انت واقع حي والباقي وهم

٤

اميرة: جاء؟
ليلى: اي
ليان جت : بنات
ليلى: ها؟
ليان وهي تأشر لـ ريفان: ذي ام فستان اصفر ،مين؟
ليلى: ريفان صديقة وديان
ليان: صدق؟
ليلى: اي
ليان: ياويلي اش ذول الصديقات اللي كلهم جميلات ونهاية اسمهم بـ النون ، خلاص بسمي بنتي اذا جت بإسم نهايته حرف النون
ليلى: ههههههههههه وراه ذا زوجك ما جاء للحين؟
ليان: مو فاضي الحين ، بس اذا جاء اعلمك
ليلى: مدري ليه حاسه انك بتتزوجين قريب
ليان: الله لا يقولها ، توني صغيرة
ليلى: ترا انا قدك ، بس مع ذلك خطيبة اخوك
ليان: ههههههههه احسن
ليلى: عندي احساس يقول جايك الدور قريب
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عبدالله كل ما ابتسم لـ وديان حاولت تتجاهله ولما يمسك يدها بس تستنى يخلص تصوير وعلى طول تسحب يدها ، ولاحظ عبدالله انه مضايقها...
عبدالله للمصورة : لو سمحتي..نادي ليلى واميرة وام ساميه وام سعود
المصورة : طيب
طلعت المصورة وبعدت وديان من جمب عبدالله
عبدالله: ااا..بس بنتصور واطلع
وديان : طيب
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
دخلوا ام ساميه وام سعود واميرة وليلى
ام سعود: ليش ناديتنا يا عبدالله
عبدالله: عشان تتصورون معنا
ليلى: كيوت
اميرة ناظرت في ليلى: وش كيوت ؟
ليلى: اخوي نادانا عشان نتصور معه
اميرة: ههههه قال كيوت قال
عبدالله ابتسم: اقول بلا هرج كثير تعالوا
فتح عبدالله ذراعيه وجت اميرة في الجهه اليسرى وليلى في الجهه اليمنى وام سعود جمب اميرة ويمينهم وديان وام ساميه ، وكلهم يضحكون ومبسوطين ، وهنا المصورة لقطة اللحظة
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
طلع عبدالله وكان هذا اسوء يوم في حياته ، كان تجاهل وديان له يكسره ويفكر الف مره ليش وافق على الاتفاق
وصل عبدالله لقسم الرجال وهو بالقوة تطلع منه الابتسامة
سعود: اش فيك؟
عبدالله: مافيني شي
سعود : الا فيك شي
عبدالله: لا يأخوك انت يتهيألك
سعود سحبه وطلعه برا: تكلم
عبدالله اخذ شهيق زفير : غلطت غلطة
سعود: تكلم وش اللي غلطته؟
عبدالله: وديان مدري كيف عرفت ان ابوي جابرني عليها وجتني قبل كم يوم وقالت لي انها هي كمان مجبوره وتبينا نتزوج بالورق بس ، وبعد شهر او شهرين نتطلق وكل واحد يحط اللوم على الثاني ، وانا ما كان قدامي حل عشان ارضي ابوي غير ذا الحل و وافقت
سعود: غبيييي انتتت!
عبدالله: ادري اني غبي
سعود: ذا الاتفاق اللي اتفقتم عليه مب لعبه
سياف جاء : اتفاق ايش؟
توهق سعود: اتفاق..اتفاق موعد
سياف: هههه موعد وتقول مب لعبه
عبدالله: اي اي عشان هو اللي اتفقت معه فاشل في الاسنان وانا ماكان قدامي غير اوافق عشان يوم زواجي ومقدر اجي للموعد وما عندي غيره
سياف: منجد مب لعبه ،ليش تخليه ياخذ الموعد
عبدالله: خلاص الحين بكلمه واقول للمريض يحجز في يوم ثاني
سياف : حلو اجل
دخلوا يسلمون على الضيوف والضيوف يباركون لـ عبدالله والكل مبسوط وفجأة جاء واحد ونادا عبدالله
: مبروك يا عبود
عبدالله لف بصدمة : يوسف!
لف سعود وهو يميز الملامح : احح يوسف ! ، كيف جيت ؟ ، واصلاً وين كنت ؟
يوسف: عاد بعد السالفة اللي صارت سافرت وقطعت تواصلي مع الكل ودرست تخصص العلوم المالية والمصرف والحمدلله، و الحين متخرج من الجامعة
عبدالله: والله ياخي ماتدري اش سوينا يوم اختفيت فجأة
يوسف : والله اسف ، بس ذيك الايام ماكنت مصدق خبر موته وهو اعز انسان بالنسبة لي ، لكن قدر الله وما شاء فعل ، ويمكن موته خيره
عبدالله: يأخوك اقل شي طمنتنا عنك من كثر ما دورنا وخفنا عليك وسهرنا اليالي ، للحين ما قدرت انسى ذيك الليالي وكمية الخوف اللي عشناه يا يوسف
يوسف ابتسم : تلوموني يوم كنت اقول عبدالله وسعود اعز اخواياي ؟
سعود: لا والله ما نلومك ، بس اقل شي لو ارسلت لنا رسالنا يطمنا عليك شوي
يوسف : تعرفون انتم انا قبل ما افقد ابوي فقدت امي ولكن كان ابوي مغنيني عن الدنيا ولكن لما رحل ما قدرت اتحكم بنفسي وسافرت وقعدت فتره وبعدها قررت اكمل دراستي هناك ، وكملتها وحسيت اني تحسنت ورضيت بقضاء الله وقدرة وتبت لله على حزني المبالغ فيه ، وبس بعد فتره عرفت ان عندي اخت من ابوي ومحد كان يدري عنها وامها متوفيه وقررت احتويها واخليها اغلى شي بحياتي بحكم انها اختي ومع الوقت قدرت ادخلها في حياتي وكانت سبب كبير في ضحكتي
عبدالله ابتسم: الله يخليها لك ولا يفرقكم
يوسف: امين
سعود: يعني هي وين كانت عايشة ؟
يوسف : كانت عايشة مع امها وابوي بس بعد موت ابوي ، امها جتها جلطه و اهل امها تخلوا عنها وجلست في الميتم وهي عمرها 9 سنوات ولكن بعدها بكم سنه دريت عنها والحمدلله الحين عمرها 17 سنه
جاء سياف: يا عبدالله عمي عادل يناديك
يوسف : اي بسلم على عمي عادل، وينه؟
عبدالله : تعال معي
"راحوا عبدالله ويوسف ومعهم سياف لـ ابو فارس "
يوسف جاء قدام ابو فارس: السلام عليكم يا عم ، كيفك؟
ابو فارس: وعليكم السلام و الحمدلله بخير ، ...بس ما عرفتكك والله
يوسف بضحكة: هههههههه افا عاد ما عرفتني
ابو فارس: انا اعرف ذي الضحكة والابتسامة والملابح بس ما اذكر
يوسف: معك يوسف يا عم
ابو فارس بصدمة: دقيقة..يوسف خوي عبدالله وسعود ،اللي اختفيت ؟
يوسف: هههههه اي معك شخصياً
ضمه ابو فارس: ياولدي وينك والله خوفتنا عليك ، وانا اعتبرك بمكانة عبدالله ويشهد الله اني قعدت ادعي باليالي انك ترجع لنا سالم والله لا يوريك خوف عبدالله وسعود عليك اللي خلاهم ما ينامون وبس يفكرون كثير وجتهم حالات كثيرة وانا ماعرفت ادور ذا ولا اواسي ذاك
يوسف : اسف والله ياعم ،بس تعرف حالتي بعد دفنة راح عقلي وماعرفت افكر بأي شي
ابو فارس حط يده على كتف يوسف : ما عليك المهم انك بخير والله
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
مر الوقت وجاء وقت عبدالله يأخذ وديان
ام ساميه: يا ليلى شيلي الفستان من وراء
ليلى: طيب
اميرة: عبدالله
عبدالله: هلا
اميرة : تعال امسك وديان لا تطيح من الدرج ، الفستان ثقيل
وديان: يا اميرة تراها درجتين ما يحتاج
اميرة بتعجب : وديان ترا ما طلبت من احد غريب ، طلبت من زوجك !
وديان: ااا..لا بس انا قصدي ما يتعب نفسه وكذا
ليلى: يا اميرة خليها البنت مستحيه منه ، لا تضغطين عليها
وديان ناظرت في ليلى بنظرات حادة
ليلى: اش دعوه ترا امزح هههههه
عبدالله جاء ومسك يد وديان ونتظرته وابتسم ونزلها وشال فستانها من قدام ونزلت وفتح لها الباب وهو باقي ماسك يدها وركبت وقفل الباب وركب من الجهه الثانيه "وراحوا"
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
في السيارة..
عبدالله: اكلتي؟ ، ولا نشتري اكل ؟
وديان: لا والله ما اكلت
عبدالله: اجل اش تبين اكل؟
وديان : اي شي
عبدالله: قدامنا ماك و برجر كنج ، اي وحده نروح؟
وديان: ايش الاقرب؟
عبدالله: ماك
وديان: خلاص ماك
عبدالله ابتسم : ابشري
وقف عبدالله عند ماك وهو يعطيه طلابتهم و وديان ناظرت فيه وهي تشوف ابتسامته العريض اللي من بداية اليوم مانزلت، وابتسمت بهدوء وهي تدقق في ملامحة ،لف عبدالله وهو يشوف نظرات وديان
عبدالله: وديان ؟
وديان استوعبت ولفت ناظرت قدامها بسرعة : ..ها؟
عبدالله: هههه فيك شي انتي؟
وديان: لا لا بس جوعانه
عبدالله: افا والله ما اخليك كذا جوعانه ، الحين يجيك احلى اكل
وديان ما قدرت تقاوم تعامله اللطيف معها ولفت يمينها وابتسمت ابتسامه عريضة
اخذ عبدالله الاكل ولف على وديان ولقاها لافه الجهه الثانيه : وديان؟
وديان لفت: ها؟
عبدالله: اش فيك؟ ، تعبانه؟
وديان وهي تشوف الاكل بيد عبدالله: لا مافيني شي بس عطني الاكل جوعانه
عبدالله بضحكة: ههههه والله ما اسامحهم ، ليش مخلينك جوعانه؟
وديان وهي تطلع الاكل: شفت كيف؟
عبدالله: اي اي شفت ههههه
" راحوا على طريق الفندق "
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ليلى: ريفان تعالي معنا ننبسط والله احسك فله
ليان: اي تعاليييي
ريفان: هههههههههه تم
ليان: والله انك كفو
ريفان: انتي الكفو والله
ليلى: ليان بنروح مع مين؟
ليان: مع سعود
ليلى: طيب يلا مشينا
ريفان: ترا ماعندي ملابس
ليان: ما عليك نعطيك
ريفان: تمام
لبسوا عباياتهم وطلعوا وركبوا السيارة
سعود: خلاص؟
ليان: اي
سعود: وين امي وتيماء؟
ليلى: راحوا مع فراس
سعود: اجل يلا مشينا
وهم في الطريق ..
ليان: سعوددد
سعود: عيوني؟
ليان: ممكن تمرنا السوبرماركت نشتري اغراض نسهر عليها
سعود: هههه ابشري
ليان: بس ترا على حسابك
سعود: اي اي ههههههههههه
ليان: كفو والله
بعد دقايق وصل سعود للسوبرماركت واشتروا اللي يبونه وطلعوا البنات وهم مبسوطين
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وصلوا الفندق ..
عبدالله نزل وشال مع وديان فستانها وقفل السيارة ، وطلعوا للغرفة..ودخلوا
وديان جلست على السرير : اخخ ودي ما اغير حتى فستاني، بس ابي انااام
عبدالله: نزليه ونامي عشان ترتاحين
وديان قامت : طيب
عبدالله نزل شماغة وثوبه وجلس على الكنبه ، وفجأة...
.
.
عبدالله نزل شماغة وثوبه وجلس على الكنبه ، وفجأة جته رسالة ومكتوب : مبروك يا عبدالله ، توقعت انك مستحيل تتزوج وتنساني ، كنت احسبك غير عن الكل وانك كنت صادق بحبك لي ومسحيل تتزوج غيري، بس خيبت ضني
عبدالله شاف الرسال و همس : خانتني وما تبيني اتزوج، لا وبعد تقول خيبت ضني؟هههههه
وديان: ايش؟
لف عبدالله : ها ! ولا شي
وديان: طيب انا بنام في السرير ، وانت؟
عبدالله: ههه اش رايك انام في الكنبه بعني؟
وديان: حلوه الفكرة
عبدالله: تستهبلين صح؟ الكنبه حقت شخص واحد يعني ما اقدر انام وانا جالس
وديان : دبر نفسك ، المهم انا بنام
عبدالله ناظر حوله وهو يدور حل وبعد ما فقد الامل جلس على الكنبة وهو يفكر في حل ونام بدون ما يحس..
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
سهروا البنات وضحكوا وحشوا وبعد كل ذا ناموا، وكان اجملل يوم بالنسبة لهم
صحت ريفان بسرعة ، وشافت ليلى تمشط شعرها
ريفان : انا بروح
ليلى: ليه ؟
ريفان: عندي دوام
ليلى:تمام اجل
"بعد دقايق كانت جاهزة ريفان وطلعت وركبت اوبر و وصلها لـ بيتها "
نزلت ريفان ودخلت بيتها وغيرت ملابسها وبعد شوي لبست عبايتها ونزلت ، ولكن انصدمت يوم شافت طفل بين عمر سنه او سنتين طايح ودمه في الدرج كله ومغمى عليه
ريفان سكتت شوي و اول ما استوعبت الموقف شالت الطفل وهي تركض طلعت برا "بما ان بينها وبين المستشفى شارع" فجأة وهي قاعدة تركض...
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
يوسف طلع من البيت وهو مرهق بس يبي يلحق على دوامه وكانت شوي السيارات زحمة و وقف سيارته بعيد وقام يركض عشان يلحق على الدوام ، فجأة شاف بنت تركض وفي حضنها طفل ولكن لفت انتباهه ركضتها بإتجاه الطريق و في ذي اللحظة جرى وهو يناديها : يا بنت الطريق لا تنصدمين انتبهي
ولكن ريفان ما سمعته بعد لحظات استوعبت ريفان انها في نص الطريق وكانت في سيارة تمشي بسرعة وفي ذي اللحظة مسك يوسف يدها وسحبها وطاحوا كل واحد في جهه وهي في حضنها الطفل و اول ما قام يوسف شيك على ريفان و الطفل وفتحت ريفان عيونها وعلى طول قامت وهي تبي تروح المستشفى وقفها يوسف
يوسف: انتي اش فيك ؟
ريفان: ذا الولد لقيته طايح في الدرج والدرج كل دم ، واكيد انه ولد واحد من الجيران ،بس بوديه المستشفى اخاف يصير له شي
يوسف وهو ياخذ الولد من ريفان : خلاص خلاص انا اوديه
ريفان : لا كمان انا اشتغل في ذي المستشفى بروح
يوسف: طيب بس انتبهي وتعالي وراي
مشت ريفان وراه وقطعوا الخط
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
صحت وديان وشافت عبدالله نايم وهو جالس صحته
وديان: عبدالله
عبدالله صحى: هـ..هلا
وديان: اذا تبي تنام في السرير نام
عبدالله وقف : خلاص خلاص معد ابي انام
راح عبدالله يغسل وجهه وفجأة دق باب الغرفة ،راح للباب وفتحة وشاف مضيف الاكل جايب فطور
عبدالله: اسف بس حنا ما طلبنا
المضيف : الا ذي الغرفة اللي جانا الطلب منها
عبدالله : يا وديان، انتي طلبتي فطور؟
وديان: اي اي
عبدالله اخذ الفطور : طيب هاته ،شكراً
قفل الباب عبدالله: ليش ما قلتي لي كان طلبت انا
وديان: عادي اهم شي وصلنا الفطور
عبدالله جلس وجلست وديان، عشان ياكلون
عبدالله: ترا الرحلة الساعة 4 جهزي
وديان: طيب
عبدالله: الا بسألك
وديان: امر
عبدالله: سالفة سياف اللي حقت امه وش قصتها؟
وديان: سياف خواله ، اللي هم خوالي انا بعد، الزبدة كانوا يكرهونه عشانهم اصلاً يكرهون ابوه ، وجاء يوم وشافه واحد من خوالي مع بنته قاعدين يسولفون ودخل عليهم ومسك سياف وهو يضربه ويهاوشه ونزل ثوب سياف عشان يثبت الظلم ،وسحبه وهو يرميه عند امي وقال انتي ما ربيتي ولدك لقيته قاعد كذا مع بنتي ولقيتهم قريبين من بعض ، وسياف حاول يحلف ويقسم انه ما قرب منها حتى ،ولكن امي صدقت بعد ما شافت منظره وجتها جلطة ، وكذا يقول سياف ان ذي السالفة بسبته
عبدالله بصدمة: في خال كذا ؟ ، ترا هو الحين يعتبر شوه سمعة بنته بعد !
وديان: اي بس هو عادي عنده لو يشوف بنته تمشي مع ولد حتى ، بس ذاك اليوم استغل الفرصة عشان يقدر يتخلص من سياف ، واصلاً سياف من بعدها دخل في حالة نفسيه
عبدالله بعصبيه : خيرر ماله حق ، قتل اخته وشوه سمعت ولد اخته ،وش يحسب نفسه ذا ؟!!
وديان: خلاص سالفة راحت ما بنرجع لها
عبدالله: اي والله
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وصل يوسف ريفان والولد وراح للدوام
ريفان دخلت الولد للدكتور ، وراحت تكمل شغلها
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
ليلى : ليان
ليان: نعم؟
ليلى: بتنظفين قسم الرجال صح ؟
ليان: اي
ليلى: خلاص اجل ، كنت بنظفه انا
تيماء : بنات بسرعة قبل يجي واحد من العيال نظفوا قسم الرجال
ليلى: سمعتي صح؟
ليان: اففف طيب
راحت ليان تنظف قسم الرجال
" بعد ربع ساعة "
ليان كانت تنظف مغسلة الرجال وفجأة دخل سياف وهو يدور العيال
سياف: يا عياااال ، ياليل ذول وينهم ؟
ويوم سمعت ليان صوته وقفت لثواني وبعدين لفت بتطلع من الجهه الثانيه الا فجأة طلع بوجهها و وقفت بصدمه..
وقف سياف وهو يشوف ليان اللي من الموقف شدت عيونها و رجعت بسرعة ورا ، وسياف تفشل وطلع برا بسرعة
اما ليان بعد ما طلع سياف راحت تركض و دخلت جوا على طول وهي وجهها من الاحراج قلب احمر ، شافتها ليلى
ليلى: اش فيك؟
ليان: مافيني شي
ليلى: الا فيك شي، وش؟
ليان قربت من ليلى وقالت بهمس: ااا..صراحة ، انا كنت انظف المغسلة وجاء سياف خوي عبدالله وسعود ويوم سمعت صوته جيت بطله وطلع على وجهي وما كان يبعد بيني وبينه غير سنتيمترات وتفشلت
ليلى صاحت: قولييييي والله
ليان وهي تعض اسنانها: اقول اسكتي احسلك
ليلى بهدوء: لا بس من جد احس موقف رومنسي وكذا
ليان: اقولك تفشلت تقولين رومنسي؟ ، صاحيه انتي؟
.