الضابطه زهراء

تظـاهࢪي بٲلقـوة حتـى ﯠٲن ڪٰان داخلكِ حطـام👮‍♀️
البارت 13
زهراء : صحيت لكيت نفسي بغرفه وبيدي كانونه ويمي ممرضه استغربت وكلت
زهراء : اني شسوي هناا
الممرضة : عيني انتي اتخربطتي وجماعتج جابوج هنا
زهراء : صيحيلي جماعتي
الممرضه : اوك راحت صاحتهم فاتو كلهم بس انصدمت شفت سيف وصكر اثينهم دخلو للغرفه 😳
اجه رضا كعد يمي وهمه يباوعون حضني وباسني براسي وكال
رضا : شلون صرتي يرؤحي
زهراء : زينه بس شنو صار وياي
رضا : من اتصلنه عليج سديتي الخط ومكدرنه نوصلج فتبعنه حسابج وعرفنه موقعج وين اجينه عليج لكيناج مغمى عليج شلتج وجبتج هنا
زهراء : باوعت على صكر وسيف واحد يريد يكتل الاخ
كلت ممكن تعوفونه وحدنه طلعن البنات وبقيت اني ورضا كتله
زهراء : رضا صكر وسيف ليش اجوي وياكم
رضا : صكر جان يمنه وعرف انتي ماكو اتخبل وضل يدور ويانه مشينه لبيتكم مالكيناج لكينه محل سيف سئلته وكال جانت يمي وراحت بس صكر بقه يحجي ويه سيف وحدهم مارجع ويانه ومن خابرته كال جايكم بس اجه معصب وسيف اجه وراه وهم معصب
زهراء بتعب : اوووووف حطيت راسي على جتف رضا ودموعي طاحن كتله رضا والله تعبت لو كوكايتي ماخذتني وياها جانت ماعشت هذا العذاب 😭😭
رضا : اششش يعمري اني يمج ماعوفج بكل خطوه تمشيها تلكيني وياج يرؤحي وباسني براسي دخلن البنات وياهم صكر وسيف بس شافوني نايمه على جتف رضا وحاضنته وجهم صار هيج 😡😡
زهراء : رضا اريد اطلع
صكر : اني راح اسوي أوراق الخروج
سيف : لا اني راح اسوي أوراق الخروج
صكر بعصبيه : بصفتك منو حتى تسوي الها
سيف : بصفتي حبيبها وملكها
زهراء عطت بيهم وكتلهم : كاااااافي محد يسوي الاوراق لا انته ولا هوه علي راح يسويهن روح علي
علي : حاضر
تاره : صكر وسيف اذا تردون تتعاركون اطلعو بره
طيبه : احنه بيا حال وانتم تتناكرون
زينب : البنيه راسها يوجعها وانتم فوكاها
تماره : من رخصتكم بس اذا تعاركتو بعد تنطردون
صكر : اوك 🤐
سيف : اوك 🤐
زهراء : شويه وطلعت كالو مو زين عليج تسوقين
كتلهم روحو انتو واني ورضا نبقه وحدنه
رضا : ماشي
سيف : بس زهراء
صكر : انته ماسمعتها شكالت لو اله واحد يهينك
سيف لزمته من ياخته وكتله : اذا تتقرب يمها اقرأ الفاتحه على روحك
رضا عاط بيهم : كااااااااافي أنتم صغااار الكل يررروح ومااااريد اشووووف احد هنااااا مفهووووم
زهراء : اخذته من ايده ورحت صعدت سيارتي هوه يسوق واني كاعده بصفه كتله يروح على مكاني
( معلومه / مكان زهراء محد يعرف بيه ابد )
رضا : وصلنه للمكان عباره عن شاطئ وهادئ وبيه زرع وبيه نخل وبيه قنفات يعني مكان صدك حلووو كتلها
ولجج زهرااء شنو هذا المكان يخبل 🥺
زهراء : هههههه هاي كل مره اجي هناا
رضا : صدك
زهراء : اي والله واذا يوم مالكيتني اعرف اني هنا بس ماريد احد يعرف هذا المكان وبالاخص هذول الثنين
( صكر . سيف )
رضا : ماشي
زهراء : حطيت راسي على جتفه كتله رضا والله احبه وماتحمل اشوف بحضن غيري ماتحمل اشوفهم اثنينهم نفس الغرفه وماتحمل يكولون عنهم متزوجين 😭😭
رضا : لا لتبجين يعمري صيري قويه وينها زهراء جانت تقوينه من نوكع بمشكله وينها زهراء جانت مثل الجبل
زهراء ببكاء : انكسرت لمن راحت كوكايتها 😭😭😭
رضا : اذا تعزيني من صدك لاتبجين اروح فدوة لدموعج
( تعالو نشوف شنو صار بين صكر وسيف )
صكر : الساعه ب7 المغرب خابر عليه رضا
رضا : الو سيدي
صكر : ها رضا
رضا : سيدي زهراء مختفيه
صكر : شنوووو
رضا : اي والله دورنه عليها مالكيناها فرينه بغداد كلها وهيه ماكو
صكر : من شوكت هيه غايبه
رضا من الساعه ب4 العصر صارلنه 3 ساعات اندور عليها
صكر : أنتم وين هسه
رضا : يم بيت اهلها العنوان...
صكر : خمس دقائق واني يمك مشيت بكل سرعتي
رضا : وصل صكر هوه بسيارته واحنه كل واحد بسيارته نبهت البنات كون اهلها ميدرون اذكرت سيف رحتله وصكرر نزل وياي
رضا : السلام عليكم سيف شلونك ماشفت زهراء
سيف : وعليكم السلام رضا جانت عندي قبل ساعتين
رضا : ماتعرف وين راحت
سيف : لا والله ليش شبيها بس لاصاير الها شي ياويلكم اذا مالكيتها
صكر بعصبيه : لككك انته منووو وتحجي هيج انته شعليك بيها هااااا 😡😡😡
سيف : لك شنو شعليه زهراء بنيت كلبي وروحي

لهنا وينتهي البارت اتمنى يعجبكم
اتفاعلووو اذا حبيتو 👩‍✈️🖤