وما لقلبي الى انت

بارت 8

لاتنسون+ التصويت+ متابعه الحساب+ التعليق ع كل فقره تحبوه +

حوراء

***********************

حورا: كملت تنضيف البيت ركضت للثلاجه اشرب ماي ميته عطش شربت واسمع صوت امي

ايمان: ولج يمه حوراا وينج

- ها يمه

- يبعد امج ميته عطش جيبيلي ماي

- رحت وديتله ماي وضلت تشرب وجهه اصفر مبين التعب بيها

- سلام الله عليك يا اباعبدالله

- يمه شو ما بطيتي?

- شعندي متئخره يمه هو رحت جبت مسواك اسوي عشى هسه ع السريع وانتي تساعديني يمه

- اي

كامت امي شدت الحجاب ع راسها وكفت الدشداشه بين ملابسها الداخليه عادته المعتاده كل ما تشتغل هيج تسوي

راحت خلت الدجاج ع النار. وست مركة طرشانه وحطت تمن وصاحتلي الكط بي اشوفه تروح منا وتجي منا يا تخبط لبن يا تعصر عصير ب الخلاط يا تشيف فواكه وركي وتضم ب ثلاجه واني بعدي الكط تمن

- طنيا يمه خل اطبخه

اخذته مِڼـّي وخلته ب كدريه ودارت فوكا تشريب

امي كملت الطبخ وراحت تتصل ب أهله

ايمان: هاا يروحي اجيتو بعدكم ' ها ها خوش هلا هلا بيكم اي اي بعد كلبي هههههه عوافي ع كلوبكم بعد كلبي يلا مع سلامه •اللّه وياكم

- امشي يمه اسبحي وغيري ملابسج صرتي كلج وصخ من وراي

- عادي يمه

- بعد روحي بنَيتـي شعندي غيرج فچت عيني انتي...

رحت طبيت للحمام سبحت وغيرت ملابسي طلعت امي مشطت شعري وعطرتني شغلت التلفزيون وكعدت ادور ب القنواات اتمنى قناة زي الوان موجوده حته اكعد وشاهد مسلسلاتي بدون ما احد غير كل دقيقه ع كعداي امي طتني ماعون بي عنب وتفاح مشيفته كعدت اكل واسمع صوت

- يــا الــلّه احححم

ايمان: ياهلا ياهلا بجيتكم

ابو نوري: هاا بويه شلونج

ايمان: بعد كلبي ي بويه شلونك شخبارك والله مشتاقتلك ليش هيج تغيب

- ماتجين انتي تبطين شعندج

- والله مافارغه منا حورا مدرستها وابو حورا شغله واني شغلي ب الصالون

- گوااج

- بعد كلبي

- هَـــاآ جدي شلونج

كمت سلم عليهم وكعدو وامي كعدت وياهم يسولفون اجه جدو ابو رائد وكعدو كلهم سوا وامي تجيب ب الضيافه وتحط كدامهم صار المغرب الكل كامو يتوضو ويصلون واني رحت صليت كملت طبيت للمطبخ ماعرف شسوي شويه وكلها كملت وكعدو ب الصاله "هول" وامي طبت للمطبخ تجهز العشى بين مايجي بابه