الضابطه زهراء

ضابطه زهراء

# طحنه بديره حته شايبهم نذل
البارت الثاني
مرحباا راح استمر بالقصه
البارت الثاني

يم بيت زهراء
خلصنه امتحانات ومنتضرين المعدل 🥺
كعدت الصبح الساعه ب9 وكعدت البنات وياي
( احنه بنفس الغرفه انام ) غسلنه ونزلنه
البنات / صباح الخير
الاهل/ صباح النور
كعده نتريك وكال جدو
الجد ايوب / بنات اكو وادم سئلوني عليجن وكالو نريد نتقدم الهن همه اربعه واني كلت موافق حضرن نفسجن

بس حجه هيج اني غصيت بالكمه والبنات هم صار وجهي أحمر من العصبيه والبنات من الخوف صار وجهن اصفر باوعتلهن لكيتهن يباوعلي والدمعه بطرف عينهن
كتله . زهراء : جدو احنه مانريد نتزوج نريد نكمل ونجيب معدل وندخل كليه
باوعلي وكال . الجد : احنه ماعدنه بنات تكمل تكعدن بالبيت وتنجبن واني انطيت كلمتي
باوعت لابوي وكال . احمد : اني رئيي من رئيي ابوي
راحو همه واني صعدت للغرفه ركض بقيت ابجي واجن البنات يمي هم بقن يبجن وبقينه نحجي

ساره ببكاء : زهراء فدوة الكينه حل 😭😭😭
تاره ببكاء : والله ماريد اتزوج زهراء 😭😭
زينب : والله ماتخله عن حلمي لو اموت 😭😭
واجن حضنني وهنه يبجن اني بالكوه مصبره نفسي مابجي كدامهن ( هسه تستغربون ليش يردن زهراء تنقذهن رغم عماتها أكبر منها لان هنه ضعيفات وفطيرات اني جنت دائما اكون ساندتهن لان ماخاف من شي واني اقوى وحده بيهن )
المهم
زهراء : لو على كص ركبتي ماخليجن تتزوجن
بقن يبجن لحد مصارت ساعه ب12 الضهر
زهراء : كومن خلي نصلي
البنات : ماشي 😭
صلينه وهنه بس يبجن ويناشغن مثل الطفل .. كملنه
زهراء : فتحت تليفون ولكيتهم كلهم يبجون
اني خفت لا واحد صاير بيه شي كلت وايدي ترجف هاي شديصير بالكروب
البنات: شكوو شصاير
زهراء : مادري فتحن تليفون وشوفن
كل وحده فتحت تليفونها وكالن هاي شكوو شديصير
صعدنه اتصال وكلت .. زهراء : شكوو شصاير
لارا ببكاء : زهراء ابوي يريد يزوجني وكال بس تخلصين سادس وتكعدين ماكو طلعه للباب 😭😭😭
طيبه : زهراء اني بااجر خطوبتي 😭😭😭
تماره : حته اني باجر 😭😭😭
حنين : ابن عمي نهه عليه والاسبوع الخطوبه 😭😭
زهراء : شنوووو 😡😡😡 مو همه بكيفهم
رضا : اني تعاركت ويه اهلي وعفت البيت وطلعت
زهراء : ليش
رضا : ابوي يكلي بنت عمك الك واني مازوج لو تطلع نخله براسي رقيه لحد هسه مناسيها ( حبيبته العافته وتزوجت )
علي : اني هم عفت البيت وطلعت مثل اخوي هم ابوي يكلي اتزوج بنت عمك واني زينه ماعوفها ابد ( حبيبته )
زهراء : اني عندي خطه
المجموعه : شنو هيه انقذينه 😭😭
زهراء : راح نشرد
المجموعه : شنووو 😳😳
زهراء : اني ماعندي غير هذا الحل اني راح اشرد الي يريد خلي يبقه براحته ماجبر احد
رضا : شو دنجبي 😒 احنه كلنه ايد سوه
المجموعه : كلام رضا صح
زهراء : خوش لعد شوفو
المجموعه : شنووو
زهراء : اليوم الساعه ب2 بليل اني والبنات راح نطلع للحديقه وانتم الكاكم هناك مفهوووم
المجموعه: حاضر سيدي 😁
زهراء : صار وقت الغده نزلنه اتغدينه ولا حجينه كلمه خلصنه صعدنه فوك وقفلنه الباب علينه
زهراء : من هسه لازم نبدي بالخطه
ساره . تاره . زينب : شنسوي
زهراء : كل وحده على كنتورها وطلعن ملابسجن بالجنط مال جتف مو كبار وحطن الذهب والفلوس وياهن
البنات : ماشي
زهراء : خلي اكلكم على الغرفه طبعا غرفتنه كلشش جبيره لونها اسود برصاصي جربايه جبيره وبيها كنتور خمس ابواب وعدنه جرارات نحط بيهن الاحذيه وخانات صغار بيهن الذهب والفلوس وضامين بالكنتور جنط مال جتف الكنتور مقسم كنتور الي ولساره وتاره وزينب والاخير بيه الجنط مال جتف وجنط الطلعات
زهراء : قبل لا نبدي بالخطه اتصلنه بالكروب كلنه صعدنه وكتلهم وهمه بدو واحنه بدينه جانت تقريبا الساعه ب3 الضهر خلصنه وضمينه الجنط جوه الجربايه وكتلهم بليل افهمكم الباقي
زهراء : ماكو شي جديد كاعدين بالغرفه صارت ب6: 35 اتصلت بالكروب وكتلهم يلا على الصلاة صلينه وخلصنه ونزلنه نسوي العشه لان جدتي مو هنا يم اختها وامي مريضه خلصنه واجوي الاهل اكلو
الجد ( ايوب ) : حضرن روحجن الاسبوع الجاي راح يجون الناس يشوفونجن
البنات باوعلي واني غمزت الهن بمعنى غلسن 🤫
صارت ب12 راحو الاهل ناموو وجنه صاعدين اتصال بالكروب كتلهم لحد يتحرك لحد متصير ب1 كلشي يصير
زهراء : صارت ب1 وكتلهم كل واحد يشوف اهله ويجي اني نزلت امشي على أطراف اصابيعي افتريت البيت كله محد كاعد رجعت صعدت كالو كلهم نايمين واني كلت يلله كومو بلشوو كمنه نبدل واحنه بالتصال
زهراء : لبست بنطرون اسود وبدي ابيض وستره سوده وحذاء اسود عالي ولبست المناضر ولبست الكمامه والحجاب( احنه كلنه محجبات حته الويانه البنات )
تاره : لبست بنطرون اسود وقميص اسود وحذاء اسود والكمامه والمناضر والحجاب
ساره : لبست بنطرون اسود وبدي نص ردن أحمر وفوكاه ستره سوده وحذاء احمر عالي والمناضر والكمامه والحجاب
زينب : لبست بنطرون اسود وبدي ذهبي وفوكاه ستره ذهبيه وحذاء اسود وكمامه ومناضر وحجاب
زهراء : قبل لا نطلع كتلهم بالحديقه الكاكم نزلنه على اطراف اصابيعنه على كيف حته لحد يحس علينه
اني وراي ساره وراها تاره وراها زينب فتحت الباب على كيف وطلعت لكيتهم منتضرينه بالحديقه مالتنه وطلعت وقفلت باب الشارع بالسنسله 😈😈
رضا جايب سياره عاليه كال هاي مال صديقي كتله اسبوع وارجعها الك ( رحنه للانبار )
زهراء : رحنه على الفندق اخذنه بس غرفه وحده كلنه مانفترق كلنه نمنه لان مانحس احنه اصدقاء لا احنه اخوان واخوات
زهراء : كعدت الصبح ساعه ب8 وكعدتهم وياي اليوم النتائج 😢
رضا عنده حاسبه وطلع اسامينه
زهراء : ها رضا بشر 😢🥺
رضا : اي طلعن بس ماكول 😜
البنات : زهراااء شوفيه 😭😭
زهراء : رضا كولهن كلهن لا تعبهن
رضا : ماشي
رضا : زهراء 90 .. تاره 75 .. زينب 80 .. ساره 85
لارا 83 .. طيبه 89 .. تماره 70 .. حنين 88 .. رضا 80 .. علي 78
كلنه : ككككككللللللوووووشششش 🥳🥳🥳
زهراء : فرحتي ماتنوصف راح احقق حلمي والبنات من كد الفرحه بجن 😂
زهراء : هسه نروح نزور كربلاء والامام الكاظم ( ع )
المجموعه : ماشي 🥳🥳🥳
زهراء : وبهاي المناسبه امشو خلي نطلع نفتر فرينه الانبار كلها 😂😂 رحنه للمدينه العاب وراهه للفندف وراهه ضلينه نفتر بالشارع شفنه شارع فارغ مابيه احد كتلهم شغلو معزوفه خلي نركص قبل لانركص جنت حاطه تليفون على سياره جنت اصور حته تبقه ذكره اضلوعي ورجلي وايدي ومعدتي تكسرن من الركص 😂 والجماعة طاحو بلسياره من كد ماتعبو
زهراء : صعدنه بالسياره الجماعه نامو 😂😂
رضا : زهراء تعاي سوقي بدالي اني تعبت 😢
زهراء : ماشي رجعنه للفندق ونمنه ماكعدنه اله اليوم الثاني

ولهنا ينتهي البارت اتمنه تكونو استمتعو
اتفاعلووو بليززز 💥💥