انت واقع حي والباقي وهم

٢

فراس (الحين هي قالت لي ،صدقيني لأخليك تلحق وراي وانت تبكي؟ انا كرامتي اولى منها وبسمي بالله وبسوي اللي طلبه ابوي دام الوضع كذا ):مريم
مريم : انا بروح بيت اهلي وياويلك تلحقني
فراس: انتي طالق
مريم: فراس اصبر وش قاعد تقول ! فراس تكفى لا بيننا عيال والطلاق مو لعبه تكفى
فراس بعصبيه : تعبت منك ياخي ، تتحكمين فيني على كفيك وتحسبيني ماني مستوعب !
مريم ببكي : تكفى لا تقول الثانية
فراس : يلا لمي اغراضك و روحي بيت اهلك
مريم: لا ماني رايحة
فراس بعصبيه وبصوت مرتفع ويخوف: قلت روحي
مريم خافت من قوة صوته اللي ما قد سمعت ذي نبرة
الصوت منه في حياتها: ططيـ..طيب
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
اميرة سمعت الصراخ والهواش بس ماهي قادرة تتدخل لانوا بين زوج و زوجته ومالها حق تتدخل وجاء حمد وهو يبكي  : ياعمه تكفين لا تخلين امي وابوي يتطلقون زي ام وابو خالد (صديقه)
اميرة: لا يا حبيبي ماهم متطلقين واذا تطلقوا لا تبكي لان يمكن طلاقهم يكون اشوى من كل شي 
حمد: مابي اختار بينهم ، احبهم كلهم
اميرة : حبيبي حمد لا تفكر في شي وتجاهل هواشهم بكره يرجعون مع لبعض ولا كأن شي صار
حمد : طيب ياعمه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عند بيت ابو ساميه
سديم : تركي تعال
تركي: ها
سديم : خالتي الحين جايه
تركي: طيب؟
سديم : ياغبي لا تقولي انك نسيت.. بنفاجئ خالتي بالكيكة اللي سويناها انا وجدتي
تركي: اي صح
"بعد 17 دقيقة "
تركي : يو متى تجي؟
سديم: اصبر شوي
تركي: طيب نادي جدتي تفاجئها معنا
سديم :جدتي تعبانه بترتاح شوي
"فجأة سمعوا صوت شخص ياول في المفاتيح عشان يفتح الباب وعرفو انها خالتهم"
.
اول مادخلت وديان تفاجأت بـ تركي اللي رش عليه بخاخ الثلج وسديم بيدها كيكة بالشوكلاته وفوقها شمعة
سديم: الف مبروك عليك الوظيفة ياخالة
تركي : كل سنه وحنا نفتخر فيك ياخالة وديان
وديان ضمتهم: ياحبايب خالتكم
"جت ام ساميه"
ام ساميه: هلا بأبنيتي هلا بالممرضة
وديان ضمت امها بقوة :جعل ايام ماتمر بدونك يانور عيني
حاتم جاء يركض ويضم وديان : خالة
شالته وديان: ياروح خالتك
جاء ابو ساميه ومعه ساميه : تو مانور البيت
وديان حبت راس ابوها : بنورك ياتاج راسي
ساميه : ياهلا بروحي الثانيه ، كيف يومك الاول؟
وديان ضمتها ورجعت مسكت يدينها: والله يومي الاول احلى يوم حسيت بفرحة مقدر اوصفها
ابو ساميه: يا حبيبة ابوك جعل ايامك كلها سعادة
الكل : امين
سديم: يلا ندخل جوا عشان نقطع الكيكة
وديان : طيب بس انا بغير ملابسي عشان الاخ تركي خبصني بـ البخاخ
تركي :ههههههههههههههههههه هدية عشان الوظيفة
وديان: تم قبول الهدية ههههههههه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
الساعة 10:45
"رجعوا علي وعبدالله وهم ميتين ضحك فجأة شافوا سيارة وقفت قدام بيتهم "
نزل منها سعود ( ولد خالتهم ) : هلا والله بعيال الخالة
علي: سعودد!
سعود : اي
عبدالله: انت متأكد انك سعود ولا حنا اللي مخربطين؟
سعود : بالله يا عبدالله ! ، افا معد صاير تعرف ولد خالتك
عبدالله: ياخي لك 5 سنين معد تجينا ولو جيناك ما لقيناك والحين جاي لك وجه تقول افا ! ، حتى صورك معد ترسلنا ولا شفتك ذي الـ5 سنين
سعود : يارجال انا انسان كنت مسافر بعثة ولما اجي عند اهلي ما اقعد كم اسبوع وارجع لين ما تخرجت بعد 4 سنوات وما رجعت السعودية الا بعد كم شهر من تخرجي واستقريت ورتبت اوضاعي وتوظفت وضغطت نفسي في الاجازات عشان اجي عندكم وانا مريح بالي
علي: لا عاد تبي الصراحة والله احلويت
عبدالله : اي والله  احلويت ، لازم اسافر انا بعد .. تمشي معاي ياعلي
علي: يلا مشينا يارجال
سعود : انا ما صدقت تو شفتكم والحين بتسافرون وانا اقعد!
علي : حبيبي سعود محد علمك ان الدنيا دوارة؟
سعود : والله علموني بس ما هقيت انها بذي السرعة اصبرو شوي ههههههه
علي و عبدالله بضحكة : هههههههههههه
سعود غمز: الا بسألكم .. اشتقتوا لي ولـ سوالفي؟
عبدالله تنهد : والله باح الصبر من شدّة الشوق ياسعود..
سعود ضمه وهو يضرب على ظهره: صح لسانك يأخوي
"سعود لف وراه يأشر لأمه واخواته ينزلون "
جت ام سعود وسلمت على علي وعبدالله ودخلت جوا هي وبناتها
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وديان: وطلع هو الدكتور عبدالله تخيلي
ساميه: ههههههه ترا مافيها شي اذا قلتي لا ما اعرفه
وديان : والله مدري .. المهم صار اللي صار وخلاص
ساميه: اي والله
وديان : ايوه انتي كيفك اليوم؟
ساميه : افتقدتك والله
وديان : ترا توي ما كملت يوم
ساميه: ياروحي انا متعودة عليك كل خمس دقايق
وديان : ياقلبي والله
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
دخلت ام سعود : يا اهل البيت
اميرة:حيالله خالتي
ام سعود ضمتها : الله يحييك
ليلى جت تركض: ايش، خالتي جت؟
تيماء: المعنى مو خالتك المعنى الاصلي ليان لا تخافين جبناها جبناها
ليلى: حياكم الله ، تو مانور البيت بوجودكم
ام سعود: الله يحييك، بنورك ياروح خالتك
ليلى: الا وينها ليان
تيماء: لما اقولك جبناها لاتخافين عليها بتجيك ، وازيدك من الشعر بيت بتشبعين منها ذي المره عشانا بنقعد شهر
ليلى شهقت: امانه !! شهر!.. اخيراً بتطولون عندنا
دخلت ليان تصارخ: ليييييلى
ليلى ضمت ليان بنفس الصرخة : ليانننن
تيماء بخرشه: يمه يروعون
اميرة بضحكة :هههههههههه فجعوني والله
ام سعود: خلوهم ما شافوا بعض سنه
تيماء : اوكي ما قلنا شي بس لايصارخون كذا ، اذني ابيها ماني بايعتها عشان ذولا الثنتين
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
من البكره في الصباح
علي: يا أميرة جيبي الفطور الرجال يستنى
اميرة : طيب طيب
.
"اميرة عطت علي الفطور"
علي اخذ الفطور وراح مجلس الرجال: انا اشهد انها الساعة المبارك اللي تفطرون عندنا يارجال
سعود : والله متقصرون ، تذكرون وعدتكم وعد اني اعوضكم على الـ4 سنين؟ وان شاء الله اقدر اعوضكم في شهر
عبدالله : انت صادق!
سعود : اي والله صادق
علي : اي ذي الاخبار اللي تفتح النفس
"دخل ابو فارس "
ابو فارس: حيالله سعود
سعود: الله يحييك
ابو فارس: مابغيت تجي
سعود : والله مو بكيفي الدراسة اشغلتني عن الدنيا
ابو فارس: يلا الحمدلله بس انك وصلت للي كنت تتمناه
سعود : اي الحمدلله
ابو فارس: اجل دامك جيتنا لازم تمسك المهبل الثنين اللي قدامك
عبدالله بصدمة: يبه وش سوينالك !
ابو فارس: انت اسأل وش اللي ماسويناه لك
سعود: خلاص انا امسكهم واذا تبي اضربهم بعد اعتبره تم
علي: عبدالله
عبدالله:ها؟
علي : انت شايف الخيانه اللي اشوفها؟
عبدالله تنهد: اي والله شايفها وانا اخوك
علي: ذا سعود اللي ما يستحي على وجهه باعنا من اول طريق
عبدالله حط يده على كتف علي : اقول ياعضيدي والله مالنا الا نشتكي لله
علي: صدقت والله
ابو فارس: عبدالله اقول قم روح عند عمك فيصل ناده يفطر معنا
عبدالله قام: ابشر يبه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
"بيت ابو ساميه ،تحديداً في المطبخ"
وديان : لا يا حاتم حبيبي مايصير تاكل الثلج
حاتم: ياخالة بس حبه
وديان: لا لا مرا غلط
حاتم :والله اخر حبه تكفين "عطاها الوجه البرئ"
وديان حنت من كلمه "تكفين" : يلا بس حبه
حاتم : شكراً يا خالة
سديم : ياخالة
وديان: عيوني
سديم: في احد يدق الباب
وديان : طيب انا اشوف ..، انتي اقعدي هنا عند الفول واذا تأخرت قفلي النار
سديم:ابشري
" راحت وديان للباب بتشوف مين "
وديان :مين ؟
عبدالله (هذا الصوت كأني اعرفه ): انا انا عبدالله
وقف قلب وديان يوم سمعت صوته وكأنها تعرف صاب الصوت : اش بغيت؟
عبدالله: عمي فيصل صاحي؟
وديان : ايه
عبدالله: قولي له ان ابوي عازمه على الفطور
وديان بإستغراب : ابوك؟
عبدالله: قولي لك عادل ابو فارس
وديان : ابشر
عبدالله: تبشرين بالجنه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
جاء ابو ساميه ومر الوقت وبعد ما خلصوا ..
علي قام : يلا استأذنكم بروح المستشفى
عبدالله قام : اصبر اصبر بروح معكم
سعود : افا رايحين وتاركيني
علي : وشوله انت جاي؟
سعود : والله بطفش في البيت بروح معكم واشوف مستشفتكم
عبدالله: اقول انرزع هنا، عندنا ممنوع اصطحاب الاطفال
سعود بصدمة : اطفااال!
عبدالله: ايه انت طفل مايحتاج ناخذك
سعود: ماهقيتها ماهقيتها بس ماش
علي: يلا قم البس نمزح ، اصلاً كل الاطفال لازم يروحون المستشفى عشان اعالجهم وانت اولهم لازم تروح
سعود: ماراح تسون اللي ببالك وتخلوني اقعد
عبدالله ناظر في علي : لاتحاول يأخوي ذا بيموت اذا ما اخذناه
علي: يلا يلا مشينا
ابو ساميه: اجل استأذنكم انا بروح اودي بنتي
ابو فارس: اذنك معك
عبدالله راح يأخذ ملابسة هو وعلي : ياليلى
تيماء بفرحة : ليلى مشغولة..تامر بشي ياعبدالله
عبدالله: روحي عند اريج وقولي لها علي يبي ملابس الشغل ، وقولي لـ ليلى تطلع ملابسي
تيماء : ابشر
عبدالله: تبشرين بالجنه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
"وكألعادة مر اليوم بشكل عادي اللهم ان عبدالله و وديان عندهم مناوبة وعلي وسعود راحوا تمشوا"
(خلصوا مناوبة)
وديان : يو الساعة 11:34 !
عبدالله: اي اي خلصنا مناوبة
وديان تنهدت بصوت منخفض: يو اش الدبرة الحين؟
عبدالله: وش فيك؟
وديان :مافيني شي
عبدالله: مين بياخذك الحين؟
وديان : مـ..مدري
عبدالله: كيف ماتدرين؟
وديان: لابس انا المفروض اني اروح مع اوبر بما ان ابوي هو اللي يجيبني المستشفى وبعد المغرب ما يطلع من البيت عشانه يتعب والحين الساعة 11 ومايمديني اروح مع اوبر
عبدالله: اجل امشي اوصلك
وديان : لا لا انا ادبر حالي
عبدالله: شوفي اذا انتي خايفة ماعليك ادق على اخو يجيب اختي تجي و اوديك وهي معنا اهم شي ما تقعدين ويصير لك شي
وديان : مو مسألة اني اخاف بس مدري
عبدالله: اجل فكري على بال ما اخلص اوراقي
وديان: طيب
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ام ساميه: ساميه
ساميه : هلا يمه
ام ساميه: وين اختك؟
ساميه: تقول عندها مناوبة اليوم
ام ساميه: متى ترجع؟
ساميه:مدري بس على ما اعتقد الساعة 12 ولا بعد شوي
ام ساميه: طيب دقي عليها وقولي لي
ساميه: ابشري
"راحت ام ساميه ،وساميه دقت على وديان"
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وديان كانت تفكر فجأة دق جوالها : دقيقة يا دكتور بطلع بكلم وارجع
عبدالله: خذي راحتك
وديان ردت : الحمدلله دقيتي على وقتك
ساميه : ليه وش فيك؟
وديان :انتي مجنونة!
ساميه: ايش فيه!
وديان : الساعة 11 مقدر اركب اوبر لوحدي وفي الليل
ساميه: يو صح نسيت
وديان: انا عندي فكره او هي مو فكرتي بس بقولك
ساميه: اخلصي وشهي؟
وديان: تذكرين الدكتور عبدالله اللي قلت لك عنده
ساميه: اي
وديان : يوم حس اني متوترة وافكر وعرف ان ماعندي احد يوديني قال انه يقدر يوديني للبيت ويوم قلت له لا انا ادبر حالي قال ان اذا كنت خايف يكلم اخوه يجيب اخته ويركبها معها اهم شي ما اخاف وقلت له بفكر..،وش الحل؟
ساميه : والله الحل انك تقبلين لأن لو بيسويلك شي ما قالك بجيب اختي عشان بس يوصلك .. وبيني وبينك انا ارتحت له من يوم تكلميني عنه
وديان تنهدت : والله مدري ، اجل تم بأوافق يوصلني
ساميه: يلا الله يحفظك
"راحت وديان تكلم عبدالله "
وديان: دكتور عبدالله
عبدالله: هلا
وديان : خلصت اوراقك؟
عبدالله: اي اي خلصتها بس قاعد ارتبها
وديان: طيب انا فكرت
عبدالله : اجل وافقتي صح؟
وديان : كيف عرفت؟
عبدالله: مدري بس حسيت
وديان : انت كل شي تحسه يطلع صح
عبدالله: اجل روحي خذي شنطتك واغراضك وانا انتظرك في السيارة
وديان : تم ،بس وشهي سيارتك؟
عبدالله: روحي وانا هنا اذا جيتي نروح السيارة مالي خلق اشرح مكان السيارة
وديان: طيب
"بعد دقيقتين"
وديان : جيت
عبدالله : يلا الحقيني
"ودين لحقت عبدالله ، لين ما وصلوا وركبت وراء "
عبدالله: وين بيتكم؟
وديان : في حي ***
عبدالله: امانه ! ، نفس الحين اللي حنا فيه
وديان : اما ! ، والله صدفة
عبدالله : المهم اذا دخلت الحي انتي دليني على بيتكم
وديان : تمام
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
في مجلس الرجال
سعود: ايه هات اللي عندك
علي : اش قال خالد عبدالرحمن؟
سعود : اش قال؟
علي: ياغبي انا اسألك!
سعود : اها زي ذيك المره ههههههه
علي : ايه ايه يلا نعيد
سعود : يلا
علي : اش قال خالد عبدالرحمن يا سعود؟
سعود : ‏لاتمزح بكلمه أحبك وأبيك
‏ترى المشاعر مابها ضحك ومزوح
علي : وش رد عليه راشد الماجد؟
سعود : ماكل من حبك ياخالد يبيك
‏بعض المحبة ما وراءها غير الجروح
علي : صح لسانك
سعود : صح بدنك .. الا بسألك وين عبدالله ؟
علي: اشوي وجاي
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عبدالله: دخلنا الحي
وديان : ايه كمل طريقك قدام اشوي وبعدين لف يسار بعدين**(وصفت له الطريق)
عبدالله: بسألك ماعندكم جيران عندهم ولد اسمه عبدالله ولا ولد اسمه علي ؟
وديان: مدري ،ليه؟
عبدالله: مدري بس نفس طريق بيتنا
وديان : امانه!
عبدالله: والله
"بعد خمس دقايق "
وقف عبدالله السيارة قدام بيت ابو ساميه
عبدالله: انتي متأكدة ذا بيتكم؟
وديان: اي متأكدة
عبدالله: انتي بنت فيصل ابو ساميه
وديان: كـ..كيف وش دراك!
عبدالله: صاحب ابوي
وديان: دقيقة انت عبدالله اخو ليلى ؟
عبدالله: اولى اسألك اقولك عندكم جيران عندهم ولد اسمه عبدالله ولا ولد اسمه علي ، وتقولين لي مدري الحين تذكرتيني؟
وديان: هههههه اما والله ما دريت
عبدالله: اجل يلا انزلي ، واذا بغيتم شي قولي لي
وديان : ابشر
عبدالله: تبشرين بالجنه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
الساعة 12:3
"دخل عبدالله "
علي: شف يا سعود شف ذا اللي من اليوم تنتظره جاء
سعود: كيف المناوبة معك اليوم ؟
عبدالله بنعس : زفت والله
سعود : افااا ليش زفت ؟
عبدالله: يعني انت بكامل قواك العقلية يوم تسألني؟ ، يعني مثلا بقولك تجنن وحلوه ؟
سعود: اقول روح نام تراك بديت تنفس
عبدالله: اكيد بنام يعني بستأذن منك مثلًا
سعود ناظر في علي : والله وصار يعرف يرد
عبدالله: يالييل
سعود سحب عبدالله : ياعبدالله تكفى بس 5 دقايق نسولف وتروح
عبدالله: بس 5 دقايق
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
"وديان دخلت البيت ، وبالتحديد الغرفة "
ساميه: اخيراً شرفتي يا ممرضتنا
وديان :مراح تصدقين ...(علمتها سالفة عبدالله كاملة)
ساميه: اما
وديان :والله
وفجأة سمعوا صوت امهم تصارخ : وديان ،ساميه
ركضت وديان وسديم تدف عربيه ساميه
وديان: وش فيك يا يمه
ام ساميه: ابوك ابوك يابنيتي
وقف قلب وديان : اا..ابوي وششفيه؟
ساميه :يمه تكفين تكلمي وش فيه ابوي
ركضت وديان للغرفة ولقت ابوها طايح بالارض وتحاول تصحيه وهي تبكي : يبه يبه تكفى اصحى تكفى يبه ، (ناظرت في امها) يمه وش صار له!
ام ساميه ببكي وشهقات : ابوكم تعب علي وطاح ، تكفين يا وديان تصرفي
"وديان رفعت يدينا لـ راسها ونزلت راسها وغمضت عيونها بقوة وهي تحاول تفكر وش تسوي، لكن ما فكرت في شي الا انها تعلم عبدالله وهو يتصرف": اصبري يمه ..، يا سديم جيبي عبايتي بسرعة
ركضت سديم وجابت العباية ولبست وديان العباية بسرعة وراحت ركض لـ بيت ابو فارس
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عند الشباب..
علي: الله يالصدف
سعود : يعني اللي فهمته ان الممرضة اللي تصير مساعدتك بالاساس هي بنت صاحب ابوك وفي نفس الوقت بنت جيرانكم ؟
عبدالله: هههه ايه ايه
سعود: سبحان الله صدف قوية
" فجأة سمعوا دق باب سريع وقوي " 
علي: قم يا سعود شف من يدق الباب كذا
سعود:طيب
راح سعود عند الباب ويوم فتحه شاف بنت : السلام اختي وش بغيتي؟
وديان: ممكن تنادي لي عبدالله ضروري
سعود مصدوم : يا عبدالله
عبدالله: ها؟
سعود: تعال ضروري
عبدالله: ياخي قول وش فيك مالي خلق اقوم
سعود: في وحده عند الباب تبيك
عبدالله: انا !  لا يالاخو شكلك ملخبط
سعود : يا ادمي تعال البنت تقول ضروري
عبدالله قام : يا ليل
سعود : جاء جاء ياختي هدي شوي
عبدالله اول ما وصل الباب شاف وديان
وديان وهي تبكي : عبدالله تكفى يا عبدالله
عبدالله: انتي وديان؟
وديان : ايه
عبدالله: وش فيك ؟
وديان: ابوي طاح علينا تكفى تعال تصرف ما عرفت اتصرف
عبدالله: طيب هدي وروحي اسبقيني البيت وانا وراك بس قولي لأهلك يتغطون ولا يدخلون جوا عشان ادخل واشيله ، تمام؟
وديان : تمام
"راحت تركض وهو وسعود يمشون وراها وشافتلهم الطريق وراحوا شالوه وركبوه السيارة "
وديان وهي خلاص منهارة : انا بروح معكم
عبدالله: انتي ريحي وحنا بنوديه المستشفى ما عليك
وديان : لا انا بروح
عبدالله: ليش الحين تعاندين؟
وديان تصارخ ببكي : اقولك بروح معكم مابترك ابوي
عبدالله مسك كتفها يثبتها : يا ادميه روحي ريحي واذا مره خايفة على ابوك اقعدي عند ليلى ودقوا علي كل اشوي
وديان: لا لا انا ابغى ارووح
" عبدالله اشر لـ سعود يروح وهو يلحقة بعدين و مسك يدها اليمنى من كوعها ودخلها بيتهم وقعد ماسك الباب وكلم ليلى بالجوال تروح عندهم لا يسون في نفسهم شي ويوم جات ليلى راح  "
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وصل عبدالله المستشفى وشاف سعود: يا سعود
سعود: الحمدلله جيت
عبدالله: دخلوه طوارئ ؟
سعود : اي اي دخلوه وصحى بس قاعدين يكشفون عليه
عبدالله : طيب شكرا واذا تبي تريح روح البيت
سعود : اقول والله ما اخليك
عبدالله:كفو والله
سعود : كفوك الطيب
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وديان : دقي عليه
ليلى: طيب
ليلى دقت على عبدالله
"رن جوال عبدالله "
ليلى فاتحة سبيكر: ياعبدالله كيف عمي ابو ساميه ؟
عبدالله: وديان جمبك تسمعني؟
وديان : اي اي جمبها انا قول
عبدالله: ابوك دخلناه طوارئ والحمدلله صحى بس بيكشفون عليه
وديان: قول والله!
عبدالله: والله بس انتي اهدي ونامي ، واذا تبين أجازة بكره انا اكلم الدكتور راكان ما عليك
وديان: تمام شكراً
عبدالله: العفو
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
" في المستشفى ،بعد ساعة "
طلعت ممرضة : انتم اهل المريض فيصل ** ؟
عبدالله: اي اي اهله وش فيه؟
الممرضة : مانا متأكدين اذا فيه شي بس شاكين انه يكون فيه مرض القلب وفحصناه وان شاء الله بعد يومين تنزل النتيجة ويمديكم تأخذون المريض الحين
عبدالله: مشكور والله
الممرضة: العفو
"عبدالله وسعود اخذوا ابو ساميه للبيت "
اول ما وصلو دخل ابو ساميه البيت
وديان حضنت ابوها وهي تبكي : يبه تكفى لعد تخوف قلوبنا كذا
أبو ساميه: ماصار شي ياحبيبتي
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ 
"بعد يومين  ( فارس قدر ابو مريم يصالح بينهم وسافروا يتمشون ) ، و راحوا ابو ساميه وابو فارس يشوفون فحوصات ابو ساميه"
في انتظار الرجال جت الممرضة: فيصل**
ابو ساميه: اي انا
الممرضة : تعال
قاموا ابو ساميه وابو فارس يلحقونها لين ما دخلوا عند دكتور :السلام عليكم ورحمة الله وبركاته
الدكتور : وعليكم السلام ورحمة الله وبركاته ، تفضلوا
جلسوا ابو ساميه وابو فارس: اسمعوني زين ..، انتم تأمنون بالله صح ؟
ابو فارس: اي اكيد
الدكتور : قدرالله وما شاء فعل .. مدري كيف بقولكم بس حطوا في بالكم [عسى ان تكرهوا شيئا وهو خيراً لكم ]
ابو ساميه: قول وش فيني يادكتور وان شاء الله يصبرنا
الدكتور: انت يا فيصل فيك مرض قلب وذي الامراض الخطيرة واحتمال تموت منها في اي لحظة
ابو ساميه بصدمة : يعني مايمديكم تسولي عمليه او شي يساعدني ؟
الدكتور: لا ابداً مرض القلب ذا مزمن ولا يمدينا نساعدك اتأسف ، والعمليات ما نسويها الا اذا صارلك شي ولا صار تعرضت لـ صدمة يمكن نقدر نساعدك ولكن المرض ما بيروح عنك ، وانتبه من اي صدمة لانها ممكن تسببلك تشنج ولا موت مفاجئ
ابو فارس بكى وضم ابو ساميه اللي دمعته نزلت: يأخوي لا تخاف الله بيسرها
ابو ساميه ببحة : إن شاء الله يا عضيدي ان شاء الله
"طلعوا من المستشفى وهم كلهم حزن"
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
دخلوا ابو ساميه وابو فارس بيت ابو فارس في المجلس و وجيههم فيها حزن
ابو ساميه: يا عادل
ابو فارس : سم يأخوي
أبو ساميه:سم الله عدوك، لحد يدري خاصتاً اهلي مابيهم يعرفون
ابو فارس: ابشر
ابو ساميه حط يده على كتف ابو فارس : تبشر بالجنة
"سمعوا صوت العيال دخلوا البيت مسحو دموعهم وحاولوا ما يبينون انهم حزينين"
علي في الحوش: انا بروح انام
دخلوا سعود وعبدالله
عبدالله: توي بدق عليكم
ابو فارس: وش فيك؟
عبدالله: طلعت النتيجة؟
ابو ساميه: اي طلعت
عبدالله: اجل وش؟
ابو فارس : اا.. طلعت بس ما فيه شي بس يقولون الضغط عنده نازل
عبدالله: اي اشوى، طيب انتم ليه زعلانين ؟
ابو فارس: مافينا شي بس توقعنا فيه شي وما طلع فيه شي الحمدلله
عبدالله : ايه الحمدلله ، اجل انا وسعود بنروح غرفة الضيوف ننام ، سلام
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
" دقوا على ابو ساميه وقالهم ان النتيجة طلعت بس ان الضغط نازل "
وديان : الحمدلله خفت يطلع فيه شي
ساميه: الحمدلله
سديم : يا خالة شوفي حاتم ازعجني ما يخليني اذاكر
وديان: جيبيه لي وروحي ذاكري
سديم: تمام
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ابو ساميه يفكر: ابو فارس
ابو فارس: سم؟
ابو ساميه: انا جدتني فكرة بس انت لازم تساعدني
ابو فارس: فكرة!، فكرت وش؟
ابو ساميه : انا ابي ازوج بنتي وديان لـ ولدك عبدالله وانا ابيه يتزوجها عشان لو صار لي شي ما يحتاجون احد غريب وانا ضامن ولدك انه ماراح يقصر مع اهلي
ابو فارس: والله انها ابرك الساعات يأخوي ، وما عليك عبدالله انا اكلمه بكره آن شاء الله و اقنعه وانت كلم وديان ونتمم العرس الاسبوع الجاي ولا اللي بعده اذا تبي
ابو ساميه: تم نفكر مع العرسان على الموعد بعدين
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
"اليوم اللي بعده في بداية الصباح ،عبدالله وعلي دخلوا ومعهم الفطور "
عبدالله : كيفك اليوم ياعم فيصل؟
فيصل: الحمدلله بخير انت كيف
عبدالله :الحمدلله بخير دامك بخير
علي: اليوم عاد يوم جمعة و إجازة لازم نتمشى هنا واهلنا
سعود : حلوه الفكرة والله
علي : وانت ياعمي فيصل ، بتجي انت واهلك؟
ابو ساميه: اي إن شاء الله نجي
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
العصر عند البنات
ليلى: يا ليااان جيبي التيشرت حقي
ليان اعطتها التيشرت: افف خذي حتى التيشرت ما قدرت اتهنى فيه
ليلى اخذت التيشرت : بعد تتأفين !
منال وهي تكوي  : يا ليلى بالله جيبي فرح
ليلى  : ابشري
منال: تبشرين بالجنه
"البيت كله صار اللي تكوي واللي تاكل واللي تدور نقابها واللي تلبس عيالها وو ..حوسة"
.
" و بيت ابو ساميه عكسهم تماماً هدؤ ومجهزين ويستنون الكل يخلص عشان يطلعون السيارات مع بعض"
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عند علي واريج
اريج وهي تمشط شعرها : فكرتك صح؟
علي: وش؟
اريج: الطلعة ياحبيبي فكرتك صح؟
علي : اكيد فكرت حبيبك يانور عينه
اريج بإبتسامه "متعودة على كلامه الحلو" : دامك فاضي وتعرف تتغزل لبس بنتك دامني مشغولة
علي بضحكة : ههههههههههه ابشري يا استاذة اريج
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
مر الوقت ولما خلصوا الكل و ركبوا السيارات ..
فارس/ ابوه ، منال ، عياله وعيال اميرة
علي/ سعود ، اريج، عيال فراس
عبدالله/ خالته، تيماء ، ليلى ، ليان
وابو ساميه / اخذ اهله
(وصلوا منتزة ***)
قعدوا يسولفون ويضحكون والكل فرحان
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عند جلسة الرجال
ابو ساميه اشر لـ ابو فارس على عبدالله وابو فارس اشر له بفهم وقام: ياعبدالله
عبدالله: سم يبه
أبو فارس: سم الله عدوك .. عادي تجي معي شوي نمشي
عبدالله بإستغراب : اي اكيد بسـ..
أبو فارس قاطعة: بلا بس وغيرة ،بتمشي معاي ولا لا؟
عبدالله قام : اي اي اكيد
"مشوا خمس دقايق بدون ولا كلمه"
عبدالله: يا يبه فيك شئ ؟
ابو فارس: لا ياوليدي بس بكلمك في موضوع
عبدالله: امر يبه
ابو فارس: ما يامر عليك عدو ، بس ودي اشوفك متزوج ومستقر وعيالك حولي قبل يصيرلي شي
عبدالله: يبه والله لاحقين بس انت وش فيك؟
ابو فارس: والله مو انا اللي فيني عمك فيصل..
عبدالله: عمي فيصل!
ابو فارس: ايه عمك فيصل ..طلعت الفحوصات اللي شفناها ان فيه مرض قلب وعمك فيصل يبي يزوجك بنته وديان وما يثق الا فيك
عبدالله بصدمة : نعم ! .. يبه انت عارف اني مراح اوافق صح؟
ابو فارس: ادري عشان كذا عطيتك علمتك بمرضة وهو قال لا تعلم احد ، واذا تبي نظرة شرعية ماعندنا مانع اهم شي توافق وانت ساكت
عبدالله : بسـ..
ابو فارس قاطعة : لا تقول بس ، روح فكر قدامك يومين واذا تبي رضاي وبري لا تمسح وجهي بالارض ياوليدي
"راح ابو فارس وخلى عبدالله اللي واقف ومصدوم"
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
جاء ابو فارس لوحده وسعود مستغرب ان عبدالله ما جاء معه : يا عم وين عبدالله ؟
ابو فارس وهو يأشر لنفس المكان اللي تكلموا فيه: شفت ذاك الكشك؟
سعود: اي
ابو فارس: تلقاه حوله يقول بقعد لوحدي اشوي
قام سعود يركض : انا بروح له
.
قرب ابو ساميه من ابو فارس وهمس : قلت له؟
ابو فارس: اي ويقول بيفكر ويستخير يومين ويرد لنا خبر
ابو ساميه: يارب يوافق
ابو فارس: قلت لـ بنتك؟
ابو ساميه: لا لا الحين بقولها
ابو فارس: اجل قم وقولها
ابو ساميه قام : طيب
"ابو ساميه نادا وديان وقالها تعالي نتمشى شوي"
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عند سعود بعد ما دور عبدالله وتعب لقاه يمشي وساهي: وين الاخو ساهي؟
عبدالله: تمدري والله يارجال
سعود :يا ادمي انا من اليوم ادورك تعبت ، وفي الاخير القاك ساهي وتقول مدري ! ،يأخوي انت عارف ان بإمكانك تقولي صح؟
عبدالله: اي والله عارف بس مدري كيف بقولك
سعود جلس وجلس عبدالله جمبه : يا عبدالله قول بالطريقة اللي تعرف تقولها وانا ان شاء الله بساعد اذا قدرت
عبدالله: مراح تقدر لأني انا ماقدرت وانا بعد مراح تقدر
سعود :طيب قولي
عبدالله: ابويـ...(علمه السالفة كاملة )
سعود بصدمة:اصبر اصبر الحين انت ما نسيت صح؟ ،كذا ما رضيت بالزواج
عبدالله بتنهيدة : يا سعود كيف بنسى حبه؟
سعود : يا عبود لا توقف حياتك عشان وحده ما تسوى ،انساها يأخوك
عبدالله ببحة :" يا سعود لو تدري عطتني من المحبة امل وراحت على بالها اني مع الوقت بنساها "
سعود : اي اجل ما سمعت رد راشد الماجد على خالد عبدالرحمن يقول " ماكل من حبك ياخالد يبيك
‏بعض المحبة ما وراءها غير الجروح".. وهذي انا اقولها لك ياعبدالله
عبدالله: اجل كيف انسى ذي الجروح؟
سعود: يأخوك تقبل خيانتها وتنسى
عبدالله: انا مقدر وش اسوي مقدر ياسعود
سعود: تزوج وتنساها
عبدالله بسخريه : هههه تمزح صح؟
سعود : لا ما امزح ، وافق
عبدالله: انت تستهبل اقولك انا ما نسيتها تقول اتزوج!
سعود: اذا تزوجت بتنساها
عبدالله: لا ،غلطان يا حبيبي ماراح انساها راح اظلم البنت معي
سعود : اقول ان شاء الله مانك ظالمها وترى كثير تزوجوا قبلك وهم ما نسوا اشخاص خانوهم ونسوهم بعد الزواج وعاشوا حياتهم
عبدالله: اعرف والله بس اخاف اجرحها ولا اظلمها
سعود : لا لاتخاف ان شاء الله مانك جارحها ولا شي
عبدالله: المشكلة اني مانسيتها ذي السنتين كاملة ،بنساها يوم اتزوج؟
سعود: يأخوك والله اذا تبي رأيي بقولك تزوج والله يوفقك
عبدالله: بفكر ان شاء الله
سعود: اجل قم بنروح نشتري ايسكريم مشتهيه
عبدالله: يوو حتى انا
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
" ابو ساميه علم وديان انه بيزوجها ولد صديقه "
وديان : يبه مابي اتزوج
ابو ساميه: بكره يابنيتي اذا صار لي شي من بيكون ولي لكم؟
وديان: بعيد الشر عنك يبه ،يبه حنا ما نحتاج احد ولا تنسى ان ساميه مع العلاج الفيزيائي بدت تحرك يدها شوي وان شاء الله نكمل حياتنا مانحتاج احد
ابو ساميه: ادري بس يابنيتي انا ابي اشوفك انتي بالذات متزوجة اب اشوفك بالفستان الابيض ابي افرح فيك يابنيتي
وديان: تكفـ..
ابو ساميه قاطعها: لاتقولين تكفى فكري ورديلي خبر بعد يومين
وديان: ابشر يبه
ابو ساميه شاف سيارة اليسكريم جمبهم: تعالي نشتري ايسكريم
"في نفس الوقت وصلوا سعود وعبدالله لـ سيارة الايسكريم "
شاف ابو ساميه عبدالله وسعود بضحكة  :هههههه من وين طلعتم انتم
سعود : جاين من هنا كنا نتمشى و قلنا بنشتري ايسكريم
ابو ساميه: اجل بالعافية
عبدالله: تعال اطلب قبلنا ياعم
ابو ساميه: لا لا اطلبوا انتم اول
سعود : ياعم عادي اطلب قبلنا
ابو ساميه: مشكور والله
.
ابو ساميه قاعد يطلب وناظر عبدالله في وديان نظره وشال عينه و وديان ناظرت فيه طول ما هم واقفين و اول ما حست ان ابوها خلص لفت على ابوها وراحو
وطلبوا سعود وعبدالله ولحقوهم للجلسة وجلسوا شوي والبنات يلعبون ( اونو )
.
اميرة : مين يبي شاهي؟
وديان: انا
اميرة صبت لـ وديان وعطتها: خليها في يدك عشان البزران لا يجرون ويكبون الشاهي ويحرقهم
وديان : ابشري
"وبعد ثواني تقريباً"
فجأة قعدت وديان تناظر لـ عبدالله كيف يضحك وكيف علاقته مع سعود وعلي بالذات وكيف ذا راح يصير زوجها وتساؤلات كثير خربها صوت ليلى بهمس: وديان وش فيك تناظرين هناك؟
وديان فزت وانكب الشاهي على يدها وكان حار مره وصارخت
والكل تجمع عليها
ام ساميه: في موية باردة ولا ثلج ؟
ام سعود : اصبري بشوف عبدالله ،اول شفته شاري ثلج بجيب لك 
"ام سعود نادت عبدالله وجاء"
ام سعود: ياعبدالله عطنا ثلج
راح عبدالله وجاب الموية المثلجة وعطاهم
اخذت ام ساميه: شكرا
عبدالله: العفو (وراح)
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
بعد اللي صار بشوي راحوا البنات يتمشون ( تيماء -ليلى- وديان - ليان )
ليلى : تصدقون ودي في وافل
ليان : والله ما اخليها في خاطرك نروح نشتري من ذاك الكشك
ليلى : كفوو
ليان: كفوك الطيب
تيماء : بنات انا تعبت برجع
ليلى : اجل انتي ارجعي وحنا بنشتري اكل ونتمشى شوي ونرجع
"تيماء راحت ، و وصلوا الكشك وراحت ليان تشتري و وديان وليلى جالسين بالكرسي "
ليلى بهمس: كنتي تناظرين عبدالله صح؟
وديان ارتبكت : ها ! ، وش! ، متى ناظرت! ،ومين عبدالله ؟
ليلى: وديان قولي الحقيقة عادي ماعليك انا مراح اعلم احد ماعليك
وديان: صراحة .. اي كنت اناظرة
ليلى بإبتسامه خبث وغمزه : خقيتي عليه؟
وديان بضحكة سخريه : هههه انا؟
ليلى:  مافي احد غيرك اكيد انتي
وديان : لا لا ما خقيت، لاتخافين على اخوك خليته لك
ليلى: اذا ما خقيتي وشوله تناظرين فيه؟
وديان لفت يمينها بهمس خفيف ينسمع : انا لو مو داريه انه احتمال يصير زوجي المستقبلي ماكان ناظرت
ليلى: ايش!
وديان: سلامتك ياروحي
ليلى : سمعتك سمعتك قلتي زوجي والله
وديان: لا لا فاهمه غلط
ليلى: والله لو ما تتكلمين بروح اقول لـ عبدالله
وديان اتوترت : خير لا ليش وش دخله هو!
ليلى: اجل تكلمي
وديان: ياليل والله مجبورة اقولك ،بس لا تقولين لأحد
ليلى: قلت وراك شي بس ما تتكلمين
وديان : ابوي وابـ...
"جت ليان ، وسكتت وديان "
ليان : اش فيكم!
ليلى: وديـ..
وديان قاطعتها : مافينا شي بس نسولف
ليان : اجل يلا نمشي
وديان بهمس في اذن ليلى: اعلمك بعد شوي
ليلى: طيب
"وصلوا البنات وقعدوا دقايق "
وجت ليالي تسحب وديان: يلا قومي
وديان قامت: طيب
"مشوا شوي "
ليلى : اي؟
وديان تنهدت : ابوي وابوك يبون يزوجونا ومدري ليش بس ابوي قالي انه مايثق في احد انه يحميني الا عبدالله وانه يبي يشوفني عروسة ويبي يشوف عيالي وبعد يومين يبوني اقرر ، وانا قبل شوي ناظرت فيه ابي استوعب وابي اشوف تصرفاته بإختصار ابي اتعود عليه لاني مقدر ارفض طلب ابوي خاصه لما قال عشاني وافقي
ليلى بصدمة : وعبدالله يدري!
وديان : مدري بس اكيد يدري ، واصلاً هم ما يدرون انه معي بالدوام حتى
ليلى بصدمة: بعد معك بالدوام ، (بإبتسامه خبيثة)حركات
وديان بعصبيه: ليلى!
ليلى: خلاص هههه
وديان تنهدت : الله يعينني عليك
وفجأة سمعوا صوت جري ومامداهم بيلفون الا شخصين ماسكينهم و قفلوا فمهم بـ منديل فيه مخدر واغمى عليهم...
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عبدالله وعلي وسعود يمشون..
علي: بس صادق سعود ياعبدالله وافق اريحلك
عبدالله: يارجال لنا ساعة نتكلم عن نفس الموضوع غيروه
سعود: ياعلي خله يعيش اخر ايام عزوبيته
عبدالله صقع سعود بالقارورة: سكر حلقك احسلك
"وكملوا مشي وسوالفهم وطقطقتهم ما تخلص "
فارس دق على علي: علي
علي: ها؟
فارس: يلا ابوي يقول تعالوا شغلوا سياراتكم بنمشي
علي: يلا يلا جايين
عبدالله: وش فيه؟
علي: بنمشي
سعود: اما
عبدالله: سعود وده بقعد اش رايك يا علول نتركه هنا
علي: شف لو قلت علول مره ثانيه بخليك انت هنا بدال سعود
سعود بصوت منعم : احسن يا عبودي ههههههههههه
عبدالله بنرفزه : تكفى لعد تتكلم كذا ترا تنرفز
"وصلوا وفارس جاهم يركض "
فارس: تدرون وين اختكم؟
علي: اختنا مين؟
فارس: ليلى ما ترد على جوالها ، هي وبنت عمي فيصل
علي: يمكن تلاقيهم يمين ولا يسار يتمشون
فارس : يارجال دوارناهم من اليوم وما يردون على جوالتهم
سعود: انت متأكد دورتهم زين؟
فارس : اقولكم كلنا دورنا حتى الحريم قاموا يدورون وابوي وعمي فيصل والكل بإختصار
عبدالله: يويلي شكلك صادق
فارس : اجل تحسبني امزح
سعود حط يده على كتف عبدالله : الاخ تعود على مزحي انا وعلي شوي
فارس : اقول انتم دخلوا الافراض في السياراتكم وتوزعوا دوروهم
سعود : هاتوا مفاتيحكم انا ادخل الاغراض وانتم دوروهم
عبدالله: جوالتكم خلوها فاتحة
فارس : يلا يلا امشوا
"علي وعبدالله عطو سعود مفاتيح السيارات وراحوا وسعود دخل الاغراض وراح يدور معهم"
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عند عبدالله وعلي
عبدالله بتعب: يا علي دقيقة بجلس والله لازم نبلغ الشرطة
علي: اي نبلغهم بعدين يقولون بعد 24 ساعة او 48 ساعة ندورهم
عبدالله: اقولك من الحين ما بتلقاهم في المنتزة ،انا بطلع بسيارتي ادورهم حول المنتزة
علي :طيب وانا بدور هنا
عبدالله دق على سعود وهو رايح جهت السيارة(السيارة بعيدة شوي ):سعود
سعود : بشر
عبدالله: لا لا ما لقيناهم
سعود: طيب وش نسوي ؟
عبدالله: تعال للسيارة ونتقابل هناك، بندورهم حول المنتزة
سعود : طيب
عبدالله: انت بتسوق بـ..(وقف)
سعود: الو ، عبدالله
عبدالله بصوت باين عليه الصدمه : يا سعود تعالي سعود : وينك انت ؟
عبدالله: انا في المطقة الخالية اللي ورا سيارت الاسكريم
سعود: خلك خلك انا بجايك
"سعود جاء لـ عبدالله وهو يركض "
سعود : وش فيك ؟
عبدالله معه شنطة خضراء : ذي الشنطة لقيتها طايحة هنا والشنطة مو حقت اختي ليلى، تهقى شنطة بنت عمي فيصل؟
سعود: يمكن،...فتحتها انت؟
عبدالله: لا
سعود : اجل افتحها وشوف اسمها وقفلها بس عشان نعرف
عبدالله : طيب
"عبدالله فتح الشنطة و شاف عطر واغراض.. وشاف كمان جوال ومحفظة واخذ الجوال والمحفظة "
عبدالله: يا سعود دق على ابوي
دق سعود على ابو فارس: ها لقيتوهم؟
عبدالله اخذ الجوال: لا ، يبه عمي فيصل عندك؟
ابو فارس: اي
عبدالله: عطنياه
ابو ساميه : سم يا ولدي
عبدالله: انت تعرف اش لون شنطت بنتك؟
ابو ساميه : اي ، خضراء
عبدالله وسع عيونه بصدمه : طيب دق على جوال بنتك وخلك معي بالخط
ابو ساميه: طيب
"دق ابو ساميه على وديان ورن جوال وديان اللي مع عبدالله "
اول مادق الجوال ومكتوب(ابوي نور عيني)غمض عبدالله عيونه بقوه وتنهد: ياعم
ابو ساميه: سم
عبدالله: سم الله عدوك، ااا..بنتك جوالها معنا
ابو ساميه: كيف!
عبدالله: لقينا شنطة خضراء طايحة في المنتزة وطلعنا الجوال والمحفظة بس ما فتحناها حبينا نتأكد وتأكدنا انها شنطة بنتك
ابو ساميه بصدمة : يعني...بنتي مخطوفة!
عبدالله: يا عم ارتاح والله اني برجعها لك تكفى لا تخاف
واصلاً حتى اختي معها وانا بلقاهم وعد مني لك تكفى هد ولا تشيل هم
"سمع عبدالله صوت صراخ من الجوال عرف ان ابو ساميه اغمى عليه ولا صارله شي "
عبدالله جلس على الارض ونزل راسه وحط يدينه على راسه ويدعي : ياهادي الضالّة ورادَّ الضالّة أسألكَ بعزّتكَ وسُلطانكَ أن تصلي على محمدٍ وآل محمد وأن ترُدّهم لنا فإنهم من عطاياكَ وفضلكَ ورزقكَ. يا منْ لا يخفى عليه مكتومٌ ولا يَشُذ ُّ عنهُ معلومٌ ولا يُغالبهُ مَنيعٌ ولا يُطاوِلُهُ رفيعٌ أردُد عليّ بقدرتكَ مافي قبضتكَ إنك أهل الخيرات ردهم لنا سالمين
سعود حط يده على كتف عبدالله وشد عيها: عبدالله توك واعده مايصير تطيح زيه،يلا قم يأخوك و روح الحق اختك وبنت عمي فيصل
عبدالله: ياسعود مقدر استوعب ان اخر العنقود و اغلى ما عندي انخطفت وانا ما بيدي شي
سعود : توكل على الله و روح اي طريق و دورهم وانا بساعدك يأخوي
عبدالله: تسلم ياسعود والله يبيض وجهك
"دق جوال سعود "
سعود: علي يتصل
عبدالله: رد
سعود رد: هلا
علي: وصلني العلم ، قم اركب انت وعبدالله السيارة ودوروا عليهم وانت بروح اودي الحريم وفارس راح يودي عمي فيصل للمستشفى
سعود: ليه وش فيه عمي فيصل؟
ملاحظة (سعود يناديه عمي من باب الاحترام)
علي: مدري بس طاح عليهم والحين بيشوفون في المستشفى
سعود: اجل خلاص الحين ماشين ندور البنات
"راحوا عبدالله وسعود للسيارة وقعدوا يدورون ومرت ساعتين "
عبدالله: اصبر رجعنا محلنا اللي لقينا فيه الشنطة
سعود : ليه؟
عبدالله: اكيد في شي ثاني طاح منهم ونقدر نتبع الجهه ولا نلقى كاميرات ولا اي شي
سعود: ياعبدالله دورنا ومالقينا شي وكاميرات مافي لأنه مكان خلى افهم
عبدالله غمض عيونه بهدوء واخذ شهيق وزفير يبي يفكر زين"فتح عيونه وناظر سعود" : سعود اش تتوقع يسون الحين؟، وش وضعهم؟، جوعانين ولا خايفين؟
سعود: اخخ يأخوك والله مدري
"بعد دقيقتين تقريبًا "
فجأة صرخ عبدالله: وقففف ياا سعووود
سعود ضغط فرامل بسرعة : وش فيك!
عبدالله وهو يناظر لـ شخص يمينه يركض بإتجاه الطريق : اصبر في احد هنا يجري
سعود :طيب؟
عبدالله نزل : انت خلك هنا انا بشوف وارجع
سعود : اصبر لايخطفونك زي الافلام وابتلش
عبدالله: ياخي اهجد هنا محد خاطفني
سعود : طيب طيب انا انتظرك هنا
"عبدالله مشى اشوي وتفجأة بالشخص اللي يجري "طفل" ضمه "
الطفل بتعتعه : سساعدني
عبدالله: ياحبيبي وين ماما وبابا
الطفل : مدري
عبدالله شاله : طيب حبيبي تعال ندور ماما وبابا
"عبدالله ركب السيارة ومعه الطفل"
سعود: عبود مين ذا؟
عبدالله: مدري بس كان يجري واول ما شافني ضمني وقال ساعدني ويقول مدري وين ماما وبابا ، لازم نوديه الشرطة
سعود :اجل يلا مشينا
"بعد ساعة تقريباً"
الشرطي (سياف) : طيب دامك يا بابا خلصت اكل ممكن أسألك كم سؤال وجاوب ولا تخاف عشان نساعدك ، وين ومتى اخر مره شفت امك وابوك ، و وين كنت اصلاً ؟
الطفل (ياسر) بتعتعه: احنا كنا في المنتزة نشتري ايسكريم وما لقيت ماما ورحت ادورها وما لقيتها وفجأة رجال شالني وحط في فمي منديل و صحيت في غرفة مافيها لمبه وجمبي ولد صغير و بنت على قد اختي
عبدالله: طيب كم عمر اختك؟
ياسر : 13
سياف : طيب وبعدين كيف هربت و وش صار؟
ياسر : قعدت كم يوم بس مدري لأنه ما يطلعونا برا ولا نشوف الشمس حتى و قبل كم ساعة دخلوا بنتين كبار وصحت وحده منهم وانشغلوا الرجال معها وانا سويت اني نايم وهربت من دون يدرون
عبدالله بصدمة وبصوت عالي : بنتين! ، قبل كم ساعة!
سياف : وشفيك انت؟ ضايعلك احد ؟
عبدالله: اي اي بنت صديق ابوي واختي من اليوم ندورهم في المنتزة وما لقيناهم بس لقينا شنطت بنت صديق ابوي وكنا ندورهم ولقينا ذا الولد
سياف لف على ياسر : ياحبيبي اوصفلنا شكل وحده من البنات ولا شنطهم ولا اي شي
ياسر : اي فكو الرجال طرحهم وكانت وحده منهم شعرها قصير هي اللي صاحت وعشان الظلمه ما شفتهم زين
عبدالله: طيب قالت شي ولا حاجة؟
ياسر : مدري بس اتذكر قالت وديان ورجعت صاحت وقالت ابوي واخواني بيلقونا وبخليكم تندمون على الساعة اللي خطفتونا فيها
عبدالله بصدمة: انت متأكد قالت وديان!
ياسر : اي
سياف: هم المخطوفين وش اسمائهم ؟
عبدالله : وديان وليلى
سياف (يكلم ياسر ): طيب تتذكر طريق المكان اللي جيت منه؟
ياسر : اذا ودتوني نفس المكان اللي اخذني منه الرجال يمكن اقدر اوصف لكم
سياف : اي صح يا ياسر انت كم عمرك؟
ياسر : 9
سياف : اجل يلا مشينا ، ...ارسلوا الفريق ورانا
عبدالله اخذ ياسر و راح عند السيارة وركب بسرعة : سعود روح عند نفس المكان اللي اخذنا الولد منه
سعود: طيب بس ليش؟
عبدالله: الرجال اللي خطفو وديان وليلى هم نفسهم اللي خطفوا الولد ذا
سعود: كيف!
عبدالله: مدري بس امش ونشوف الشرطة بتمشي ورانا
"وبعد ربع ساعة تقريبًا "
عبدالله على الجوال : الولد يقول وصلنا المنطقة الحقوا ورانا بكل هدوء عشان ما يقدرون وينحاشون ولا يسون شي في احد
سياف : ابشر (قفل المكالمة) ،.. الحقو السيارة بكل هدوء عشان ما يحسون الحراميه
.
دق جوال سعود: الو
سعود: هلا
علي: وينكم؟
عبدالله اشر لـ سعود لا يقول : اصبر اشوي وجاين
علي: اجل استعجلوا
سعود : وراه نستعجل؟
علي: ابوي يبيكم
سعود : طيب
قفل سعود وناظر عبدالله: ابوك ينادينا
عبدالله : انت كمل طريقك وابوي راح ينبسط اذا شاف بنته بس خل نلقاها
"بعد ثواني .."
ياسر : وقف وقف
"وقف سعود"
ياسر: هنا
عبدالله: وين؟
ياسر اشر لـ وحده من البيوت : في ذا البيت تحت
عبدالله: تحت..؟
ياسر : تحت يخبونا
عبدالله جاهم سياف : ليه وقفتم؟
عبدالله علمه ، سياف : طيب يا عبدالله انتم لا تتحركون من السيارة ولا حركة
عبدالله: اقل شي انا اجي
سياف : اسف يا عبدالله ما نقدر
عبدالله: يارجال بجي ولا تشيل همي واذا على المسؤولية بكتب في ورقة اني انا المسؤول عن اللي يصير لي
سياف : اقول خلك هي مو قصة مسؤولية ولا لا بس انت خلك هنا
عبدالله: والله رجلي برجلكم
سياف: يأخوك لا تحلف
عبدالله: والله انا بنفسي بنقذهم زي ما وعدت ابوي وعمي فيصل
سياف : اجل اسمع تعال بس احذر وكون وراي
عبدالله: طيب
حاوطوا الشرطة البيت وكسروا وحده من الشبابيك ودخل الشرطي سياف ومعه اثنين من الشرطة و وراهم عبدالله
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عند وديان وليلى
صحت وديان وهي يلا يلا تشوف : لـ..ليلى
ليلى لفت : وديان اخيراً صحيتي
وديان: ايش في؟
ليلى: انخطفنا
وديان صارخت : لالا رجعونااا
ليلى : يختي مراح ينفع الصراخ واصلاً في بنت و ولد صغار معنا هنا مو بس حنا ، بس انا متأكدة ان اخواني بيلقونا..مستحيل ينامون الا وهم لاقيننا
وديان: واذا ما لقونا
ليلى : عادي
وديان بصدمة من برودت دم ليلى: ليللللى!
ليلى: وش؟
وديان: تستهبلين صح؟
ليلى: لا
وديان : اخخخ انتي شكلك بتجلطيني !
ليلى: يختي ارتاحي بس اخواني بيلقوني ولو كلفهم الامر حياتهم
وديان: طيب افترضي ان ما لقونا ؟، ولا افترضي لقونا بس قبل يلقوننا ذول اللي خطفونا يسون لنا شي ؟
ليلى: ماعليك محد مسويلك شي واخواني اذا ما لقوني اليوم يلقوني بكره لا تشيلين هم
وديان : اش يأكدلك انهم ماهم مسويلك شي؟
ليلى: عشاني وريتهم قبل اشوي نجوم الليل في عز الظهر
وديان: ياويلييي
ليلى: المهم ارتاحي بس اذا جو ولا سمعتي اي صوت صارخي بقوة بس
وديان : ذي نجوم الليل اللي سويتيها؟
ليلى: اي
وديان : ليلوا اهجدي بس
ليلى: ابشري يا وديانوا
وديان: وشوله تقلديـ...."صوت قزاز ينكسر"
ليلى:وديان صارخي
وديان:طيب
"وصارخوا"
.
بعد ثواني من دخولهم ،سمعوا الصراخ..
عبدالله: تسمعون؟
سياف: ايه نسمع
عبدالله: اجل وش تنتظرون الحقوا الصوت
سياف : ياعبدالله اصبر بتأكد ان ذا مو فخ ولا هم متخبين في اي مكان
عبدالله: اقول انا بلحق الصوت
سحبه سياف بعصبيه: تستهبل انت!
عبدالله: لا بنقذ اختي
سياف : لا انت جد تستهبل خلك ورانا وانت ساكت
عبدالله: لمتى؟
سياف : لين نتأكد ان المكان مافيه احد
بعد ثواني..سياف شد عيونه :عبببدالله  انتبهه
"لف عبدالله وراه وشاف شخص على وشك انه ينط عليه بسكينه و بعد بسرعه "
طاح الحرامي ومسكة سياف: امسكوه
"ودخلوا اثنين من الشرطة واخذوه "
~بعد دقايق~
دق سعود على عبدالله :وينكم
عبدالله: جوا
سعود: اجل انتبه زين ودق علي على طول اول ما تلقونهم
عبدالله: ابشر ، الا اسمع عادي تسأل ياسر كم شخص هم ؟
سعود سأل ياسر: يقول 3
عبدالله: طيب قفلوا السيارة وانتبهوا
سعود: ابشر..
لف عبدالله على سياف : يا شرطي
لف سياف: ها ؟
عبدالله: 3
سياف: ..؟
عبدالله: عددهم 3 يقول ياسر
سياف : مشكور
عبدالله: ولو
سياف :عموماً بإمكانك تناديني سياف ما يحتاج رسميات
عبدالله: ابشر
سياف: تبشر بالخير
.
وديان بثقل تنفس : تـ..ـعبت
ليلى: حتى انا بس تحملي ياوديان اصلاً احس في احد يمشي فوق
وديان : ابي ...مويه
ليلى: ودياننن
فجأة انفتح الباب بقوة وصرخت البنت اللي معهم
دخل احد الحراميه ومعه سكين : راح تندمون انتم الثنتين على صراخكم
ليلى: وش بسوي يعني ؟
الحرامي(ناصر): انا الحين بوريك اش اسوي
"دخل الثاني و رمى على وديان مويه وشربت المويه"
ناصر: مسكوه؟
الحرامي (منصور): اي
ناصر : اصبروا والله راح اقتل اخوكم قدامكم
ليلى بصدمة: اخونا؟
ناصر: ايه اخوكم ذاك اللي جاب الشرطة
ليلى ببكي : اا..اخوي؟
           ~ملاحظة: هم مايدرون مين اللي جاب الشرطة بس عشان ليلى عندها اخوان و وديان لا~
وديان : لو سمحت لا تكفى لا تسون فيه شي تكفون
ليلى قامت بغضب وبصوت عالي : لا تترجينهم يا وديان اخوي مراح يموت وانا استودعه الله والله ما يخيب عباده وانـ..
ناصر قفل فمها بسرعة وبغضب وهو شاد على اسنانه: انتِ ما تعقلين ..اقولك اسكتي لا تتكلمين اسكتتتتي
.
سمعوا صياح ليلى ، عبدالله : ذي اختي !
سياف : اصبر ترا ناوين يقتلونك
عبدالله : ماهموني
سياف: لا تتحرك بنهجم عليهم
عبدالله: طيب
"نزلوا القبو بهدوء "
(وفي نفس الوقت سمعوا خطواتهم الحراميه )
فتحوا باب القبو بسرعة واسلحتهم موجهه بكل مكان وشافوا مافي غير وديان وليلى ونظر سياف بصدمة:وديان !
وكان بيتحرك عبدالله ورجعه سياف بسرعة وراء اول ما لاحظ نظرات وديان لـ وراء الباب
واشر للشرطيين اللي معه يدخلون بسرعة ويوقفون جمب وديان وليلى وفي لحظة سبقوهم ناصر ومنصور وكل واحد مسك وحده وحطين على رقبتهم سكين
ناصر : تبونهم يموتون؟
عبدالله بصراخ مع غضب : اتركوهم
ناصر: لا لا حبيبي مو بذي السهولة
سياف: اش تبي؟
ناصر : تتركوننا ونعطيكم البنات
سياف: مستحيل!
عبدالله: والله لو ما تتركونهم لأندمكم على الساعة اللي انولدتوا فيها
منصور: شف من يتكلم ، ياحبيبي ترا اخواتك بيدنا
سياف بغضب : حلو وانتم تدرون انكم ما سكين اغلى انسانه بالنسبه لي
ناظره عبدالله بغضب لـ سياف : ايش؟ مين؟
سياف : و..
"قاطعهم صرخت منصور اللي عضته ليلى "
ركضت ليلى ورا عبدالله وحطها ورا سياف وتقدم : اتركوا وديان
ضحك ناصر :هههه انا مو زي منصور افك من اول عضه
تقدم عبدالله شوي بهدوء : لا تجرب تتحداني
ناصر: انت بعد شوي ولا راح اخليك تندم على كل خطوه خطيتها
وقف عبدالله: ها ، خفت؟
ناصر : تخسي اخاف منك
"وخلال ثواني عبدالله اشر ورا ناصر بملامح مصدومه ، وفي لحظة لف ناصر وبحركة سريعة من عبدالله ضم وديان وسحبها ودف ناصر على الارض وطاح هو وفي حضنه وديان والّتوت رجله واغمى عليه من قوة الالتواء ،وبسرعة مسك سياف والشرطة اللي معه ناصر ومنصور "
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
"وبعد ساعتين " وتحديدًا في المستشفى..
ليلى دخلت: عبدالله تحس بألم ولا شي؟
عبدالله: يختي والله ما فيني شي بس بطلع
ليلى: لا مافي طلعة
عبدالله: وشوله ؟
ليلى: مو انا اللي اقول ، الدكتور يقول
عبدالله: طيب علمتوا ابوي وعمي فيصل
ليلى: هههه لا تخاف خلينا البشارة لك انت ورجلك الملتويه
عبدالله : تتمسخرين؟
ليلى: لا ههههههههههههههههه
عبدالله: اقول اذلفي بس الحين سعود بيجي
ليلى : طيب.."وطلعت"
"بعد دقايق " دخلوا سياف و سعود
سعود بضحك : يازينك انت رجلك ملتويه هههههه
عبدالله: ها جاء الثاني ، الله يصبرني بس
سياف:هههههه ، المهم الحمدلله على السلامة
عبدالله: اخيراً يارب لقيت احددد محترم
سياف وسعود: ههههههههههههههههههههههههه
سياف : اي صح شكرا عشانك انقذت وديان
عبدالله: وش اللي شكرا حسستني اختك ولا زوجتك ما انقذتها الا عشان عمي فيصل
سياف بضحك قوي: ههههههههههه الحين انت صدق ما تدري ايش اقرب لـ وديان ؟
عبدالله تذكر يوم قال (وانتم تدرون انكم ما سكين اغلى انسانه بالنسبه لي ): دقيقة يوم قلت اغلى انسانه لي قصدك وديان؟
سياف: ههههه اي اي استيعابك بطيء بس ذاكرتك قويه
عبدالله بإستغراب: اغلى انسانه كأي حد ؟
سعود : اصبر يعني هي وديان بنت عمي فيصل ، هي وديان الزوجة المستقبليه لـ عـ...، اقصد يعني تقربلك؟
عبدالله ناظر لـ سعود نظرة حادة لدرجة لاحظها سياف
سياف: زوجة مستقبليه! مين ان شاء الله سعيد الحظ؟
ضحك سعود وكان بيأشر لعبدالله في لحظة كان بيتكلم و وقفته نظرات عبدالله الحادة: لخبطت مو زوجة احد
سياف ضحك ضحكة خفيفة: ههههه انتم تعرفون شي ما اعرفة بس عادي اسأل وديان
عبدالله فجأة : لا لا ليش تسألها ؟ ، مايحتاج ! ، ثاني شي انت اش تقرب لها عشان تسألها؟
سياف: اي ما علمتكم ، وديان تصير اختي
ناظر سعود بصدمة: كيف اختك عمي فيصل ما عنده اولاد
سياف: لا لا ابوها مو ابوي وامها مو امي ، يعني امي رضعتها وهي تصير اختي بالرضاعة وهي اختي الوحيدة وامي متوفيه كذا قلت انها اغلى انسانه بالنسبة لي
عبدالله: اهاا
سياف: المهم دامكم ماتبوني اسألها ، لازم تعلموني ولا اسألها
عبدالله: يا رجال مافي شي نعلمك به ،سعود بس لخبط
سياف بإبتسامه هاديه : عبدالله ترا واضح انكم مخبين شي
عبدالله بعصبيه : والله لأوريك يا سعود والله
سعود: مالي دخل طلعت من فمي الجملة بالغلط
سياف: ها قررتم تعلموني؟
عبدالله: اصبر خل اهاوش ذا الحمار وافكر
سياف: بالله؟
سعود همس في اذن سياف : يارجال تبي تعرف السالفة خله يهاوش وتعرف
سياف ضحك: ههههههه ابشر
عبدالله: انا غبي يوم علمتك!، ليش فضفضت لك اصلاً الحين مانكبتنا الا عند اخوها ، ياليتك منكبنا عند ابوها ارحم
سعود: اي عشان يزفكم على طول
عبدالله رمى قارورة المويه على سعود: انت ما تترك خباثتك؟ ، وشوله يزفنا وحنا ما انخطبنا حتى؟
سياف بإبتسامة خبث : اي حبيبي طلعت انت سعيد الحظ
عبدالله: يا سياف والله فاهم غلط انـ..
قاطعه سياف بخبث: انت ناوي تخطب اختي ؟
عبدالله: لا لا انا بفهمك والله منت فاهم..
سياف: الحين بسألك انت ليه خايف والله ماني مسويلك شي واذا قصدك اعلم وديان لا تخاف مابعلمها
عبدالله: مو ذا ولا ذاك انا بفهمك ، ابوي قالي امس انوا عمي فيصل يبي يشوف بنته عروسة قبل يموت وما يقدر يأمنها على اي احد و يبيني اتزوجها وبس كذا قال سعود انها زوجتي المستقبلية وانا لسى ما وافقت افكر وهي مدري عنها خفت تعلمها وهي ما تدري وتفهم غلط
سياف : اي ما عليك مراح اقولها ، وانصحك اتزوجها والله مراح تندم ابداً لأنها سنعه واخت سياف وبنت فيصل وان شاء الله تكون زوجة عبدالله
سعود : ان شاء الله ههههه
عبدالله: اصبروا وش اللي ان شاء الله لا تجلطوني انا توي ما فكرت
سياف: ما عليك وافق وعلى ضمانتي
سعود: والله انك كفو من اول اقوله وافق
سياف : اصلاً لايقين على بعض
سعود: انا واثق مليون بالميه بعد سالفة المناوبة
سياف : مناوبة ايش؟
عبدالله انجلط: انت بس وظيفتك في الحياة تفضحني؟
سعود: يو بالغلط
عبدالله بعصبيه : معد تقدر ترقعها يا حبيبي ،وانا بستأذنكم انسدت نفسي من الفضايح "طلع"
سياف ناظر في سعود بحده : انت ليش تفضحه؟
سعود: يارجال بالغلط!
سياف: لعد تفضحة تسمعني..، المهم علمني الحين ايش سالفة المناوبة؟
سعود بصدمة: انت توك تهاوشني عشان فضحته
سياف : ما عليك مني بس علمني وانت ساكت
سعود: ..."يعلمه"
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عبدالله وهو يمشي بـ(عكاز الكوع) شاف وديان وليلى
عبدالله: ليلى
جته ليلى تركض: ها سم
عبدالله: سم الله عدوك ، بالله كلمي الدكتور يكتبلي خروج طفشت وبروح افرح ابوي اكيد قلق علينا
ليلى: طيب بـ...
قاطع كلامهم واحد كانوا ماسكينه الشرطة من كل جهة على اليمين واليسار ويديه مكبلة اصفاد كان ناصر  اللي سبب دخوله المستشفى هي ضربت راسه لما دفه عبدالله
ناصر بضحك يوم قرب من عبدالله: هههه اختك ليلى ترا تفتن من جمالها الزائد
وقف عبدالله وعيونه صارت حمره من قوة الغضب وحاول يسيطر على نفسه بس في لحظة هجم على ناصر وسط الشرطة ومحد قدر يوقفة غير سياف دخل بينهم ودف ناصر ومسك عبدالله وجلسه وهو ماسكة
عبدالله بصوت عالي وعصبيه : فكني يا سياااف مقدر اتحمل كلامه تكفى فكنيي محدددد يحق له يقول عن اختي كذااا
سياف : اش قال؟
عبدالله : قال كلام ما ينقال ، وعن مين ! عن اختي! والله لأخليه ينـ..
قاطعة سياف: تعوذ من بليس خلاص طنشه
عبدالله يحاول يهدى : اعوذ بالله من الشيطان الرجيم
سعود جاء يركض : اش صار؟
سياف : بعدين نعلمك
عبدالله غمض عيونه بقوة من شدة الّم رجله اللي من الغضب ما حس فيها
شافته وديان : فيك شي ؟ تحس بشي في رجلك؟
فتح عيونه عبدالله وهو يناظر وديان وبعد ثواني استوعب ولف عينه عنها : لا مافيني شي
سياف: يارجال قول في شي يوجعك ؟ عشان نكلم الدكتور
عبدالله : لا مافيني شي بس بطلع
عبدالله ناظر ليلى وهي عينها مليانه دموع : اش فيكِ؟
ليلى تمسح عيونها : مافيني شي
اخذ عبدالله عكازته من سياف وتقدم لين ما وصل عند ليلى اللي منزله راسها بحزن واحراج
عبدالله وهو يرفع راسها : ارفعي راسك يا بنت عادل محد يستحق انك تنزلين راسك وتبكين عشانه ، وانا عارف ان مالك ذنب هو اللي مفروض يتفشل مو انتي
ابتسمت ليلى بهدوء : ماعليك انا اخت عبدالله ، بس انا ما بكيت عشانه ، انا خفت عليك
عبدالله ضمها : لا تخافين وانا اخوك لا تخافين
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
بعد نصف ساعة
سياف وسعود وقفوا السيارات ونزلوا الا سياف
سعود: سياف تعال
سياف : لا انا بس جيت اوصلكم وبس، واصلاً بكره عندي دوام بنام
سعود: اقول والله تنزل وتقعد معنا ، واذا تبي نام
سياف :شكله مافي امل
سعود: ابد
سياف نزل : اجل طيب
دخلوا كلهم بيت ابو فارس اللي الكل متجمع فيه ينتظرون عبدالله وسعود اللي قالوا لهم عندنا خبر لكم
عبدالله: يا ليلى و وديان لا تدخلون اصبروا
ليلى: طيب
دخل عبدالله السيب المتجة للصالة اللي كلها حريم (اهل ابو ساميه وابو فارس وام سعود وبناتها)
عبدالله: تغطوا عندي خبر لكم بدخل
(تغطوا)
دخل عبدالله :عندي لكم بشارة
اميرة قامت بسرعة : اش فيها رجلك !
عبدالله: مافيها شي
ام سعود: يا وليدي اجل ليش تمشي بعكازة؟
عبدالله: طيب اصبروا خلوني اتكلم
ام سعود: تكلم نسمعك
عبدالله: بشارتي هي....لقينا وديان وليلى
قام الكل وكلهم يسألون[وينهم ، كيفهم، وين لقيتهم ، مين خطفهم ، اش صار لهم...اخ ]
عبدالله: اصبروا اصبروا ، الحين ذي جزاتي عشاني لاقيهم لكم ، تسون فيني كذا؟
اميرة : اخلص وينهم!
عبدالله: ليلى وديان ادخلوا ، ..انا بطلع
"دخلوا ليلى و وديان وفي لحظة جرت وديان عشان تضم امها انصدمت بـ عبدالله اللي كان طالع وطاح وقفت بصدمة "
وديان بتعتعة : اا...اسفة
عبدالله :وهو يحاول يقوم : عادي عادي
جت مسكتة ليلى وساعدته : يعورك شي؟
عبدالله: لا، روحي سلمي عليهم  بس، انا بروح غرفتي ارتاح
"عبدالله طلع"
دخلوا في سالفة وطلعوا من سالفة..
ام سعود: الا بسألكم لي عبدالله رجله انكسرت
ليلى: ما انكسرت الّتوت
ام سعود: اللي هو، المهم ليش؟
ليلى ناظرت في وديان وضحكت وهنا وديان تنرفزت من نظرتها
ليلى بخبث : عشان ينقذ اميرتنا وديانوا
ام ساميه: اما
ليلى : والله
اميرة : الحين عرفنا عبدالله انقذ وديان ، وانتي؟
ليلى بغرور: انا انقذت نفسي
اميرة : ياويلي تراك مغرورة بزيادة ،كيف انقذتي نفسك؟
وديان: عضته
اميرة: هههههههه اخيراً تحقق حلمها وعضت حرامي
ليلى : اخيراً
وديان: ليلى تعالي بكلمك دقيقة
قاموا وديان وليلى وبعدوا شوي
ليلى: ها؟
وديان بهمس : بطلب منك طلب
ليلى: امري
وديان: بالله روحي شوفي عبدالله كيف رجله احس عورته
ليلى غمزت لها بخبث: خايفة على حبيب القلب؟
وديان ضربت كتفها : لا اكيد بس حسيته من اليوم يتألم ويقاوم
ليلى بإبتسامه: ابشري من عيوني الحين اشوفه واطمنك ، واذا تبين اوصل له سلامك
وديان بعصبيه: ياويلك والله لأوريك
ليلى : ابشري الحين يوصل السلام "هجت"
وديان لحقتها بس وقفت ورجعت ورا عشان اول ما قربت تمسكها فتحت ليلى غرفة عبدالله ودخلت
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عند ليلى وعبدالله..
دخلت ليلى بسرعة وقفلت الباب وراها بقوه
عبدالله: هدي هدي شوي ترا نحتاجك
ليلى : خلاص هديت
عبدالله: ليش جايه ركض؟
ليلى: في وحده تلحقني تخاف اوصل سلامها لك لأنها ارسلتني اتطمن عليك
عبدالله بإستغراب: مين؟
ليلى: وحده الله يستر عليها بس بتعرفها قريب ان شاء الله
عبدالله: طيب قولي لها عبدالله مافيه شي
ليلى  فتحت الباب بتطلع : طيب "طلعت"
عبدالله ضحك على ليلى وتأكد انها احد مرسلها وما كانت تمزح لانها لو تمزح ما طلعت على طول كان تطمنت عليه اقل شي
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
طلعت ليلى و هي تمشي بالسيب مسكتها وديان
وديان : قلتي له؟
ليلى: اي
وديان : مالي خلق مزحك قولي الصدق
ليلى: والله قلت له في وحده ارسلتني اتطمن عليك بس ما قلت اسمك
وديان ضربت كتفها : غبية انتي! ليش؟
ليلى ضحكت : ههههههههه عادي اذا تبيني اقول اسمك رحت وقلته ما عندي مشكلة
وديان : لا خلاص امشي قدامي ، معد استامنك
ليلى: المهم يقول لك عبدالله مافيه شي
وديان: دقيقة..انتي قلتي له وقلك مافيني شي وطلعتي؟
ليلى: ايه
وديان: غبيه انتي! ، اقولك هو من اليوم كأنه يتحمل الوجع تقولين خلاص قال مافيني شي!
ليلى: يعني ارجع؟
وديان : اكيد ارجعي حبيبتي
ليلى : من عيوني
وديان : ياويلك تقولين كلمه
ليلى: خلاص بسكر فمي
وديان : احسن شي
دخلت ليلى الغرفة وما تكلمت حرف وقربت من رجل عبدالله اللي انصدم من سكوتها من اول ما دخلت
عبدالله بصدمة : اش فيكِ؟
ليلى لا زالت ساكته
عبدالله : تكلمي تكلمي
ليلى: ماني قايله شي
عبدالله: ليش؟
ليلى: الاخت ارسلتني مره ثانيه تقول لا تقولين كلمه بس شوفي رجله فيها شي ولا لا وياويلك ترجعين وانتي ما تطمنتي على رجله
عبدالله: مين هي؟
ليلى: ما اقدر اقول ، بتقـ/ـطع لساني وقتها
عبدالله: عادي قولي بأذني ماراح تدري
ليلى: لا
عبدالله: قولي
ليلى: مقدر
عبدالله: اول حرف؟
ليلى: بتعرفها
عبدالله : ما عليك ما بعرفها
ليلى : متأكد ؟
عبدالله: اي
ليلى: و
عبدالله بضحكة : ههههه وديان؟
ليلى بصدمة: ها ! ، توك تقول متأكد مابتعرفها
عبدالله: حبيبتي اختي شكلك نعسانه روحي نامي
ليلى: ليه؟
عبدالله بضحك : هههههههههههههههه في احد صاحي يسأل( متأكد ما بتعرفها؟ ) طبيعي بقولك متأكد
ليلى: ياويلي منهااا !
عبدالله غمز : اعلمها انك علمتيني
ليلى: لا
عبدالله : اجل اذلفي نامي
ليلى: طيب "طلعت"
وديان قابلتها : ها؟
ليلى : وش؟
وديان : قلتي شي صح؟
ليلى: ياوديان والله انه لعب في عقلي ومدري كيف صدقته
وديان : لا تقولين قلتي اسمي
ليلى : ما قلته هو اللي قاله
وديان بصدمة: كيف!
ليلى: سألني عن اول حرف قلت راح تعرفها قال لا ماراح اعرف قلت له متأكد قال اي وقلت حرفك بس اسمك هو قاله
وديان بعصبيه : لللليلى!
ليلى هجت : اصبري افهمك
"سمعهم عبدالله وضحك : هههههههههه"
  ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عند سياف وسعود
سياف: انا بروح الحمام (يكرم القارئ)
سعود: طيب، تعرف طريقة ولا ادلك؟
سياف: لا لا اعرف اول ما وريتني وحنا داخلين؟
سعود: اي صح
"راح سياف"
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عند الحريم ..
ليان : يمه عبدالله نام؟
ام سعود: ايه على ما اعتقد
ليان : اجل انا بروح عند سعود في مجلس الرجال
ام سعود: طيب
"طلعت ليان وما كانت تدر ي عن سياف "
اول ما وصلت مجل الرجال شافت الباب مفتوح وسعود جالس "دخلت"
ليان : فاتح الباب ! ، ما تبرد انت؟
سعود وقف وشاف من جهت الحمامات (يكرم القارئ ) : انتي اش جايبك
ليان : عبدالله نام وعلي وفارس نايمين من اول قلت اجيك
سعود : ما تعريف تتصلين وتسألين عندك احد ولا لا؟
ليان : نسيـ...
قاطعها سعود بسرعة و..