طرقناَ اختلفتَ

part14

نبدي...
.
.
بطلتنه تكول
"يختار الإنسان
التخلّي عن أكثر الأشياء التي أرادها،
ليس لأنّه جبان،
بل لأنّه و لأول مرّة إختار ألاّ يكون جبانًا."

نرجعلكم شوية قبل كم يوم او شهر
من جهة بطلتنه
طبعا من كعدنه على الأكل ابوية كال الي والأسد انو لازممم نروح لتركيا وشرط اروح اني بس لفترة سنة بين ما تثبت الأوضاع واذا عجبني الوضع ابقى براحتي كلت لأبوية مرة وعارضته بس هسه معندي شي اذا علمودهم قبلت وعندي شعور معرف شلونه بس توكلنه على الله رحت لمكتبتي الجميلة ولبست سماعاتي واسمع لحن بيتهوفن "الصمت" وكاعده اقرى ب "ارض زيكولا" رحت لعالمي الخاص
.
.
.
نرجع لشخصيتنه الجديدة

دخلت بهدوء لشركة اشوف اوضاعها و شنو نواقص بيها وبالمعارض مشفت شي رحت كعدت على البحر وبيدي كوب مال نسكافيه واني اتذكر الماضي الي خلاني شخص ميرحم
نرجع شوي بالزمن فد عشر سنوات
جنت راجع من المركز وتعب ماكلني حتى اوفر عيشتي الخاصة بدون ما احتاج اهلي حسب ما يكولون جان حياتي مثالية عندي صديق من طفولتي احسب اخوية واكثر جنت مرتبط ب بنية حبيتها بصورة كو طبيعية منكول هوس بس حبيتها لحد ما كلت خلي امر على صاحبي دخلت وشفت ذاك المنظر الي خلاني اكره جنس حواء و الأصدقاء والأخوان لكيت حبيبتي و صديقي بنفس الفراش بوضعيات استغفرك ربي طبعا كبل القيت القبض عليهم حمدت ربي عندي سرعة الأستيعاب و اخذتهم للمركز طبعا مثل ما كلت عود هو صديق طفولتي و هاي حبيبتي صراحة حسيت طعنة بكلبي رجعت للبيت واني اسمع صوت صياح ركضت للبيت واني احس حيلي ميت دخلت لكيت ذاك المنظر الي تمنيت اموت ولا اشوفه عمامي وابوية مجمعين على اختي و يضربون بيها صحت بصوت كلها باوعتلي باوعت لأختي وهيه مدمية دمي خزرتهم كلهم واني اسألهم شكو جان ابوية كال ابن عمها يكول شفتها تبوس بنية من حلكها بس ابوية حجه هيج هيه بندت من البجي استغفرت ربي وكمت شلت اختي ابوية سحبها من ايدي وداس على راسها هنا طكه عقل ما بقى عندي كمت تعاركت وحتى جريت سلاح على ابوية اي ضربته بس بجتفة هنا راد يتبرى مني بس عود عمامي صارو يحبون الخير و كالوا عيفه بلحظة عصبية شلت اختي و اخذتها بغرفتي وهيه ميتة بجي وجسمها اغلبه مجرح كعدتها وجبت معقم اعقم بي جروحها كتلها شصار بضبط تحجيلي بدت تحجيلي كلشي وانو شلون ابن عمي دخل وكللها إذا ما قبلتي اسوي وياج علاقة اخلي ابوج يدفنج وطلع حجيه جذب لتكولون ليش صدكت بأختك اختي ربت على ايدي من جان عمري ١٥ سنة وهيه هستوها نولدت اعرف ادق التفاصيل بمشاعرها من تجذب وتحجي لهذا شفت الصدك بعيونها بستها من راسها وكتلها سهلة عيوني وكمت بوقتها قفلت الباب من برى حتى ميدخلون الها بوقتها صدك اشتعلت شياطين براسي كمت سحبت ابن عمي من ياخته وكتله اي كليي هسه يحلوو شمسوي لأختي هو كام يتأت و كلي ما مسوي هنا كتله ما مسوي صح حجه بثقة وكال اي كمت نزلت عليه دك ضرب رحت اخذت للمخزن وفتحت تسجيل صوت لان اعرف راح اخلي غصبا ما علي يحجي لزمت دك ضرب حتى كهرباء كهربته لحد ما كت الأول وتالي رحت لأبوية بالمستشفى عساس اله شوي يموت ميدرون ضربته بجتفه وهم جرحته الطلقة رحت سمعته التسجيل وعمامي كاعدين جان كتله كلمة اكولها وما اثنيها يقين راح اخذها و لو اعرف اخليها بنص جهنم بس ما اخليها يمك احسن اذا انته مثق بتربيتك يلشيخ علي وكعدت تسوي وتضرب مثاليات ابوية ركع صفنة وعمامي واحد واحد كتلهم صبرولي سنة سنتين لو عشرة كل اضفر نمد على اختي اكسره وحتى انته وباوعت لأبوية ....
نرجع هسه للوقت الحاضر

اختي يقين هسه كاعده تدرس ماجستير بأمريكا و عندها شغلها الخاص وحياتها الخاصة تزوجت قبل خمس سنوات و اسست عائلة ابتسمت بداخلي لان كدرت احميها تذكرت انو عندي اجتماعات كمت واني اشوف الوضع جهزت نفسي وطلعت الأجتماع وياه شركة المعارض الي رادت صفقة ويايه الاجتماع بعد يومين ما اعرف احس بأحساس معرف اوصفه بس نكول الله اعلم
.
.
.
نرجع لبطلتنه
كملت اكثر من ٥٠ صفحة و كمت طكطكت عظامي لان صارلي فترة كاعده نفس الكعده رحت صعدت لغرفتي جهزت تلث جنط ملابس ومكياج وجنطتين بس كتب و الاغراض شخصية الثانية و سويتلي اكل ورحت كعدت وياه اهلي شوي و كلي ابوية انو بعد يومين السفر كتله ماشي وكمت اروح انام واني افكر هل راح تتغير حياتي هناك مخايفة من شي لان اعرف احجي تركي ف طبيعي الموضوع بس كاعد اقصد من مواقف وشخصية هل راح اتغير سمعت جهازي دك جاهلته دك مرة لخ رديت طلعلي حسن ال اسلام المكالمة جانت عبارة عن

حسن:السلام عليكم
ياسمين: يا هلا تفضل خوية
حسن: شلونج!
ياسمين: الحمدلله بدون مقدمات خوية كول شنو رايد داك بهلليل
حسن: صدك راح ترحين
ياسمين: وين
حسن: لا تصيرين ثولةةةة صدككك راح تسافرين
ياسمين: اولا محد انطاك الأذن تغلط عليه وثانيا سواء صدك او لا انته منو حتى تدخل واسمع شغلة يجوز فترة خليتك براحتك دك ومعرف شنو صدكني متعرفني اذا حطيتك براسي و اريدك اهججك سمعت لولا
حسن: ماشيييي ماشي معليه مووو اصبريلي ياسمين
ياسمين: اسلوب الكلام هذا عدله الي يسمعك يكول صارلك عشر سنوات تركض وراية من كد ما تحبني شبيك بابا لتشوف الوضع بهذا المنظور اطلع من حياتي واسكت
وسديت المكالمة وانطيته حظر وقررت حتى شريحة جهازي اغيرها
.
.
.
انتهى
شنو تتوقعون راح يصير!