طرقناَ اختلفتَ

Part-2-

.
.
.

تذكير،...

طبعا اول ما طلعنه اني وصديقتي رزان شفنه مجموع ضباط واكفين ف كاعده امشي و واحد وكف بوجهي طبعا نسيت اكول شما اني هادئة بس عيني صلفة اباوع بوجهه شخص وما انزل عيني المهم واحد ضل يباوع لحد ما كتله خير!؟؟

...!:خير الي يصيبج بس ولو زحمة ما اعرف وين شايفج اني

الياسمين:وانته موكفني علمود وين شايفني روح خوية روح

...!:وذا مرحت
الياسمين:خوية روح وفضت

عفت وطلعت نرفزني بشكل شلون سالفة لا احترام ولا اي شي

رزان:لج صدقة لله شفتي طول العرض الجمال يمه هم طلع عدنه هيج صاكين
الياسمين: رزان تستكتين لو ابتلي بيج امشي كدامي يلا

وصلت للبيت مشي وجان اول مطبيت شميت ريحه طبخ الوالده طبعا احلى فقرة احبها من نلتم كلنا بمكان واحد ويستقبلوني شي الي استغربته شمس موجوده وياه امي بالمطبخ

الياسمين: السلام عليكم يمه شلونج ها شموس شعجب نازلة

الام:هلا يبعد رويحتي بس بما انو اخر يوم النا هنا كلت نلتم وجبرت شمس تنزل
الياسمين:اخر يوم!!!!!
الام:اي يمه لان جدج كال ل والدج لازم تكعد تعيش يمنه شعندك بعيد عن سلف وهم يمه لبسي شال لان هناك كلش متقيدين و ما اريد يحجون على تربيتي سمعتي الحجي الج ولختج
الياسمين+شمس: هاي هيه يمه تدللين

طبعا صعدت ميته تعب صليت وقريت فصل بالقران و رحت سبحت و اعتنيت ب بشرتي و رتبت نفسي ونزلت اشوفهم و لكيت كل اخواني وابوية امي موجودين شكد فرحت حسيت تعب كله راح

الياسمين:السلام عليكم شلونك يابه
الاب:هلا برفعت راسي شلونج يبعد ابوج خوما تعبانه من الامتحانات
الياسمين:لا بوية الحمدالله انشاءالله تعب خير
بلكي معدل عالي حتى ادخل طب
الاب:نعم!!!! طب!!!
الياسمين:اي يابه ليش
الاب:كعدي بابا شوي افهمج
الياسمين:اوك

كعدت وياه ابوية وضل يشرحلي شلون طبعهم وعرفهم الي واحد واحد و طبعا شمس ويايه تسمع و الي فهمته انتهت مسيرتي دراسية لان عدهم البنت لسادس او اي مرحلة تريد توقف يمها بس هي حدها لسادس اهمشي تعرف تقرى وتكتب صحت وعيطت و عصبت لان درست وتعبت لحد ما كال الله بس بس امي فهمتي وابوية قفل ويايه اخواني ميكدرون يحجون شي لان ابوية من يكول شي انتهى خلص
.

العصر كمت ابدل و اخذت خمس جنط حرفيا فرغت غرفتي من كلشي طلعنا وطريق جان ست ساعات حرفيا دمرت واني اصلا تعبانه وصيحت واجيت من دوام يعني ضغط نفسي صاير كلش عليه دخلنا لمنطقة كلها زرع وبساتين و دخلت سيارتنه لان احنا اربع سيارات طالعة دخلنا وكلها شيوخ واكفة وجان يبدي رمي كلش عندي هذا شي عادي لان صح اريد اصير دكتورة بس بنفس الوقت الرمي والأسلحة عندي خبرة بيهن واصلا عدنا اسلحة خاصة يعني مرخصة المهم من هذا كله اول ما نزلوا اخواني وضلوا فوك النص ساعة واحد يسلم على الثاني والي عرفته اصلا شاهين دائما هو واسد والحسن هنا يعني يتواجدون شكلهم نسوا احنا بسيارة حجت شمس و جنها ضاجت كلش متحب تجمعات وهذا شي مو لصالحها كملوا واجه ابوية و اخواني و وياهم رجال جبير حسب ما حللت انو هو جدي ملامحه تخوف ينطيك شعور انو هلشخص الي كدامك كلمته متنعاد اول ما نزلنه جان استقبلنه بالأحضان و ضل يمشي وحاطني جوه جتفه من جهه و شمس من جهه ثانية ودخلنه للبيت لا اكول القصر يعني اول مطبيت نصدمت بكمية النسوان ال موجوده هاي الي تصيح وثانية ساكته وحده ضايجة انواع الاشكال شفت بس امي كالت تعالن اخذتنه يم مرة جبيرة حاطه ال عوجيه ب جهه و مبين بملامحها الحده وهم الي عرفته جدتي هيه سلمت عليها وبست راسها وايديها وهي ظاهر انصدمت لان صح ما كلت الكم جنت لابسه لبس كلش مستور حتى الحجاب الي ما جنت البسه هسه مضبطته و لفته عدل طبعا عجبها لبسي وطبعي عبالها اكون من صنف الي يتمعون وهيج كلام المهم كعدت يمها كعدت يمها نحجي كلش حبيت احجي وياها وظاهر هي هم لان كل نسوان فاكه حلكها لان جدة تضحك وياه منو ويايه تعرفت على بنات عمي وعماتي و شمس هم اتعرفت بس جنه نسلم بكل رسمية بس اجت وحده نزلت تركض وتضحك حسب ما اعرف هاي مدللة العائلة اليتا سلمت علينا و وجهه بعيد كل البعد عن الخبث جانت بكل ودية تسلم علينا و اخذت شمس وكعدن يضحكن اجت يمي و ضلت تحجيلي عنها وعن العائلة بتفصيل ال ملل وعدت نفسي ما اسئلها مرة ثانية وفجأه كالت و اخوية شيخ.. باجر يجي وتشوفوا لان مكدر يجي عنده انذار ب بغداد اذا نكول ف هي خلت الفضول يسري بدمي علمود اشوف هلشيخ انشاءالله ميطلع حقنه او نحس وطبعا كتلها راح اروح انام ممكن تندليني على غرفتي اخذتني جانت زينة يعني نفر صح عدهم ميصير احد يكعد وياه اخو يعني كل شخص و خصوصيته حلو هذا شي عجبني راح اخذ راحتي هنا اكثر طبعا كبل نمت من تعب لان مثل ما كلت خلصت امتحانات وكبل اجيته وفجأه صاعقة انو ما ادخل ال كلية الي اريدها يعني نفسيتي مدرة حرفيا نمت ونمت ونمت ما حسيت اله ريكي مشف وكعدت شفت ساعة جانت هسه ب الأربعة الفجرية كمت صليت صلاة الفجر و نزلت اسوي شي اكله لان متت جوع و ما كعدت وياهم عل عشى فجأه احد صار وراية وما اسمع الى منو انتي،...

Pov....

طبعا جدي خابرني وكال عمك راح يجي يمنا يبقى يمنا يعيش كلت اله خلي اخلص الواجب واجي خلصت ب سرعة ما حزرتها صارت ب ثمانية اليل رحت اخذت سويج وطلعت كبل للبصرة طريق طويل ست ساعة وصلت لهناك ب تلاثة ليل و دخلت لهناك كبل لغرفتي ردت انام بس رحت حضرت الحمام الي و ملابسي و كلت انزل اسويلي شي اكله حلو صدمة عمري بوقتها شفت جسم بنت لا جسم طفلة على نعومة مالتها وله شعر الي حسيت شوي ويطبك وياه الكاع و سواده سواد ليل رجعت لأرض الواقع وكتلها منو انتي ظاهر وحده من بنات عمي هي سمعت صوتي تشنجت ف كالت نعم ودارت ليتها ما ندارت نفسها الي شفتها طالبه الي اول بنت حسيت بس اريد اباوعلها نصدمت بس وعت كالت نعم خوية اني هم كلت ي سلطان ارجع لوعيك كتلها منو انتي خيتي ب ابرد نبرة عندي كالت او اسفة اني الياسمين حيدر كتلها اها يعني بت عمي كالت مم يعني انت شيخ سلطان تشرفت بمعرفتك خوية واترخض ابتعدت وراحت وحتى نسيت اكول الها سوي الي وياج اكل رحت سويت زلاطة واكلت ونمت كعدت بس على صوت الهوسة و النك والحجي طبعا ماطول كلها ملته وجهال درازن كل وحده تخلف خمسة وستة مدري شعدهن نزلت بعد ما لبست دشداشة و غترتي و سبحة والمحبس وتلفون والعطر ونزلت سلمت وكلها شلونك شيخ وما شيخ كرهوني بهذا شي صح اني احب ديوان واكعد بي واحجي وانطي بس ما احب مسؤلية شيخ عشيرة كاملة من نزلت ما شفتها طلعت لكيتها كاعده بالحديقة الخلفية وتقرى كتاب يمكن رواية ما دريت شنو تقرى غلست ومشيت لديوان شفت ولد عمامي طبعا شاهين تجايتي بكلشي حتى من يتعسر شي واحد يعتمد على ثاني ف طبيعي علاقتنا كلش قوية ك اخوان شفت الحسن و ......

انتهى البارت اتمنى تعجبكم☺️