#رهف_والضابط_علي_فصليه
البارتات40____41
فهد
اتصلت بيها حتى اكولها احلى خبر وتمنيتها تكلي يوم العيد تجي تخطبني
بس كل هذا حلم ومو اي شي نريده نحصل عليه
يمكن بوكتهاا حسيت الدنيا ضاكت بعيوني يعني لليش ليش الي حبها كلبي ورايدها
تروح مني بكل بساطه
يوم تصلت بيها وجان اسوء يوم بحياتي …
فهد بفرح / هلاووو حبي شلوونج عندي خبر الج الا يشده
ضي بتوتر / هلا فهد
هابيها الخير كول
فهد / ققررت اجي اخطبج وانشاالله بالعطله العرس هيج ناخذ راحتنه اكثر
كوليلي عدكم شي اليوم
ضي بصدمه وخوف / هاا لافهد لاتجي تخطبني
اصلا اني ردت احجي وياك لاززم ننفصل
يمكن وكتها العالم كله وكف تحولت ضحكتي الى صدمه
هاي شدتحجي
فهد بتوتر / ضي صاير شي شهل حجي
ضي / لامصاير شي بس اني ماحبك وجنت اللعب عليك بس انته صدكت واجيت تريد تخطبني فيشرفلي اكولك اني ماموافقه واني احب ابن عمي وعرسنه عن قريب
فهد بصباح / بتتت الكلب شجاااااي تحجين انتي بيج شي شنوو لعبت علليك لج انتي مووضي اابد موضي وينها ضي هااا
لج شنو تحبين ابن عمج ومن شووكت شوعيونج مجانت تحجي هالحجي
ضي فهميني لخااطر ربج اذا صااير شي كوولي حأتصرف والله بس لاتسووين هيج
ضي بصيااح وبجي / مصااير شي كتلك مصااير شي كل القصه احنه لازم ننفصل واني ماحبك باي اخي
وقبل ماكمل سدته بوووجهي
لايالله مامعقوله هاي ضي اشوفها كامت تحضر بيه واتصل عليها مغلق يرربي شنو السااالفه مستحيل ضي هيج تسوووي اااككيد اككيد صاير شي
ضليت اتصل ماكو مغلق رحت كبال بيتهم ماعرف ليش كل الي اعرفه اريد اوصللها بلكي تطلع بسس ماكوو اذن رحت للامام اندعيت وتوضيت وصليت ورحت يم الشط (الي يصير يم صاحب الزمان (ع) ببغداد) بقيت افكر بكل كلمه كالتها ولحد هاللحظه مامصدك جانت عيونها تحجي غير شي ضحكتها وخوفها مستحيل تكول تحب غيري
معقوله صدك عدها علاقه؟ زين ليش حبتني ولهسه اذكر شلوت اعترفتلي؟ وبشنو لعبت عليه شوهي حتى ماتقبل اشتريلها شي لواوصلها؟ اووف والله حررت
تأخر الوقت كلش خليت ورجعت ثثاني يوم طلعت لشغل وبالي يمها حاولت اتصل ميت مرا ماكدرت رحت لمنطقتهم ماعرف ليس دااسوي هيج
قررت اسئل الجيران بحجه جاي اخطبها وصدك رحت سئلت والصدمه الاكبر يوم كلي
الجار / هلابيك ابني بس تره سمعت قبل شكم يوم هي مخطوبه لابن عمها وقريبا حيعقدون
فهد / مشكور عمي ماجنت اعرف
طبعا بوكتها شمااحجي ماكدر اعبر عن الصار بيه يعني صدك جانت تحبه ومتحبني واني الغبي الصدكتها وحتى من كالتلي عارضت عقلي وكلت خاف مجبورا وضاغطين عليها بس طلع كلشي جذذب
رجعت للبيت المغرب ورة ماوصلت صديقه رهف الي جان حالها اسوء من حالي
لليل اجتي رهف جنت اباوع بصورتنه اني وياها اخذناها بااكوة متقبل اووف
رهف الوحيده فهمتني شكد تعبان ومهموم حجيتلها كلشي …
حضنتني قوي وكأنو تكلي لاتخاف يصحح كلشي وفعلا حجيها ريحني كلش
رهف / لاتخااف يعمري ماتوقع وحده مثلها تحب ولو صدك تحب جان مابجت من حجيت وياه يجوز كامشيها وجبروها تنفصل عنك
فهد / اني هم هيج كلت بس هي نكرت وحتعقد معقوله ماخذوا رأيها
رهف / اكوو ناس همج يجوز يجبروها لان اذا رفصت ينهي عليهاا
بعدتها عنى وكانو كلامها صحيح كتلها بتررد هسه شنسوي ولج خيتي والله اريدها ماتحمل تروح لغيري
رهف / هسه اصبر لحد الدوام وانته اكيد حتعرف اذا صدك تحبك لوتضحك عليك من نضراتها اوتصرفاتها
فهد / يعمري والله صحيح كلامج بس شلون انتضر بالله عقدت
رهف / ماعتقد وهو اصلا مابقه شي حبيبي
هسه ياالله نام ولاتفكر واذا صدك هي تحبك راح تسوي المستحيل علمود ماتعقد ع واحد غيرك بس اذا ماتحبك فأنت لازم تنساها خلاص
تلكي احسن منها والله ميت بنيه تتمنااك
كلام رهوف ريحني متأكد تحبني ومراح تصير لغيري حضنت رهوفتي قووي ونمت شكد احبها دوم اللكيها يمي من احتاجها نمت واني مرتاح نوعا ما
ومر شكم يوم وخلصن سبوعين رجعت للكليه هاي الفتره كنت خال كل الشغله ع الله واخذت بكلام اميرتي من تكول قول الله عسا ان تكرهوا شيئا وهو خير لكم …
دخلت وصارت كبالي ………
شهد
كاعده ابدل منتضره خطيبي يجيني
هاي ثاني مره حيجي المره الاولى اجه هو وحنين وهاي الثانيه
واكفه كبال المرايه اخذ نفس شفيق وزفير وافكر بكلام رهف
اي اليوم لازم احسم كلشي ماكو توتر ماكو خوف شهد لازم تنهين كلشي
واني افكر ندك الجرس نزلت ركض فتحت الباب وجان كرار واكف كبالي وبيده علبه شكولا وعليها ورده ومبتسم
صدك كررهت نفسي شنو ذنبه خطب وحده مثلي
بس خلاص اني راح احجي كلشي علمتتي عليه رهف
شهد / تفضل
كرار / زاد فضلج تفضلي هذولي الج
طبعا هاي المره الثانيه يجيبلي هديه من يجي
شهد / ليش تعبت نفسك
كرار / ولو يدلل الحلوو
كعدنه بالحديقه ورحت جبتله الضيافه وكعدت يمه وبايدي الورده
ماحس غير حط ايده ع ايدي
رأسن وخرت ايدي عنه
كرار / اسف اسف والله ماعيدها اعرف انو بعدج مامتعوده عليه وحأانطيج وكت ورانه ايام طوال
ومستحيل اتقرب منج اجباري
وكتها كمت ابجي ياربي شنو هالانسان الملاك هنيالها التاخذه مومثل حظي
اوف عود ابن خالي
زين شنو ذنب هذا الولد بيه
كتله بصوت يرجف / كرار عندي موضوع كلش مهم
كرار / كولي شهوده اسمعج
شهد ببجي وتردد / كرار احنه لاازم ننفصل
ضل صاافن بوجهي مصدووم
كالي بصدمه … ليش
شهد / كرار اني انجبرت عليك ماما جبرتني لان متكدر تشيل مسؤليتنه اني واختي ورادت تخفف عنها المسؤليه
بس اني مااحبك والله واحب واحد غيرك
انته ولد او ملاك مثل ماني اسميك تستاهل وحده تحبك وتخاف عليك وماتشوف غيرك ماتستاهل وحده مثلي بكل بساطه كلبها وعقلها وي شخص ثاني ساامحني بس والله ماكدر اكمل وياك حاولت بس ماكدرت واصلا اني وحبيبي جنه متفقين يخطبني بس سبقته انته وحاليا منكدر نسوي شي ومنكدر بدون بعض
فدوة تفهمني والله اذا جبرتني يجوز اكمل حياتي وياك بس مستحيل احبك ويمكن يجون اطفال بعائله متفاككه وبعدين حننفصل شنو ذنبهم
فدوة ختصر الموضوع وافصخ الخطوبه من يمك لان اني ماكدر احجي انته كول انو ماتفقنه او اي شي بس فدوة اطلع من حياتي
كرار بصدمه وحزن / اخر كلام عندج هذا شهوده مراح تنطين فرصه يجوز تحبيني
شهد / اسفه كرار بس والله ماكدر الكلب ومايهوة زين انته شنو ذنبك وياي
بلكي تلكيلك بنت الحلال الي تحبك وتعووضك اني مستحيل اكدر اسعدك
كرار ببتسامه حزن / براحتج شهوده يجوز هذا ثاني لقاء النه بس والله تعودت عليج
والحمدلله كتيلي هسه جان تعلقت بيج وراح اتعذب الله يوفقج بحياتج خيتوو وتزوجين الي ببالج
وانشالله حأفصخ الخطوبه
شهد ببتسامه / شكرا ياملاك لانك تفهمت موقفي الله يفرحك ببنت الحلال مثل مافرحتني
وهسه هاك هاي الهدايه مو الي لازم لخطيبتك الجديده
كرار / ههه لاولج شسالفه اعتبريها من اخوج ادري بيج ماعندج اخ اعتبريني بمكانه
ويالله هسه في امان الله واعتبري تم كولشي وحنطلك
عافني وراح ومبين ضايج سوده عليه والله موبيدي ياريت لو عرفتك قبل عمر ياريت
شكد انسان خلوق ومتفاهم الله يوفقه
دخلت جوة وكأنو مصاير،شي امي سئلتني شحجيتوا كتلها هيج سوالف عاديه وبعدين حجيت وي رهف وشكرتها لانها ساعدتني
شهد/ شكرا يروحي والله ماعرف شلون اشكرج نقذتيني
رهف بحزن / ولو الحمدلله خلصتي منه بس والله حريمه مايتعوض
شهد / اي والله تدرين حتى اني ضجت بس شسوي لحظي 😭 والله هوخوش ولد ويستاهل احسن مني
رهف / خلاص يروحي لاتبجين الحمدلله نتهة كلشي وازمه وتمر لاتخافين ارسلان جاف
وهيج مشت حياتي ووراها داومت ورهوفه بعد كلبي شكد ساعدتني اتخطه ذيج المرحله ومر شهر ع حادثه تقريبا ويوم اجه عمر من السفر ……
رهف
كاعده اكلب بجهازي ورة مانحلت مشكله شهد وهماتين جنت اهدي فهد ومستعده اسوي كلشي علموده
واهلي واخواني فدوة لربهم دوم يضحكوني ويبوسوني شكد يحبوني واني هم احبهم …
اجتي رساله من الشيخ اخ احس كلبي وجعني ترردت افتحها بعدين فتحتها …
💬إلى أحدهُم ، متى ستكسر الصمت بِـ رسالة منك ، وتُخبرني فيها إنك تشتاق لي ، أكثر من إشتياقي لك .! ♡
اقره ومصدومه اعرف شنو قصده بس ماجنت اريد اصدكه اوانطي فرصه وانطي لكلبي هم واني مواله
اصلا خلاص احنه مفصولين
😔
دزيتله ………
👤🍃 لاتراقب شيئاً لم يعد لك.💧
دزلي
💬 خذها نصيحه وأبيك تحطها ببالك
-
لا تخسر إنسان يهتم بتفاصيلك
من قريتها بجيت 😭💔😭 ليش هيج ديصير وياي
تعبت
عفته مارديت وخلصت الليل ابجي مشتاقه لريحته صوته الرجولي
هيبته الي الكل يرجف منه
جمااله وكشخته الي يطير اعقول البنات بيهاا
اوف والله ماعرف شنو ديصيرلي اني موماحبه وجان العيد عندي من خلصت منه
شجااني هسه 😭 نمت من التعب كعدت ثاني يوم طلعنه
ومرت الايام وباجر دوام
بيومها جنت كلش تعبااانه احس كلبي حيطلع من مكانه يمكن لان نسيت العلاج
جنت اكنك بجهازي ونشرت حاله يمكن من اللمي نشرتها …
۽۽🍾
ﺣضوُري ﺈنتهى وقتہَ ❌🚶
