخلها با اذنك تتفجر با جمجمتك(يضحك)
(العيال يضحكون)
(عند الشياب الى سالفه تجر سالفه الين دخل أبو فاديه)
أبو فاديه: السلام عليكم
(الكل: وعليكم السلام)
(يسلمون عليه)
خالد: يوك أبو فاديه ماشاءلله عليه كنه شباب مو واضح عليه لاشيب ولا شى
حمد: اي والله كن ماعنده بنته عندها عيال طوله مشاءالله عليه محافظ علي نفسه وش له بالشقا
فيصل: اي والله وحتى وجهه بشوش ياولد ابوي وباقي الشياب مغير معصبين علي ادناه[اتفه] سبب
مشعل: اي والله عايش حياته صدق
منصور: (يضحك) حضيري دايم الحضران كذا عمره فوق الخمسين وشكله با العشرين ماشالله
خالد: ياولد انا بصير حضري بس بكون كذا اذا كبرت؟
حمد: جب بنات العيال عله وبتصير مثله صدقني
خالد: الحين من البنات وجهه كذا؟
فيصل: الله يخلي الكريمات
(العيال يضحكون)
منصور: اص لايسمع بس(بضحك)
.
.
عند الحريم
ريما:(جالسه جنب امها وهي لابسه احمر)
ميلًا: بنات ذي شوهت اللون الاحمر افف قلدتني(بهمس لمشاعل وريهام)
مشاعل: تجلس واقفه من زينها عاد وجهه العنز
ريهام: ميلا حبيبتي هذا مو احمر الى لابسته برتقالي مايل علي الاحمر وطالع يجيب المرض
ميلًا: افف بس وين ارياف اعقم عيوني
مشاعل: مغير تتأخر التيس
عبير:(تجلس جنب مشاعل) مشاعل وين ارياف؟
مشاعل: ماتخبرينها ذي مغير تتأخر
عبير: طولت عاد
مشاعل: جت جت
(فاديه تدخل هي وارياف تسلم علي الحريم وارياف بعد ورها تسلم عليهم وبعدها جلست فاديه وجنبها ارياف)
ريهام: يويلي مشاءالله الزين بنات تكفون بموت
ميلًا: حض مخيس لبست احمر غطت علينا
مشاعل: عيب بنات اثقلن شوي
امال: تجنن
هنوف: بسم الله عليها الله يحفضها
اشجان: لا امي بتخطبها رسمي من هالنضرات لها(تضحك)
مشاعل: الله يسمع منك
(في جهه ثانيه والقهر با قلوبهم)
وجدي: هاذي ارياف؟(بصدمه) ياحلوها
سلمى: اوه قد شفتها الزين زين
ريما: يع هي اصلا مو حلوه وشانت اكثر با الاحمر بعد قرف(وهي بتموت من القهر عشنها لابسه احمر)
ام ريما: ريما ماعليك انتي احلا منها
ريما:(بهمس لامها) يمه شوفي كيف الحريم يناضرونها
ام ريما: متقززين من شكلها
ريما: (تتأفف بقهر ) وجدي خلاص لاتناضرينها انتي وسلمى
وجدي: طيب طيب
سلمى:(تبعد نضرتها)
(عند خوياتنا مشاعل وميلا وشلتهم)
عبير: بنادي ارياف تجي جنبنا
مشاعل: اي والله ناديها
عبير:(تأشر لارياف تجي جنبهم)
ارياف:(تقوم وتجلس جنبهم) هلا
مشاعل:ليه تتأخرين
ارياف: كنت ازين فاديه وش فيكم
عبير: تاخرتي علينا واجد
ارياف: وش اسوي عاد
مشاعل: طقعتي علي ام العش عشنها لابسه احمر(تضحك)
ارياف:(توخر شعرها من علي كتوفها) احسن تستاهل
عبير: ماشافك علي ولا كان بيموت علينا
ارياف: جعله للموت الله يقطعه هو وسيرته
عبير: (تضحك) وش بترقصون عليه؟
مشاعل: موضى طبعا مابه كلام
ارياف: اي انا بعد موضي وبرقص شوي بس انا وفاديه مع بعض
عبير: حتى انا بختار موضى
مشاعل: طيب كذا زين عجبتوني بنتوطى ام العش
ارياف:(تضحك) واضح القهر والغيره بعيونها مني
عبير: صادقه مقهوره بس اذا ماوخرت عيونها الى كانها ذبانه با افقع عينها با الفنجال
ارياف: ههه عبير حبيبتي هدي ترا عيد مو مصارعه
مشاعل: اي والله اجلي رميه الفنجال بعدين انا طالبتك
عبير: با ااجلها غصب عني مو بيدي
ارياف:(تضحك)
.
.
[انتهى البارت🤍]
