#رهف_والضابط_علي_فصليه
البارتات 54_____55
يتلاقون كأنهم اغراب. ......
غريبه تلك الحياه....... ...
شهد
بعد مرور شهرين ورة محرم وصفر
طول هالفتره حياتي عاديه مصار اي شي جديد عمر ابد مايحجي وياي بس اكيد مابطل يجيني بليل
لم وخالي والباقيين محد يفتح سيره خطبته الي
وعمر ومي علاقتهم كل يوم تزيد وتزيد وبطنها نفسي الشي كل يوم تكبر اكثر واكثر
طبعا مي من يوم الاجت لهسه مامشتغله ويانه ولا مرة اهم شي عدها تبدل وتدلع لعمر وهو نايم ع وجها مايشوف غيرها لدرجه تنزل تاكل وتغسل اديها وتصعد ماتسوي اي شي وعمر وياها طبعا
خلص عاشور وبيوم رجعت كلعاده من المدرسه طبعا اجرت خط وي ماما لان عمر بطل ياخذنه …
لكيتهم كلهم ملتمين ومناضريني تفأجأت شكو
شويه وحجه خالي
ابو عمر / هلا بويه شهوده هلا ببنيتي تعالي اريد احجي وياج
رحت كعدت يمه امي تبتسملي والبنات فرحانات عمر وجه طبيعي ومي ضايجه
ابو عمر / بويه بما انو خلص عاشور فلازم تعقدون انتي وعمر
شهد / بس خالو …
ابو عمر / لا بس ولا شي باجر العقد خوش
شهد / براحتكم
عفتهم وكمت كارهة نفسي هوة مزوج ويحب مرته وحيجي ابنه اني شكو بنصهم بعد والله ماريد اتزوجه واذل نفسي لو بغير وضع حتلو احبه اررفض بس هسه مجبورة اقبل ………
بس الغريب انو محد سئل عمر ليش يزوجني يعني اني وهوة ويمكن مي نعرف السبب شنو بس الباقيين ليش ساكتين ويدرون بي يعشق مي اساسا ماهتميت لسالفه ماكو شي بعد يهمني
ثاني يوم ماداومت مجان عدنه امتحان رحت الصبح عقدنه محكمه والعصر عزمنه عمامي وصديقاتي رحت لصالون قريب علينه لبست سوتلي مكياج وتسريحه بسيطات وحلوات واختاريت بدله لون احمر وحذاء والبنات هم بدلن وطلعن يخبلن فدوة واختي الصغيره وبنيتي اكثر وحده فرحانه وتكول شفتج عروس بعد كلبي
رجعت للبيت جايه الناس وكاعدين يركصون كرايب خاله وعمامي من دخلت ضلوا يهلهلون شويه ودخلن رهف وساره يمه فدوة كلش فرحت بيهن ورهف اخ ياجمالها عمي حقه الشيخ من يحبسها 😂 بدت الحفله حيل حلوة ركصنه ثلاثتنه واختي واخواته بس مي ماهيه يمكن رايحه لاهلها شووويه وكالو اجه السيد جيبوها يم الباب
خذني امي وعمتي يم الباب وبده الشيخ يحجي كلامه ريحني حيل صدك شكد جنت متمنيه هذا اليوم بس بغير وضع للحظه نسيت كلشي وووكفت لاخر شي حلو عندي وهووة حبنه قبل لاانخطب اول مرة
ضليت بهذيج الايام وكانو هسه عقدنه لحظات وقطع تفكيري صوته يكول هل تقبلين الزواج من عمو احمد
تنهدت وكل ودموعي تجري / نعم وانته وكيلي
اشتغلت الهلاهل بس اني بداخلي غصه رهف الوحيده فاهمتني اباوعلها تبتسملي بحنيه بس هي زعلانه ع حالي كلش بس مابيدنه شي نسوي
ونوب صار يردد عمر وي السيذ وهماتين وافق
السد/ الف مبروك صصرتوا زوج وزوجه
ماكدر اوصفلكم شنو احساسي بهذيج فرح ع حزن ع ندم ع حقد كل الامشاعر هاجت عليه تمنيت لو ماجايهه ع هل حيات احسن
خلصت الحفله والناس راحت ورهوفه تهدي بيه تكلي خيولي هوة لعب عليج لاتهتميله ولاتنقهرين اذا سمعج حجايه انتي تزوجتي بس حتي تخلصين من السالفه
كلامها مريح بس ماكدر اقنع كلبي اليحبه
كمت بدلت وعمر ولا حجه وياي اصلا ورة الحفله طلع وبعد مااجه
اني هم تعشيت ونمت كعدت ثاني يوم عمتي كلش فرحانه وكلساع تبوسني
ام عمر / ياريت لو عمر تزوجج من البدايه ومازوج هذيج المسمومه
بتسمت وسكتت شكلها مثلا
داانظف وجان يدخل وهو وياها لازم ايدها خزرتي وضحكت بشماته ودخلت وهو ماباوعلي اصلا ولا عبرني
ماهتميت تعبت شسويلهم ع كولت رهف اريد بس استر نفسي ماريد شي بعد
ابو عمر / بيويه عرسكم الخميس الجاي
شهد / شنوو خالو لا ماكدر عندي امتحانت
ابو عمر / خالو عمر ياخذلج اجازه وهم تعرسون قبل الامتحانات
ردت اعترض بس امي كالتله هايهيه خويه براحتك
كمت من يمهم روحي طالعه شبيهم هذوله ليش مستعجلين وامي تريد الفرصه حتى تخلص مني
كعدت بالطارمه بالشميسه ماحس غير ايد انحطت ع كتفي درت واشوفه عمر
شهد / محتاج شي
عمر / شنو مايصير احجي وياج الا اذا اريد شي
شهد درت وجهب وكلت / ايي
كعد يمي وسكت ماحجه شي اني هم ماحجيت
شهد / العرس الخميس
عمر / اي ادري اني كتلهم
شهد بصدمه / ليييش
عمر / لان مي تروح لهلها 3 ايام فخلي نزوج احسن
حصرتني البجيه بوكتها يعني سوة هيج علمود مي اي طبعا يسوي اذا هي حبيبته
عفته وكمت وكتلها … براحتكم
ودموعي تنزل ليش هيج ياربي
امي وعمتي والبنات جهزلي كلشي بس اني ولاطلعت وياهم ولاشفت شي بس حابسه روحي بالغرفه لو اطلع للمدرسه ومي كلما تشوفني تكلي
مي / تحلمين تخصلين ع عمر عمر الي وهو حيزوجج ليستر عارج يالله جاووو
جان كلامها ملح ع جروحي فوك همي فوك هي 😭 واجه يوم الخميس طلبت من خالي …
شهد / خالو اريد اطلب منك طلب
ابو عمر / اامري خالو
شهد / خالو اريد الزفه تطلع من بيتنه البيت التربيت بي وكبرت بي وباابا جان بي
ابو عمر / اي بوويه تددللين يجرالج التردي هذا حقج
عمر / تردين تطلعين من بيتكم العار مو بيت ابوج الكلب ابن الكلب اني الج
وكتها ماتحملت كلش يحجي ع بابا وهو بكبره بدل مايترحمله اهئ ليش هيج عمر ليش هيج تجازي حبي …………
