فاطمه : هلا حبيبي
خالد : اهلين ها وينج
فاطمه : عند العروس
خالد انصدم : شو قلتي لها شي قومي طلعي ابا اكلمج
فاطمه : وين انت
خالد : برع
قمت وطلعت ومشيت ف الممر
فاطمه : اوك تعال غرفه رقم 6 مابا حد يشوفونا
خالد : اوك
دخلت الغرفه خليت الباب اشوي مفتوح عسب يدخل كنت البس عباتي اشوي انفتح الباب بالقو صديت اشوف منو الدفش
فاطمه : خالد شو هالدفاشه اللي فيك
لبست وقايتي ورحت صوبه
خالد : الله لابسه ابيض وقايلتلي بتلبسن اسود
خالد حط ايده الاثنين ع جتفي فصخ عباتي وطاحت وقايتي
فاطمه : خالد عيب جي اتشوفني مايستوي صد مناك يلا
خالد : ابا اشوف كشختج انزين ليش لابسه ابيض
فاطمه: لان ابا اكون انا العروس
خالد : حبيبتي انتي ان شاء الله راح تكونين انتي العروس
فاطمه : مابتحمل اشوفك مع غيري
خالد : شو اسوي يعني اخذج ونشرد
فاطمه : لا بس اباك انا مابا اكون بعيده عنك
خالد : انتي في قلبي اصلن يصير احضنج
فاطمه : لا مايصير
خالد : اقول تعالي بس
سحبني لعنده بالقو وحضني اشوي بعدت عنه رحت لبست عباتي
خالد : خلاص بسير
فاطمه : اوك
طلع خالد فصخت عباتي طلعت من الغرفه دخلت القاعه شفت ساره قاعده ع الكوشه رحت صوبها قعدت
فاطمه : ها شو متوتره
ساره : هي يعني
فاطمه : لا عادي لا تتوترين
ساره : بحاول
فاطمه : متى بيدخل خالد
ساره : ماعرف
اشوي وقالوا خالد بيدخل قمت نزلت سرت لبست عباتي ووقايتي طلعت من الغرفه شفت خالد زقرته
فاطمه : خالد خالد
صد لي ويا عندي مسكت فوني وتصورت معاه سلفي
فاطمه : ماعرف كيف اشوف اللي حبيته مع غيري
خالد سكت مارد علي راح وخلاني تميت واقفه مكاني حسيت ريلي ثجيله ماقدر احركها تميت اصيح طحت وتميت اصيح مب مستوعبه خالد اللي حبيته ثلاث سنوات بيروح عني لغيري جي بارده ومبرده
شافتني وحده ونا اصيح ماعرفها يت عندي
البنت : شوفيج
قلتلها ونا اصيح : المعرس حبيبي
البنت انصدمت : كيف وهو يحبج
هزيت راسي ب هيه : بس امه غاصبتنه ولا هو مايباها
البنت: مافي شي بالغصب لو هو يباج صج بيسوي المستحيل عسب يكون وياج مب معاها
فاطمه : شو اسوي شو
البنت : شوفي الحين هم يوم بيون الغرفه دخلي عليهم وخربي عليهم
فاطمه : تقولين يعني
البنت : هي يقولج هاي اهم ليله لاتخلينها تعدي ع خير هم يستانسون ونتي حزينه وقلبج يتقطع عليه وهو مب مفتكر
يلسنا لين يو ودخلوا الغرفه
البنت: يلا قومي الحين دخلي وخلج قويه
قمت وقفت وسرت صوب غرفتهم دقيت الباب وفتح لي خالد
خالد : فطوم ليش يايه اهني
دزيت خالد ودخلت
فاطمه : يايه اشوفك شو تسوي مع هاي ليش هي احسن عني ف شو ولا عشان هي بنت خالتك وانا ع قولت امك غريبه عليكم
ساره : خالد هاي شو فيها
فاطمه : شو شوفيني ماخذه حبيبي عني وتبيني اسكت جي ماقول شي ماسوي شي
ساره : يعني انتي طلعتي اللي تحبينه خالد ريلي
فاطمه : هي خالد احبه واباه ومابخليه لج
ساره : خالد هاي مينونه ولا شو
فاطمه : هي مينونه انا وبخرب فرحتكم
رحت صوبها نشعت شعرها وشليت المسكه وقطعت الورد بيدي فريت ساره فيهم خالد بعدني عن ساره
خالد : خلاص بس
كنت اصيح ويلست اضرب خالد بصدره من القهر
فاطمه : حيوان حقير حقير انت وياها اكرهك
دزيت خالد وطلعت ع طول روحت البيت بدلت ملابسي وتميت اصيح طول الليل
صوب ساره وخالد
ساره : ليش ماقلتلي انك تحب
خالد ساكت
ساره صارخت : ليش ماقلتلي انك تحب
خالد : لا تصارخين اسمعج انا
ساره : انزين قولي ليش عايبتنك البهدله اللي بهدلتني فيها
خالد قام قعد ف صاله اتصلي بس مارديت له لان كنت اصيح كان يحاول يدقلي بس كنت احقره مابي ارد رقدت يالله بالقو نشيت ع الظهر مسكت فوني شفت خالد داقلي 9 مرات ومرمسني ع الواتساب طنشته فريت فوني .... تقريبا بعد شهرين خالد علاقته مع ساره وايد سطحيه ماياخذ ويعطي وياها وما سافروا ساكنين ف بيت روحهم خالد كان يحاول يكلمني بس ماكنت ارد عليه ومرات كنت اشوفه واقف صوب بيتنا بس ماكنت اطلع فهاي الشهرين بس اليوم قلت خل اطلع
طلعت ركبت سيارتي ومب عارفه وين اسير تميت امشي في سياره كانت وراي سياره مب مخلتني اسوق ع راحتي وقفت ع يمين الشارع اشوف منو ها نزل واحد شكله مايبين زين يا لعندي وفتح الباب اللي ع يميني وقعد انا ماشفت ويهه
فاطمه : نعم نعم اخوي خير شو تبا قاعد معاي
خالد : انا خالد شفت ويهه
انصدمت : خالد
خالد حط ايده الاثنين ع ويهي : شحالج شخبارج ليش حارمتني منج ليش ماتردين ع اتصالاتي
فاطمه : لانك انت ماصرت لي صرت لغيري انزل خالد مابي اشوف ويهك
خالد : لهدرجه كارهتني
فاطمه : واكثر
خالد مسك ايدي بس سحبت ايدي
خالد : هههههه شو جلب انا نجس
فاطمه : وانجس عنه خلاص انزل
خالد : مب نازل
نزلت من السياره وصكيت الباب وتميت واقفه نزل خالد
خالد : بلا استهبال ركبي بسرعه
فاطمه : جب لاتكلمني مابا اسمع صوتك
خالد : اوك ركبي لاتخلين الناس تجوفج اللي رايح واللي راد
ركبت السياره وركب خالد
فاطمه : شو تبا خالد خلاص انزل
خالد : اباج
فاطمه : هفففف
خالد : انتي وين سايره
فاطمه : مايخصك وين رايحه
خالد : انزين مايخصني
فاطمه : وين حرمتك عنك
خالد : مادري
فاطمه : شو ماتدري
خالد : مارقدت امس ف البيت
فاطمه : عيل وين راقد
خالد : بفندق
فاطمه : ليش فندق
خالد : مالي خلق اقعد معاها اليلسه وياها تييب المرض
فاطمه : اها زين زين
خالد : انزين متى نتزوج انا ونتي
فاطمه : ها
خالد : شو ها متى تبين نتزوج
فاطمه : والله اذا امك موافقه خل اتيي تخطبني من الحين
خالد : راضيه اتكونين زوجتي الثانيه
فاطمه : مب شرط اكون الثانيه شرط اني اكون لك وياك مو لغيرك فهمت
خالد : حياتي انتي
فاطمه : متى بتكلم امك
خالد : الحين بروح اكلمها ان شاء الله تتسهل امورنا لاني تعبت من بعدج
فاطمه : ان شاء الله
خالد : يلا اروح
فاطمه : روح
خالد : هي تبا الفكه
فاطمه : ههههههه لا شو فيك
خالد: هههه اوك اوك
نزل خالد راح بيت امه ونا رديت البيت .. عند خالد ف البيت
خالد : اميه ابا اكلمج بموضوع
ام خالد : خير خالد شو موضوعك
خالد : اباج تخطبيلي فطيم
ام خالد : شو فطوم ما غيرها
خالد : هي فطوم
ام خالد : اتخبلت انت انت الحين متزوج وتبي تتزوج فطوم
خالد بعصبيه : شوفي عاد اميه والله تم والله اذا ماخطبتلي اياها ها الاسبوع والله ماراح تشوفيني بحرمج مني وبنت اختج بطلقها بثلاث
خالد وقف بيطلع بس
ساره : وين رايح
خالد مارد عليها طلع راحت ساره صوب ام خالد
ساره : خالوه خل يتزوجها
ام خالد : شو يتزوجها ونتي راضيه ياخذ غيرج
ساره : شو اسوي يعني خالوه انا ماخذته ماحس اني زوجته مايسولف وياي ومايقعد وياي حتى مرات مايرقد وياي ومرات يبات برع البيت ومايي البيت غير يوم يتسبح ويطلع
ام خالد : مادري شو مسويه له هاي فطوم
