باوعت عليه كلش ضجت وانقهرت بس سويت العكس مبجيت ولاعفته وطبيت تقربت منه اكثر وباوعت بعيونه ورفعت اصبعي بوجهة
فاطمه: هاي اخر مره تمد ايدك عليه فهمت واساسا ميحقلك تمد ايدك والي يمد ايده على مراه مو رجال
سحبني من شعري وقربني اله كلش بحيث انفاسنه ختلطت حاولت ابتعد وعيونه بعيون بعض وثنينه صايرين نار تقرب اكثر
نور الدين:تدرين كلما تسوين هيج مابتعد عنج لا انچذب الج اكثر قربني اكثر ودمج شفايفه بشفايفي واصابعه تتحرك بشعري واني احاول ابتعد عنه وهو شلون الحديد لازكني بيه غمضت عيوني واحس انفاسي خلصت وكل حواسي وكفت وهو مستمر حسيت شفايفي نزفت دفعته بالكوه وركضت للغرفه وكعدت ورا الباب لازمه كلبي والهث بسرعه واحس كلبي حيطلع لزمت شفايفي واستوعبت وكمت اكمز
فاطمه:بوستي الاولى راحت الله ياخذك نور الدين المطي الغبي الحقيرررررر خربطت الفرشه وشمرت المخاد اوففففف همدانيييي بقيت كدامه جني بغل دشردي دشردييييي بقيت افتر بالغرفه اريد اتعب وانام بقيت اكمز عليت السبلت لل19 وصارت الغرفه ثلج حتى انعس نمت على حطتي الغرفه مخربطه حسين ايد حاوطتني حسيت بدفو وعطر يجنن جانت احلى نومه
صار الصبح اكو حركه يمي فتحت عيوني وفركتهن واني مبتسمه لان نمت خوش نومه حتى محلمت
ختفت ابتسامتي وشفته بصفي مرتجي على الجربايه وبيده تلفونه
كمت وباوعتله صفح
فاطمه:شتسوي هناا
نور الدين: نايم يم زوجتي
فاطمه: لتحجي وياي ولاحجي وياك شكو تبوسني راحت بوستي الاولى احجي واصيح سكتت فجاة دريت بنفسي جفصت
نور الدين: لان طلعتي بدون علمي سويت وحده بوحده ماسمعتي كلامي ماسمع كلامج جان يحجي وبيده التلفون مندمج
فاطمه: تره ضوجه ورحت يم مرام اتونس وين وليت يعني رجعلي تلفوني حتى اتونس عليه اوفففففف
طلع تلفوني من جيبه هاج اخذته بسرعه
نور الدين:تلفونج ورجع ماكو طلعه متروحين لزوجه ادهم عيب
فاطمه:شنو عيب تره من اروح بوقت دوام صديقك لتخاف
نور الدين: ليش جنتي تنشرين وجهج لكيت كل البرامج بيه وعطلتهن ماحب هاي السوالف بقيت بس الواتساب وبس بيه رقمي
فاطمه:عطت يعني فرمتت جهازي بجيت متابعينيييييي اوف ليش نور والله مو حجي هذا
نور الدين:نجبي بويه شنو تنشرين وجهج شعندي اني شهل خفيه ثكلي والله اذا شفتج منزله برنامج غير الواتساب اكسره للتلفون فوك راسج
فاطمه:باععع تره ماحب هل تحكم فهمت!!!!!
نور الدين:مو تحكم صرتي متزوجه حسبي حساب لكل شغله تسويها اني مو مكرن اخلي زوجتي فضيحه بالبرامج جان يحجي والبرود يقره الف عنده متقصد يستفزني
كمت واني اباوعله بحقد ورحت للحمام افرش وادعي متقصده يسمعني كون يانور الدين تمشي ويتعور اصبع رجلك بالجربايه غسلت وطلعت هو نفس مكانه مشيت اخذ تلفوني وتعور اصبع رجلي بالجربايه صحت واني اكمز كون الله ياخذك يانورررر وهو ضحك
نور الدين:اذا مو كد الدعاوي شكو تدعين
كعدت بالكاع اون وادردم وحدي وهو عافني وراح غسل وكمل واني بالمطبخ سويت توست بالجبن وكعدت اكل
نور الدين:بدريه اي احد يجي يدك الباب لتفتحي خوشش؟؟
باوعتله واني اكل
فاطمه:كملت انوب لاشوف البشر ولاهمه يشوفوني زين عيني اذ اجت مرام
نور الدين:متجي واذا اجت ادهم يكلي
ضجت ونزلت راسي رفع راسي بيده وحجه
نور الدين:بويه خايف عليج شبيج انتي كتلج فتره فتره ويرجع كلشي طبيعي
هزيت راسي ماشي مافتح بس تعال من وكت حجيتها على كيف
نور الدين:ها تشتاقيلي
فاطمه:هههييي لا طبعا بس اتونس بالعرك وياك
مشه شرب مي وراح صار العصر والضوجه تكتل ختمت مسلسل من الملل رحت للواتساب كلت خلي ادك عليه دكيت كامره واني متمدده بغرفتنه وبارده ومتلفلفه اولشي رفضه بعدين دكيت جاوب كاعد بمكتبه
فاطمه:لك ها نورررر
نور الدين: بت المسموط شنو صديقتج اني لتكولين نور ضحكت بخبث
فاطمه:شدسوي ضوجه كلت اووووخابر زوجي الي هو مو زوجي
نور الدين:داشتغل يأبه شداسوي يعني
ثبت الكامره وبيده قلم يكتب واني اباوع بملل
رفع راسه وابتسم سمعت صوت يمه
نور الدين:هلا نسرين تفضلي
:شلونك سيدي انشاءلله بخير طبعا اشكرك على الشي الي سويته واياي ماعرف شلون ارده الك
نور الدين:لا مو بينا مسويت شي
واني اباوع وتعدلت بسرعه بشنو مساعدها وهاي ليش تتموع هيج
:سيدي شنو رأيك اعزمك حتى تصير وحده بوحده
عطت من يمي
فاطمه:حبيبي شنو اليوم احضرلك للعشا شنو مشتهي غيرت صوتي مثلها وكمت اتموع باوعلي
:اسفه سيدي معبالي زوجتك على الخط
فاطمه:منو يمك حبيبي خلي اشوف فتحت شعري بسرعه وعدلت كعدتي
عدل الكامره وشفتها كلش حلوه وناعمه ومامحجبه
نسرين:ضحكت لتخافين اني ضابطه وياه اسمي نسرين
فاطمه:ضحكت بصوت عالي ليش اخاف اثق بنور اكثر من روحي باوعلي عاكد حواجبه بستغراب
فاطمه:اخذ راحتك حبيبي ارتاح واني اباوع بحقد سديته بوجه
وخرت الغطا بعصبيه وكمت اقلد على كلامها بعدين استوعبت اني غرت عليه وكلت حبيبي
لزمت وجهي حيل
فاطمه:عوبه عوبه والله اوففف هسه شعليج
كمت لغرفتي سبحت وبدلت وسويت ضفيره هنديه حطيت حمره خفيفه ورحت للمطبخ مدري شسوي
طلعت طريقه على اليوتيوب كلت اسوي مقلوبه دجاج
كمت اقطع واسوي وكلشي على كيف حتى ماخربها واهمشي ماحركها كملتها وخليتها على النار اخر شي
وهو دخل للبيت مديت راسي من المطبخ باوعتله صفح اجه يمي وابتسم
نور الدين: هاي شحجيتي كدام نسرين
فاطمه:كلت خطيه لاافشله كدام الحاته خوش امثل مو؟
نور الدين:رفع ايديه وحاوطني اي اساسا معبالي تمثيل شنو هاي انتييييي يحجي وعيونه على شفايفي
نزلت من جواه مترتره حطيت كذلتي وره اذني
فاطمه:سويت مقلوبه رمشت بغرور
نور الدين: اكيد ممحروكه؟
فاطمه:اكيدددد روح بدل
راح واني وكفت اسوي زلاطه
وكفت اريد اقلبها بالصينيه ثكيله صحت
نوررررررر
اجه نور الدين :راح احط هذا الجدر براسج لتكولين خرا اسمي نعال
ضحكت فاطمه:حاضر نعال
كفخني على راسي
فاطمه:اخخخ يلا اقلب المقلوبه ثكيله
وكف بصفي وقلبها
فاطمه:باوعتله شنو رايككككك؟؟؟
نور الدين:دكفي بويه هسه اني اكلتها جوز طعمها مطيب
رتبت الميز وكعدنه واني انتضرته ياكل اولشي وبعدين اكل أكل وباوعلي المصيبه ملامحه بارده ماعرف افتهم
نور الدين: طيبه
فاطمه:بس؟
نور الدين:طيبه تخبل
فاطمه:ادري اخذ الكلمات منك بالقساط وخر اني اكل واني اقييم اكلت وطلعت صدك طيبه مبيها شي غلط
وطول العشا اني احمد بنفسي واحجي بغرور سطرت راسه وهو يهز براسه وياكل
مرت اشهر واحنه على نفس الحال اني وياه ساعه متفاهمين وساعه العرك يوصل للستار والمشكله اني ارده ماسكت واجفص وأحيانا اغلط وهو يتخبل بس شابعه راشديات منه
بيوم نمت من وكت لان جسمي يوجعني وكعدت الفجر ميته من الآلم كمت على كيف رحت للحمام شفت الشهريه نازله واني بهل فتره اموووت من الوجع
زفرت الهوه وغسلت ورجعت للفراش تلفلفت زين ونمت اون حسيته حضني على كيف وهمس باذني
نور الدين :بويه شبيج تونين مريضه
جاوبته واني مغمضه
فاطمه:لا جوز بردانه
كام طفى السبلت واجه حضني حيل حسيت نفسي بين ضلوعه نمت شويه واني اون وهو كاعد منام
نور الدين:شنو يوجعج بدريتي احجي
همست
فاطمه: ضهري موتني مد ايده بضهري طببها جوه التيشرت ومرر ايديه على ضهري ويفرك بيه على كيف حسيت هدى الالم ونمت بتعب
صار الصبح حسيته يفتر بالغرفه ديبدل اجه يم راسي باس راسي وفتحت عيوني
نور الدين : بدريه اخذج للمستشفى يحجي والقلق على وجهة
فاطمه:لاا باجر اتحسن معليك بيه روح للدوام
نور الدين:من اتصل عليج ردي خوش حتى اطمن
هزيت راسي ورجعت نمت صار الليل واني نايمه وتلفوني صامت حسيت صوت بالغرفه فتحت عيوني شفته شمر المفاتيح بالكاع وتوجه الي عصبي
نور الدين:اني مو كتلج من اتصل تردين كلبي وكع عبالي صار بيج شيء وماكدرت اطلع لان هذا الكوا*د ابن ال**** مقبل يطي زمنيه شبيج مو ادك متشوفيننن يحجي ويصرخ
عدلت كعدتي وبجيت
فاطمه:جنت نايمه ليش تصيح
رخت ملامحه وكعد بصفي مسح دموعي
نور الدين:بويه غير نهبطت كلت هسه ماتت اغمى عليها شيشيلها وهيه جنها بدريه
ضربت جتفه واني ابجي
فاطمه: لتشيلني اذا اغمى عليه اني اكعد وحدي معليك بيه ميته على مساعدتك
نور الدين:شلون صرتي
فاطمه:راح الآلم ماكو شي
نور الدين:تريدين اطلعج للمول
كمزت بسرعه بشرفك
نور الدين:اي يلا بدلي بس ماريد ملابس تخزي
ركضت بسرعه للحمام سبحت وبدلت حطيت مكياج خفيف صحت
فاطمه:نور عادي احط من عطرك
نور الدين:حطي
حطيت وسبحت بيه وطلعت جنت لابسه بنطرون بوي فريند عريض وقميص وردي مطببته جواه وحذاء رياضي ابيض وشال ابيض
باوع عليه من فوك ليجوه گلب وجهة ومشة محجيت وطلعنه التقينه بالمصعد بمرام وادهم هم جانو طالعين حضنت مرام قوي وهي هم تضحك وتحضن بيه وادهم ونور الدين صافنين علينه
سحبني نور الدين من حضنها وادهم سحب مرام
ادهم :ها نور الدين وين
نور الدين:رايحين للمول
ادهم:احنه هم
باوعت لمرام ومرام باوعتلي وغمزنه بسكوت
ادهم:هاهيه لعد نروح سويه نونس ذني الثنائي المرح
ونور الدين مدنك لاحضت بنور هو صدك ثكيل ورزن كلامه قليل خارج البيت حتى بالبيت اني احتك بي
رحنا للمول وشترينا ملابس كومه اني ومرام وهمه مضايقونا كلش كعدو بمكان واحنه نشتري ملابس ونقيس
اكلنا ورجعنا واحنه بالسياره اني ونور الدين وهو يسوق سحبت ايده ولبسته خاتم واني لبست نفس الخاتم ثاني باوعت لايده وابتسم
نور الدين:شنو تعرضين عليه الزواج ماعندج اخوان
فاطمه:ضحكت تره هذا مال اصدقاء مرام اخذت مال كبلات الها ولادهم
تغيرت ملامحه وكمل سياقه وصلنا وهو بسرعه نام لان جان تعبان واني وكفت ارتب ملابسي تقربت عليه عدلت الغطا مالته وابتسمت
نور الدين
كعدت الصبح مشفتها نايمه بصفي واساسا الفراش ممتخربط دائما الكاه بالكاع واكع لان تدفر كمت وصحت
نور الدين بدريه وينج
دورت البيت تخبلت ماهيه!!!!
للكاتبه :وتين
أنت تقرأ
انا وهشاشه خيالي
Mystery / Thrillerبين ليله وضحاها تتغير الكثير من الاقدار والكثير من المشاعر فماذا يحصل اذ جمعنا بين الحب والكره والخوف والاطمئنان والحقد والامان..... كل هذا سيحصل بهذه القصه ستتغير الكثير من الاقدار والمشاعر والاهم من هذا تتعرف على وجوه كنت مخدوع بها طوال سنوات...
