انت واقع حي والباقي وهم

٥

الساعة 4:39
يوسف اخذ شهد وراحوا يتمشون
شهد: يا يوسف ابي اطلبلك طلب
يوسف : امريني يا عيوني؟
شهد : عادي توديني كوفي*** الجديد، والله في خاطري اجيه
يوسف: افا ابشري ما طلبتي شي
شهد باسته من خده : احللللى أخو والله
يوسف ضحك: ههه انتي والله اللي احلى اخت
وفجأة كان يوسف بيلف يسار وفي لحظة ناظر جت سيارة على يساره وبحركه سريعة لف يمين وانصدم بعامود الكهرباء واغمى عليه وعلى اخته ولكن بعد ما تجمعوا الناس ،صحى يوسف وهو ما يقدر يشوف من الدوخة ولكن شد عينه اول ما شاف شهد طايحة و حولها كله د*م وكان اكبر مخاوفة ان اخته تموت وقرب منها وهو يناديها بغصة : ااا..شهد يا شهدد ، تكفين وانا اخوك اصحي
يوسف ما جاه اي رد وشاف الناس يحولون يطلعونه و راسه ينزف، ثم فك الحزام وجلس يسحب شهد من المقعد اللي جمبه ، ولما قدر يسحبها وهي بين احضانه دف الباب وهو يحاول يفتحه ولكن الباب ما انفتح و الناس حاولوا يفتحون الباب وما قدروا وبالقوة فتحوا الباب والحمدلله اول ما فتحوا الباب وصل الاسعاف
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ريفان وهي تكلم ليلى: والله ياخي اليوم في مرضى اكثر من امس وتعبت
ليلى: ماعليك بكره بتجيك وديان وتساعدك هههههههه
ريفان : ياليت تجي الحين زوجة اخوك ذي ههههههه
ليلى: ياخي اخوي بكبره ما شفته بس يقولون قعد معهم افطر ومشى واهل وديان يقولون انها نامت عندهم امس ، والله شكله ما قدر يتحمل يبعد عنها
ريفان : اي صدق هههههههه
ريفان شافت لمحت يوسف اللي ينزف راسه وهو يلحق سرير فوقه بنت
ريفان: ااا..يا ليلى
ليلى: هلا؟
ريفان: بقفل عندي مرضى
ليلى: اجل يلا مع السلامة"قفلت"
ريفان راحت تلحق يوسف وقفت : اصبر وش فيك؟
يوسف : يا ممرضة تكفين ساعدي اختي تكفين
ريفان : طيب بس تعال نشوف جرحك
يوسف وهو يدفها : لا لا روحي عند اختي
ريفان: طيب طيب
راحت ريفان ودخلت وشافت الممرضين متجمعين عليها ويقولون ان الدكتور سعد بيطول على ما يجي ، وقربت ريفان منها وشافت يدها شواتها قزازة كبيرة وشوية جروح وعلى طول لبست الكمامة والاقلفر ومسكت المقص والممرضين حولها يقولون( لا تمسكين شي ، لا تسوين شي ، استني المريضه لا يصير فيها شي ، اتركي المقص ) وكلهم يتكلمون و هي صارخت: خلاصص فكوني واطلعوا لا اسوي اي غلطة بس اللي يبي يساعدني يقعد
وقعدت ممرضتين والباقين قالوا مانبي نتحمل المسؤولية وطلعوا
قعدوا الممرضتين يساعدون ريفان اللي شالت القزاز وخيطت الجرح بعد كشفت على شهد وبعدهاوعالجت الجروح و اول ما وصل الدكتور وشاف انها خلصت ارسلها للمدير عشانها تصرفت مع المريض بدون استشارة الدكتور وطلعت وهي طالعة شافت يوسف اللي جالس و ماسك راسه ونادته: لو سمحت
يوسف رفع راسه : ها؟
ريفان : انا الممرضة اللي اولى كلمتني وقلت لي روحي عند اختي
يوسف قام : اي اي تذكرتك ، وينها ، وش فيها؟
ريفان: هي جوا وحالياً هي بخير الحمدلله
يوسف: الحمدلله، عطيني اسم الدكتور اللي ساعدها
ريفان: اا...اسمه سعد
يوسف : شكراً والله
ريفان: عفواً
"ريفان راحت عند المدير"
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
صحت وديان وفجأة شافت عبدالله اللي جالس في الكرسي ومنزل راسه ونايم ، وقامت بهدوء و راحت تغسل وجهها ودخلت تسوي الغداء
"بعد ربع ساعة تقريباً "
.
عبدالله صحى وشاف وناظر حواليه بس وسع عيونه لما ما لقى وديان موجودة وقام بسرعة يدورها ويوم وصل المطبخ ولقاها و هدأ
وديان : صحيت؟
عبدالله: لا لسى نايم بس جيت وانا مغمض عيوني
وديان: اي عارفة سؤالي غبي بس يعني انت صير اعقل مني وجاوب زين
عبدالله: اش قومك؟
وديان: صحيت اسوي الغداء
عبدالله وهو ينزل الاغراض من يدها : اقول فكي اللي في يدك انا بجيب غداء
وديان: يا ادمي انا بسوي الغداء مابي شي من برا
عبدالله: صدق!
وديان : اي
عبدالله سحبها وطلعها برا المطبخ وقفل الباب وقعد يرتب الاغراض
وديان وهي تدق : يا عبدالله افتح
عبدالله طلع من المطبخ وقفل الباب: اقولك بجيب اكل ومصره تطبخين!
دق جوال وديان : سمي يا عيوني ؟
عبدالله يأشرلها: مين؟
وديان بهمس : ليلى
ليلى : ترا داريه انك معها يا قليل الخاتمه
عبدالله بإستغراب: اش سويت!
ليلى: تجي وما تسلم على اختك ؟
عبدالله: اش دعوه والله نسيت
وديان : ياليلوا تكفين ساعديني
ليلى: انا عارفة انك في مصيبه من يوم عبدالله جمبك، شمسوي بعد ذا ؟
وديان : تخيلي صحيت بسوي الغداء وهو يوم صحى وشافني بسوي الغداء منعني وقال روحي ارتاحي انا بجيب
ليلى: وتقوليننن ساعدينيي! ، يا غبيه ذي فرصة العمر والله بعدين يقولك ما ابي اكل الا من البيت ، خسيس اخوي
عبدالله: عن الغلط يا ليلوا
وديان: بس انا ابي اطبخ
ليلى: اقول اذلفي انتي وسنعك
وديان: ترا زوجة اخوك مو رفله
ليلى: ندري والله ندري بس صيري اليوم رفله وخليه يجيبلك غداء واتغدي وبعدين تعالي عندنا نبي ننبسط
وديان: هههههههههههه تم
عبدالله: هههههههه يلا انا بروح اجيب غداء
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ريفان دخلت عند المدير
ريفان : سم يا دكتور راكان
راكان : ياريفان انتي مستوعبه انك سويتي شي مو من تخصصك شي ممكن يتسبب في طردك؟
ريفان: اعرف
راكان : طيب ليش سويتي كذا؟
ريفان: اسمع يا دكتور ذي البنت مهمه بالنسبه لي
راكان : ايش تقرب لك ؟
ريفان: ما تقرب بس...في واحد ساعدني قبل اسبوعين تقريباً وانقذني من حادث واليوم جاء يبي احد يساعد و ذا هو اخوها بس ترا ما كان بيدي غير اني ارد له المعروف وهذا من واجبي
راكان: هو انتي سويتي الصح ولو اني في مكانك كان تصرفت بتصرفك، بس يا ريفان ذا الشي ماهو ضمن مستواك وانتي مانك دكتورة بس الدكتور هو اللي يتحمل مسؤولية كل شي ، يعني لو سويتي شي بتكونين انتي المسؤولة وانتي مو عارفة وش تسوين
ريفان: طيب الدكتور سعد كان بعيد ، وش ذنب المريضة؟
راكان: يا ريفان ذا شي لا تكررينه وانا ذي المره بسامحك عشاني واثق فيك بس لو صار للبنت شي انتي المسؤوله
ريفان: ابشر
راكان : خلاص اجل روحي وقعي عند الدكتور سعد انك مسؤوله عن اللي بيصير للبنت
"طلعت ريفان"
ويوم وصلت عند الدكتور سعد عشان توقع الاوراق سمعته يقول لـ يوسف (ذا واجبنا والله واصلاً اختك مافيها شي مره بس قزازة وشويه جروح وعالجتها)
يوسف: والله شكراً وماراح انسى معروفك ذا "وطلع"
ناظرت ريفان على الدكتور سعد بـ كره واخذت منه الاوراق و وقعت
سعد : يا ريفان انتي اللي اخترتي عداوتي وما اخترتي محبتي
~ريفان تتذكر~
"سعد كان معها بالجامعة"
سعد: يا ريفان اش فيك انا حبيتك
ريفان: يا سعد انا كم مره علمتك اني ما اعتبرت اكثر من صديق والله
سعد : طيب جربي
ريفان: يا سعد افهم انا ما ابيك ، والله يا سعد جربت
سعد : طيب شسوي بدونك الحين؟
ريفان: انا مو بيدي شي ، لا تلومني
سعد: طيب اختاري ، محبتي ولا عداوتي
ريفان: يا سعد اش تقول انت!
سعد بصراخ : اختاااري
ريفان: يا سعـ..
سعد: اقوووللكك اختارييي يا ريفان
ريفان: ااا..عداوتك
سعد يصفق: حلو
~نرجع للواقع~
ريفان: يا سعد انت قلت غصب اختاري وانا اخترت مع اني ما كنت ابي ولا وحده من الثنتين
سعد: ريفان معد ينفع التبرير
ريفان وهي تدق بالطاولة: لا تسوييي شي يضر المريضة يا سعد ولا والله لأخليك تندم
سعد: مين قالك اني بسويلها شي؟ ، غبي انا؟
ريفان : اعرفك يا سعد زين اذا كرهت شخص تسوي المستحيل عشان تخليه يندم على الساعة اللي انولد فيها
سعد : بس انا ما كرهتك
ريفان: بس انا اخترت عداوتك وتعتبر تكرهني
سعد قام وهو يضحك وقرب من ريفان: ههههههه بس اذا تبين تختارين محبتي ، لا زال العرض مفتوح
ريفان دفته وصارخت : يا سعد التزم حدك وبعد
طلعت ريفان وهي معصبه و تسارعت خطواتها وهي ماتدري وين تتجه ولكن فجأة انصدمت بـ يوسف
ريفان: ااا..اسفة
يوسف: لا عادي
ريفان راحت على طريق المقهى ولحقها يوسف وهو يناديها
لفت ريفان : ها؟
يوسف: عادي تشوفيلي اختي، يعني اذا اقدر ادخل عندها ولا
ريفان : والله مدري بس شوف الدكتور سعد
يوسف : طيب عادي تسألينه انتي؟ ، يعني اذا قال لا تحاولين والله احتاج اشوف اختي
ريفان: طيب
رجعت ريفان ودقت باب غرف الدكتور سعد و وراها يوسف ودخلوا الاثنين وسعد اول ما شاف ريفان ضحك : ههههه اش فيك رجعتي؟
ريفان: هذا اخو المريضة شهد يبي يشوفها
سعد: من الحين اقولها لا ممنوع
ريفان : يا ادمي بيشوفها ع السريع وانا المسؤولة
يوسف : اي اي بس بشوفها بسرعة واطلع
سعد : لا
ريفان بنظرات حاده: اقولك انا اللي بدخله وبكون مسؤولة عنه
سعد: طيب اش فيك عصبتي؟ ، و لعد تناظرين كذا
ريفان: اولاً ما عصبت ، ثانياً انا بدخله ومالك دخل ، لاني انا اللي مسؤولة عن المريضة ومراح استأذن منك
طلعت ريفان و وراها يوسف
يوسف: ماكان المفروض تتمشكلين مع الدكتور عشاني
ريفان : انت ما تدري ذا اي انسان ، انا اصلاً متمشكلة معه من زمان يعني مو جديدة الهوشات اللي بيننا
يوسف: انتي تقربيله ؟
ريفان : لا
يوسف: طيب لا تحكمين عليه
ريفان: اقول ادخل قبل يتدخل ويطردنا ،واصلاً انا ماحكمت عليه انا قلت الصدق
يوسف: طيب
دخل يوسف وهو يشوف اخته اللي منسدحة بدون كلام ومتجرحة من كل مكان
مسك يدها ثم اردف ودمعة على خده : يا نور عيني لا تتركيني انتي دنيتي وش بسوي بدونك؟  ويابعد روحي لا تختفين مثل ابوي وامي ولا تتركيني وانا والله لو يعطوني كنوز الدنيا ذي كلها ما تركتك ، بسم عليك يا دنيتي وتاج راسي ، عسى المكروه ما يخطاك يا بعد قلبي  وعساها فيني ولا فيك ، اصحي يا وخيتي ابي اسمع صوتك اصحي
ريفان تناظر يوسف اللي يبكي وهو ما يدرك نفسه واللي يعز اخته ويحبها ومالهم غير بعض لفت ريفان بتمسح دموعها اللي نزلت بدون سبب وقربت من يوسف وقالت : لو سمحت يلا لازم نطلع الحين
قام يوسف وهو يناظر لأخته من بعيد وطلع وريفان تمشي وراه وقف يوسف يكلم ريفان
يوسف: لو سمحتي انا بروح البيت اجيب ملابس واغراض لـ اختي ، ممكن تعطيني رقمك يعني اذا صار شي تدقين علي وتبلغيني؟
ريفان ابتسمت:  طيب ،الرقم *****
يوسف يسجل الرقم
مر سعد من السيب وفجأة شاف ريفان مبتسمه وقدامها يوسف وحقد على يوسف وراح
يوسف : يلا انا بروح واذا صار شي دقي علي انا عطيتك رنه
ريفان: ابشر
يوسف: تبشرين بالجنة "راح"
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
بعد اسبوع..
يوسف و ريفان بدو الفترة الاخيرة يتقابلون كثير
وشهد طلع عندها اصابه قوية في رجلها وبدت تتحسن
وعبدالله و وديان احياناً يحنون على بعض واحياناً يتناقرون
اما سعود وليلى انعقد قرانهم و جهزوا لـ ملكتهم
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
الساعة 6:57م
سياف: يا عبدالله خلصني بلحق على الملكة
عبدالله وهو يزبط شماغة : اصبر
عبدالله بعد ما خلص: حلو؟
سياف: اي طالع كاشخة
عبدالله: اجل سلامتك انا بروح اخذ وديان واجي الملكة
سياف: طيب
عبدالله راح ويوم وصل بيته نزل ودخل عند وديان
عبدالله: يا وديان!
وديان من الغرفة: هنا هنا
عبدالله توجه للغرفة : متى تخـ...
سكت عبدالله يوم شاف وديان بالفستان الاحمر والمكياج الخفيف والشعر المفتوح اللي اخذ عقله
وقفت وديان: حلو؟
عبدالله: ااا..اي
وديان : لا والله قولي الصدق ، باين من نظراتك انه مو حلو
عبدالله: لا والله يجنن
وديان: صدق؟
عبدالله: اي والله صدق
وديان وهي تلبس العباية : اجل يلا انزل وانا الحقك الحين
عبدالله: طيب
نزل عبدالله وجلس في السيارة وابتسم وهو يحس انه مالك الدنيا بكبرها
نزلت وديان وركبت السيارة وراحوا القاعة
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ليلى لابسه فستانها الكحلي وفاتحة شعرها ومكياجها ياخذ العقل..
ليلى: يا اميرة بالله جيبي جوالي
اميرة وهي تعطيها الجوال : سمي
ليلى قعدت تتصور فجأة دخلت ليان واردفت: يلا سعود بيدخل
نزل ليلى الجوال بتوتر ودخل سعود واول ما شاف ليلى ابتسم و سلم عليها وكل واحد منهم يسوي نفسه عاد وهم كل واحد متوتر اكثر من الثاني
وقف سعود جمب ليلى وهم لها : اخيراً صرتي حلالي
صار وجه ليلى احمر من الاحراج وشافتها ليان وضحكت
سعود : اش فيك تضحكين؟
ليان : ههههههه سلامتك
سعود لـ ليلى:اختي مجنونه سلكيلها
ليلى: الحمدلله احد غيري عرف ان ليان مجنونه هههه
سعود ابتسم : الحمدلله
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وصلوا عبدالله و وديان ونزلوا و وديان ودخلت عند قسم الحريم وراح عبدالله عند قسم الرجال
.
تيماء كانت واقفة تتصور وهي لابسه فستانها الابيض ومن فوق ازرق وهادي وحلو
فجأة شافت وديان اللي دخلت وهي متكشخة
تيماء تقدمت عندها: هلا باللي نورت الملكة
وديان : هلابك والله ،...بسألك
تيماء: امري
وديان : وين خالتي ام سعود
تيماء: جوا عند سعود وليلى
وديان بخبث: بالله ادخلي وصوري لي ليلى بشوف ردة فعلها ، احسها صارت مستحيه
تيماء: هههههههههههههههه ابشري الحين اصورها
وديان: كفو والله ههههههه
دخلت وديان عند الحريم وقعدت تمر وتسلم على اللي تعرفهم و بعدين جلست في الطاولة اللي جالسين في اميرة وسامية وام سامية
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
بعد ربع ساعة طلع سعود ودخلت وديان وهي تضحك على ليلى بعد ما ورتها تيماء صور ليلى
ليلى: يا وديان ما اتفقنا كذا !!!
وديان: هههه افا يا ليلوا ما توقعتك كذا خفيفة
ليلى: شف من يتكلم ، ما تذكرين يوم خطبناك و رحتي للغرفة مستحيه وانا اللي كنت احسب اخوي سبك ولا شي وكنت بفزعلك ، افا والله
وديان: يختي لا تربطين المواضيع
ليلى: اي اي الحين لا اربطها
وديان دق جوالها : دقيقة برد وارجعلكم
راحت وديا للحمامات"يكرم القارئ "وهي ترد : هلا
عبدالله: نسيت اجي اسلم على ليلى شوي بدق عليك تشوفيلي الطريق بدخل
وديان : طيب بقول لـ ليلى ولا اميرة
عبدالله: لا انتي
وديان : اش معنى انا !
عبدالله: اقولك انتي شوفيلي الطريق ترا ما بتموتين
وديان: طيب طيب
قفلت وديان ولفت للمراية تزبط شكلها وجت وحده و وقفت جمبها ،لفت وديان وهي كأنها شبهت عليها ولكن انصدمت لما شافتها
وديان بصدمة: نوف!
نوف: وديان!
وديان : انتي اش جابك هنا؟
نوف : انتي اللي اش جابك ؟
وديان: جاوبي على سؤالي
نوف: ذي ملكة ولد خالي
وديان: سعود ولد خالك!
نوف : اي
وديان: اها "لفت وبتروح"
نوف: سامحيني والله اني اسفة
وديان لفت عليها : على وش؟
نوف : مسحيل انك نسيتي
وديان: ما نسيت بس اسألك وش اللي بيصلحه الاسف؟
نوف : مدري والله ، بس اللي اقدر اقوله لك والله اني ندمانه
وديان: مستحيل يفيد تأسفك وندمك على اللي سويتيه
نوف: اناا والله كانت حياتي حلوه الا بعد ما ظلمتك تدمرت حياتي
وديان: اش بيصر لك يعني؟ ، انتي ما يدمرك شي
لفت وديان بتروح وهي كارهه نوف ولكن وقفت وديان بصدمة بعد ما قالت نوف ..
نوف: انا كنت احب ولد خالة سعود ، وهو كان يحبني بس تزوج والحين انا بالقوة جايه الزواج وبعد عارفة انه زواج اخته
لفت وديان و بصدمة : مينهو؟
نوف: ماراح تعرفينه
وديان: تكلمي ، مينهو؟
نوف : واحد اسمه عبدالله
ناظرت فيها وديان بصدمة : نعم!
نوف: اش فيك؟
وديان : انا سمعتك تقولين عبدالله صح؟
نوف : اي
وديان : عبـ...
دخلت اميرة وهي تنادي وديان: وديان تعالي بسرعة
وفي نفس اللحظة دق عبدالله
وديان: اا...دقيقة
راحت على جمب وديان وهي ترد: الو
عبدالله: يلا شوفيلي الطريق
وديان: ابشر الحين جايه
وديان قفلت المكالمه و راحت تشوف له الطريق ودخل عبدالله و وديان تناظر فيه مو مستوعبه للحين ان ذا الشخص يحب نوف ولاحظ عبدالله نظرات وديان الغريبة له وقرب منها وهمس: وش فيك تناظريني كذا؟
وديان: ااا..مافيني شي  "طلعت وديان بسرعة من الغرفة"
عبدالله: وش فيها ذي؟
ليلى: ليكون مزعلها ؟
عبدالله: والله ما زعلتها ولا شي
ليلى: اي اي صدقتك
عبدالله: اقول اذلفي انتي ، يا اميرة بالله نادي وديان
اميرة : طيب
.
راحت اميرة تدور وديان ولما لقتها قعدت تحاول فيها تجي..وفجأة جتهم نوف
نوف: اش فيك يا وديان؟
وديان ناظرت فيها : ما فيني شي
اميرة : يلا قومي عبدالله مستعجل
وديان: يختي قولي له ماهي جايه
اميرة : اجل بكيفك
نوف انصدمت : دقيقة اش دخلها في عبدالله ؟
اميرة: زوجته
نوف بصدمة: ااا..ايش!
اميرة: اجل بكيفك بس عصب عبدالله انا مالي دخل
راحت اميرة..
عبدالله: تستهبل ذي!
اميرة: والله حاولت فيها
عبدالله بعصبيه : اسحبيها من هناك
اميرة: البنت عنيدة ماهي جايه ، اذا خلصنا الملكة والله لأجيبها لك غصب، بس انت هد
عبدالله: طيب روحي قولي لها عبدالله راح وليلى تبيك
اميرة: هذي المره ان ما جت ماني مصره اكثر
عبدالله: طيب ، بس قولي لـ ليان هي اللي تناديها
اميرة : طيب
راحت اميرة وقالت لـ ليان تقولها
ليان: يا وديان امشي انا والبنات بنتصور
وديان: عبدالله راح؟
ليان: اي ، وليلى تبيك
وديان قامت : يلا
يوم وصلت وديان عند باب غرفة ليلى ، ليان كانت وراها ورجعت ثم دخلت وديان وعلى طول قفل عبدالله الباب ومسك يدها
عبدالله: انتي ليش طلعتي؟
وديان وهي تحاول تفك يدها : مالك دخل
عبدالله: الا لي دخل قولي
وديان: بكيفي
عبدالله: وش اللي بكيفك ، تكلمي بسرعة
وديان سكتت شوي ثم اردفت : تعرف نوف؟
عبدالله: ها !
وديان : سؤالي واضح ، حبيبتك صح؟
عبدالله: لا ماهي حبيبتي
وديان: لا تكذب على
عبدالله: انتي اش عرفك بـ نوف؟
وديان: جاوب بدون كثرة كلام
عبدالله: بعدين اعلمك السالفة ، بس الحين ابيك تركدين شوي عشان محد يلاحظ ان بيننا مشاكل وكذا
وديان: قول وعد انك تعلمني السالفة
عبدالله: وعد
وديان : طيب
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
بعد ما خلصت الملكة
طلعت وديان وهي تشوف عبدالله جالس بالسيارة ينتظرها ونادته ( يشيل معها اغراض عطتها ليلى عشان توصلها للبيت )
نزل عبدالله وشال معها وفجأة جته وحده من يساره
: يا عبدالله بكلمك
عبدالله غض بصره واردف : مين؟
وديان بصدمة: نعم بأي حق بتكلمينه وانا هنا !
نوف : لا بس بقوله شي
عبدالله: لا شكرا ما بيك تقولين لي شي
نوف: يا عبـ..
قاطعتها وديان: يقولك ما يبي يكلمك انتي اش تبين!
عبدالله مسك يد وديان و راح ونوف تناظرهم من بعيد ومقهوره
ركب عبدالله السيارة ومشى
وديان: عرفتها صح؟
عبدالله: ياليل اي اي
وديان: يلا ما ودك تعلمني الحين؟
عبدالله: طيب بعلمك ، المهم انا جوعان ما تعشيت كثير..تبين اكل معي؟
وديان: ما اقول لا
عبدالله: طيب بس لا تزعلين وبعلمك انا اصلاً ما بختفي لا تخافين
وديان: مابخاف اكيد
عبدالله: أي اي هههههههههههههههه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ليلى: اوريها ريفان ماجت
ليان: البنت عندها مناوبة ماتقدر تجي بس ان شاء الله بتجيك في الزواج
ليلى: طيب يلا يلا ساعديني فارس يستناني
ليان: طيب
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
اخذ عبدالله من ماك وراحوا للبيت وجلسوا ياكلون
وديان: اي؟
عبدالله: وش؟
وديان: ما وعدتني تعلمني؟
عبدالله: وحنا صغار كانا يوم نروح عند خالتي كانت تجي عمة سعود ، وهي عندها بنت اسمها نوف وكنا نقعد بالاسابيع وانا تعلقت وحبيتها بنوف و استمريت اخبي حب ولكن بعد كم سنة تصدمني بإعترافها لي انها تحبني ولكن يوم تعترف نكون في عمر نتغطى من بعض ، ولكن انا وهي قعدنا نتقابل بالسر و نتواصل بالسر ، وفي يوم من الايام اكتشف انها انخطبت و وافقت ومحد اجبرها وجيتها وقلت لها: يا نوف ليش توافقين ؟ ما اتفقنا نتزوج! ولا احد جبرك؟
وردت علي: يا عبدالله انا معد ابيك انا بتزوج واحد احسن منك وانسان ما يكلم بنات وانت اذا كلمتني فـ انت كلمت غيري وانا ما ابي احد يخونني
وهنا جرحتني و بالقوة قدرت اتخطاها وذا الكلام كله قبل سنتين صار
وديان: يا عبدالله والله اسفة ما كنت ادري، اصلاً هي من يومها خاينه ، هي خانت اقرب صديقاتها
عبدالله: انتي تعرفينها؟
وديان: اي ، انا عرفتها في ثالث متوسط لين اخر سنه ثانوي ولما خانتني بعدت عنها والحين راجعه تبيني اسامحها
عبدالله: اش سوت لك؟
وديان: نوف كانت اقرب صديقاتي وكانت اقرب شخص افضفض لها واعلمها عن اسراري ولكن مع الايام بدت تتغير وما دققت في تغيرها كثير ولكن في يوم من الايام تجيني وحده وتقولين كل الاسرار ما عمري وثقت الا في نوف وعلمها الاسرار ذي و رحت وهاوشتها وتزاعلت معها وهي قعدت تضحك علي وراحت و صارت على اخر كم شهر في الثانوي تحاول ترسبني وتخرب حياتي واستخدمت كل نقاط ضعفي ولكن انا كنت قوية واكثر انسانه قوتني وساعدتني هي ريفان وهي اللي صارت اقرب انسانه لي وبس
عبدالله: يا سبحان الله خانتنا وغدرت فينا وتزوجنا هههههه
وديان: هههههههه لو تشوف صدمتها يوم عرفت انك زوجي
عبدالله: هههههههههه شكلها جتها جلطة
وديان وهي تضحك وتقلد تعابير وجه نوف: لا لا كذا صار وجهها  ههههههههههه
عبدالله : ودياننن تكفين لعد تقلدين هههههههههه
وديان: ههههههههههههه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
الصباح..
صحى عبدالله و غسل وجهه وقعد يصحي وديان
عبدالله: وديان يلا اصحي بنتأخر
وديان وهى مغمضة عينها: بس دقيقة
عبدالله: اقول تقومين ولا ارش عليك مويه باردة؟
وديان فزت: لا لا قمت
عبدالله: اي كذا خليك مؤدبه
وديان: صدق والله
عبدالله: اي هههههههههههه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ليلى صحت وفتحت جوالها وابتسمت اول ما شافت رسالة من سعود : السلام عليكم ورحمة الله وبركاته ، صباح الخير ياحلوه❤️.
ردت عليه ليلى: وعليكم السلام ورحمة الله وبركاته ،صباح النور
سعود: كيفك؟
ليلى : الحمدلله بخير ، انت كيفك؟
سعود: الحمدلله بخير
دخلت ليان عند ليلى وهي تشوفها مبتسمه وقاعده تكتب في الجوال
ليان: ههههههه حبيب القلب يرسل؟
ليلى بخجل : اي
ليان : هههههه اجل ان خلصتي تعالي حطينا الفطور ، بس لا تتأخرين عشان ما يخلص الفطور عليك
ليلى: طيب ههههههه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وديان: يلا
عبدالله: جيت
" طلعوا وركبوا السيارة "
وديان بلطف : عبود
عبدالله: اححح اول مره تقولين عبود!
وديان : طيب ياخي قولي امري
عبدالله : والله اني عارف انك تبين شي بس يلا
وديان: ياليييل ، طيب قول اش بغيتي ولا امري
عبدالله: اش بغيتي هههههههه؟
وديان: عادي نمر دانكن ، تكفى والله مشتهيه قهوة ودونات ، تكفففى
عبدالله: بس؟
وديان: اي
عبدالله: ههههههه ابشري
وديان : كفو والله
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ريفان واقفة تاخذ اوراق كشف المريض
جاء يوسف ونادا ريفان: يا ممرضة ريفان
ريفان لفت: هلا
يوسف: تعالي شوفي اش فيها شهد 
ريفان: طيب
راحت ريفان لـ شهد : سمي وش فيك
شهد : رجلي توجعني
ريفان: ماعليك ذا بس تأثير العلاج
يوسف : طيب كم يبيلها يوم وتقدر تطلع
ريفان: ذي اليومين ان شاء الله
يوسف ابتسم : ان شاء الله
دخل سعد: ريفان
ريفان: هلا
سعد : تعالي
ريفان: تمام
"راحت رايفان عند سعد"
يوسف : يلا هانت يا قلبي كلها يومين ونطلع
شهد : يوسف
يوسف : سمي
شهد: والله جوعانه
يوسف : افا ، انتي اطلبي وانا اجيبلك عيوني ، وش ودك
شهد: تسلم عيونك ، مدري اي شي جيب لي من الكفتريا
يوسف : ابشري
راح يوسف وعلى طلعته وقف يوم سمع من وراء الباب
سعد: اقول اسكتي وخل القاك هنا
ريفان: ولي امري على غفله!
سعد: اقولك ذي مريضتي وانا اتصرف ، واخوها لا تقربين منه
ريفان: طيب قولي سبب يقنعني عشان اترك المريضة
سعد: ما يحتاج سبب انتي بس نفذي ولا والله لأقول لـ الدكتور راكان
ريفان : ايه ايه قوله ، تدري وش تقوله ؟ ، قوله ريفان قاعدة تعالج المريض اللي انقذتها وحطت كل ذا الفضل لي ، قوله انا ودي يصير في المريضة شي عشان انتقم من ريفان ، قوله عن اختياري لـ عداوتك بدال محبتك ، قوله اني انا المسؤولة ومستحيل اخلي مسؤوليتي على احد
وقف يوسف وهو يسمع كل ذا ومصدوم ، ثم رجع وجلس في الكنبه اللي جمب اخته
شهد: وش فيك ؟
يوسف: ها؟
شهد: ليش ما جبت الاكل ، اصلاً ما مداك تروح
يوسف: ااا..الكفتريا زحمة شوي بروح
شهد: تمام
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وديان وعبدالله وصلوا
عبدالله: وديان
وديان: سم؟
عبدالله: معك شاحن؟
وديان: اي
عبدالله: تمام حلو ، شوي عطيني، نسيت شاحني
وديان : اي ما عليك معي
دخلوا المستشفى ودخلوا في غرفة عبدالله، وحطت وديان اغراضها وراحت بعدها عند صاحب الاستقبال واخذت من عنده المواعيد وجهزت كل شي ولكن تنصدم وديان لما تشوف اسم نوف مكتوب من بين المرضى...
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
دخلت ريفان و وقف يوسف : لو سمحتي بكلمك دقيقة
ريفان: طيب
طلعت ريفان و وراها يوسف
اردفت ريفان بإستغراب: فيك شي؟ في شهد شي؟
يوسف: ليش ما علمتيني انك انتي اللي انقذتي اختي
ريفان بصدمة: انت اش در...
قاطعة يوسف: جاوبيني انتي ليش خبيتي عني
ريفان: يوسف ذي مسؤولية كبيرة ومو لازم يعرف احد ان ممرضة عالجة مريضة
يوسف: طيب ليش ماقلتي انا ومو سعد! ، ليش خليتيني اشكر انسان ما ساهم ولا بنقطة في انقاذ اختي
ريفان: خلاص انا اسفة
يوسف: اولاً انا مشكور على اللي سويتيه لـ اختي ومراح انسى فضلك ذا
ريفان: ولو ذا من واجبي
يوسف : اجل يلا مع السلامة انا بروح اجيب لـ اختي اكل
ريفان : انت اقعد عند اختك انا بجيب الاكل
يوسف: لا انا اللي بروح انتي اقعدي عند اختي
ريفان: طيب
"يوسف راح"
وقفت ريفان تناظر في يوسف وهو رايح وابتسمت وبعدها بثواني لفت وفجأة شافت ...
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وديان بعصبيه وهمس : اش تسوي ذي جايه هنا بعد!
عبدالله: اش فيك تهمسين؟
وديان: ولا شي
عبدالله: الا في شي قولي
وديان: اقولك مافي شي
عبدالله: اي اي صدقت
"دق الباب"
عبدالله: تفضل
دخلت نوف وهي جاهله ان وديان وراها وقفلت الباب وتقدمت ثم اردفت : السلام يا عبدالله
عبدالله: اا...وعليكم السلام
نوف: تكفى يا عبدالله طلق وديان وارجعلي والله اني ابيك
وديان وقفت بصدمه واشرت لـ عبدالله ما يتكلم
عبدالله ارتبك من وديان : ااا..ططيب
نوف: صدق!
استوعب عبدالله واردف: اي طيب وش بغيتي كمان ؟ جايه تطلبين بسكوت انتي؟ اش شايفة الزواج؟ لعب؟ اش شايفتني عشان اطلقها ! اطلق البنت اللي احبها علشان وحده ما تسوى؟
"ابتسمت وديان بهدوء وهي تسمع كلام عبدالله اللي ريحها"
نوف : انا ما اسوى؟ انا نوف يا عبدالله!
عبدالله: طيب عارف انك نوف مانك وديان لحسن الحظ ،لأن وديان اوفى منك بمليون مره
نوف: يا عبدالله انا حبيبتك انا قلبكـ....
وقف عبدالله بعصبيه وبصراخ : انتي لا حبيبتي ولا قلبي ولا شي بالنسبة لـ عبدالله ، الحين عبدالله كل حياته وقلبه هي وديان ، فاهمه!!!
وديان من وراء نوف: حسبي الله عليك ان كانك تحاولين تفرقين بين الاحباب حسبي الله
لفت نوف : اسمعيني ياوديان انا مو..
قطعتها وديان وهي تدفها وتطلعها : اطلعي برا ما ابي اسمع منك ولا حرف
طلعت نوف و...
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
جاء يوسف ولكن ذي المره انصدم اكثر لما سمع..
ابو صقر: طرقاً عن خشمك
ريفان: ياعم والله اني ما ابي ذا الزواج افهم
ابو صقر : ياريفان بتتزوجين صقر ولا والله لاندمك على اليوم اللي انولدتي فيه
ريفان: ياعمم انا وصقر ما نبي بعض افهمم
ابو صقر: مو بكيفكم ، غصباً عنكم
ريفان : انتم لكم 3 سنين ما تدرون عني والحين جيتم تبوني لولدكم ! لا وبعد غصب !
ابو صقر : اي غصب و انتي بتوافقين ومو بكيفك
ريفان : لا والله ما اتزوجه
ابو صقر: والله لو ما تتزوجينه لأشرب د*مك حيه
ريفان: اشربه اشربه بس تكفى لا تزوجني صقر تكفى لاتزوجني سكـ*ـران لا تزوجني واحد ما عنده مسؤوليه تكفى ارحمني يا عم
وقف يوسف بصدمة وهو يبلع ريقه و تقدم ومسك يد ريفان ثم اردف: انت مالك حق تزوجها لأنها زوجتي اصلاً
ناظرت ريفان لـ يوسف بصدمة : ااا..ايشـ..
قاطعها يوسف و ابتسم: اي بعرف بتقولين كالعادة ايش جابك في ذا الوقت ، وليش مانك في دوامك ، ومن ذا الكلام بس بعدين اعلمك
ناظر ابو صقر بحده : من متى وهي متزوجة!
لفت عليه ريفان بثقة: اي انا متزوجة بس ما حبيت اعلمكم ، وعشان كذا ما وافقت على صقر وهو يستاهل اللي احسن مني ان شاء الله
ابو صقر : هين يا ريفان هين "وراح"
ريفان وقفت تناظر لـ يوسف : مره شكرا والله ما تدري اش قد ساعدتني
يوسف : العفو
ريفان بإستيعاب : اححح اش سويت! ، الحين عماني يعرفون اني مو متزوجة صدق ويذبـ*ـحوني !
يوسف: عندي فكرة حلوه
ريفان: وشهي؟
يوسف: ...
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وديان طلعت نوف و قفلت الباب ، ثم تقدم عبدالله لـ جهتها واردف: هههههه بس صراحة انا صدقت اننا عايشين قصة حب
وديان ضحكت: ههههههههه اييه حتى اناا
عبدالله: بس اكثر شي عجبني الطردة ههههههه
وديان: انا لو بيدي رميتها من الشباك هههه
عبدالله: لا المشكلة تقهر لسى تقول انها حبيبتي هههه
وديان: اييي مريضة هههههههه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
بعد يومين... 8:44م
"في بيت ابو فارس"
الشيخ : الحمدلله على سنه الله ورسوله تم عقد القران والله يوفقكم
ابو فارس : الله يوفقكم وجعل ايامكم حلوه يارب
عبدالله: مبروك مبروك
فارس : عسى الله يوفقكم ويرزكم بالعيال الصالحين يارب
علي: الله يجمع بينكم على خير
سعود: الله يوفقكم يأخوك والله كلنا فرحنالك
فراس : يالله ان شاء الله نحطر عرسكم بكل خير
يوسف: امين يا رب ، وشكرا على وقفتكم معي بذا اليوم
عبدالله: افا يأخوك حنا معك في اي وقت احتجتنا
يوسف حط يده على كتف عبدالله: تسلم يا أخوي
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وديان: الله يوفقكم ياريفان
ريفان: امين
ليان: والله حركات صرتم كلكم متزوجات
ليلى: ههههههه ما عليك بتتزوجين قريب ان شاء الله
ليان: لا شكرا مابي
ليلى: محد طلب رايك
ليان: الا مجبورين تطلبون رايي
وديان: انتي نصيبك جاي ولا تستعجلين
ليلى: اقولها انا حاسه انك بتتزوجين قريب بس ما تسمع
ليان دفت ليلى : اقول اذلفي انتي واحساسك الزفت ذا
ريفان: ياخي بالله اسكتوا خلوا الواحد يعيش اللحظة
وديان: حركاتتت
ليلى: يمه انتي ريفان اللي اعرفها !
ليان: الله كيوتت
ريفان : انتم بتسكتون ولا اطردكم!
ليان: لا اصبري بنعيش اللحظة معك
ليلى: مدري اقول ياحظ يوسف ولا الله يعينه
ريفان: ليش الله يعينه ياحبيبتي! ، اكيد يا حظه
ليان: بموتت الثقة هههههههه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
سعود : يوسف دام بكره ملكتك اجل زواجك معي
يوسف: لا والله اننا نبي نتزوج ذا الاسبوع، وانت عارف هي ما عندها احد وكذا وتهون علي اخليها اسبوع ولا اسبوعين لحالها
سعود: يازينك والله ، اجل خلاص بكلم زوجتي وان شاء الله بشوف اذا يمدينا نسوي الزواج ذا الاسبوع
يوسف: هههههه طيب
عبدالله: انت شكلك غصب تبي زواجك انت ويوسف في نفس اليوم هههههه
سعود: اقول اسكت خلني احقق حلمي معه ، ما حققته معك
علي: خله يا عبدالله يحقق حلمه هههههههه
سياف جاء يركض : تأخرتت!
عبدالله: لا لا بدري كان تأخرت شوي زيادة
سياف: الحمدلله وصلت بدري
علي: لسى يقول بدري هههههه
يوسف: ماعليك المره الجايه في زواجي وان شاء الله ما تتأخر ههههههههه
سياف: شكراً فهمت
الكل: ههههههههههههههههههههههههه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
البنات وهم يسمعون ضحك العيال
ليلى: ماشاء الله باين فرحانين ههههههه
ليان : اكييد بيفرحون دام يوسف اخذ ريفان
وديان دق جوالها وردت
وديان: الو
عبدالله: يلا جهزي بنرجع الشقة
وديان: طيب
قفلت وديان ولفت على البنات ثم أردفت: بنات بروح
ليان : تونا بدري
وديان: والله عبدالله يقول بيرجع
ليلى: تمام
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ركبت وديان السيارة وناظرت في عبدالله وهو يضحك على يوسف اللي لحقة لـ السيارة عشان يعلمه ردة فعل سعود يوم تزحلق
حرك عبدالله السيارة وجلس طول الطريق يعلم وديان سوالفة مع العيال ويضحكون و وديان تتأمل ضحكاته وتبتسم وهي تحس ان ضحكاته وصلت اقصى مكان في قلبها وماهي عارفة اشلون توصف شعورها لما تشوف ضحكته..
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
الصباح
صحت وديان ويوم فتحت جوالها شافت الساعة 9:29ص
فزت وراحت تصحي عبدالله اللي نايم في الصالة
وديان: عبدالله اصحى
صحى عبدالله: ها
وديان: الساعة 9 ونص اصحى
عبدالله فز : اححح قولي والله!
وديان: والله
عبدالله و وديان كل واحد قام يجهز
وجاء عبدالله عند وديان اللي جلست تكوي ورمى عليها تيشرت واردف: كويها
وديان : ذي مو حقة الدوام!
عبدالله : اي عارف بس انا بطلع مع العيال بعد الدوام وبوصلك عند اهلك
وديان : طيب
عبدالله: بس لا ينحرق ،ذا التيشرت افضل تيشرت عندي ، وهدية من علول عشان كذا احب ذا التيشرت
وديان : تمام
جلست وديان تكوي الملابس و هي مستعجلة ولكن فجأة رفعت درجة الحرارة بالغلط وحرقت تيشرت عبدالله وارتبكت ماتدري اش تسوي وراحت عند عبدالله
وديان بتوتر : يا عبدالله
عبدالله: ها؟
وديان: اا...انحرق تيشرتك
فز عبدالله: ايششش!
وديان : والله بالغلط
عبدالله بعصبيه : تستهبلين انتي! وش اللي بالغلط!
وديان: والله ما كنت اقصد
عبدالله بعصبيه اقوى : اناا مو قايلل انتبهي لا ينحرق؟
وديان خافت من صوته: طيب انت اسمـ...
قاطعها عبدالله بعصبيه : مابي اسمع شي ، قومي البسي وانتي ساكته
وديان: طيب طيب
راحت وديان اللي خافت من عصبية عبدالله ومن الخوف بكت على جمب ومسحت دموعها وراحت تلبس ، وبعد ما خلصت نزلت عند السيارة و ركبت السيارة وهي مو قادرة تحط عينها بعين عبدالله اللي اخذ تيشرت ثاني وطلع وهو معصب
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وصلوا وديان وعبدالله  المستشفى ونزلت وديان على طول وذي المره مـ....