انا وهشاشه خيالي

بارت9

عدلت كعدتي وربعت وحجيت بغرور  اسوي نفسي محققه
فاطمه: شنو شغلك
نور الدين: اركص
فاطمه: يااا عدا الشقه مو دنسئلك هاي بدايتها
نور الدين:بويه ضابط
فاطمه:اممم زين انته ليش تصرخ وتعصب وتصير جنك وحش من تحقق وياي او ويه كل شخص يعني
نور الدين:لعد شتريدين العب توگي ويه المجرم اذا مارضى يعترف
فاطمه: هم تضربهم بنيه او ولد جانو؟
نور الدين: الولد اي افقد عليهم بس البنات اقوه شي راشدي هاي طبيعه شغلي يعني لان ميجون بالهدوء
فاطمه: اي اخ الراشدي مالتك لسه مطبوع بوجهي خنزرت بوجهة وباوعت صفح
نور الدين:انتي كضيتيها عليه تعوين شسويلج لعد
فاطمه:المهم تغيرت نبره صوتي وحجيت فارس وين
نور الدين: شلج بطاريه سئلي غير سؤال
فاطمه:احجي عادي ميهمني اساسا منزمان اني وياه عداوه بالبيت ف ماضوج من طاريه
نور الدين:ليش عداوه
فاطمه:غثيث منوراه ابوي نضرب جلطه وصار مريض والكلمه عليه حسره وامي تعبت بسببه يجي سكران ومن غير الديون مالته اخوي حمودي يدفعهن وجان يتأمر عليه واني ماحب هيج ف دومنه متعاركين
فاطمه:اييي دجاوب وينه هسه
نور الدين:لكينه الوگر مالته كلهم عترفو عليه بس ميدرون وينه هسه وللان ديدورن
هزيت راسي
فاطمه: تثق بيه؟ مخليني ببيتك
نور الدين: ماثق بأي احد وادري بيج اذا سويتي شغله تعوفيها على النص لان موكدها ف مأمن من غبائج
فاطمه:شنو من غبائي ششايفني عشتو
نور الدين:ماخلصن اسئلتج!
فاطمه:دكف بقن شويه واروح نعست حيل
فاطمه:وين اهلك ليش عايش وحدك
تغيرت ملامحه وحجه ببرود
نور الدين :موجودين بس مو هنا
فاطمه:وين يعني
عاط هسه شدخلج بيهم
فزيت
فاطمه:خلص خلص اسفه كمت بسرعه وطلعت
رجعت بنفس الوقت بقه سؤال رمشت
نور الدين:دخيلك ربي عديها شكو شنو
فاطمه: عادي منتزوج
لزم النفاضه اليمه واني طفرت ادري حيشمرها عليه سديت الباب وطاحت على الباب
ضحكت بخباثه  ومشيت لغرفتي  صح اضحك بس ميته قهر عمري 17 واتزوج واني واعده نفسي اكمل دراسه واحقق حلمي واعيش ببيت وحدي وسيارتي واصير مستقله فجاة تتغير حياتي واصير زوجه شخص كلسا شخصيه ومافهمه ولايفهمني
نمت على بطني بسرعه ونمت بتعب صار الصبح وحسيت احد فوك راسي
نور الدين:بدريه فضيها كومي ويكعد بيه حسيت اكثر من مره بس اني نايمه عاط
نور الدين: شنو حجاره دكومي
فاطمه:هاااا هاااا خير باوعت تك عين
نور الدين: دخيلك ربي وجهج يطرد النعمه كومي السيد هسه يجي يعقدلنه
حطيت الغطا على وجهي 
فاطمه:ماريد كله يجي بعدين او اصلا لايجي احجي واجر الكلمه بالكوه
نور الدين:لاوالله يشتغل عد ابوج جر الغطا وجان التيشرت مرفوع والبجامه وبطني ورجليه طالعات
واني نايمه اصلا مو بوعيي حسيته سكت بس احسه كدامي
فاطمه:ها شبيك فتحت عيوني وعدلت كعدتي بسرعه هيو هيو شكو صافن تره بعدنه ممتزوجين ليش تباوع عدلت ملابسي وتغطيت
نور الدين: ها يعني تريدينه نتزوج حتى اشوف اكثر؟بعيوني كومي بدلي حيجي السيد طلع وهو يضحك
فاطمه: كبر ايع مكيف اتزوجه كمت واني اغلط عليه
سبحت ولبست ذاكه تاركسودي الاول ولبست فوكاه بشت ولفيت الشال عدل وطلعت لكيت نور الدين كاعد وبصفه رجال يسولفون واضح يعرفه
فاطمه:السلام عليكم
السيد:وعليكم السلامه هلا بنيتي
باوعت لنور الدين واني واكفه
نور الدين:كعدي
كعدت واني اباوع بعيونه بتوتر والدمعه بعيني
دار وجهة عني مدري شيحجون واني باالي متلخبط والسيد بده يحجي ونور الدين يردد والسيد بده يحجي وياي واني اهز براسي مافهم بس يمكن دينصحني بعد حجي طويل
فاطمه:مم موافقه
السيد :على الخير والتمام كام تسالم ويه نور الدين وراح باوعت لنور الدين هو فهمني واجه كعد بصفي
نور الدين : فاطمه هسه صرتي زوجتي بس مو بالاسم وخلص تحترمين رأي وقرارتي واني كذالك متخطين خطوه بدون متكليلي فاهمه والاهم لازم تتقبلين وضع انو اني زوجج ادري لسه ممقتنعه بس تقبلي وشي ثاني اني كلت اتقبل قراراتج مثل متتقبلين قراراتي ادري شي بالج انو متريدين اتقربلج ماشي بس تجين وتنامين بغرفتي ك زوجين فهمتي؟
فتحت عيوني
فاطمه: ليش انت كلت ماتقربلج لا ماقبل ابقى بغرفتي
نور الدين:ها بدينه اني قبلت ماتقربلج وانت المفروض تقبلين طلبي هم!
نزلت راسي وهزيته
نور الدين:ادري محتاجه هواي شغلات بس ماكدر اخليج تطلعين ولتسئلين ليش خلي تمر فتره ونطلع سويه
فاطمه:ومدرستني
نور الدين:أجلي هاي السنه
فاطمه:لاااا طبعا ماجل شنو أجل
عاط بيه بعصبيه
نور الدين:بدينه من هسه يعني بابا جنتي بالسجن واخوج مجرم هارب وين تولين للمدرسه واذا صارلج شي واذا نخطفتي كعدي ونجبي خلي تمر فتره
فاطمه:زين اخذني لبيتنه شويه اشوفه واخذ غراضي حباب
نور الدين:لا
فاطمه:حبابببببب حباب
كام من يمي كلت لا نجبي
راح للمطبخ يسوي ريوك واني نزعت البشت والشال وكعدت اضفر شعري صاح
نور الدين:بدريه تعاي
رحت يمه
فاطمه: باوعت صفح ليش تصيحلي بدريه
ابتسم وهو يحط المواعين على الميز
نور الدين: بيت جدي اهل ابوي بالعماره جنت اروحلهم ويه ابوي وعدهم غنم وهوايش وصخول يحجيهن ويباوع عليه متقصد
حطيت ايدي على خصري ايييي؟
نور الدين ووجعي اي المهم من جنت صغير شفت هايشه صغيره بس كلش سمينه خطيه بالكوه تمشي سميتها بدريه وجنت كلما اروح اكضي وكتي وياها لان هناك ملل
فتحت عيوني بصدمه
فاطمه:يعني اني سمينه اني هايشه؟؟؟؟؟؟؟؟احجي واصيح
نور الدين:هسه اني كلت هيه انتي شو انتي اخذتي على روحج ضحك وكعد
فاطمه:تره واضح تقصدني
نور الدين:لا كعدي ماقصدج
كعدت واني مخنزره بوجهة وهو ياكل ببرود
فاطمه: نور حباب اخذني لبيتنه والله نص ساعه بس
نور الدين: شنو نور صديقتج اني اسمي نور الدين
فاطمه:يوهه نفس الشي اتعاجز الفضه كله
نور الدين:مو فاهيه
فاطمه:هسه مكتلي نروح 🥺
نور الدين: هاهيه بليل
فاطمه:العصر
نور الدين:منروح
فاطمه:خلص بليل
بدل وطلع واني متحمسه اروح لبيتنه صار الليل واني انتضره وهو تأخر صارت العشره وهو ماكو كعدت اغلط عليه لان جذب عليه شويه وطب
باوعت صفح ورديت باوعت للتلفزيون
نور الدين:لتكلبين الخلقه جان عندي شغل وتاخرت كومي يلا
كمت بسرعه وركضت للغرفه لبست وطلعت
نزلنه بالمصعد جانت العماره تجنن واضح بمنطقه راقيه ببغداد بس ماعرف وين لان اساسا ماعرف كل المناطق
صعدنه السياره وطول الطريق كلبي مقبوض ماعرف شلون ادخل بيتنه ومحد بي محد يستقبلني ومن اطب المن اصيح محد بيه
وصلنه ودخلنه جان عنده مفتاح بيتنه فتحه وفتح الاضويه واني نزلو دموعي بسرعه وامشي بيه على كيف
دخلت غرفه امي وابوي جانت بصف غرفتي وفوك غرفه اخواني دخلت وهو بقى واكف مدخل كعدت واني لازمه دشداشه امي واشهك على كيفي احاول اكتم صوتي بس ماكدر وتيشرت ابوي بأيدي الثانيه  كمت اشهك بصوت عالي ختنكت حيل حسيت احد حضني حيل
نور الدين: ابجي رتاحي لتضمين بكلبج
فاطمه: ماتو وهمه متعذبين نور الدين كلنه عذبناهم اني جنت عجوزيه ماساعدها ابد خطيه متحاجيني ومدللتني وابوي اساسا حجيي وياه قليل وحمودي جان يصرف عليه ويجيبلي كلشي اني جنت حقيره وياهم لو ميته بدالهم دتشوف شلون الله عذبني بغيابهم اني نذله ابجي بصوت عالي واناشغ بحضنه
نور الدين:اششش شهل حجي ثوله ماكو ام واب ميحبون ولدهم وبناتهم وخاصه انت من حقهم يدللوج جم بدريه عدهم واخوج مجان مجبور يصرف عليج هو جان سندج حتى من تعتازين تروحيله ومتسوين شي غلط اني متاكد همه هسه مرتاحين لان شافو تربيتهم مراحت بين الرجلين انتي راح ترفعين رأسهم بعدين ويفتخرون بيج بس لتضلين ضعيفه وسندي نفسج وتذكري دائما اني موجود بضهرج جان كلامه كلش حلو جبر كلبي بسرعه
ابتعدت ومسحت دموعي وهزيت راسي انشاءلله
سمعت صوت كمت بسرعه سعدون!!!
نزل من فوك سعدون يركض واجه بتجاهي شلته بسرعه واني ابوس بي حيل
نور الدين واكف ويباوع بستغراب
فاطمه:اخخخ حبيبي شكد مشتاقتلك هذا خالي سعيد العار الكوا*د ماخذك والله لو شغله غاليه بالبيت تلكا بايكها هسه من كبر حبيبي ضعفان رديت ابوس بيه حيل
نور الدين عاط بيه:شلون تبوسين بي هيج جوز بي امراض ذبي يلا ماكو هيج سخيفه كبر الج ولسعدون
فاطمه:  خزرته هذا ابني نضيف كلشي مابي
نور الدين: يلا بويه هدي اخذي كم غرض وامشي
اخذت كم لبسه وكريماتي وعطوراتي نملت الجنطه
طلعت باوعتله🥺
نور الدين:شكو بعد امشي!
فاطمه:ناخذ سعدون اني ماتحرك بدونه
نور الدين:دمشي لاحركج هنا امشي
فاطمه:حباب حباب نزلت دمعتين والنبي هو نضيف واذا وصخ البيت اطردني اني وياه
نور الدين: فضيها يلا مشه قبلي
اخذت سعدون وصعدت وهو بحضني بسرعه نام
نور الدين:هذا مبايلج رفعه
فاطمه:اي اي مبايليييي بفرح ردت اخذه سحبه
نور الدين:مو هسه بعدين اخذي
فاطمه:يبو ليششش
نور الدين:نلصمي
وكف السياره ونزل يم ماركت
اجه وجايب علاكه جبيره كلها حبشكلات اجباس وعصاير ونساتل وكلشي حطها بحضني وكمل طريقه
عطت بفرح
فاطمه:احح شكراااااا
هو بقى ساكت أحيانًا كلش لطيف وياي وكانو انسان نقي وكلبه ابيضضض وأحيانًا وحش ويجرح بكلامه وعصبي
وصلنه وهو دخل لغرفته واني كعدت اوكل سعدون واحجي وياه اجه ووكف كدامي
نور الدين:من تريدين تنامين تعاي لغرفتنه وهااااا هذا ميطب للغرفه نهائيًا احطج واكتلج انتي وياه عافني وراح للغرفه
فاطمه: خربحضي مكيف انام يمه دروح لو اعرف انام بالشارع شفته سعدون شلون غثيث شفته
وكلته ونام واني كعدت اباوع تلفزيون وآكل جنت ابد ماباوع تلفزيون وهسه نايمه عليه لان ماكو تلفون
نمت بدون ماحس وتوني داغفى سمعته عاط
نور الدين:اني شكتلج ليش تعاندين يحجي بعصبيه واني بعز نومتي كمت بدون ماحجي ورحت لغرفته شمرت نفسي على الجربايه ونمت  وهو طفى كل الاضويه ونام اني ممتعوده انام بضلمه وحسيت اختنكت بس النعاس غلب عليه بس بقيت مختنكه وره ساعه فزيت وعدلت كعدتي وفركت صدري نفتح الضوه وكعد وباوعلي
نور الدين :شبيج بدريه يأبه
فاطمه:مادري ختنكت لان ممتعوده انام بضلمه هيج
انطاني مي وجانت الغرفه شكد بارده كلش بس جنت عركانه
نور الدين:نامي يلا ماسده وراح اضل كاعد لحدما تنامين
مددت وحضنت المخده هاي عادتي بس منمت
فاطمه:نمت؟
نور الدين:ججج نامي
فاطمه: انته متزوج من قبل
ضحك
نور الدين:بويه شبيج شهل سؤال لا ممتزوج
فاطمه:لا اشوفك خبره يعني بسوالف الرومانسيات
نور الدين: ها تريدين اكومج بكتله واكعدج بكتله حتى تتاكدين ماكو بنيه بحياتي وبعدين وين الرومانسية شو كلسع هافتني دفره وانتي نايمه عبالك صديقي بصفي
ضحكت
فاطمه: بعدك مشفت شي ادفر واضرب واحجي بالحلم واصيح وابجي من جنت ابات يم بيت خالتي خطيه الكل يفز يدخلون انذار من ابات شكد خطيره اني
نور الدين:دحاولي تكعديني واني نايم والكاج حلمانه واحطج واكتلج هيه كتله هي نومه
فاطمه:اوييي ولاينحجي وياك اسكت خلنام  لفلفت روحي ونمت وهو نام وراي
كعدت قبله لان بعدني ممتعوده انام بغير فراش فركت عيوني وباوعت بصدمه
سعدون نايم بحضن نور الدين
ضحكت وحطيت ايدي على حلكي
فاطمه:والله لو يكعد اخذت تلفونه على كيف واخذت صور لشكلهم سوه وبعدين اخذت اني وياهم
كعد رفع شعره عن عيونه وباوع دفر سعدون بسرعه وباوعلي
نور الدين:هاي شنو فاطمه صدك تحجين انتي حطيتي مو
باوعتله واني اضحك
فاطمه:لا والنبي لكيته بحضنك لزمت سعدون ابوس بي
نزع تيشرته ومشه وهو يغلط بصوت ناصي دخل للحمام بسرعه
فاطمه:يلا عيني شبي ابني چرب عشتو
ماحسيت غير اجت صابونه من الحمام وطاحت عليه حيل عطت
فاطمه:اخخخخخ خرببب تره تاذيييي مو كلشي كدامك تشمره خبل كمت واني اغلط
بدل وطلع راح للشغل واني اكلت وبدلت كلت خلي اروح لمرام مدام شقتها كدامي بالضبط وهسه ادهم اكيد بالشغل ويا نور الدين طلعت حمدلله مبقي الباب مفتوح رحت دكيت الجرس فتحته وهي لابسه ازار الصلاه ابتسمتلي ووجها بي علامات ضرب شفتها مجروحه وعينها زركه تقدمت حضنتها بسرعه
فاطمه:يمهه شبيج مرايم ليش وجهج متاذي
مرام:اش دخلي جوه سدت الباب وباوعت وهي مبتسمه بس واضح الانكسار عليها
مرام:متعوده عادي صار يختي نزعت الازار حتى جسمها متاذي
فاطمه: هذا ادهم مو
ممرام:اي صح احنه تزوجنه عن حب بس من يعصب يفقد وتعودت عليه ابقى يتيمه ومالي احد
باوعتلها ونزلو دموعي مرام كلش تشبه معاناتي بس كل هذا بتسامتها باقيه على وجها
حضنتها حيل وبست خدها
فاطمه:تدرين حتى اني يتيمه اهلي نقتلو كدامي ف لتزعلين اني موجوده يمج اوكك مرايم؟؟؟
ابتسمت
مرام:اوك يعيون مرايم
فاطمه: لج ضوجه البيت يخنك وهذا الخبل اخذ تلفوني ختمت التلفزيون حتى الاخبار شفتها ربعت ونزعت شالي
مرام:ياا لتكولين خبل خطيه هنيالج علي تدرين كيفت من كلي ادهم نور الدين تزوج
فاطمه:اممم مع الاسف اني تعيسه الحض
ضحكت
مرام:اعرف نور الدين كلش زين وهو وادهم اخوان دومه يمنه عينه ميشيلها عليه ويجينه مدنك ويرجع مدنك وعادل بشغله وشاطر بنفس الوقت كلش انسان خلوق وتدرين انتو كلش متوالمين لبعض انت همين تخبلين غمزت
كالت الصفات واني صافنه معقوله تحجي علي نفسه ؟
فاطمه:دكومي وجهج حلو مال مكياج خلي امكيجج
مرام:يا تعرفين شو اني كلشي ماعرف بس كحل وحمره
فاطمه:اي عزيزتي ام صالون عدلت كعدتي وطكيت بعلجي
ضحكت وجرتني لغرفتها كعدت اسويلها مكياج وسويتلها تسريحه لطيفه طلعت تجنن 
ومكيجت نفسي همين وسويت تسريحه واخذنه صور سويه بجهازها
فاطمه:يول اليوم ادهم يبوس ايديج ويكول اكسر ايديه اذا تنمد على هذا الكيمر غمزت
ضحكت عابت لهل حلك
باوعت للساعه وشهكت
فاطمه:يخرابييي هسه رجلي رجع شلون رجل هسه الكا يلطم عباله شردت احجي وامشي ومرام وراي تمشي وتضحك لبست شلون مجان حتى متخرب التسريحه وطلعت اركض طبيت ولكيته كدامي يشرب جكاير وعيونه بكصته
نور الدين:ها خانم لو باقيه بعد وكت
واني شعري نصه طالع وفول مكياج وامشي واعلج
فاطمه: هههه اخذني الواهس يم مرام نزعت الشال والبشت
نور الدين:ليش طالع شعرج خوب نزعي شنو هاي العلج والمكياج يحجي ويعيط
فاطمه:اوففف هسه شصار هي شقتهم كدامن ضبط احجي واحنه وجه بوجه وقريبين وثنينه نعيط حسيت راشدي اجاني قوي لزمت خدي
نور الدين:صوتج لا يعلى عليه فهمتي حجاها بصياح قوي.....

للكاتبه:وتين