الضابطه زهراء

شعور صعب انك تريد البكاء لكن تكتمه لاجل كبريائك
البارت 32
زهراء : كعدت الصبح على ساعه ب6 اخذت شاور ولبست البدله العسكريه والحجاب والبسطال واخذت المحفضه والسويج باوعت للبنات رحت بستهن وهنه نايمات وبست اهلي واني كلبي نار 🔥 نزلت ورحت لسيارتي شغلت دعاء وبقيت ابجي بحركة وصلت للمركز وسلمت ع العميد وكال
العميد : اليوم ب1 الضهر
زهراء بغصه : حاضر سيدي
العميد : اعرف صعبه بس انتي كدها
زهراء : حاضر سيدي
.. رحت للمكتب بقيت اشتغل شويه وانفتح الباب وفاتو الجماعه وياهم صكر من بينهم واني عيوني راحت بس عليه 🥺
صكر : ها يحيلي شلونج
زهراء بغصه : بخير
صكر : بيج شيء
.. حاولت الزم نفسي وماابجي
زهراء : لا حبيبي مبيه شيء
رمح : احترمو عاد احنه كاعدين 😒
لارا : ميكولون بشر كاعد يمهم 😒
رمح : اي ميستحون
صكر بعصبيه : اكلووو خ**ا لا انعل والديكم 😡
.. بقو يسولفلون ويضحكون واني مو وياهم بس اباوع عليهم ماعرف شلون راح اعوفهم 😭💔... صارت ساعه ب12 كلهم طلعوو واني طلعت رحت لسيارتي واجه صكر
صكر : زهرراء
زهراء : ها حبيبي
صكر : يرؤح حبيبج تردين اوصلج ؟
زهراء : لا يعمري تسلم
.. باسني بخدي وقريب ع شفتي وكال
صكر : من توصلين خابريني وانتبهي ع نفسج
زهراء بابتسامه : تمام
.. راح صكر صعدت سيارتي وطكيت بالبجي حته عيوني ورمن من كدما بجيت شغلت السياره وسقت والطريق كله ابجي رحت يم مكان ع البحر محد بيه فارغ والدنيا ضهر بااارد جان جو شتاء بقيت انتضر لحد ساعه ب1 خابرني العميد
زهراء : احترامي سيدي
العميد : الضابط زهراء راح ادزلج العنوان وصيري قويه
.. اختنكت كلش والكلمه بالكوه تطلع مني
زهراء : ح ح حاضر سي سيدي
العميد : انتبهي ع نفسج
.. قفلت الخط منه ودزلي العنوان ورحتله عباره عن مكان باطراف بغداد محد بيه جنت اتمشى وماحس غير صار انفجار كبت الامه العربيه من صدمتي وكعت وبعد ماعرف شصار
.........................................................................
(( في مكان اخر ))
زينب : بنات صارت ساعه ب2 وزهراء ماكو ؟
تاره : مكالت الجن حتروح لمكان معين ؟
ساره وزينب : لا مكالت
ساره : اتصلي ع المجموعه وشوفيهه
زينب : تمام .. اتصلنه بالمجموعه
.. اكلكم يجماعه محد شاف زهراء
رضا : ليش مو يمجن ؟
تاره : لا عبالنه بشغل ويمكن كايله الكم ؟
الكل : لا مكالت النه
صكر بقلق : يعني ماطلعت وياكم ؟
تاره : لا ماشفتها
الكل : ولا احنه
صكر بعصبيه : خرررب خلي اخابر عليهه واشوفها
الكل : ماشي
تاره : نزلنه من الاتصال ومرت ربع ساعه خابرنه صكر
رضا : ها صكر بشر ؟
صكر بخوف : لكك صارلي ساعه اخابر ماكو
علي : راح اروح للمركز واشوف العميد
الكل : حنجي وياك
علي : يلله
تاره : كلنه طلعنه كل واحد بسيارته ومشينه للمركز
وصلنه كلنه نزلنه من السيارات دخلنه للمركز وانتقلنه لغرفه العميد الجماعه اخذوله تحيه بس اني ولارا وساره ماخذنه
الشله : تحياتي سيدي .. ودكو تحيه
العميد : اهلا اتفضلو
صكر : سيدي اجينه علمود الضابط زهراء
العميد : شبيها ؟
رضا : سيدي ماكو لحد هسه نخابر عليهه وماكو رد
العميد : يجوز طالعه بشغله ؟
حنين : سيدي هيه مكالت النه على اي شيء
طيبه : مكالت لارايحه لمكان ولا عدها مهمه
العميد : اتبعو موقعها
نسر : اي صدك خلي نتبعه
صكر : اتبعنه موقعها وطلع باطراف بغداد 😳
فهد : ها وين طلع موقعها ؟
رمح بصدمه : هاي شتسوي هنا بهاذ المكان 😳
جبل : غير اتفهمونه وين موقعها ؟
نمر بصدمه : لكك باطرااف بغداد 😳
لارا : شنووو 😳 شتسوي باطراف بغداد ؟
العميد : ابدال هاي الاسئله خلي نروحلها بسرعه
الكل : حاضر سيدي
صكر : سحبت السويج وطلعت اركض واجه العميد واخذنه دوريه 3 انطلقنه للمكان خلال ساعه ونص وصلنه للمكان بقينه نفتر بس مكان فارغ وقليل بيه ناس لا والمكان نصه محترك مدري شصاير بيه رحت ع ولد اسأله
.. السلام عليكم
الولد : وعليكم السلام سيدي اتفضل
صكر : شبيه هاذ المكان ليش هيج شكله ؟
الولد ببكاء : صار انفجار قوي هنا قبل 3 ساعات
الكل بصدمه : شنووو 😳
ذيب : زين انته ليش تبجي ؟
الولد ببكاء وصياح : اهلي ماتووو هنااا 😭😭😭
صكر : الله يكون بعونك
عفته ومشيت كلمن ملتهي باهله هذاك يمه صديقه ضايعه رجله وذيج الام الماكو ابنه وصوت صريخ وبكاء الاطفال الي يدورون على اهلهم وصوت الولد يبجي يريد امه .. صوت صريخ وبكاء وعياط وكلها تتراكض يمنه ويسره والدنيا بارده المكان محروك وانواع الجثث شفنه بقينه نفتر مثل المخابيل على زهراء او نلكه شيء يخصها بقينه نفتر ربع ساعه وهنا جانت الصدمه من شفنه ملابس عسكريه على الارض اتقربت يمها واني صارت غصه بصدري وبديت اختنك شويه شويه
اتقربت يم البدله وطلع اسمها
( الضابط زهراء أحمد أيوب ) 😳😳😳
جانت صدمه للحضه بقيت واكف والهواء البارد يضرب بوجهي والدنيا بارده وبس صوت صياح وبكاء واني وجماعتي ولد وبنات والعميد مصدومين كلنه 😳😳
اتقربت يم البدله وجانت يمها محفضه اخذت المحفضه وفتحتها لعلها تطلع مو هيه فتحتها ولكيت صورتها 😭
صكر بصياح وبكاء : لااااااا زهررررررااااء لاااااا مااااتكدرررين تعووووفيني لااااااا يرررررربي اكعددددي وينجججج زهررراء لاتعووفيني ماتحمل فراكج 😭😭
ولججج مووو راااح نزوووج لييششش غدررتي بيه 😭
موووو الججج النووومه كووومي لاااا ياللله ليشششش تمتحننيييي باااعززز بشرررر عندييي يااا الاهيييي 😭
...... سكتت دقيقه وصرخت باعلى قوتي
زهررررررررررراااااااااءءءءءءء لاااااتعوووفينييي 😭😭
الكل : 😭😭😭
.... بقه الكل يبجي ويصرخ البنات كطعن روحهن وصكر اتبهذل حاله والولد كلهم يبجون وبالأخص رضا وعلي كلش اتبهذلوو بس اكثر شخص اتأثر هوه صكر 💔
صكر : راجعنه الكاميرات مال شارع ولكيناها زهراء تفتر بالشارع وصار الانفجار كلش قوي النار كلش عاليه وراها خلصت النار طفوها ومالكينه غير بس ملابسها 😭 طول الفيديو من اشوفها واني دموعي ماوكفن بجيت بحركه كلب ومن شفت الانفجار صرخت باعلى صوتي والعميد يهدي بيه ... العائله كلها اجت واهل زهراء متبهذلين ... واجوي عمامي وجدي ولد عمي ...
سوينه قبر الها واحنه شيعناه الي لازمه اني وبصفي رضا وراي علي وفهد وراهم نسر ورمح شيعناها ورحنه للنجف العميد كال لازم نحيها انطيت القبر لدوريه شالو واحنه واكفين واحد بصف الثاني اني ورضا وعلي ورمح ونسر ونمر وفهد وجبل واسد وذيب وكتاليا وقمر وزينب وتاره وساره ولارا وتماره وزينب وحنين وطيبه مشه القبر من يمنه وكلنه دكينه تحيه والدموع تجري
نصبنه الفاتحه وخصلت 3 ايام واني متبهذل كلششش بكل ليله احط راسي على المخده اتذكرها من تضحك ومن تزعل ومن تسولف ومن تنزل من السياره بالبدله العسكريه بهيبتها واتذكرت اول يوم التقينه بيه واحد انغث من الثاني بكل ليله شريط حياتي وياها يمر جنه سوه على الحلوه والمره واتذكر غيرتها وخزرتها وكلامها ببرود شكد شايف بنات اشكال والوان بس مثلها مشفت ولا راح اشوف والوحيده الي دخلت كلبي وعقلي .......
.........................................................................
(( في مكان اخر ))
رضا : مر شهر علل وفاة زهراء واحنه حالنه يبجي الصخر اني حته الصحتي صرت مامهتم بعدت عن الدنيا كلها حته عن قمر وكل شخص بينه انعزل وصار محد طايق الثاني وبعد حتى مكالمه جماعيه ماصعدنه سوه غالبا واحد يطمن على ثاني كلمن اجل خطوبته لبعدين صح احنه متعذبين بس ابد مو مثل صكر
.........................................................................
(( في مكان اخر ))
علي : مر شهر على وفاة زهراء وصكر اتبهذل حاله خسر صحته ابتعد عن الاكل والشرب وبقه 24 ساعه بس يدخن اتغير شكله وصارت عنده لحيه طويله وبقه عايش على المغذي ضعف هاي الفتره كلش صار ضعيف بشكل اما احنه الولد محد يسأل على ثاني غالبا نلتقي سوه نذكرها نبجي ونبقه صافنين لحد يسولف ولا شيء واني ايضا صار شكلي مو مثل قبل هملت نفسي
.........................................................................
(( في مكان أخر ))
زينب : .........
.........................................................................
لهنا وينتهي البارت اتمنى يعجبكم ولاتنسو التصويت
وبليل ينزل البارت ... اهر شيء احب اذكره انو القصه راح اختمها بارت 35 يعني مابقه شيء انشاء الله
وانتضرونا باحداث جديده