"حجر الدمار"

البارت الخامس ...🖤

"حجر الدمار "
البارت الخامس

_عملت بلاغ ومافيش فايده لازم يعدي علي اختفائها 24 ساعه بالظبط..

فهتفت ضحي وهي تصيح ببكاء..
_ يعني اي يعدي علي اختفائها 24 ساعه دي تكون ماتت وخفوا جثتها وولعوا فيها وسافروا كمان .. انتوا بتهزروا؟.

عادل وهو يحتضنها بتهدئه
_ ضحي حبيبي ده قانون ولازم يلتزموا بيه ..

ضحي بصراخ
_ ماليش دعوه انا عايزه نجمه ي عادل ...
فنظرت له ببكاء
_ عادل بالله عليك انا عايزه نجمه ... عايزه صحبتي رجعهالي آه
فقام باحتضانها بقوه وهو يحاول تهدئتها ..

نظروا الجميع الي ياسين الجالس بكل هدوء وملل وهو يعبث ف الفراش..

هديل بغضب
_ انتَ طور يلا .. البت مش باينه وإنت قاعد هنا ولا ع بالك خالص كده !..

ياسين بملل
_ ي جماعه انا مش عارف انتوا بتأفوروا ليه وإنت ي اخت ضحي مش عارف بتعيطي ليه وع مين ؟ دي نجمه ي جماعه .. نجمه يعني الجن الأزرق يخشاها ف ماتقلقوش تلاقوها بتعمل مصيبه ما وراجعه تاني ..

هديل بغضب
_ دي ممكن تكون مخطوفه ي حيوان

ياسين بضحكه أثارت حنقهم وإستغرابهم
_ والله لو كات مخطوفه فعلا ف أنا اُشفق ع اللي خطفها م اللي تلاقيها دلوقتي بتعمله فيه ههههه ... تخيلوا كده منظر نجمه وهي مخطوفه ياااه منظر يفطس اقسم بالله هههههههه

فنظروا له الجميع بغضب واكتفوا بالصمت ..

ياسين بحرج
_ اي داا هو المنظر مش مضحك..

____________________________________________

_ الله تصدقي ده طعمه احسن من بتاع امي وبالله ..

فقالت وهي تتذوق صوبع آخر من المحشي بتلذذ
_ ي زيدي ي زيدي ...

سوارا بملل
_ يبنتي دي تالت حله تحطيها قدامك اي جموسه ... ماكانوش بيأكلوكي ..؟.

نجمه بحنق وهي تتشردق.
_ اه قرري بقاا ...