The Watcher(Completed )

Part...19

ပတ်ခ်ဂျီမင်းနဲ့ကင်မ်ထယ်ယောင်းတွဲနေတာဟေ့
ဆိုတဲ့ သတင်းကဆိုလ်းတက္ကသိုလ်တစ်ခုလုံး အံ
သြမှင်သက်စေတော့သည်။ကင်မ်ထယ်ယောင်း
လိုကောင်လေးမျိုးကိုဘယ်လောက်ချောမောပါစေ
ဦးဘယ်သူမှစိတ်မဝင်စားရဲကြ။စိတ်ဝင်စားဖို့
နေနေသာသာအပေါင်းအသင်းတောင်မလုပ်ရဲ။
ထိုဝေးဝေးကရှောင်ရသည့်ကျိန်စာသင့်အလှလေး
အားဂျီမင်းက မ​ကြောက်မလန့်ရည်းစားတော်ဖို့
ရွေးချယ်ခဲ့သည်။ဒီအကြောင်းအရင်းက ဆိုလ်း
တက္ကသိုလ်တွင် ရေပန်းအစားဆုံးသတင်းတစ်ပုဒ်
ဖြစ်လာခဲ့ပြီးလူအားလုံးက ဂျီမင်းအားတိတ်တ
ဆိတ်စောင့်ကြည့်လာကြသည်။သို့သော်...သူတို့
မျှော်လင့်ထားသလိုဘာကံဆိုးခြင်းမှဖြစ်မလာ
သောအခါအလိုလိုလက်လျှော့လိုက်ကြ ပြီး ဂျီမင်း
အားစိတ်ရင်းနဲ့ဂုဏ်ပြုကြတော့သည်။

သူတို့အတွက် ကင်မ်ထယ်ယောင်းက စနိုးဝိူက်လေးနဲ့တူလှပြီး ပတ်ခ်ဂျီမင်းကတော့ထိုကျိန်စာ
အားလုံးကိုဖြေဖျောက်ပေးနိုင်တဲ့ မင်းသားလေး
သာ။ဘယ်လိုတောင်လိုက်ဖက် လိုက်သလဲ....

နောက်ပြီးထိုအတွဲကမခွဲနိုင်မခွာရက်ဖြစ်ကာ
ဒီလအတွင်းမှာပင်လက်ထပ်ဖို့စီစဥ်ထား
သေးသည်။ တွဲတာဘယ်လောက်မှမကြာသေး
ပေမဲ့အရမ်းကိုချစ်ခင်ပြနေသောထိုအတွဲကိုကျောင်း၏ကန်တင်းကအစ ခေါင်မိုးထပ်အထိ
နေရာစုံအောင်တွေ့လာသောအခါ အလိုလိုမျက်
စိနောက်လာရတော့သည်အထိ။

အခုလည်းဆိုလ်းတက္ကသိုလ်၏ဒိတ်ဒိတ်ကြဲအတွဲ
မှာနေ့လည်စာစားချိန် ကန်တင်းသို့မသွားဘဲလူသူ
ရှင်းသည့်ကျောင်းခေါင်မိုး စတိုခန်းဟောင်းလေး
တွင်သာချိန်းတွေ့နေတော့သည်။စတိုခန်းထဲ
ဖုန်ထူနေတဲ့ Fileတွေ၊ခုံအဟောင်းတွေနဲ့သာပြည့်
နေပြီးပြူးတင်းပေါက်နားနေရာအားရှင်းကာ
နှစ်ယောက်သားထိုင်ပြီးကျီစယ်နေတော့သည်။

လူရှင်းသည်မို့ဂျီမင်းပုံစံပြောင်းမထားဘဲ
နဂိုနတ်ဆိုးJEON ရယ်သာ။သူကထမင်းဘူးလေးကိုကိုင်ထားရင်းတစ်ဖက်ကလည်းသူ့ ကလေးလေးအားစိတ်ရှည်လက်ရှည်ထမင်းခွံကျွေးနေသည်။

"စားကောင်းလား...ထပ်စားလိုက်ဦး"

ဂျွန်ကကြက်သားတစ်ဖက်နှင့်အသီးအရွက်
​ကြော်တွေအားရောကာနယ်ကျွေးလာသည်။
ဂျွန်ကိုယ်တိုင်ကတော့နဂိုဗီဇအရ အစာသိပ်
မစား။သူက သူ့အရှေ့ချစ်စရာအကောင်ပေါက်
ကလေးကိုသာအစားတွေအများကြီးစားစေချင်
တာ။