#رهف_والضابط_علي_فصليه
البارتات7____8_____9
عليكم الله هاي هم تفاعل لمن اوقفها تكولون وقفه شون اكتل روحي من وراكم شون تصفيه اسويها كل يوميه خيه ما تكليلي شمالج معبسه جا غير تتفاعلو حته يصيرلي واهس كطيعه عشتو نبلش تفاعل اذا موزين اوقف القصه يلى نبدي بل قصه
علي، ماتروحين تحضرين نفسج لا نتأخر يحجي بشويه عصبه
رهف ، تحجي وهي دايرة وجيها تكمل غسل اماعين، بس الفصليه ملاززم تطلع وي اهل البيت
علي، جرها حيل ودار وجها وكال
اولا، من تحجين وي الشيخ احترمي ودير وجهج واحجي عدل(بعصبيه)
ثانيا، من اكوول شي تنفذي وانتي ساكته وبدون ماسمع حسج
رهف،( نترت ايدها) بس اني مااريد اروح
علي، مو بكيفج ترحين يعني ترحين
رهف، وذا مارحت شراح تسوي مثلا
علي، (وهو صاك ع سنونه) اني مو بحالج اذا رحتي لو لا بس البنات يردنج وياهن
رهف، كتله اني احجيي وي البنات واكلهن تعبانه ماريد اروح
درت وجهي ورحت كملت الاماعين وهو طلع بس ضرب ع باب حيل لدرجه ردت اوكع من الخوف
كملت المطبخ اجني البنات
سارة، ولج ليش لهسه مامبدله تأخررنه؟
رهف ، حبي سوسو ماروح
زينب، ياااليش؟ هو احنه نريد نطلع وياج
رهف، ياكلبي والله تعبانه ومالي نفس اطلع اريد اروح ارتاح
فاطمه، شسالفه رهوفه والله تمنينه نطلع وياج وهمينه نتونس
رهف، ياعمري خلاص غير مرة انشالله وهمين الحجيه ابقى وياها شلون تبقى وحدها
البنات، اي هم صدك
واحنه دنحجي اجت ازهار وكالت
ازهار، اووي عيني عليمن جاي تحررمصن واصلا الفصليه شغلتها تنظف مو تطلع تتونس
البنات، لج ليش ماتجبين لا والله نبطل هسه
ازهار، اووه بطلن شسويلجن نطلع اني وحبيبي
البنات رادن يردن بس سكتهن صوت علي وكاال يالله امشن
زينب، خويه بس رهوفه متروح ويانه واني اريدها ويانه
علي، زينب امشي والفصليه ملازم تطلع وي اهل البيت يحجي ويباوع لرهف
رهف، وره ماحجه هيج الشيخ صدك نهضمت واخذت ع خاطري ليش هيج صح اني كلت هيج بس مو يحجيها كدامهم رخت سبحت وجنت ابجي كلش اول شي مشتاقه لأهلي وثاني شي نقهرت من الاهانه وكمت اللوم نفسي واكول لو رايحه شصار بس كلت اكيد الدبه(ازهار) تسويلي سالفه
يوو كمت طردت الافكار من راسي وطلعت بدلت ومشطت شعري ونزلت يم خالتي لكيتها نايمه صعدت لغرفتي دك تلفوتي ....
رهف، الوو خويه شلونك؟
فهد، هلا يعيوون اخوج الحمدلله عايشين انتي شلونج؟
رهف، يبعد عمرري ونبي مشتاقتلكم ماما بابا مصطفى ورضا وهند شلونهم؟
فهد، ولج علكيفج 😂 كلهم بخيرر والله ومشتاقيلج والبيت مو حلو بدونج والله
رهف، اووف واني هم ونبي 😔
فهد، هسه دكافي لا تكلبيها مناحه😂
رهف، ههه
فهد ، اي شلونج وي عيالج
رهف، الحمدلله حبابين وكلبهم طيب
فهد، الحمدلله
ضلينه نحجي سوالف عاديه وبعدين نمت ومادري بروحي ماعرف حسيت فهد يمي وحاضني وع صوته نمت
~~~~~~~~~نعوف البطله تكمل نومتها ونروح لأهلها
فهد، من بعد ماراحت رهف البيت كلش كلش مو حلو ومانطيقه امي وابوي تعبوا حيل عليها هي عزيزتهم وجانت امي تخلص الليل تبجي عليها وتكول سوده عليه بني ماشافت شي من حياتها وابوي جان يهدي بيها بس هو اكثر منها متأذي وخاصه رهف دلوعته وحبيبته
واما بالنسبه النه اني واخواني نطلع من الصبح ونرجع تالي الليل مانريد نشوف البيت خالي من رهف ونصعد بغرفتها نبجي عليها كل يوم لدرجه ننزل الصبح العيون حمر وحتى هند تبجي وتكول مشتاقتلها سوده عليه مالحكت تشوف ابن اخوها وبالنسبه لمصطفى جان كلش كلش متأذي حان يحس كلشي صار وي رهف بسببه ودوم يبجي ويكول سامحيني خيتي ماشفتي شي من حياتج من وراي ارسلان جاف
وطبعا نفس الروتين يتكرر كل يوم بس مستحيل واحد مثلي متأذي ماكدر انام اذا ماسمع صوتها واشم عطرها جانت اختي وصديقتي وحبيبتي وامي وكلشي بالنسبه الي ضلينه كل يوم نتصل بيها ونمع صوتها واخبارها طبعأ نفرح من تطمئنا عليها بس بنفس اللحظه كلش مشتاقيلها
~~~~~~~~~~~
رهف، كعدت الصبح لساعه ب 6:30
كمت بدلت لبست تراك حلو ومرتب ومستور وظفرت شعري وخليت مرطب جسم وشفه ونزلت حضرت الريوك سلكت بيض وسويت مخلمه وحضرت الاجبان والقشطه والكيمر والزيتون وطماطه وخيار وخدرت الجاي وحظرت ميز الطعام صار شكله 👍
اجت خالتي صبحت عليها وبست راسها
ريمه، الله يخليلياج يايمه 😍
ولج شنو هل السفره التفتح النفس عاشت ايدج❤️
رهف ، ههه يالله خالتيي اكعدي
ريمه، اي يعمري بس روحي كعدي البنات
رهف، رحت لغرفت فاطمه دكيت الباب بسرعه طلعت كتلها تعاي تريكي
فاطمه، ولج ليش ماكعدتيني اساعدج
رهف، لا ولج شسالفه هسه اني شمسويه هو ريوك بس تعالي كعدي البنلت وياي
فاطمه، هههه يالله
رحنه لغرفتهن لكينه وحده نايمه بالطول وحده بالعرض متنه ضحك نوب نكعد بيهن ماكو
رهف، سساااااااااره . زينبببببببب اكعددددددن اترررريكن
ساره وزينب، بس 5 دقائق
فاطمه، ولجن كووومن فشله العالم تريد تتريك
سارة، وحنه شعلينه ماتتريكون
رهف، شلت المخده وكطفتها عليها تكومين لو شلووون ؟
زينب، عابت صوتجج يلعلع ادري اخوي متزوج مره لو سماعه
رهف ، جان اكو كلاص بي مي شلته وذبيته عليهن هنه نززن
ساره، ليش هيج غبيه 😭😭 اهئ اهئ والله بااارد
اني وفاطمه، خربانين من الضحك
زينب، حررام عليجن ليش هيج
رهف، صارلي ساعه اكعد بيجن ماكو ماكووو ديالله كومن ميته من الجوع اريد اكل
سارة وزينب ، سم انشالله
ضحكنه كلنه بس قطع صوت ضحكتنه الشيخ
علي، ادرررري شكووو من صباحيات الله شهل صيااح (بعصبيه)
زينب، خوويه والله هاي رهف ذبت علينه مييي
علي، باوع لرهف ورهف جانت مدنكه راسها وحابسه دموعها
علي، ليش هيج سوويتي
رهف، ش شي شيخخ والله دا اريد اك عدهن
البنات خرربانين ضحك عليه
سارة ،يابوووويه لهدرجه تخافين من الشيخ ستوج صوتج يلعلع وي راح هسه
علي، حبست ضحكتي بداخلي عليها شلون خايفه وعيونها يلمعن ودها تبجي تمنيت لو اكدر اضمها لكلبي اخخخ بس 💔
علي، يالله دكافي كومن بدلن وانتي تعاي سويلي ريوك ( يحجي وي رهف)
رهف، شيخ محضرته والحجيه متانيتكم
نزل الشيخ واني كلبي راد يوكف من الخوووف مدري شلون لزمت نفسي ومابجيت المهم نزلنه كلنه وكملنه ريوك االشيخ طلع لشغله واني والبنات بقينه ننظف وخالتي تقره قران وازهار نايمه
كملنه كلشي وطبخنه الغددة ورحت سبحت ولبست دشداشه حصرر ع جسمي لونها رصايصي وبيها خطووط حمر وخليت حمرة خفيفه لون احمر وكحله ونزلت سولفنه اني والبنات واجه الشيخ
