#رهف_والضابط_علي_فصليه
البارات56_____57
احتياجاتي في الحياة بسيطة ، فقط قُلوبٌ صادِقَة لا تتخلّىٰ عنّي مهما حدث '💜🔇
شهد
زفوني من بيت اهلي بعد ماخالي نفذلي طلبي وصلت لبيتنا اخخ ذكرت كل لحظه بي عيوني تدمع ياريت لو باابا موحود وهو يسلمني بيده شكد اشتاقله رغم طمعه بس مجان مقصر علينه بشي جان يحبنه حيل
اووف ذكرت كل لحظه شوكت كبرت وشوكت هيج صار بيه هذاك اليوم طلعت منااا اخ ياريت لو لساته بابا عايش جان مراح ازوج بهلطريقه
حسيت ع نفسي من وصلت لبيت خالي دموعي تنزل وحدهن اذكر اول مرة اجيت لهنا ومن عمر ضربني ع لبسي ووو علاقه حبنه وكلشي مر عليه بهلحظات ماعرف ليش وبهيج وقت دااذكر كلشي
طببوني كعدت والناس تركص واني صافنه اووف اكيد مراح يقرب مني ? لا لا اكيد حياخذ الي يريده ويعوفني ? معقوله ? اي ليش لا هوة يحب مي ?
مرت ساعات واني حسيتها ثواني الناس بدتت تتعشه واني صعدوني لفوك روحي طالعه
ضلت امي يمي تعلمني شنو حيصير اليوم ? ههه ضحكت ع نفسي وع امي ماتدري بتها مغتصبيها لا ومنوو الي اليوم ازوجها لا وفوك هذا كله عاقد عليه ومحد يدري غريبه هاي الدنيا ......
طلعت امي وطول ماهي تحجي اني مدنكه راسي واأشر بأي
شويه ودخل عمر وقفل الباب ضحك بستهزاء وكال
عمر بستهزاء / مبروك بنت عمتي
سكتت عنه شفته دخل للحمام خفت معقوله حيقربلي لا لا حاتخبل والله ماعرف ليش دينعاد كلشي عليه
طلع لابس تراك كلي
عمر / هي ماتكومين تبدلين شمنتضره انزعج بيدي ?
نزعجت من كلامه حيل كمت للميز اخذت تراك طويل ومستور ورحت للحمام ومتت يالله كدرت انزع البدله الحمدلله ايدي وصلت لسحاب
نزعتها وسبحت غسلت المكياج وشعري
وطلعت جان كاعد ع تلفزيون وياكل
تنهدت ورحت مشطت شعري ع مرايه هوة اصلا مادار وجهة ولا عبرني
معقوله هيج يحب مي وصاير ميشوف غيرها ? هنيالها والله
كملت كال
عمر / اذا كملتي تعاي اكلي
شهد / ماريد شي
عمر / بكيفج
رجع ياكل واني احس بطني مووتتني من الجوع بس ماريد اكوم وانزل نفسي اله غمضت عيوني اريد انام بس صوته بالاكل كلش جوعني مماكله شي من عشه البارحه كام هوة يغسل استغليت الفرصه اكل شي
كمت بسرعه بسرعه اخذتلي لفه لان جان الاكل كباب
ورجعت امكاني اكل واباوع ع باب الحمام لايطلع ويشوفني
كملت وهوة ماكو ياربي هذا وين راح ردت اكوم بس طلع وهو مبتسم شسالفه معقوله شافني ?
اخذ الصينيه ونزلها وشويه ورجع نام ع جربايه واني هم ع طرف
بعد مرور شكم ساعه هوة يشخر واني كاعده النوم طاير مني
درت عليه اباوعله راح اتخبل والله ليش؟ ليش احبه رغم كلشي سواه بيه ليش؟
احبه ماكدر احبه والله ضليت اباوع عليه بدون وعي بسته بخده شكد حلمت بهذا اليوم بس موهيج والله موهيج
نمت واني صافنه عليه كعدت مالكيته اي حقه اكيد متحمل يبقه وياي بغرفه وحده
كمت سبحت لبست كلابيه ولفيت شعري ونزلت مالي خلك حتى اخلي مكياج شوفتي ابد موشوفت عروس
اول مانزلت شتغلت الهلاهل ضليت مفهيه بوجهم بس بعدين كلت اكيد عمر شو شكلهم ...
ابتسمت ورحت كعدت يمهم ماسئلوني شي بس امي كالت
ام شهد / هابنيتي بسلا اتاذيتي
شهد بدون وعي / اي والله تأذيت وحيل
ام شهد / هاا
شهد / لا ماما قصدي شويه تاذيت بس عمر جان زين وياي
احجي واحس الغصه بكلبي اووف ياعمر دمرتلي حياتي شكول عليك
وراها رجعت ادرس ومرت الامتحانات طبعا عمر كل ليله يم وحده حسب طلب خالي بس ابد ميتقربلي اصلا يجي تالي الليل يلف راسه وينام بس بيوم عد مي تلكوا من 8 يمها
اووف شكد انقهر وشكد كلبي يوجعني صعبه والله اشوف حبيبي يم وحده غيري وميباوع بوجهي الله لايراويكم هيج عذاب
تعبت كلش بس غلست لان شريد احجي وشكول عمتي وامي دوم يسئلني شلونها علاقتنه اكولهن زينه
وعمر هم كبالهم يعاملني مثل زوجته بس اكيد مي اكثر
وبيوم رحت لحنه رهف والعرس جان ارقى واحلى مايكون بس رهف حالها مو احسن من حالي
ووراها تغير كلشي كلشي كلشي تغير كلشي لدرجه 180 درجه ...........
