الضابطه زهراء

سأكتفي بك حلما فواقعك ليس لي
البارت 34 قبل الاخير
# تسريع الاحداث
رضا : مر على وفاة زهراء 5 اشهر رجعنه لحياتنه شويه شويه مو نسيناهه بس نحاول نتأقلم ويه الوضع جان عدنه مهمه اني والمجموعه الحمد الله خلصناهه وجانت المهمه محاوله اغتيال العميد بس صارت اشتباكات طلعنه سالمين كلنه العميد اتصاوب بكتفه القينه القبض على العصابه ذبيناهم بالمركز وطلعنه للمستشفى اني والمجموعه دخلنه للاستعلامات سألنه ورحنه وصار ربع ساعه ننتضر محد طالع من الغرفه مال عمليات واحنه بره قلقين عليه كلش هاذ الحامي المركز بقو نص ساعه ماكو اي خبر اجاني اتصال من ضابط وياي بالمركز طلعت بره المستشفى كملت اتصالي وياه ودخلت للمستشفى طبعا صايره هوسه المستشفى لان صايره تفجيرات خابرني علي وكلي العميد صحه من فرحتي ركضت جنت اركض وماحس اله انضربت بشخص رفعت عيوني جانت بنيه طايحه ومنزله راسها رفعت راسها بعدت شالهة وباوعتلي وهنا جانت صدمتي 😳
.................................................................
(( في مكان اخر ))
.. في مكان هادئ الساعه ب12 اضويه الغرفه طافيه وبس الشموع مضويه الغرفه والشباك مفتوح والجو شتاء بارد واني اباوع للسماء واتأمل النجوم الهادئه وصوت الموسيقى الي تعيد ذكرياتي ودمعتي الي بطرف عيني ومترضه تنزل واني اذكر هاي الايام التعيسه الي بيها انجبرت ابقه بعيده عن احبابي .....
قطع تفكيري صوت الموبايل يرن رفعت التليفون شفته ضابط جاوبته
.. الوو
الضابط : السلام عليكم
.. وعليكم السلام
الضابط : العميد اتصاوب
.. شنوو ؟
الضابط : اي وهسه هوه بالمستشفى
.. ماشي جايه
الضابط : وين جايه ؟
.. للعراق
الضابط : لا اذا تسويها تخرب الخطه
.. مايهمني المهم راح ارجع
الضابط : العميد راح يضوج صدكي وخطر عليج ايضا
.. مايهمني والعميد اعرف احجي وياه
الضابط : بس...
.. بعده ممكمل وقفلته بوجهه .. باوعت للشموع قدمت ايدي وطفيتهن باصابعي شغلت الاضويه ورحت لميت غراضي خلصت اخذت شاور ولبست بنطلون جينز اسود وتشيرت نص ردن اسود وستره بيضه وحذاء ابيض ولبست الحجاب والساعه السوده حطيت عطر وكفت كدام المرايا وكلت ... ( رجعت ) ..............
يا ترا راح اشوفهم ؟ واذا شافوني شنو حتكون رده فعلهم ؟ راح ينصدمون لو لا ؟ راح يتقبلون الموضوع ؟
شلونهم بعد هاذ الابعاد ؟ بخير بدوني لو لا ؟ هسه تبين
حجزت اول طياره للعراق طلعت بسيارتي وديتها للمطار جانت ساعه ب2بليل وصلت للعراق ساعه ب10 الصبح اخذت جنطي وصعدت سيارتي وانطلقت لاقرب فندق بقيت غراضي بالفندق وطلعت للمركز رحت لمكتبي سويت كم شغله صارت ساعه ب1 رجعت للفندق اتغديت اخذت شاور ونمت كعدت ساعه ب7 المغرب اتوضيت وصليت وطلبت بيتزا اكلت وخلصت اخذت شاور ولبست بنطلون جينز بلون السلفر وتشيرت اسود وستره سوده وحذاء بلون السلفر ولبست الحجاب ولبست ساعه سوده واخذت تليفوني والسويج وطلعت لسيارتي جانت ساعه ب9 انطلقت بكل سرعتي للمستشفى وصلت صفيت سيارتي ونزلت دخلت رحت للاستعلامات سألت وكلولي جانت المستشفى هووسه بكل معنى الكلمه صياح وناس تركض ناس تبجي وناس ينقلوهن بالسديه هاذ المحترك وهاذ الرجله ماكو وهاذ ايده مقطوعه شباب واطفال وشياب وزلم بعدهم صغار
جنت اركض وماحس اله انضربت بشخص دنكت عدلت شالي وماشوف منه شيء بس ملابسه السوده .....
اي اعرفهن هذني الملابس هاذ زي رسمي عسكري 😳
يعني الي واكف كدامي هسه واحد عسكري جان كل ضني شخص ماعرفه شخص ماشايفته بس صار العكس رفعت راسي وشفته اي هاذ الشخص الجان نفسي اول بشر اشوفه هاذ الشخص نفسه الي جنت اشتاقله بكل ثانيه وكل شويه اذكره هاذ نفسه، رضا !!!
كمت وكفت كدامه وهوه وجهه اصفر من الصدمه مامصدك الكدامه هاذ حلم لو واقع مايعرف اذا هاذ واقع او لا بس الي يعرفه هسه كدامه الضابط زهراء !!
.......................................................
(( في مكان اخر ))
رضا : رفعت راسها وباوعتلها مستحييييل هيه لاااااا اني بحلم لو واقع اني معقوله داتخيل الي كدامي مستحيييييل معقوله هاذ شبح لو بشر معقوووووله
الي كدااااامي زهرررراء !!!! بقيت ربع ساعه واحنه واحد صافن بالثاني عرفتها هيه يعني مو حلم ولا داتخيل عرفتها من نزلت دمعتها عرفتها من باوعتلي بهاي النضره الي بس احنه والمجموعه نفهم هاي النضره
زهررراء عاااايشه شلوووون مجااااي اصددددك ابددددد
........................................................
زهراء : رضااااا ... حضنته وهوه حضني بكل قوووته بقيت ابجي وهوه هم يبجي بهستيريه واني هم
رضا : زهررراء انتي عايشه شلووون ؟؟؟؟
زهراء : بعدين افهمك بس هسه كلي وين المجموعه
رضا ببكاء : زهراء اكرصيني حته اتاكد انتي حقيقه
زهراء ببكاء : هههههه اي ادلل .. كرصته حيل
رضا : اخخخخخ ولججج موو هيج ايدي
زهراء : ههههه
.. بقينه نبجي ونضحك بنفس الوقت مشاعرنه اختلطت ماعرف فرح صدمه خيبه امل ماعرف بالضبط
زهراء : صعدنه فوك اني ورضا واشرلي على المجموعه رحتلهم وهوه هم وكف كدامي واني صرت بضهره ختلت جانو كلهم موجودين بس ماعدا ذاك الشخص ماكو ماعدا ذاك الشخص الي اتمنيت اول ما ادخل اشوفه ردته هوه اول شخص احضنه وابجي بحضنه بس وينه ماكو المجموعه كلها موجوده وحتى ضباط المركز بس هوه ماكو اني بضهر رضا بس اباوع من جوه ورضا كلهم
رضا : يجماعه جايبلكم هديه
الكل : شنووو
فهد : لككك رضااا اذا سالفه تعبانه مانريدها تره مالنه خلك خووش من هسه اكلك
نمر : اي والله اعصابنه تلفانه مالنه خلك لأي شيء
.. طلعت من وره ضهر رضا وكلت
زهراء بدموع : حته اني مالكم خلك تشوفوني ؟ 🥺
الكل بصدمه : 😳😳😳
زهراء : شافوني وجوهم كلهه اتغيرت تاره اغمه عليهه كتاليا وقمر كعدن على رجلهن والبقيه بقن بس يباوعن ركضت على تاره ورضا شالها وداها للدكتور يشوفها ...
بقيت اني واكفه وهمه واكفين كدامي ميعرفون الي ديصير ؟ منو اني ؟ همه هسه بحلم لو حقيقه ؟ شلون طلعت الهم هيج فجأة ؟ معقوله ديتوهمون ؟ بس همه يعرفون زهراء ماتت بانفجار وهسه زهراء كدامهم بشحمهه ولحمهه وطولهه شلون صار هل شيء ؟؟؟؟؟
..............................................
طيبه بعياط وبكاء : زهرررررررررررررررراء 💔💔💔
زهراء ببكاء : يرؤح زهراء 😭
.. اجتي حضنتني بكل قوتهه حسيتهه راح تضمني بضلوعهه حسيتهه جانت محتاجتني حسيتهه جانت محتاجه شخص تحضنه وتشكيله همهه بس مالكت وهسه اجاها هاذ الضهر وهاذ الحضن الي راح تفرغ همهة بيه ....
طيبه ببكاء : ولججج انتي زهراء لو منو ؟ انتي مو متي ؟ شلون رجعتي ؟ شنو الموضوع ؟ اني بالواقع ؟
زهراء : اهدي هسه اكلكم بس اهدي
.. كلهم اجوي حضنوني من بعد الصدمه الي دامت ربع ساعه كعدنه بالارض والناس كلها تباوع علينه كعدت وسولفت الهم على كلشي من اتصال عليه العميد بذيج اليله لحد هسه من دخلت الهم
فهد : زين ليش مكلتي النه ؟ ليش ضميتي علينه ؟
زهراء : العميد حذرني اكول لان اذا كلت راح يعرفون
لارا : شلون يعرفون ؟
زهراء : جان اكو ضابط ويانه وهاذ واحد سكط ابن سكط جان ينقل اخباري للعصابه وبالمقابل ينطوه فلوس روسيه واخذهن وهسه هوه نزهه بروسيا هوه وعائلته ابن الحيوان خلي يجي واني اعلمه بسيييطه
نسر : دخلي يجي اذا ماشكيته بالنص فلا اسمه
زهراء : هيووو الساانك 😒😡
نسر : اسف 🤐🤐
الكل : 😂😂😂
زهراء : كمت ورحت على تاره دخلت للغرفه جانت كاعده وصافنه ورضا يمهه كعدت يمهه وهيه بس تباوع وتحرك بعيونها دمعتهه بطرف عينهه وهيه مصدومه
حضنتهه وهيه حضنتني شبعت بجي بقت ساعه كامله تبجي بصوت عالي وكلهم بجو وياهن واني هم على الواهس 😂😂 فرغت كلبهه بالبجي بحضني بعدتهه عن حضني مسحت دموعهه وسكتتهه وسكتت المجموعه بالكوه سكتوووو واني هم بالكوه سكتت 😞
زهراء : صكر وين ؟
علي : راح بشغله
زهراء : اتصل عليه وكله خلي يجي بس لاتكله اني هنا
علي : ماشي
( ترررن ترررن ) دقيقه وجاوب
علي : الووو ها صكر وين انته ؟
صكر : ها عليوي اجيت للمستشفى ليش ؟
علي : تعال هاي تاره اغمى عليهه
صكر : ليش شكو شصاير وهسه هيه شلونها ؟ خوما بيها شي؟
علي : مصاير شيء ومابيهه شيء بس تعال وانته تعرف
صكر : انتم وين ؟
علي : بالغرفه ال****
صكر : ماشي اجيت
علي : يلله باي
صكر : باي
...................................................................
لهنا وينتهي البارت اتمنى يعجبكم صوتو اذا عجبكم
البارت الاخير باجر ينشر يوزر الانستكرام zozo.zz2006