انت واقع حي والباقي وهم

٣

ليان : نسيـ...
قاطعها سعود بسرعة وسحبه وغطاها بشماغه اول ما لاحظ ان سياف جاي
"دخل سياف"
سعود: سياف اطلعع
سياف اول ما لاحظ ان في وحده ورى سعود لف وطلع بره في الشارع عشان البنت تاخذ راحتها وتمر
سعود : اركض ادخلي
ليان بتعطيه الشماغ : خذ شماغك
سعود : لا خليه معك تخطي ومري
ليان : طيب "دخلت"
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
سعود طلع عند سياف..
سعود : سياف ليش طلعت؟
سياف : عشان اللي كانت عندك تاخذ راحتها وتمر
سعود : كان جيت على جمب
سياف: خلاص ما عليك عادي
سعود: اجل يلا ندخل
سياف: يلا"دخلوا"
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ليلى وقفت يوم شافت ليان دخلت وفوقها شماغ وقفت وراها وديان
وديان : وش فيك؟
ليلى: ليان دخلت وفوقها شماغ
وديان: ليش ؟
ليلى: مدري
وديان : امشي نسألها
راحوا وديان وليلى عند ليان: وش فيك؟
ليان: لا بس في رجال برا وانا طلعت بالغلط ولبسني سعود شماغه ورجعني
ليلى: اوه شافك!
ليان: لا الحمدلله
وديان: اجل بنات انا طفشانه اش رايكم ننادي تيماء ونسويلنا جلسة؟
ليلى : جازتلي الفكرة
ليان : يلا يلا مشينا
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عند عبدالله
كان يصلى صلاة الاستخارة وجلس شوي يفكر وقرر يـ..
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
البنات بعدما جهزوا جلستهم
تيماء : ماشاء الله مرتبين المكان
ليلى بغرور : ترا ترتيب بنت خالتك يا حلوه
(سولفوا، ضحكوا ، اكلوا )
يوم خلصوا ناموا
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
الصباح صحت ليلى وسلمت على ابوها وفرح فيها ،وما خلى سياف يروح وعزمه على الغداء عشانه ساعد بنته
"وهم قاعدين في الحوش يسولفون"
" جاء عبدالله "
عبدالله: ماشاء الله متجمعين ماشاء الله
ابو فارس: اي واليوم يستحق الفرحة
سياف: يوه ابشرك من كثر الفرحة عزمني على الغداء
عبدالله: طيب تعال يبه بكلمك بموضوع
علي : طيب انت اش فيك كأنك فيك شي؟
عبدالله: مافيني شي بس بكلم ابوي
ابو فارس قام: يلا يلا جيت
عبدالله وابو فارس جو على جمب "
ابو فارس: قل
عبدالله: انا قررت
ابو فارس : عن الزواج؟
عبدالله: ايه
ابو فارس: عطني قرارك
عبدالله: اخترت برك يبه
ابو فارس ضمه : رفعت راسي والله
عبدالله حب راس ويد ابوه :
أنا شبابك لاغزا راسك الشيب
‏وأنا عضيدك لو تجور الليالي.
ابو فارس : كفو ياولدي
عبدالله ابتسم : كفوك الطيب
"رجعوا وابو فارس حاط يده على كتف عبدالله ويضحك"
علي: فرحونا معكم ؟
سياف: عبدالله اول كان وجهه مكشر الحين لا وش وراه
علي: وراهم شي بس خل اعرفه
"جلسوا"
ابو فارس رافع راسه : والله اليوم هو يوم الخير
علي: يبه فرحنا
ابو فارس مايدري انهم يدرون عن كلامه لـ عبدالله انه بيزوجه : ابشركم
سياف: اسلم
ابو فارس: عبدالله قرر يخطب
سياف يسوي نفسه متفاجئ: اما !، مين سعيدة الحظ؟
علي كمان هو يسوي نفسه متفاجئ: اوه بتتزوج يا عبدالله!
ابو فارس: ايه بيتزوج بنت صديقي وديان
سياف بتمثيل تفاجئ مره ثانيه: اح بعد اختي!
ابو فارس: اختك؟
سياف : اي ما علمتك ، وديان تصير اختي من الرضاعة
ابو فارس: حلو وطلعت منا وفينا
سياف: اي والله ما توقعت الصدف تجمعنا كذا
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عند البنات
دخلت اميرة تصحي البنات وقفلت المكيف
اميرة: تيماء وديان ليان ليلى اصحوا
"محد صحى" قررت اميرة تكب عليهم موية باردددة
جابت المويه وكبت عليهم مره وحده " بحكم انهم نايمين على الارض جمب بعض "
صحوا كلهم يصيحون
ليلى: هبله انتي؟
ليان : ليشش تكبين المويهههه!
اميرة : سهرانين وجيت صحيتكم وقفلت المكيف وما صحيتم وكبيت المويه
وديان شهقت : وانا اقول اميرة مسحيل تسويها
ليلى: ذي لو الو ودها طشتك في مسبح بارد وانتي في عز نومك بس مالقت مسبح جابت مويه
تيماء قامت بهدوء بدون نقاش
اميرة : ياخي خليكم زي تيماء ماشاء الله عليها فوق ما انها جميلة وهاديه بعد ولا قالت كلمة
ليان: يعني لو تيماء تدخل النار ندخل معها؟
اميرة: اقول قومي قومي بلا فلسفة، بدر اشوي بيجي وبنسافر اليوم بجهز اغراضي وانتم نظفوا البيت
"قاموا كلهم"
ليلى وهم في المغسلة : يلا نقسم الادوار
ليان: انا من الحين اقولك السيب والمدخل و قسم الرجال كامل علي
ليلى: اجل انا الحمامات (يكرم القارئ )والغرف ،وتيماء عليها الصالة والمطبخ
وديان: وانا شيلوني من القائمة احسن!
ليلى: انتي اصلاً ما دخلناك القائمة عشان نشيلك
وديان: خلاص شكراً انا بدخل نفسي .. ااممم خلاص انا المطبخ
ليلى: نعم حبيبتي؟ ، ما سمعتك !
وديان: انا خلاص علي المطبخ
ليلى: ههههه تحلمييين
وديان: ليش؟
ليلى: انتي بس ارتاحي
وديان: لا ياحبيبتي تبيني اشوفكم مشغولين وانا ارتاح؟
ليلى: عادي
وديان: لا اذا ما عطيتيني شغلة بروح انظف المطبخ
ليلى : خلاص سوي بس القهوة نروق عليها، تمام؟
وديان: ابشري
راحت كل واحد لشغلة
دخلت وديان المطبخ وبدت تسوي القهوة
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ابو فارس: هههههه والله يا سياف سوالفك زينه
سياف: مشكور
ابو فارس: قم يا عبدالله قل للبنات يسون القهوة
عبدالله: ابشر
"عبدالله راح"
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
تيماء قاعدة تنظف الصالة وجت ليان و عطتها البخاخ والمنشفة : خذي
تيماء اخذتها: شكراً
قربت ليان بهمس: اسمعي بسألك
تيماء استغربت: ايش؟
ليان: انتي ليش حلوه؟
تيماء بإبتسامه: مدري بس وش بغيتي
ليان: ياغبيه قولي طالعتلك عشان استحي
تيماء لفت راسه وهي تحاول تكتم الضحكة:الحين انتي تمدحيني ولا تبيني امدحك؟
ليان : لا اكيد ابيك تمدحيني عشان نفسيتي زفت ابي استحي
ناظرت فيها تيماء بإبتسامه هادية: انتي اجمل انسانه واجمل اخت شفتها بحياتي
ناظرت لها ليان وهي مستحيه: يووو ما اتفقنا تحرجيني كذا "ركضت"
تيماء بضحكة هادية : هههه مجنونة اختي
فجأة دق الباب وتيماء هي لسى تضحك على حركات ليان، وفتحت : مين ؟
وفي نفس اللحظة كانت وديان رايحة جهت المطبخ ومرت من الصالة وشافت تيماء واقفة ورا الباب بإبتسامه وعبدالله واقف قدام الباب ومنزل راسه وهنا حست ان بينهم شي و كملت طريقها ودخلت المطبخ
..تيماء: مين؟
عبدالله: انا عبدالله ابوي يقول سو قهوة
تيماء : تمام
تيماء قفلت الباب وراحت عند المطبخ ونادتها تيماء: يا وديان
وديان : ها؟
تيماء: سوي قهوة للرجال
وديان: تمام الحين اسوي القهوة
راحت تيماء تكمل تنظيف
.
وديان بينها وبين نفسها: الحين هم بينهم شي؟ ، اش ذا السؤال يا وديان اكيد بينهم شي ، انتي شايفة ابتسامتها ، اي اي اكيد بينهم شي ، اصلاً انا مالي دخل فيهم .. دقيقة مايصير اتزوجة اذا بينهم شي ، كيف اقنع ابوي؟ ، لا راح احاول فيه يمكن ما يزوجني ... اخخ معرف ارد طلب لأبوي ، اوافق ولا ؟
وديان بصوت عالي : اففف خلاص مابي افكر في شي راسي اشوي وينفجر
ضحكت ليلى من وراها : هههه وش تفكرين فيه؟
وديان: يوو انتي متى جيتي!
ليلى: اقول تكلمي ما عليك ، وش تفكرين فيه؟
وديان :ولا شي
ليلى: انتي مصيرِك بتتكلمين
ليلى اخذت كوب وصبت مويه وهي تشوف وديان سرحانه وسوت كأنها ما تلاحظ سرحان وديان
فجأة تكلمت وديان: ااا..ليلى
ليلى ودها تقول" تكلمي مردك لي" : ها
وديان : بسألك سؤال بس جاوبي بصراحة
ليلى: تفضلي
وديان : الحين تيماء وعبدالله بينهم شي او لاحظتي ان بينهم شي؟
ليلى بضحكة قويه: هههههههههههههه اش اللي خلاك تفكرين كذا؟
وديان : بس تعرفين عشان اشوف اوافق ولا لا ، يعني ما ارضى اتزوج واحد يحب وحده وافرق بينهم
ليلى: لا يا روحي ما بينهم شي
وديان: تمام انا بجهز القهوة
دق الباب..
ليلى: انا بفتح
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عبدالله جلس يستنى القهوة وبعد 5 دقايق رجع دق الباب عشان ياخذ القهوة
ليلى : نعم ؟
عبدالله: ليلوا وين القهوة
ليلى : صبر بجيبها
عبدالله : طيب
ليلى راحت بتجيب القهوة وجابت له القهوة
ليلى وهي تمد الطوفرية اللي فيها ثلاجة قهوة وتمر و فناجيل : سم
عبدالله: سم الله عدوك
ليلى: الا بسألك
عبدالله: امري
ليلى: كيف رجلك؟، توجعك؟
عبدالله بضحكة خفيفة : هههه لا لا، رجلي بخير واصلاً كم يوم وارجع امشي بدون عكاز
ليلى بملامح لطيفه : طيب اش رايك شوي نروح انا وانت وعلول نتمشى قريب
عبدالله: تم بس لا يسمعك علي تقولين علول ويخليك تندمين على الساعة اللي فكرتي تطلعين فيها
ليلى: هههههههههههههههههههه ماعليك منه
عبدالله : طيب جهزي بروح اكلم علي "راح"
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وصل عبدالله وحط القهوة
عبدالله: علي قوم بكلمك
علي :ابشر
علي قام وبعدها بثواني وهو يمشي مع عبدالله: سم
عبدالله: ليلى تقول تبينا نمشيها ،بتروح؟
علي: اكيد
عبدالله : اجل اشوي بنمشي ، بس نستنى ليلى تلبس عبايتها
علي: تم
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ليلى في الغرفة وهي تدور نقابها: ليش حظي كذاااا
وديان دخلت: اش فيك!
ليلى : مالقيت نقابي
وديان: يمكن تلقينه جوا الشنطة ولا بين العبايات
ليلى: ماهو جوا الشنطة ودورته حول العبايات مالقيته
وديان : اجل خذي نقابي
ليلى: نقابك خطين ولا خط؟
وديان : خطين
ليلى: اييي الحمدلله لقيت احد يلبس زي خطين
وديان: ههههههههههه تعالي تعالي اعطيك
ليلى: طيب
"بعدها بثواني طلعت وديان نقابها لـ ليلى"
وديان: الا وين بترحين ؟
ليلى وهي تلبس النقاب: بروح مع اخواني نتمشى اشوي
وديان: اهاا
ليلى: تروحين معنا؟
وديان: لا لا وين
ليلى: ترا عادي
وديان: لا ياروحي والله مابي بروح الحين عند البيت
ليلى: اي صح كيف تروحين بدون نقاب!
وديان : عادي برمي الطرحة والبيت لفة هنا
ليلى: طيب
وديان لبست عبايتها وجت تطلع..
ليلى: وديان يلا خلصتي؟
وديان: انتي قاعدة تستنيني ؟
ليلى: اي مابخليك تروحين البيت لوحدك بوصلك و
اروح مع اخواني
وديان : تمام يلا مشينا
"طلعوا وديان وليلى"
ليلى: وديان تشوفين زين؟
وديان وهي ما تشوف زين : اي اشوف
ليلى: طيب
.
~عبدالله كان واقف يستنى ليلى ، وعلي في السيارة~
عبدالله شاف ليلى وجمبها وحده راميه الطرحة
عبدالله: يلا من اليوم نستنى
ليلى همست في اذن وديان :اصبري بس ثانيه
وراحت تركض لـ عبدالله: عبود
عبدالله: عيونه
ليلى: بس بوصل وديان لـ بيتهم واجي
عبدالله: تمام انا بجي معكم
ليلى: لا انت روح السيارة مايحتاج
عبدالله: اقول امشي قدامي اتي وياها
ليلى: طيب
راحت عند وديان : عبدالله بيمشي ورانا لين ما نوصلك ونمشي
وديان: ما يحتاج خلاص انا اروح لـ وحدي
ليلى: لا انا بروح معك
وديان : يعني مافي امل ارفض؟
ليلى: أبداً
<ليلى و وديان مشوا و وراهم عبدالله >
قربوا من البيت و كانوا في رجال كثار في الشارع و وديان ماكانت شايفة زين وكان في حجر وانصقعت رجلها بحجره كبيرة شوي وطاحت وديان وانفكت طرحتها وفي نفس اللحظة صقعت راسها بـ وحده من الحجار واغمى عليها و اول ما لاحظ عبدالله غطى وجهها بالشماغ و اعطى ليلى العكاز وشالها وهو وده يصيح من رجله
ركضت ليلى ودقت الباب وفتح ابو ساميه
ابو ساميه اول ما شاف وديان : اشفيها !
عبدالله دخل : مافيها شي بس تو طاحت على راسه و شكلها ما اكلت اليوم كذا اغمى عليها
ابو ساميه: يعني مافيها شي خطر!
عبدالله: ياعم والله مافيها شي بس شفلي الطريق بدخلها
ابو ساميه دخل وشافله الطريق وعبدالله منكثر ما رجله توجعك شوي يغمى عليه، و اول ما ابو ساميه شافله الطريق دخل وسدحها في الصالة و طلع وهو يحاول يمسك نفسه من قوى الآلم
اخذ العكاز من ليلى : هاتي
وليلى حست من نبرة صوته انه يتألم : رجلك توجـ..
قاطعها عبدالله وهو مايبي يقلقها : لا يلا مشينا
وصلوا السيارة وركبت ليلى
عبدالله اشر لـ علي ينزل الشباك ونزله: ياعلي ماني رايح
علي: فيك شي يا عبدالله ؟
عبدالله: لا ، بس خلاص ماودي اروح
علي: تمام ، بس اذا حسيت انك تعبان قولي اوديك المستشفى
عبدالله: لا لا مافيني شي
"عبدالله راح وهو يلا يلا يمشي ودخل البيت لـ مجلس الرجال وانسدح وكان الآلم مسيطر على جسمه مو بس رجله"
علي: اشفيه اخوك؟
ليلى: مدري بس شكله عورته رجلك يوم شال وديان
علي: شال وديان؟ ، ليه؟
ليلى: ايه صح ما قلت لك! ، ...وديان كانت تمشي وما شافت زين وطاحت وانصقع راسها بحجرة واغمى عليها وانفكت طرحتها ويعدين عبدالله غطى وجهها بـ شماغه وشالها وهو يلا يلا يمشي
علي: احح اكيد الحين يتوجع نوديه المستشفى ؟
ليلى: اذا وافق اصلاً
علي: صبر بروحله
"نزل علي وراح للمجلس ولقى عبدالله منسدح بتعب"
علي: ياعبدالله باين انك مو بخير قم نروح المستشفى
عبدالله بصعوبة نطق : يأخوك رح
علي: وين اروح واتركك بذي الحالة اقولك قم بنروح المستشفى ولا تقول لا ،...انت شايف كيف تتكلم الحين حتى الكلام بصعوبة تنطقة
"علي قرب منه ومسك كتوفك وعلى وشك انه يشيله"
عبدالله وهو يوخر يدين علي : وخر يا رجال مابي
علي : لا ياخوك ان ما قمت بتصل على الاسعاف
عبدالله : وشولة تتصل على الاسعاف بعدين ايوي والجيران يحسبون صار شي
علي: يحسبون! هو صار شي ، ليش ما تباهم يحسبون
عبدالله: بعدين نخوف ابوي مايحتاج
علي : اجل تقوم ولا اروح اعلم ابوي
عبدالله: مسوي تهدد بعد!
علي جلس جمبه: ياخوك تكفى قم عشاني
عبدالله: يا علط انت روح انبسط ولا تشيل همي
علي: انا تبيني الحين انبسط وانت تتوجع ! تخسي
عبدالله وهو بالقوة يتكلم اكثر من قبل : رح علي انا بخـ..
"اغمى عبدالله "
علي وهو يحاول يصحيه ،بصوت عالي : عبددددالله تتتتتكفى ااااصحى عببببدالله يأخوووك قوممم!
علي ما واجه اي رد ،وبصوت اعلى: سياف سعود تعالوا ساعدوني تكفون...سياف سعود
"سمعوه سياف وابو فارس اللي كانوا قاعدين في الحوش"
سياف جاء يركض من قلبه بعد ما سمع صوت علي
سياف اول ما وصل: وش فيك "انصدم من عبدالله " وشفيه عبدالله !
علي وهو اشوي وبكي ماهو قادر يتحمل : بعدين اعلمك بس ساعدني عشان نشيله
"سياف وعلي شالوا عبدالله ودخلوه السيارة ،وابو فارس يلحق وراهم ومايدري اش فيه ولده "
بعد ما مشوا ~ في المستشفى ~
اول ما وقفوا نزل علي يركض وجاب ممرضين ومعهم سرير وسدحوا عبدالله فيه و دخلوه عند الدكتور..
سياف: شالسالفة ؟
علي :كان هو وليلى اختي يوصلـ...[السالفة كامله]
سياف فز : كيفها وديان الحين!
علي: مدري بس روح تطمن على اختك وما عليك انا عند عبدالله
سياف : لا بدق عليها ان ما ردت بروح لها
علي: بكيفك
سياف راح ودق على وديان وردت..
وديان: سم؟
سياف : فيك شي؟
وديان: لا بس راسي يوجعني شوي
سياف: وديان ترا عارف ان اغمى عليك
وديان: الظاهر ذا عبدالله ما صدق اني طحت وعلم العالم ، يعني حتى الواحد يساعد...بس معذور عشان رجله
سياف: لاتقولين عن الرجال اصلاً هو الحين في المستشفى
وديان: المستشفى ؟
سياف : اي في المستشفى عشانك لأنه شالـ...
قاطعته وديان: بالله عشاني ! ماكان المفروض انا اللي اروح المستشفى مو هو
سياف : ياغبيه مو عشانك عشانك لا عشان هو يوم شالك وهو يمشي برجله الملتوية وزاد وجعه وهو بالقوة يتحمل ولكن فجأة اغمى عليه ،فهمتي؟
وديان: هاا ! يعني الحين هو اللي شالني؟ هو اللي وداني البيت ؟ ورجله! كيف قدر؟
سياف : مدري بس يقولي علي انوا هو شالك ويوم رجع ماقال لـ احد ان رجله تعوره وكان بصعوبة يتكلم من قوة الآلم ،ورفض نوديه المستشفى واغمى عليه فجأة
وديان بتعضيب ضمير و وجه حزين : اما، اجل طمني عليه تكفى
سياف: ابشري يا عيون اخوك انتي
قفلت وديان
المكالمة وهي في كامل صدمتها ودقت على ليلى وهي والبقوة قادرة تتحكم بدموعها : ليلى
ليلى: عيوني، كيفك انتي بخير؟
وديان : صراحة لا
ليلى: يوجعك شي؟
وديان: اي ، ضميري ..دريت عن اللي صار في عبدالله
ليلى: صراحة مدري اش اقولك بس لا تشيلين هم اخوي قوي وبيرجع بسلامة، واصلاً مو غلطتك
وديان وهي اشوي وتبكي وبصوت فيه رجفه: الا غلطتي لو اني شفت زين لو اني حسبت حساب كل خطوه وكل ثانيه كان الحين ما صار له شي
ليلى: اصلاً ما صار له شي بس اغمى عليه
وديان: طيب لو صار له شي؟
ليلى: برضوا مايعتبر لك دخل
"دق باب الغرفة "
وديان: ليلى بعدين اكلمك
ليلى: طيب
"قفلوا المكالمة "
وديان: مين ؟
ابو ساميه: انا
وديان قامت : ادخل يبه ادخل
ابو ساميه دخل : بكلمك بيني وبينك
وديان: سم
ابو ساميه: تعالي نجلس
وديان وابو ساميه جلسوا..
ابو ساميه: يبنيتي فكرتي بالزواج
وديان: صراحة لسى
ابو ساميه: لعلمك عبدالله وافق وانتي فكري واستخيري ومتى ما حسيتي قرارك اكيد عطيني خبر
وديان : ابشر يبه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
"بعد ساعتين"
كان خوف سياف وسعود وعلي و وديان او بإختصار الكل ،على عبدالله بشكل كبير، طلع الدكتور قبل ساعة تقريباً وهو يقولهم: الحمدلله هو بخير بس اجهد نفسه شوي زيادة ولو مشى على رجله كم خطوه زيادة احتمال يسبب انكسار لرجله بس الحمدلله هو الحين بخير ،ولكن لايمشي على رجله فترة لانوا مشى على رجله زيادة عن اللزوم و لازم يضطر يقعد اسبوعين على الاقل
"وطبعاً بعد كلام الدكتور سعود وعلي وسياف بشروا الكل و وصل الخبر لـ وديان اللي صلت صلاة شكر وبعدها فكرت في كلام ابوها...
وديان بينها وبين نفسها : اوافق ؟ لا مابيه انا اساساً بس هو ساعدني ، ايه وكمان وافق يعني يبيني ، لا برضوا انا ما ابيه ، ياخي مابي اترك اهلي، لا لازم اوافق عشان ارضي ابوي ، يارب ساعدنييي، ايه صح بستخير و ارفض وان كان في ذا الرفض خيرة الله بيسرها لي وان ما كان فيها خيرة بيصير شي يخليني اوافق ، وانا بوكل امري لله واستخير و اقول لـ ابوي ماني موافقة
"وديان استخارت و نزلت عند الصالة و وقفت قدام ابوها "
وديان : يايبه
أبو ساميه: وش؟
وديان: فكرت واستخرت
ابو ساميه: ايه بشريني
وديان تنهدت وابتسمت : يبه انا وافقت
ابو ساميه قام وضمها : ايه كفو كفو يا وديان ، والله انك بيضتي وجهي
وديان: كنت برفض بس لما استخرت حسيت براحة وفكرت زين وقلت خلاص بوافق
ابو ساميه: صدقيني مراح تلقين احسن من عبدالله ، وترا الف بنت تتمناه
وديان بينها وبين نفسها ( يبه قصدك الف غبيه تتمناه، صح انا ليش وافقت وانا مابيه؟ ، اخخخ بس فرحت ابوي تخليني اقتنع بذا الزواج ، اخخ مدري ): اي عارفة يبه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
سياف وعلي وسعود وعبدالله وهم طالعين من المستشفى..
سعود: ياعبدالله انتبه
عبدالله: يالله ما احب ذا الوضع ، لا تحسسوني اني ماني قادر امشي زين
سعود : طيب صدق انت مانك قادر تمشي زين
سياف بضحكة :هههههه يالعن ام الصراحة اللي عندك يا سعود، انت لازم نسميك كبير المحطمين ،ياخي عليك تحطيمات على مستوى ، تخلي الواحد يكره عيشته من زود الصراحة
عبدالله: شايف العيشة اللي انا عايشها معه ؟
سياف: ههههههههه شايفها شايفها
عبدالله: الحمدلله
علي : اقول لا يكثر هرجكم امشوا اركبوا السيارة
سياف: ههههههههههههههههه
"ركبوا و سوالفهم في الطريق كلها ضحك لين ما وصلوا "
سياف: ياخوي امسك العكازة زين
عبدالله: ياليلللل
سياف: الشرهه على اللي خايف عليك
عبدالله: شكراً لا تخاف
"دخلوا البيت "
استقبلوهم ابو فارس وابو ساميه ..
ابو فارس : يا هلا ويا غلا تو ما نور البيت
ابو ساميه: ياهلا بعريسنا
ناظر الكل بإستغراب واكثرهم عبدالله اللي نسى السالفة:ها؟
ابو ساميه: انت مو بتخطب وديان؟
عبدالله جلس : اهاا اي
ابو ساميه: المهم لا تستعجل بالخطبة اذا بغيت
عبدالله: لا بنجيكم المغرب ان شاء الله ونخطب
ابو ساميه: يو مو كأنه بدري؟
عبدالله:لا بدري ولا شي
ابو فارس: اي نجيكم المغرب ونخطب البنت
ابو ساميه: اجل تم
سياف: انا بروح معك يا عم ،منها اسلم على وديان ومنها أساعدك
أبو ساميه: ما تقصر يا ولدي
(كان مقصد عبدالله يحط وديان بأمر الواقع عشان ترفض وما يكون الغلط منه عشان مايزعل ابوه)
عبدالله : انا بدخل اجهز
ابو فارس: طيب
دق ألباب عبدالله: يا ليلى
جت تركض: هلا بأخوي هلا بقرة عيني هلا باللي بغيت انجلط بسبته
عبدالله ابتسم : بسم الله عليك هههه
ليلى: امر بغيت شي؟
عبدالله: اي بس شوفيلي الطريق بدخل
ليلى : ابشر
"شافت له الطريق"
ليلى: مافي احد مر
مر عبدالله و وراه ليلى تمشي
وصل الغرفة ودخل وقال لـ ليلى تجي
ليلى: ها؟
عبدالله: روحي جهزس والبسي وقولي لخالتي تلبس وتجهز بنروح نخطب اشوي
ليلى: ها ! لا لمين مستحيل انت مابخليك تخطب
عبدالله: بالله؟
ليلى: اي ماراح تخطب ،عشان تغدر فيني زي غدرة اخوانك ! ولا زي غدرت فراس؟
عبدالله مصدوم : اش سو لك اخواني؟
ليلى: الاول تزوج صديقة اميرة والثاني تزوج وحده غثيثة والثالث تزوج حبيبة الطفولة وانت ابيك تتزوج وحده قريبه مني وانا احبها برضوا
عبدالله ابتسم : اجل آمري مين تبيني اتزوج؟
ليلى: صدق بتتزوج اللي ابيها !
عبدالله: بتقولين ولا اكنسل ؟
ليلى: لا لا تكنسل ،...توافق على طلب ابوي ، يعني تتزوج وديان
عبدالله بإبتسامه : طيب انا رايحة اخطبها
ليلى: امااننه !
عبدالله ضحك : ههههههههههه والله
ليلى دقت كتفة بقوة: كفو والله ، اخو ليلى والنعم
عبدالله: بشويش بشويش لا اطيح الحين وما اخطبها
ليلى: لا بعيد الشر عنك يلا انا بروح البس
عبدالله: يلا هههههههههههههه
~راحت ليلى و بشرت كل البيت ولبست وتزينت من قلب وفرحتها اكثر من وديان عبدالله ~
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
~بعد المغرب~
وديان وهي في اخر تجهيزاتها ..
دخلت ام ساميه وهي تشوفها بالفستان الابيض الهادي : يازينها بنيتي يازين عروستي ياحلو طلتك والله
وديان: تسلمين يا يمه
دخل ابو ساميه: اش ذا الجمال اش ذا الزين ، انتي وديان متأكدة؟
وديان مسويه زعلانه : يعني انا مو حلوه دايم؟
ابو ساميه: لا والله حلوه بس اليوم طلتك غييير
وديان: يمه الضيوف جو؟
ام ساميه: لا للحين
"دق الجرس"
ابو ساميه: اكيد جو ، انا بروح افتح للرجال
ام ساميه: يلا حبيبتي وديان افتحي الباب
وديان: ابشري
وديان نزلت وساميه تمدح فيها
وديان بخجل : ساميه والله لأوريك الحين اطلع عند الناس و وجهي احمر؟
ساميه: هههههه خلاص
وديان راحت وفتحت الباب ..دخلوا كلهم ليلى، اميرة، خالتهم
ليلى اول ما شافتها : يختييييي انتي ماخذه جمال العالم بكبره واشويات وتاخذين عقل عبود واذا مره يمكن تاخذين قلبه من الحين
وديان بخجل: خلاص لحد يمدح
اميرة: وه وه وه استحت الحلوه
وديان بخجل زيادة : اميييييرة
اميرة : هههههههههههههههه خلاص سكتت
دخلوا ضيفتهم ام ساميه و قعدوا يحرجون وديان
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عند الرجال بعد ما دخلوا وسلموا على بعض وجلسوا شوي وتقهو ..
ابو فارس وهو يناظر عبدالله بإبتسامه: يابو ساميه
ابو ساميه: سم
ابو فارس: سم الله عدوك ، احس جاء وقت نفتح الموضوع اللي جينا على شانه
ابو ساميه: اي جاء وقته
ابو فارس: على سنة الله ورسوله نبي بنتك وديان لولدنا عبدالله
ابو ساميه: يشرفنا والله حظوركم ونتشرف بـ بولد ينشد فيه الظهر مثل عبدالله
ابو فارس: يلا يا ابو ساميه حنا بنطلع ودخل البنت
ابو ساميه: طيب انا بروح اناديها "راح يناديها"
قام ابو فارس وقال عبدالله: يبه وين رايحين!
أبو فارس: سلامتك بنروح عشان تشوف العروسة، ولا تبينا نقعد ونشوفها معك؟
عبدالله: لا حشى يبه بس احس بتوتر
ابو فارس بضحكة : هههههه كلنا مرينا بها وانا ابوك
فارس : يا رجال إهدى ولا تتهور وتطلع في نص الشوفة من التوتر ، تحمل يا رجال
عبدالله: افااا انا اطلع في نص الشوفة!
علي: اي يا بعد قلبي باين انك ما تطلع لـ درجة اول يوم جامعة من التوتر طلعت على نص المحاضرة
عبدالله: اذلف ما صدقت اتخطى توتر ذاك اليوم
علي: ههههههههههههههههههههه اجل يلا حنا برا
"طلعوا"
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عند الحريم..
وهم في نص السوالف سمعوا صوت ابو ساميه ينادي وديان راحت وديان تركض عند ابوها : هلا يبه
ابو ساميه: يلا امشي الرجال يستنى
وديان : يبه بس شوي، بشوف شعري واجيب العصير خلك واقف ثواني
ابو ساميه: طيب
بعد دقيقة تقريباً جت ومعها العصير : يلا
دخلت وديان وتوترها الف ولكن حاولت تثبت ابتسامتها
.
عبدالله..لفت انتباهه دخول وديان اللي كانت مبتسمه وما كان يدري يركز على وش بالضبط ،على ابتسامتها اللي تفتح النفس ولا مشيتها ولا فستانها ولا حتى شكلها اللي يجيب الراس ، هنا توتر عبدالله بشكل فضيع وما قدر يشيل عينه وما صحى على نفسه الا يوم قالت : عبدالله
واستوعب انها تمد له الطوفرية اللي فيها عصير برتقال
اخذ العصير: شكراً
ولفت وديان وهي تعطي ابوها عصير واخذ و راحت وعبدالله كان يناظر في كل خطوة تخطيها وبداء يشيل هم انها ما توافق وهو اللي كان يبي يحطها تحت الامر الواقع ما درا انه هو اللي انحط تحت الامر الواقع
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
دخلت وديان وهي وجهها صار احمر من نظرات عبدالله وعلى طول طلعت لـ غرفتها
ليلى: اشفيها ذي طلعت فوق ولا جت هنا؟ ، اوريك يا عبود لو جارحها او شيي
اميرة: لا تروحين لها
ليلى: لا انا بروح احاسب ذا العبود وش مسوي فيها عشان تطلع فوق على طول حتى اكيد انها تبكي
اميرة وهي تمسك يد ليلى: خبلة انتي وش بيسوي مثلاً ؟ بيجرحها ؟ قدام ابوها؟ غبيه انتي؟ ومن متى عبدالله يجرح حرمه؟ الاخت استحت كذا طلعت فوق
ليلى شهقت : اي صح !
اميرة : اخيراً استيعابك رجع
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
دخلوا ابو فارس وفارس وعلي وسعود اللي كان توه جاي..وجلسوا
عبدالله كان ساهي
سعود: ها بشر؟
عبدالله: وش؟
سعود : الشوفة ، جازتلك البنت؟
عبدالله: صراحة..
سعود: اي؟
عبدالله بإبتسامه خفيفة: اي
علي بصدمة : قل والله !
عبدالله: ياليللل ، ترا ارفض
ابو فارس: ايه بشر عجبتك؟
عبدالله بفشله اشوي من ابو ساميه : ايه يبه
ابو ساميه : اجل انا بروح اسأل وديان
"هنا عبدالله بداء توتره الحاد ، يبيها توافق ، بس برضو يبيها ترفض عشان ما يظلمها وهو في قلبه ثانيه وخايف كمان توافق و يتعلق فيها وتخذله زي حبيبته السابقة "
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ام ساميه شافت لأبو ساميه الطريق و طلع عند بنته
.
وديان كانت قاعدة لوحدها وتتذكر نظرات عبدالله اللي ضيعت علومها ، "دق الباب"
وديان : مين ؟
ابو ساميه: انا يابنيتي
وديان : ادخل يبه
ابو ساميه دخل وجلس جمبها : ها موافقه؟ اذا ما عجبك عادي قولي
سكتت وديان وهو منزله راسها
ابو ساميه: اقوله مو موافقة صح؟
وديان بسرعة: لا
ابو ساميه: اجل اقول موافقة؟
وديان بتوتر : اي
ابو ساميه: مبروك مبروك والله
وديان : الله يبارك فيك
طلع ابو ساميه وهو يهلي المبارك والكل درا ودخل على الرجال :تبون اعلمكم ؟
عبدالله: قول قول ياعم(وهو بكلا الحالتين بيشيل هم بس يبي يواجه الحقيقة)
ابو ساميه: الف الف مبروك يا عبدالله..وديان وافقت
عبدالله انبسط وفرح بس في داخلة عقدة قوية
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
صباح اليوم الثاني صحى علي وهو يشوفها تتجهز : اريج؟
ايج: عيونها؟
علي: وين رايحة؟
اريج : لا شكلك نسيت الدوام
علي وهو ينظر للساعة اللي مكتب عليها 6:15 : اي صح
اريج تلبس عبايتها: انا بطلع، علقت ملابسك في الدلاب
علي: طيب
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ليلى وهي تدق الباب..
ليلى: عبوووود عبدالله...اصحى ياخي...
فتح لها عبدالله اللي كانت عيونه مفقعة من النوم
عبدالله: نعم ؟
ليلى: اصحى اشوي بنحط الفطور
عبدالله: فطوركم اليوم بدري شوي بس يلا
ليلى: اختك ست الحسن والجمال راحت وانا اللي قاعدة اطبخلكم احمد ربك ، حتى ليان بدت تحن علي ، ودها تساعدني
عبدالله: طيب خليها تساعدنك
ليلى: اكيد خليتها تساعدني ، مستحيل اخليها بخاطرها والله
عبدالله: ههههه اجل انا بغير ملابسي واجي
"قفل الباب"
مشى لين وصل ناحيه السرير وانسدح وهو يفكر ويتذكر وديان ويبداء يفكر اشلون الحين يتزوجها وهو يحب وحده ثانيه ! وافكار كثير ما شال همها قبل يشوف وديان
"دق الباب"
ليلى: عبدالله اش فيك اتأخرت!
عبدالله: يوو صبر ما خلصت "ولبس ع السريع"
وطلع للمجلس...
دخل ولقى ابو ساميه وابو فارس وسياف وعلي وفارس وسعود
عبدالله: ماشاء الله الكل موجود
سعود: كان تأخرت اشوي يا حبيبي
عبدالله دفه عشان يوسع له مكان : اقول اذلف اشوي
ابو ساميه: متى ناوي الملكة؟
عبدالله: مدري
ابو فارس: نخليها بعد بكره؟
عبدالله: اش ذا السرعة..ما باقي غير تزوجونا الاسبوع الجاي
ابو ساميه: فكره حلوه،.. خلاص الزواج الاسبوع الجاي
عبدالله: تمزحون صح؟
ابو فارس: لا ما نمزح
ابو ساميه: اي تذكرت ايام كانو يزوجنا بدري
عبدالله: اقل شي اتعرف على البنت ويعني مو على طول زواج
ابو فارس: خلاص الملكة بكرة والزواج بعد اسبوع ويمديكم تتعرفون
عبدالله: لااا رجاء مابييي بكره
سعود: يعني لو ما حطوها بكره بيحطونها بعد بكره لا تخاف ، هم حالفين يزوجونكم الاسبوع الجاي
عبدالله وهو يأشر لـ سعود : شرايكم تزوجون ذا الحمار اللي جمبي؟
ابو ساميه: لا ماش ذا يصلح للزواج
عبدالله مصدوم : الحين ذا ما يصلح وانا اصلح!!
ابو ساميه:ههههههه اي
"سعود ناظر في عبدالله وهو يمد لسانه وكانه يقول احسن"
عبدالله اشر لـ سياف : وذا طيب؟
ابو فارس: معليك ذا بنزوجة قريب ان شاء الله بس بنلقى له العروسة المناسبة
سياف: لا شكرا ما بي زواج
ابو ساميه: عندكم احد نزوجة سياف؟
سياف: لا اصبر يا عم ترا يمزحون!
ابو ساميه: لا عادي تتزوج وحده من البنات
ابو فارس: عندنا ليلى
"هاذي اللحظة اللي سعود طول السنين ما حسب حسابها وتجمدت عروقة وتذكر ضحكها يوم اعترف لها بحبه"
عبدالله : لا وين يبه ليلى مو لايقة على سياف ،ذا عاقل وهي كل دقيقة مزاج
ابو فارس بتفكير: ايه والله صح، شكلها بتخليه مجنون
سياف: ايه كذا مايصير اتزوج
عبدالله: اي مابنعطيك ليلى بنعطيك ليان
سياف بصدمة: عبدالله تكفى ، عبود مين ليان ذي بعد!
ناظر عبدالله لـ سعود اللي كان ساهي : سعوددد
سعود: ها؟
عبدالله: تزوجة ليان صح؟
سعود بصدمة :مين؟
عبدالله: لا انا لازم اعرف اللي في راسك
سعود: مافي راسي شي ،بس مينهو؟
عبدالله: سياف
سعود بخبث : تم هههههههههههههه
سياف : سعود لااا تغدر فيني!
سعود بصدمة : يعني اختي ما تشرفك؟
سياف: لا تشرفني ونص بس انا اللي ما اشرفها
ابو فارس: لا تشرفها وليان بنت حليله وتنحب
سياف قام : انا بهرب من النقاش ذا ، مع السلامة "طلع"
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
سياف بعد ما طلع دق على وديان..
وديان: هلا
سياف: كيف حالك؟
وديان: الحمدلله بخير ،انت كيفك؟
سياف: الحمدلله بخير، وديان
وديان: عيونها
سياف : تسلم عيونك ، اا...انا ودي اروح اتمشى تروحين معي ؟
وديان: انا بجهز عشان الساعة 8 عندي دوام
سياف: اي صح ، اجل خلاص
وديان: ترا ما عندي مناوبة اليوم، تجي تاخذني ونتمشى
سياف : تم
قفل المكالمة : اجل انا مجبور اقعد في الحوش لين يطلعون الشباب
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ليلى: يا ليااااان
ليان صحت من النوم : وجع ليش تصارخين !
ليلى: ابي اطلع
ليان: بس؟ .. اتفضلي الباب مفتوح محد رادك
ليلى: لا ابيك تروحين معي
ليان: هههه تخسين
"بعد خمس دقايق "
ليلى تعطيها النقاب : كفو بنت خالتي بتروح معي
ليان: انقلعي ترا غصب السالفة
ليلى:ههه عادي عادي
تيماء دخلت : وين رايحين ان شاء الله!
ليان: بنروح نتمشى
تيماء : مع مين؟
ليلى : اي صح ما فكرنا فيها !
ليان: خلاص نروح اوبر ،اصلاً العيال مشغولين
ليلى: اي صح
تيماء: اجل انتبهوا لنفسكم ودقوا علي اذا بغيتم شي ولا صار لكم شي
ليلى: تم
"طلعوا"
وهم يمشون شافوا سياف جالس بالحوش لـ وحده...
ليان: هذا مين؟
ليلى: هذا الشرطي اللي ساعدنا وطلع اخو وديان من الرضاعة
ليان: ليكوت ذا الرجال اللي ذاك اليوم طلعت وانا مدري عنه
ليلى: اي اكيد
ليان: اقول يلا مشينا
وهم يمشون شافهم سياف وشافهم يركبون اوبر واول ما ركبوا شاف اللي يسوق ناظر فيهم وضحك..فوراً لحقهم بسيارته...
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عبدالله قام : يلا انا بروح المستشفى
علي: انا بروح معك
سعود: مستوعبين انكم تاركيني هنا لوحدي
عبدالله: انت روح عند سياف اللي ماخذ اجازة عشان يفلها معنا وداومنا ، ...اي وبعد تتعرف اكثر على زوج اختك المستقبلي
سعود: خلاص بدق عليه
راح سعود دق على سياف...وانرفضت المكالمة
سعود بصوت عالي: الاخ سياااف ما يرد اصبروا بروح معكم
عبدالله بصوت اعلى: لا ما ترووووح
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
سياف حس ان السيارة بدت تروح مكان مهجور وسرع اشوي و وقف قدام السيارة..وفجأة نزل و...
.
ليان : ماتحسين ذا المكان مهجور؟
ليلى: اي والله جد
ليان: لو سمحت
السائق: اعرف انكم لاحظتوا
ليلى: وصل لنا اللي تبي تقوله بشكل واضح
السائق : واضح اللي ابيه منكم
ليان بغضبب : تحلممم فاهم !!! ، اموت ولا اخليك تلمسنيييي
السائق بسخرية : لا ما راح اخلي حلوات زيكم يموتون
ليلى: انا ابلغ الحين الشرطة
السائق بسخرية: اذا لقيتي ارسال اصلاً
فجأة وقفت قدامهم سيارة مسرعة
ونزل سياف بغضب : انزل
مانزل السائق وخاف منه
و قبل يقفل قفل الباب طلعت ليلى وهي ماسكة يد ليان اللي طلعت ومعها
وبسرعة اشر لهم سياف يركبون سيارته وكسر القزازة حقة المقعد الثاي ومسك السائق واخذ الاصفاد اللي لقاها في سيارته بالصدفة
ودق على الشرطي وارسلوا له فريق ، وركب السيارة وراح متجه للبيت...
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
راحوا عبدالله وعلي وابو فارس راح مع ابو ساميه وقعد لوحده في الحوش سعود في الحوش ..
فجأة دخلوا ليلى وليان وناظر فيهم بصدمه وبعدهم دخل سياف...وراح تفكير سعود بعيد
سعود بغضب : اش طلعكم !
سياف : ياسعو...
قاطعة سعود وهو يمكسة من ثوبه ويثبته بالجدار وبغضب: انت ولا كلمه تاخذ اختي وبنت خالتي بدون علم احد وماندري اش سويت بهم حتى
ليان وهي تصرخ: يا سعود اتركه ما سوى شي!
سياف : هذي اخرتها يا سعود تفكر اني ممكن استغل بنات صغار عشان مصالحي؟
سعود: اي اجل بررلي ليش اخذتهم !
سياف : اذا ماسمعتني من البداية ماراح يتغير شي اذا سمعتني بالنهاية
وسياف فك يد سعود عن ثوبه وراح طلع برا
سعود سحب ليان ودخل لـ مجلس الرجال وليلى تلحقهم ودفت سعود: اترك الادميه ،اش بتسوي فيها؟
ثم ناظر فيها سعود : اي حتى انتي ادخل جوا
دخلت ليلى وجلسوا وفجأة صرخ سعود بغضب: انتم ليش تروحون معه؟
ليلى: ما رحنا معه
سعود: وانا شايف مين دخل معه تو!
ليان: طيب اسألنا !
سعود بغضب : معد يفيد السؤال ، انتم ما تدرون ان الحين شرفكم راح!
وقفت ليلى وهي تصرخ عليه بغضب: حنا اشرف منك ومن عشرة من اشكالك بس انت ما سألتنا للحين
وقفت ليان وبغضب اشد وهي تبكي : انت ظلمتنا وظلمت الرجال اللي ساعدنا ولا كان الحين شرفنا منجد راح بس هو ساعدنا ،.. افهم كلمت سا عد نااا
وقف سعود بصدمه : اش قصدك؟
ليان وهي تبكي: حنا رحنا وركبنا اوبر وذاك الاوبر كان ناوي علينا بس ذاك الرجال اللي اول وقف سيارته قدامه و راح يساعدنا ، فهمت؟
صفقت ليلى وهي تناظرة بخيبة : مبروك يا سعود ظلمتنا بدون سبب
"وطلعت وهي شوي وتبكي"
وطلعت ليان وراها
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
سياف طلع وقلبه متقطع من بعد الموقف اللي سبب تذكره لأكبر ظلم انظلمه في حياته كلها وظلم خرب حياته وسبب جلطة لـ أمه ..ركب السيارة وهو يسترجع كل لحظة صارت وكل لحظة سببت موت امه وكل لحظة خربت حياته وهو يمشي بأقسى سرعة ومن الحزن اللي جواته وقف بسرعة ونظر قدامه وبكى بشهقات حزن وهو يضرب الدركسون : اناااا اغبببى واحد في الحياااة ذي ، انااا اللي سببت موت اغلى انسانه ليييي ، كانتت تثق فيني وماتت و هيي ماهييي راضيه عنييي...ليشش! ليششش!
وقف صوت حزنه الجوال اللي كان يدق ومكتوب عبدالله وبسرعة مسح دموعة وعدل صوته ورد: هلا
عبدالله بإستغراب: صوتك تعبان ؟ فيه شي؟
سياف وهو يحاول يضحك: لا مافيني شي
عبدالله: اي صح سعود دق عليك ما رديت يبي يقعد معك طفش
سياف بسخرية: اي الاخ شكله طفش وحب يسوي شويه اكشن ويظلمني
عبدالله: يظلمك؟ ، ليه؟ ، وش السالفة؟
سياف : يلا باي لازم اقفل، انت اسأله
بعد المكالمة تنهد سياف تنهيدة عميقة وكمل طريقة للبيت اللي ماكان يصدر منه الا صوته وكان وحيد في ذا البيت
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عبدالله بعد ما قفل من سياف وهو يفكر دق الباب
عبدالله: ادخل
"دخلت وديان"
وديان: السلام يا دكتور ، اسفة تأخرت شوي
عبدالله بضحكة خفيفة : هههه اي عادي
وديان بإستغراب: علامك تضحك ؟
عبدالله: سلامتك هههههه
وديان: قول قول اللي بخاطرك
عبدالله: وشوله تقولين دكتور امس مخطوبين ههههه
وديان: طيب بسميك عبدالله ،ارتحت؟
عبدالله: اي ههههه
وديان: لعد تضحك
عبدالله وهو يحاول يكتم ضحكته: طيب
"بعد دقيقتين "
عبدالله: وديان
وديان: ها؟
عبدالله: بالله اتصلي على سياف شوفي اش فيه قبل اشوي قالي كلام ما فهمت عن سعود بس كان صوته تعبان
وديان: طيب
وديان دقت على سياف وفتحت الاسبكر وجلست قدام عبدالله
سياف بصوت تعبان: الو
وديان: كيفك؟
سياف : بخير الحمدلله
وديان: اش فيه صوتك تعبان؟
سياف: ما فيه شي
وديان: ياخوي قولي فضفض براحتك انا اختك
سياف: اقول ما عليك مني روحي شيكي على البنتين لايسوي فيهم شي
وديان بإستغراب: بنتين؟ ومينهو؟
سياف: سعود ،اي ،وحده منهم اخته والثانيه بنت خالته
فز عبدالله وهو يركض ويطلع برا
وديان بخوف: طيب يلا بروح باي
ولحقت عبدالله وهي تركض ، وشافته ركب سيارته وقبل يتحرك فتحت الباب الخلفي وجلست وعبدالله، غافل وجودة من الافكار اللي جت له
و اول ما وقف عند البيت نزل وهي وراه وفتح الباب ودخلوا وهو ينادي : سعود سعود
طلع سعود بسرعة وهو باين وجهه تعبان وكأنه بكى والشماغ فرق كتفة و شعره محوس
عبدالله: ايش سويييت!
سعود بكى في حضن عبدالله : ياخي كانت غلطة والله
عبدالله مسك كتوف سعود و وخره : ماسويلهم شي صح؟
سعود وعيونه مليانه دموع : لا ، بس ظلمتهم
عبدالله: ظلمتهم؟
وديان: طيب اش دخل سياف؟
لف عبدالله: انتي وش تسوين هنا؟ ومتى جيتي؟
وديان: قول قسم ما تتذكر!
عبدالله: قسم ما اتذكر
وديان: ركبت معك وراء
عبدالله: احح امانه
وديان راحت متجهه للبيت: والله انك مجنون
وعبدالله للحين في حالة صدمة ،..لف على سعود وجلسوا عشان يعلمه
سعود: .....
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
دقت وديان الباب وفتحت تيماء
تيماء: ادخلي ادخلي الحمدلله انك جيتي
دخلت وديان: ليش؟
تيماء : ليان وليلى راحوا يتمشون ولما رجعوا رجعوا يبكون ومن اليوم احاول فيهم يتكلمون ما تكلموا وللحين يبكون
وديان: خلاص انا اشوفهم
راحت وديان ودقت باب الغرفة ودخلت، وشافت ليلى منسدحة وتبكي وليلى جالسة تناظر الارض وتبكي
وديان جلست في السرير اللي فيه ليلى ومسحت شعرها : ياليلى حبيبتي اش اللي وصلك لـ ذي الحالة؟
ليلى: الظلم
وديان : اي طيب اش السالفة ؟
ليان لفت على وديان وهي معد تقدر تتمالك دموعها ببكي وشهقات : وووديان تبين تعرفين؟، طيب انا اعلمك،....
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عبدالله قام بصراخ : تستهبل انت!
سعود وهو يبكي: اش اسوي فكرت كذا وسويت كذا اش تبيني اسوي ؟
عبدالله: قوم اتأسف منه !
سعود: مراح يقبل تأسفي
عبدالله: اذا ما قبل له حق ، بس اهم شي انك تأسفت
سعود: طيب بتأسف
عبدالله :روح البس ونمشي بعد شوي
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وديان بصدمة : كيف !
ليان: شفتي كيف؟
وديان : الحين هذي كلها مو مشكلة المشكلة الكبيرة سياف!
ليان: ليش؟
وديان وهي بتقوم : انا بروحله لا يسوي في نفسه شي، وبعدين اعلمك
ليان : ليش يسوي في نفسه شي؟
وديان: بعدين اعلمك
ليان : طيب اصبري بروح معك
وديان: طيب يلا
~ ملاحظة : ليلى نامت في نص السالفة ~
طلعوا ليان و وديان يركضون
عبدالله شافهم : وش فيكم؟
وديان وهي يلا يلا تتكلم : تكفى يا عبدالله ودنا عند سياف لا يسوي في نفسه شي تكفى
عبدالله: لا لا ما راح يسوي في نفسه شي ، يمكن ينجرح وكذا بس مستحيل يسوي في نفسه شي
وديان: ياعبدالله انا اعرف سالفة اخوي واحتمال ذي المرة ما يتحمل زي المرة اللي راحت
عبدالله: المرة اللي راحت؟
وديان : ودنا بعدين اعلمك
عبدالله: طيب يلا اركبوا السيارة
~ ركبو كلهم السيارة حتى سعود ~
وصلوا عند بيت سياف ونزلوا كلهم وهم يركضون ،ودق عبدالله الباب بقوة
سياف فتح الباب وهو حالته حله ، شعره محوس ازارير ثوبه متقطعة و وجهه كله دموع ويده فيها دم
ركضت وديان ومسكت يده اللي تصب دم : عبدالله تكفى وده المستشفى
سحب سياف يده : خليني يا وديان ما يحتاج
وديان: سياف تكفى والله مو بسببك لا تسوي كذا في نفسك
سياف ضحك بسخرية : ههههه مو بسببي! لو ما انظلمت ما كان ماتت
عبدالله: يأخوك بس يدك تصب دم كثير تعال نوديك المستشفى
سياف: انت مانك عارف ليش بس انا معد ادر اتحمل تعذيب الضمير ذا طول حياتي
وديان: يا سياف انا مالي سند وعضيد بـ هالدنيا من بعد ابوي غيرك تكفى تكفى ياخوي لا تسوي في نفسك شي
سياف: تدرين انا اش اكثر شي غلط اسويه كل مره؟
وديان : وش؟
سياف: اني اساعد..
عبدالله ضم سياف : طول ما انت تساعد الناس لا تفكر في شي ثاني الله بيجازيك على كل عمل في الجنة والصبر زين ياخوك
سياف حضنه بقوة وهو يبكي: اي اي صدقت يأخوي
وبعد ضمه كانت لها رمز في حياة سياف ، لف عليه سعود وقال : تسامحني؟ ، انا عارف اني مخطي بس ما ادري اش صار لي ذاك الوقت ، تكفى يا سياف سامحني
ناظر فيه سياف وابتسم: ايه اسامحك
ضمه سعود بقوة: والله اني اسف يأخوي
عبدالله: بما ان كل شي بخير يلا امش نوديك المستشفى
سياف طيب بس بلبس
عبدالله: طيب ، "نظر في وديان وليان" يلا امشوا
وراحوا للسيارة وسعود قعد عند سياف يساعده
.
~بعد نص ساعة~
الدكتور: اي الحمدلله كان في اشويه قزاز وشلناه وخيطنا الجرح والحمدلله بس يباله كم يوم ما يغسل يده ولا يتروش وغيروا الشاش من يوم لـ يوم
عبدالله: مشكور يا دكتور
وديان: الحمدلله على سلامتك يا اخوي
دق جوال وديان
وديان: صبر ..
وديان : هلا يبه؟
ابو ساميه: يا بنيتي روحي السوق انا وامك بنقابلك هناك
وديان: ليش؟
ابو ساميه: اي صح نسيت اقول، بكره ملكتك انتي وعبدالله
وديان بصدمة: نعمم!
ابو ساميه: المهم يلا تعالي
لفت وديان على عبدالله وناظرته : يبه عبدالله يدري؟
ابو ساميه: اكيد
وديان وهي ودها تصفق عبدالله: طيب يبه مع السلامة
قفت من المكالمة
وديان: انت تدري ان بكره ملكتنا؟
عبدالله: لا تقولين طلعوا صادقين!
وديان: بدرييي مرهه
عبدالله: يحقلك تنصدمين بس ابشرك انهم مخططين يزوجونا الاسبوع الجاي
وديان: تمزح صح؟
عبدالله: لا
وديان : اتوقعها من ابوي والله
سياف : يعني بكره الملكة؟
وديان : للأسف
سياف وهو يضحك: ههههههه حركات بصير وديان زوجة عبود
عبدالله ابتسم : ان شاء الله
وديان : يلا انا بروح
عبدالله: اوصلك؟
وديان : لا انا بروح مع اوبر
سياف: اقول خليه يوصلك
وديان: طيب
.
راحوا عبدالله و وديان و وصلها للسوق ورجع يجهز القاعة والثوب والشماغ واشياء كثيرة ، و وكل ليلى انها تعزم الناس ، بس مو كثير ، بس قرايبهم اللي مرة
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
في صباح اليوم الثاني..
وديان: يمه تكفيننن ارتاحي ولا تتعبين نفسك زيادة على اللزوم
ام ساميه: ما تعبت نفسي
"دق الجرس"
وديان : اكيد ذي الكوفيرة
سديم بصوت عالي: انا بفتح
فتحت سديم ودخلوا الكوفيرات
وديان : ما عمري توقعت انوا يكون بين خطبتي وملكتي يوم وملكتي وزواجي اسبوع
ام ساميه: لاحد يسمعك يحسبنا مزوجينك غصب
ودين ودها تقول ( اصلاً ما تزوجت بكيفي غصباً عني ) : ابشري يمه
دخلت الكوفيره و وديان توصفلها ايش المكياج اللي تبيه والتسريحة اللي تبيها بعد
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
"دق الجرس"
وسن فتحت الباب :هلا والله بعمي
فراس : اشوف يوم رحت الكل تزوج
وسن : لا لسى محد تزوج بس عمي عبدالله
فراس: الا وينه عريسنا؟
وسن : راح يتكشخ وبعد اشوي بيعقد قرانه
فراس: في احد يعقد قرانه في يوم ملكته!
وسن : روح اسأل ابوك محد له دخل
فراس حركات وصايرة تردين
وسن: دقيقة لاحظت ان الابرنسس مو معك ، "وهي فرحانه" طلقتها صح؟
فراس: مو كأنك تحمستي اشوي؟
وسن بخيبه : خلاص عرفت ما طلقتها للحين
فراس : اي يا حلوه خليك كذا فاهمه
ليلى: يا وسن وينـ...اخيراً شرفت؟
فراس : اي شرفت
ليلى: وين الحيه
فراس: لا تنادينها حيه
ليلى: اي اي بس استغربت وجودك بدونها
فراس بصوت عالي : مري مافي احد
دخلت مريم : ياحبيبي ممكن تشيل شنطتي تعبت منها ثقيله
فراس:ابشري
ليلى: اي اي شيل عنها وخلها تتحكم فيك ياغبي
فراس: لو ما تسكتين بقص لسانك
ليلى: ايه باين انك بتقصه "وراحت"
فراس : هين يا ليلوا ..، حبيبتي ماعليك منها
مريم : لا عادي حبيبي
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وديان بعد ما رتبت شكلها (للحين ما حطت مكياج ولا سوت شعرها، بس عشان عقد القران)
ام ساميه: يلا امشي
وديان : يلا جايه
راحت وديان مع ام ساميه
ام ساميه: بتشرطين عليه؟
وديان : لا مابي شروط
ام ساميه: بكيفك ،المهم بس بيجيب ابوك جهاز حق تبصيم بس حطي اصبعك السبابه، تمام؟
وديان: ابشري يمه
جاب ابوها الجهاز: يابنيتي بصمي
وديان بصمت : كذا؟
ابو ساميه: اي
وديان: خلاص بصمت
ام ساميه: يلا ندخل نجهز
وديان: يلا
راحت وديان وبدؤوا الكوفيرات يسولها المكياج اللي تبيه والتسريحة اللي تبيها
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ليان وهي تناظر الفستان الوردي
ليان: ذا الفستان اللي بتلبسينه؟
ليلى: اي ،حلو؟
ليان : ذا اللي بعد الحلو يا شيخة
ليلى بغرور: اختياري
ليان: لعد امدحك احسن
ليلى مسكت خدود ليان : انا من لي غيرك ؟ ، اذا ما مدحتيني مين بيمدحني؟
ليان استحت: خلاص عاد
ليلى: يلا عاد تكشخي اليوم وخلي جمالك يغطي على الكل
ليان: تم ههههههه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عبدالله بعد ما طلع من بيت ابو ساميه وهو يسمع نصايح فارس وعلي
علي : للمره المليون اقولك لا تتوتر يوم تشوفها
عبدالله: ياخي اول مره اتزوج طبيعي بتوتر
فارس: طيب خلك رزين ولا تتوتر
عبدالله: ياليللل
علي: ترا انت اكثر واحد يتوتر بيننا ، و ماني ناسي من كثر ما تتوتر..يوم نكذب ما يكشف كذبنا الا بتوترك
عبدالله: اش دخلني انا ؟ ، هو التوتر يجي من الله
فارس: طيب عندي طريقة جربها..
عبدالله: وشهي؟
فارس : لما تدخل عندها حسس نفسك انك تعرفها من زمان ومتعود عليها ، وبيروح التوتر
عبدالله : طيب انا ما اعرفها من زمان ولا متعود عليها
فارس بعصبيه: انت غبيي!
عبدالله: يمكن ،بس هد هد اشوي
فارس راح : الشرهه مو عليك على اللي يعلمك
عبدالله: أتفق
نظرة علي: الله يكون بعوننا انك اخونا
عبدالله: بس كمان ياحظكم ، صح؟
علي: كان ودي اقولك اي بس للأسف لا
عبدالله ضمه : لا حظك حظك
علي: ياخي ازعل منك أحيانًا بس احن بسرعة هههههه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
~ الساعة 5:27 ~
ناظرت ليان لـ ليلى: يلا خلصي بنروح الاستراحة نرتب امورنا
ليلى: اريج ومنال راحوا تو مع فارس يشيكون على كل شي ويشرفون على الخدم وانا بجي معكم
ليان : اي احسن شي، بنمشي بعد اشوي ترا
ليلى: بروح البس الفستان واجي
ليلى راحت الحمامات(يكرم القارئ ) ..
دق جوال ام سعود: هلا يمه خلصتوا؟
ام سعود: قربنا اشوي ونخلص
سعود : طيب اذا خلصتوا دقي علي استناكم في الحوش
ام سعود : اصبر دقيقة
سعود: طيب
ام سعود لفت البيت ما لقت احد : يا سعود عادي ادخل مافي غيري انا وتيماء وليان
سعود : متأكد ؟
ام سعود: اي تو شيكت
سعود: اجل جاي
ام سعود: فتحت الباب لك
سعود : طيب جاي الحين
"دخل سعود البيت"
لف يبي يدورهم شاف وحده لابسه وردي وشعرها ويفي وقصير وحسبها ليان ، وفي لحظة ضمها: ماشاء الله اليوم يا احلى اخت طالعة حلوه
لفت ليبى وهي تصفقة كف وناظر سعود بصدمه واستوعب انها مو ليان : آآسف
ركضت ليلى اول ما استوعبت انها مو لابسه عبايه ودخلت جوا وحده من الغرف وقفلت الباب وفي ذي اللحظة كانت قدامها مراسه وناظرت شكلها وابتسمت لما تذكرت ضمته اللي جاها شعور غريب من بعد الضمه واختفت ابتسامتها على استيعابها وهي تفكر بينها وبين نفسها : ليش دخل؟ اصلاً كيف دخل ؟، وبأي حق؟ ...، دقيقة ليش ابتسمت انا ؟ ، يا ليلى مانسيني ظلمه امس؟ انتي تبتسمين على اي شي؟ غبيه انا والله ، لا وصافقته وتبتسمين؟ وين عقلـ...
قاطع تفكيرها دق الباب اللي كانت ليان هي اللي تدق
ليان: ليلى!
ليلى فتحت الباب : ها؟
ليان: من اليوم ادورك
ليلى: راح؟
ليان: مين؟
ليلى: اخوك
ليان: اخوي؟
ليلى: اي دخل ، مدري كيف وشفته ودخلت الغرفة
ليان: صبر اشيك
"ليان دورت كل البيت وما لقته وسألت امها وقالت انها نادته عبالها مافي احد بس ليان بحد استغرابها ،ليش طلع اذا هو ما شاف ليلى؟"
جد ليان عند ليلى: انتي متأكدة شفتيه بس ما شافك؟
ليلى سحبتها بهمس : تعالي اعلمك ادخلي
دخلت ليان مع ليلى: ها؟
ليلى: اسمعي بعلمك بس لحد يدري
ليان: اخلصيي
ليلى: صراحة... انا كنت واقفة اجرب امشي بالكعب زين ولا..، وفجأة اخوك حسبني انتي وضمني
ليان شهقت : نعمممم!
ليلى: اص اص
ليان: اي وبعدين
ليلى: صفقته كف
ليان: اححح هههههههههههههه
ليلى : واستوعبت متأخر اني بدون عباية ودخلت هنا
ليان بصدمة : انتم بتجلطونييي!
ليلى : امشي امشي ما عندنا وقت
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
سعود بعد ما دخلت ليان غمض عيونه بقوة يبي يستوعب وفتحها و اول ما استوعب طلع برا يركض وقعد في السيارة وهو باله مع ليلى
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وديان اللي كانت لابسة الفستان الاحمر اللي كان ياخذ العقل وفاتحة شعرها اللي يوصل نص ظهرها ومكياجها الخفيف اللي مبين ملامحها الحلوه
وديان: ها كيف شكلي
اريج : والله تهبلين ماشاء الله
منال:ليلى لا تشوفك ،صدقيني بتسرقك من عبود هههه
وديان : ههههههه خلوهاا تخي الحين التوتر عندي الف
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ام سعود : يلا امشوا
تيماء وهي طالعة : المناكير الحمراء معك يا ليان؟
ليان : اي
طلعوا من البيت ،وليلى اول ما شافت سعود الي قاعد في السيارة ارتبكت ومسكت يد ليان...وليان فهمتها وجتها ضحكة خفيفة
وركبوا السيارة سعود حرك السيارة بدون ولا كلمة
ليلى بهمس لـ ليان : اشوي وتجيني ام الركب
ليان بنفس الهمس: سوي كأن مافي شي صار
ليلى: يا ادميه احس قلبي يدق
ناظرت فيها ليان وضحكت بصوت عالي
ليلى: اص اص
ام سعود: اش فيك؟
ليان وهي تحاول توقف ضحكتها: لا ولا شي بس قالتلي نكته
ام سعود: ماليقتوا تنكتون الا الحين
ليان وهي تغمز لـ ليلى بخبث: سعود
سعود : لبيه
ليلى هنا حست بتوتر زيادة وهي تقرص ليان
ليان : عندك علكه ؟
سعود : اي
مد لها العلكة من قدام ليلى اللي كانت جالسة بالنص
اخذت ليان العلكة وهي عرفت ان ليلى خقت على سعود
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
اول ما وصلوا دخلت ليلى وسلمت على وديان وقعدت عندها تشوف كشختها وتمدحها
وبعدها بـ ثواني دخل عبدالله وهو بصعوبة دخل من التوتر بس خف توتره يوم شاف ليلى بس لما طاحت عيونه على وديان ابتسم لا اراديا ابتسامه عريضة و وديان حمر وجهها اول ما شافت ابتسامت عبدالله العريضة ولما لاحظتهم ليلى سحبت عبدالله جمب وديان وطلعت والمصورة قعدت تصورهم وقالت لهم : ممكن يا عريس تجي وراء العروسة وتحضنها وعبدالله ما توتر ذي المره وحضنها و وديان حست براحة لما حضنها وابتسمت
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ليلى: بالله شكلي حلو؟
ليان : يهبللل
تيماء: ههههههه تراك تسألين ليان اش تتوقين بتقول؟
ليلى: طيب اسألك ، شكلي كيف ؟
تيماء: حلو حلو والله
ليلى بغرور مشكورة حبيبتي
"بعد ثواني"
جت حرمه عند ليلى: ياحلوه انتي متزوجة؟
ناظرت ليلى في ليان : اا...اي
وسحبت فرح (بنت فارس) اللي كانت تمشي مع وسن
ليلى : وذي بنتي
وسن هنا كانت بتتكلم ومسكتها ليان
الحرمه : اها ماشاء الله ، الله يخليها لك ، تشبهك مره
بعد ماراحت الحرمه ناظرت ليلى في وجه فرح ولفت على ليان: تشبهني؟
ليان : ابداً هههههه
ليلى: ذي الحرمة شكلها من كثر ما صدقت شافتها تشبهني
ليان : ههههههه بس ما هقيتها منك
ليلى: عاد ينرفزون اللي كذا
ليان: مرههه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
دخلوا ام سعود و ام ساميه يتصورن مع وديان وعبدالله ، وطلعوا ودخلوا ابو ساميه وابو فارس وسياف ، وبعد ما تصوروا طلعوا ، وجت ليلى تركض :اصبروا انا لا تنسوني
عبدالله: لا ما نسينا تعالي و وقفت جمب وديان وصورتهم المصورة....
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
بعد يوم كان كله ضحك وفرح وانبسط الكل واكثرهم وديان وعبدالله
"وديان بعد ما مسحت مكياجها واخذت شور و لبست بجامتها ومشطت شعرها "
انسدحت على السرير وهي تتذكر احلى اللحظات اللي عشاتها اليوم و غمضت عيونها وهي تتذكر ضمت عبدالله ،وفجأة نامت
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عبدالله اللي من اول ما جاء اخذ شور وانسدح بس يفكر بجمال وديان اللي ما شاف اجمل منها في حياته
بس شايل هم انه يظلمها معه وقلبه ما ينسى نوف ، وفجأة وهو بين همومه ينام
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
في الصباح ..
صحت وديان وغسلت وجهها وجلست على السرير وهي تفتح جوالها وتشوف رسالة من عبدالله وتفتح الرسالة ،مكتوب: السلام عليكم ورحمة الله وبركاته، صباح الخير
ردت: ...
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عبدالله: لا يشيخ
سعود: والله شف انا اقرب اصحابك وغصباً عنك تسمي ولدك على اسمي
عبدالله: ماتدري يمكن تطلع بنت
سعود : عادي اهم شي اذا جاك ولد
عبدالله: تم هههههههههههه
"جته رسالة من وديان"
: وعليكم السلام ورحمة الله وبركاته ، صباح النور
عبدالله كتب : تو ما نور صباحي
ارسلت قلب:❤️.
ابتسم عبدالله وقفل الجوال ، ناظرة سعود: احس ودي اغير جو ،نمشي؟
سعود: نسيت ان عندك دوام؟
عبدالله: اييي صح
سعود: عاد حظك ،رح اخذ وديان وروح للمستشفى
عبدالله: لا يمكن عمي فيصل ما يوافق
سعود: زوجتك وعمي فيصل يثق فيك وبيوافق
عبدالله: تمام
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ليلى: يا تيماء بالله شيلي السفرة
تيماء : تمام
اريج: ياخي وديان تهبل امس
ليلى: اي والله فيها جمال غير عن الكل
منال: بس صراحة اخذت عقلي ماشاء الله عليها
ليان: اذا ذي ملكة ومكياج خفيف و اخذت عقولنا ، كيف الزواج اجل ؟
ليلى: لا بس ماشاء الله هي اللي قايمه في اهلها وتساعد امها في التنظيف وتساعد اختها وتربي عيال اختها وباره في امها وابوها
اريج: يا حظ عبدالله والله
منال: بس والله لايقين على بعض
ليان : اي والله
"دق جوال اريج"قامت ترد
ليلى: شوفوا زي ذول الحلوين اللي لايقين ببعض
ليان: مين؟
ليلى: علول واريجوا
ليان: اي ماشاء الله يهبلونن
ليلى: ياويلي عاد منال وفروسي متربعين بقلبي
منال : ياروحي والله انتي اللي متربعة بقلوبنا والله
ليان: اي عاد انتي كل زوجات اخوانك يهبلون ،...الله يرزقني زوجة اخ كيوت وعسل
ناظرتها ليلى وهي تتذكر موقف امس : ههههههه امين
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عبدالله دق بيت ابو ساميه
فتح ابو ساميه: هلا والله بولدي
عبدالله: هلابك
ابو ساميه: بغيت شي؟
عبدالله: انا بقولك شي بس اذا ما بتوافق عادي
ابو ساميه: قل
عبدالله: عادي نروح انا و وديان المستشفى، يعني لـ دوامنا ؟
ابو ساميه: اي عادي، انت زوجها يحقلك
عبدالله أبتسم :حلو اجل اكلمها الحين تنزل
ابو ساميه ابتسم وقفل الباب
عبدالله ارسل لـ وديان: يلا انزلي
وديان: ؟
عبدالله: بنروح المستشفى مع بعض
وديان: طيب
وديان تجهزت ونزلت ويوم شافت عبدالله في السيارة ركبت قدام : السلام
لف عليها عبدالله بإبتسامه عريضة: وعليكم السلام
"شغل عبدالله اغنية عبد المجيد، قمر "
وعرفت انها المقصودة وابتسمت يوم قال عبدالمجيد عبدالله:
شفتك وضاع الكلام ضيعت حتى الغزل
اعذرني والله جمالك ماخلى فيني عقل...
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
فراس: هههههههه ياخي من زمان عن السواليف الزينه يا سعود
سعود: اي والله
فراس : تكفى ياسعود روح قول لهم يسون قهوة
سعود: ابشر
راح سعود ودق الباب
ليلى: مين؟
سعود: اا...انا سعود
ليلى: بغيت شي؟
سعود : اي ، سو قهوة
ليلى: طيب
سعود: ليلى
ليلى: سم
سعود: سم الله عدوك ، انا اسف على اللي صار امس
ليلى: لا عادي
سعود: اصلاً ما دريت احسبك ليان ، واصلاً امي قالت لي مافي احد ودخلت
ليلى: عادي صار خير
ابتسم سعود: صدقتي صار خير
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
طلع سعود يركض
فراس: تعال ووين رايح؟
سعود بصوت عالي : انت روح خذ القهوة انا بروح عند عبدالله ضروري
فراس: ليش؟
سعود: ياخي بكلمه بموضوع
.
ركب سعود سيارته وراح بشكل سريع وهو مبتسم على طريق المستشفى
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عبدالله نزل هو و وديان المستشفى ودخل غرفته وهي راحت تحط شنطتها في درجها اللي في غرفة الممرضات
.
وقفت تحط شنطتها جوا الدرج ، ولكن لفت على صوت : وديان!
وديان بصدمة: ريفان!!
ريفان ضمتها: كيفك؟
وديان : الحمدلله بخير، انتي كيفك؟
ريفان : الحمدلله بخير دامك بخير
وديان : والله ياخي لك فقده خاصة
ريفان ناظرت يدها اليمنى: احح انخطبتي!
وديان: اي وامس كانت ملكتي
ريفان :مبروك حبيبتي ، تمنيت اكون معك في فرحتك
وديان : عادي تحظرين زواجي ان شاء الله
ريفان: مسحيل ارفض هههههه
طلعوا وديان وريفان وهم يسولفون ويمشون بالاسياب
"بعد 3 دقايق "
دق جوال وديان وكان مكتوب "عبدالله " ردت: هلا
عبدالله: وينك؟
وديان :امشي بالسيب ،ليه؟
عبدالله: مدري بس شفتك تأخرتي وعندنا مرضى
وديان : اي صح ،طيب جايه الحين "قفلت"
وديان: بروح عند عبدالله عندنا مرضى اشوي اجيك
ريفان: عبدالله؟
وديان: الدكتور اللي اساعده
ريفان: الدكتور اللي تساعدينه! ، وتنادينه عبدالله! ، ويدق عليك !
وديان: هههه ذا خطيبي
ريفان بصدمة : امانه ! ، يعني تزوجتوا عن حب؟
وديان: لا لا بس ابوه صديق ابوي وحنا اجتمعنا بالمستشفى نفسها صدفه
ريفان : اها
وديان: يلا بروح
ريفان : طيب
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
سعود وقف قدام المستشفى، نزل من السيارة ودخل جوا وهو يدور غرفة عبدالله واول ما لقاها دق الباب وعبدالله قال: ادخل
سعود دخل: عبدالله بكلمك ضروري
عبدالله: عندي مريض الحين ، شوي اكلمك روح الكفتريا
سعود: طيب
راح سعود للكفتريا وجلس في وحده من المقاعد
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
جت وديان ودخلت : وين المريض
عبدالله: الحين بيجي
"دق الباب"
عبدالله: تفضل
دخل المريض: السلام
عبدالله: وعليكم السلام ، وش تشكي منه؟
المريض: انا ما اشكي من شي بس ابيك تشيك على اسناني اذا فيها شي ولا لا ، يعني انا ابي اسوي تقويم وابيك تشوف اسناني اذا فيها تسوس ولا شي
عبدالله جلس على الكرسي : طيب انسدح
انسدح المريض، وشيك عبدالله
قام عبدالله وجلس في كرسيه : مافيك شي الحمدلله ، ويمديك تسوي تقويم
قام المريض : اكيد؟
عبدالله: اكيدين
ناظر عبدالله وديان : وديان جيبيلي الاقلفز اللي عندك
المريض ناظر وديان وابتسم : حلو اسمك
ناظره عبدالله بحده وهو يحاول يتمالك نفسه : اذا خلصت ممكن تتفضل
المريض : طيب بس بقول للمرضة شي
عبدالله وقف بغضب: لا رجاءً لاتكلمها وتفضل برا
المريض : اش دعوه مكبر السالفة ! خلاص بطلع
طلع المريض، وديان: اش فيك قمت على الرجال يمكن يبي شي ضروري
عبدالله ناظرها بحده : بالله!
وديان: اقول يمكن
عبدالله حاول يهدي نفسه : بروح عند سعود
وديان: سعود هنا؟
عبدالله: اي جاء يبيني في موضوع ضروري
وديان : طيب
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
راح عبدالله عند الكفتريا وجلس عند سعود: ها؟
سعود: بكلمك بموضوع
عبدالله: قول
سعود: تذكر قلت لك انا احب وحده ؟
عبدالله: اي بس ما قلت لي منهي
سعود: الحين بقولك
عبدالله: اي؟
سعود : انا يا عبدالله احب اختك ليلى ، وجاي اخطبها منك على سنة الله و رسوله
عبدالله وقف : نعم!
سعود : اجلس فضحتنا
عبدالله جلس : في احد صاحي يجي المستشفى ويخطب!، لااا وبعدين يقول على سنة الله و رسوله !
سعود: ياخي اهم شي اني جيتك بخطبها
عبدالله ابتسم : هههه خلاص بكره ان شاء الله تعال واخطبها زين على سنة الله وسوله من ابوي
سعود بفرحة : صدق!!
عبدالله: اي
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وديان طلعت من العيادة وراحت لدرة المياه (يكرم القارئ )ولقت ريفان...
وديان: ريفان
ريفان: احلى ثانيي صدفة اليوم
وديان جتها : اي والله
وديان سكتت شوي ثم قالت : تعالي عندي اليوم !
ريفان : ابشري
"دق جوال وديان "
وديان: هلا
عبدالله: وديان ،في كم موعد اليوم؟
وديان: تقريباً 9 مواعيد
عبدالله: اها طيب بس عشان كنت بطلع بدري
وديان : طيب
عبدالله نسى يقفل المكالمة ولما وديان جت بتقفل سمعت..
سعود: ياخي لاتفكر كثير خلها على ربك
عبدالله: تستهبل انت ! ، اقولك بعيش معها للأبد ، كيف انسى نوف؟
سعود: ياخي زي ما نستك انساها
عبدالله: المشكلة اخاف اظلم البنت معي
سعود: ماراح تظلمها ،...اذا كنت راح تفكر كذا ليه خطبتها وليه ملكت عليها
عبدالله: انت عارف ان ذا كله عشان ارضي ابوي
سعود: اجل تحمل دامك ما تقدر تطلقها
عبدالله: بس يا سعود احس اني اخونها اول ما اتذكر نوف
"هنا وديان انصدمت وقفلت المكالمة "
سعود: لا تفكر فيها طيب،...دقيقة انت ما عجبتك وديان؟
عبدالله بابتسامه: الا
سعود: اجل؟
عبدالله: خلاص قفل الموضوع اصلاً مافي حل لـ ذا الموضوع
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
"وديان قفلت المكالمة وهي ماهي مصدقة اش تسمع ولفت على ريفان و وجهها باين عليه الصدمة"
ريفان: فيك شي ؟
وديان: لا
ريفان : متأكدة ؟
وديان: اصبري يا ريفان بس بروح عند العيادة دقايق
ريفان : طيب