مر الوقت بسرعه بدون منحس لان صدك تونسنه كلشي سوينه باوعتلها
فاطمه:مرايم عادي اطلب منج طلب؟
مرام:طلبي حبيبي شنو
فاطمه:اريد تلفونج اتصل على بنت خالي كلش محتاجتها تغيرت ملامح وجها وبسرعه كامت
مرام: اسفه حبيبي والله لازم ارجع كلي ادهم رجعي قبل المغرب بس شوفي هسه ب9
باوعتلها ماريد احرجها دريت تعليمات نور الدين
فاطمه:ابتسمت ولزمت ايدها ماشي حبي براحتج تعالي بأي وقت ونستيني
مرام: بوستها ماشي عمري نتبهي على نفسج طلعت وقفلت الباب كعدت ورفعت راسي بقهر ونزلو دموعي بهدوء شعور انتي سجينه عند احد وانت ممسويه شي كلش يأذي احس نفسي مذلوله مرت ساعات هواي واني ابجي واباوع افلام كارتون كلش ملل بس وين اروح وصار الفجر واني منعسانه ساده كل الاضويه وعايفه التلفزيون واباوع والدموع مراضيه توكف حتى اذا توم تعارك ويه جيري وأذاه ازيد بالبجي عبالك وياهم نفتح الضوه فجاة واني متمدده كمت بسرعه اني وكفشتي ودموعي وخشمي الاحمر باوعت عليه حاط ايد بجيبه ويباوعلي
نور الدين:ها خيرج شبي وجهج يطرد النعمه
فاطمه:عطت واني ابجي مدام يطرد النعمه طلعني طلعنييييييي
نور الدين:خرب بعرضج شوف صوتها عبالك مدفع ولاجن ضليتي سبوع متحجين كعد بصفي
خزرته واني امسح بخشمي وبدموعي
نور الدين: باجر يجي السيد يعقدلنه
فاطمه: عيع ماريد من كل عقلك اتزوجك
نور الدين:عيني ام الايع عساس ميت عليج اني
فاطمه:حجيت بسرعه لعد اي هاهيه منتزوج
كفخ راسي
نور الدين:موبكيفج
صفنت بوجهة اريد اتذكر وين شايفته بهل قرب مثل قبل
فاطمه:ضيقت عيوني اني وين شايفتك
نور الدين:كل يوم اطلع بوجهج شبيج بويه
فاطمه: ايييي ادري اقصد قبل قبل شايفتك
نور الدين:ضحك بستهزاء متتذكرين؟
فاطمه:شنو
نور الدين:من سويتيلي هيج
شال الكلاص وشمره على وجهي ترس
شهكت ومسحت وجهي وعطت يااااا شبيككككك
نور الدين:تذكرتي؟
فتحت عيوني هو نفسه من استفزني وشمرت المي بوجه بالمطعم!!!!
فاطمه: اااااا هذا انته
هز راسه وهو يباوع ببرود
فاطمه: اخخ بس والله جنت تستاهل كبر شلون جعصت اصبعي فوك ماجنك حايط طخيت بيه
سحب شعري ببرود عليمن الكبر عليمن؟؟؟؟؟
فاطمه:اههه شعري وخرررر مو عليك وهو يجر بشعري
فاطمه:خلص خلص اسفه بس هد
فلت شعري وخزرني
فاطمه:ااااء شعجب ملحتكني وكتلتني بعد معرفتي بيك انته شخص خبل....غيرت الكلمه بسرعه اقصد شخص عصبي يعني تاخذ حقك مع انو اني الحقانيه رجعت شعري ليورا بغرور
نور الدين: اخذتها وزايد لتخافين حقي يمي غمز ببرود
مفتهمت قصده وغلست
نور الدين:فاطمه كومي سويلي جاي راسي يوجعني حط رجليه على الطبله ورفع راسه ليفوك
كمت مردت اكله ماعرف خاف يفشلني كلت اجرب شيرادله
فورت مي وادور على الجاي وين شفت شي يشبه الجاي كلت هذا حطيته بدون اهتمام وانتضرته يتهدر خلص صبيتله واجيت حطيته كدامه حسيت لون الجاي غريب بس غلست
عدل كعدته وباوع للجاي ورفع حاجبه
رمشت دخيلك ربي هذا شبي موزين ماسويلك كلت بكلبي
شربه اول مشربه ذبه وكام يكح بصوت عالي فزيت بسرعه وانطيته مي حصرتني الضحكه وكت نذالتي هسه
فاطمه:اسم الله بعدوك بعدوك طبطبت على ضهره
باوعلي بحده ووجه احمر
عاط بوجهي نور الدين:حاطه خرا بمكان الجاي كفخني وباوعتله
فاطمه:دكف نفتهم شنو الخرا ضحكت متحملت
نور الدين:وتضحك الثوله وتضحك من كبر لهل عقل
حاطه حرمل وبخور ادري متشميهن شنو ذني مو بيهن عطر
فاطمه:واني اضحك ودموعي نزلن شمدريني هو يم الملح والشكر مادري بيك عجيز تدور حرمل وبخور عبالي جاي ضحكت اقوه وهو راد يضربني شردت وشمر عليه النفاضه مال الجكاير طاحت على رجلي كمت اكمز واركض وهو ضحك
رحت لغرفتي وهو راح لغرفته
وره شويه كمت كلت مشتهيه جاي واصبله وياي خطيه من سقى كلب دخل الجنى كمت اسوي وهلمره حطيت جاي شميته وتاكدت صبيت الي واله ومشيت لغرفته دكيت الباب برجلي
نور الدين:ها بدريه طبي
فاطمه:افتحلي البابببب ايدي حتركتتتتت
فتحه ورجع على الجربايه الي مليانه اوراق
زفرت الهوا هسه غير ياخذه حطيته يمه وشربت اباوع للاوراق بفضول
نور الدين:نعسانه؟
جاوبته لا واني اباوع للاوراق
نور الدين:كعدي ساعديني
كعدت لان ملل كلت اشغل نفسي ربعت وبيدي الكوب اشرب واباوع هو يعلمني هذني اوراق تخص شنو واني بسرعه تعلمت وكعدت اصفطهن ومن يكلي اريد ملف فلان انطيهيا بسرعه والقلم بيده يأشر مرت ساعات وكعت وصحت
فاطمه:خالي هذا شغلك يتعب شني هاي
نور الدين:شسويتي بويه هيه اوراق رتبتيهن
فاطمه:حتى شكرا مكلت تهي بهي موصوجك
دفرني بخفه واني وكعت لان كاعده بحافه الجربايه
واني سويت نفسي مغمى عليه حتى يتندم هو اني صدك تعبت
باوعلي صفح وكال بعدلج خمسين ورقه كومي كمليهن
صحت
فاطمه:والله ولاكوم كملهن انته عفته وطلعت وره شويه اجيت وبيدي عصير اشرب باوعلي وباوعتله
فاطمه:خطيه نقهرت عليك بس اكملهن بشرط طيني فلوس مديت ايدي وبحلكي القصبه
طلع خمسه وعشرين من المحفضه بدون ميحجي وانطاني
باوعت بصدمه جنت اشاقه وياه تذكرت حمودي جنت اقل شغله اسويها اطلب فلوس ويطيني بجيت واني اباوع عليه
نور الدين:شكو تبجين هاج تريدين اكثر طلع راد يطيني
فاطمه: لا مو هيج قصدي جنت اشاقه هاك رجعتهن اله وكعدت وربعت ومسحت دموعي
نور الدين:ادري محضره دموعج كل دقيقه تعوين مانشفن دموعج حتى زليخه دموعها نشفن من كثر متصيح يووووسف وانتي منشفن
ضحكت واني اصفط بالاوراق
خلصن الاوراق بالكوه خلصن وهو يشرب جكارته ويباوع باللابتوب
باوعلي ها خلصتي
هزيت راسي واني اتثاوب
نور الدين:عفيه ببدريه فلحتي بشي هسه شتريدين انطيج فلوس لو اطلعج باجر؟؟
باوعتله
فاطمه:ثنينهن ماريدهن بس اريد اسئلك وتجاوبني ؟
كلت بلكي الله اكدر اعرف عنه شغلات واكدر اشرد منه
هز راسه وهو يدخن
نور الدين:اي بويه سئلي
اباوع عليها تصرفاتها شكلها سوالفها كلها تچذبني الها مع انو شخصياتنه ابد ممتشابهة لبعض بس كل يوم احبها من اشوفها تبجي ودي احضنها واكلها اني سندج اني راح احميج بس اعرف ماخذه عني غير نضره واني طبيعتي ماحب ابرر اريدها هي تعرف وحدها شنو اني وليش دخلت لحياتها........
للكاتبه:وتين
أنت تقرأ
انا وهشاشه خيالي
Mystère / Thrillerبين ليله وضحاها تتغير الكثير من الاقدار والكثير من المشاعر فماذا يحصل اذ جمعنا بين الحب والكره والخوف والاطمئنان والحقد والامان..... كل هذا سيحصل بهذه القصه ستتغير الكثير من الاقدار والمشاعر والاهم من هذا تتعرف على وجوه كنت مخدوع بها طوال سنوات...
