وحشتونى يابنات♥️
صحيت عشق لقت نفسها ف شقه كل اثاثها اسود ف اسود حتى الستاير ومتعرفش هي فين ولا حتى خالد راح فين .. قامت بصعوبه بتحاول تدور علمخرج من الشقه او منفذ للنور حتى مش عارفه تفتح الشبابيك ورجع ليها خوفها القديم من الاماكن المغلقه لما تكون لوحدها وبدأت تدوخ ..
بعد مده بيرجع خالد يلاقى عشق واقعه ع الارض بيجرى عليها ويشيلها ويحطها ع الكنبه بيخليها تفوق وجاب ليها ميه وشربت وشاورت على الشبابيك عرف انها محتاجه هوا و نور فتح ليها كل الشبابيك بسرعه عشان تقدر تتنفس كويس
كانت قاعده ع الكنبه وهو قاعد ع الارض قدامها ولأول مره الدموع تعرف طريق لعنيه وبكى بكاء بسيط لما حس انه هيفقدها او هيكون سبب تعبها لانه سابها وخرج وهو مستغرب من نفسه ازاى اتعلق بيها كده
عشق بكل هدوء عكس شخطيتها : عندي فوبيا من الاماكن المغلقه لو سمحت متقفلش الشبابيك تانى
خالد بحزن ودموع : انا اسف ياحبيبتى مكنتش اعرف انك بتخافى كده حقك عليا
عشق بغضب وهي بتنفجر فيه مره واحده ولا كأنها كانت مغمى عليها من شويه ....: حبك برص يا صايع يابايظ ياللى مش لاقي حد يلمك متقولش زفت حبيبتى احترم نفسك ياواد انت واحترم سنى .... ثانيا انت ازاى تضربنى على دماغى بالمسدس وازاى تشيلنى ونا مغمى عليا دانا جوزي هيفصّل منك اوضة صالون ونيش اصبر بس لما ياجى
خالد بثقه : ماهو انتى بتحبينى ومش هتخلى حد يعملى حاجه حتى لو كان جوزك انا عارف يا حبيبتى انك هتقفى قصاده عشانى
عشق : انت امك وابوك ولاد عم ؟
خالد : لا .. ليه ؟؟
عشق : اصل جواز القرايب بيجيب تخلف .. زي اللى عندك دا بالظبط بس شكلها مش بتقتصر على جواز القرايب بس
خالد بضحك : سيبك م الحوار دا عشان لو فكرت فيه وخدت بالى انك بتهزقينى هزعل ونا مش عايز اوريكى زعلى .. كنتى بتقولى انك اتخطفتى قبل كده احكيلى بقا امتى وفين وايه اللى حصل بالظبط
عشق لنفسها : دا شكله عبيط وعنده عته مغولى ( متلازمة داون )
خالد : حاسس انك بتشتمينى ف سرك
عشق بكدب : لا خالص انا بس عطشانه عايزه كوباية ميه وبعيد عنك الروماتيزم مبهدل عضمى مش قادره اقف روح هاتلى كوباية ميه شالله يبعد عنك المرض ويسترك دنيا وجحيم يا ضنايا
راح خالد وهو بيضحك يجيب ليها ميه وهي قامت وقلعت الشبشب اللى ف رجليهاعشان ميعملش صوت ودخلت وراه المطبخ من غير صوت خالص وجات من ورا ضهره ومسكت طاسه ورفعتها وضربته على دماغه بيها وطلعت تجرى في مشهد شبه روبانزل لما ضربت يوجين بالطاسه وصرخت وطلعت تجرى بالظبط .. خالد وقع ع الارض بيتألم والضربه خلته يدوخ ويفقد وعيه شويه
