ساره : خطبيها له خالوه
ام خالد : ها اللي بسويه دامج موافقه ياخذ غيرج
صوب خالد اتصل لي ورديت
خالد : كلمت امي
فاطمه : وشو قالت
خالد : ف البدايه رفضت بس مادري الحين يمكن غيرت رايها
فاطمه : هففف
خالد : لا تتاففين ان شاء الله بنكون لبعض
فاطمه : ان شاء الله
ع المسا خالد رد البيت شاف امه
خالد : ها غيرتي رايج
ام خالد : هي بس مب عشانك عشان حرمتك قالتلي اخطبها لك
خالد : والله زين باجر تخطبينها لي
ام خالد بنرفزه : ان شاء الله ماطلبت شي انت
وبعد شهرين تقريبا خالد خطبني واليوم بيملج علي ف بيتنا ملج علي والحين بيدخل علي يا خالد وسلم علي وقعد صوبي ومسك ايدي
خالد : اخيرا صرتي لي
فاطمه : واخيرا صرت لك
خالد : ماتبين عرس صح
فاطمه : ابا ليش مابا حلم كل بنت تلبس الفستان الابيض
خالد : شلج ف كل ها بعدين انتي بتلبسينه لي ولبستيه قبل
فاطمه : انزين خلاص مابا
خالد : انزين قومي لبسي عباتج
فاطمه : ليش وين بنروح
خالد : خلاص بشلج وياي
فاطمه : اوك
رحت لبست عباتي و وقايتي وسلمت ع اهلي وطلعت مع خالد رحنا اتلانتس دخلنا جناحنا
فاطمه : الله انت مخطط ع ها كله
خالد : هي
فاطمه : حياتي والله ف خاطري اسبح مع الدولفين
خالد : لا ماشي بس تشوفين
فاطمه : ليش
خالد : شو تسبحين معاه كله شباب اهني
فاطمه : انزين ييبلنا واحد اهني
خالد : ان شاء الله بسير اشل واحد وبيبه اهني
فاطمه : اوك سير اترياك
خالد : اتخبلتي انتي اسير اشلج دولفين واييبه لج اهني
فاطمه : انزين ف خاطري
خالد : اغار انزين
فاطمه : اشوي
خالد : اموت من الغيره
فاطمه : فديت اللي يغار واي فديته
خالد : يفداج ياروحي
يابو لنا العشا وتعشينا ورقدنا ليله و ع العصر طلعنا كنا ف السياره خالد كان رايح صوب المطار
فاطمه : شو بنسافر
خالد : هي
فاطمه : و حرمتك
خالد : بيت اهلها
فاطمه : وين بنسافر
خالد : اسطنبول
فاطمه : وكم بنتم هناك
خالد : شهر
فاطمه : وناسه عيل
نزلنا المطار دخلنا وخلصنا اجراءاتنا وركبنا الطياره خالد قعد عند الدريشه لان انا اخاف و طول الوقت ماسكه خالد اخاف وايد اركب الطياره يت المطبات الهوائيه مسكت خالد بالقو وكان يضحك علي كل ماخفت الحمدلله وصلننا بسلامه
نزلنا وخلصنا اجراءاتنا و ع طول رحنا الفندق دخلت الحجره وانسدحت ع الشبريه يا خالد و انسدح وياي ع الصبح نشيت خالد كان بعده راقد دخلت سبحت وصليت طلعت يلست ف الصاله فتحت التلفزيون شفت مسلسل يلست اتابعه قعدت ساعتين رحت اوعي خالد
فاطمه : خالد خالد قوم نش مليت ونا يالسه روحي يلا قوم
خالد خش راسه تحت المخده رحت صوبه شليتها بالقو
فاطمه : خالد شوف اذا ماقمت برشك بماي بارد
خالد : ترومين
فاطمه : هي اروم
سرت الحمام شليت الكوب ترسته ماي بارد طلعت رحت صوب خالد رشيته بالماي
خالد بعصبيه : ياحيوانه
خالد قام كان يبا يضربني ماعرفت شسوي شردت ودخلت الحمام وقفلت الباب
خالد : فتحي مابسوي شي
فاطمه : مابا روح
خالد : فتحي قلت مابسوي شي
فاطمه : اول شي احلف
خالد : والله
فاطمه : شو
خالد : مابضربج
فاطمه : لالا قول والله مابضربج
خالد : اوهو مابضربج والله فتحي بتسبح
فاطمه : اوك
فتحت الباب خالد مسكني من خصري وسحبني ورا بالقو وفرني بالحوض اتخيست ماي الحوض كان متروس ماي انقهرت وايد من حركته كنت كاشخه له وختربت الكشخه كلها ف الماي
فاطمه : اكرهك
خالد : طع شكلج كيف
كنت يايه بطلع بس ماقدرت وطحت خالد مدلي ايده مسكته وطلعت من الحوض دزيته طاح ف الحوض ماهتميت له شليت الفوطه وطلعت خالد اتسبح وانا بدلت ملابسي استشورت شعري يلست ف الصاله يا خالد
خالد : شفيج ماده البوز
فاطمه : قهرتني بحركتك
خالد : حتى انتي قهرتيني بحركتج
فاطمه : بس حركتك اكثر تقهر اف منك
خالد : ههههه انزين خلاص ماعلينا يلا قومي ننزل نفطر
شليت وقايتي لبست كعبي وطلعنا رحنا نفطر وفطرنه ونحن نمشي شفنا مهند
فاطمه : حبيبي شوف مهند
خالد : شفته شو تبينه
فاطمه : بتصور معاه سلفي
خالد : تخسين
فاطمه : ليش
خالد : اغار
فاطمه : بتقتلني بغيرتك انت لو ساروه مكاني بتخليها
خالد: هي
فاطمه : ماتغار عليها
خالد : لا
فاطمه : احسن بس اباك تغار علي انا وبس
خالد : فديتج انتي
فاطمه : خنسير الالعاب
خالد : بيبي انتي
فاطمه : شو بيبي ابي العب
خالد : تبين تلعبين بالثلج
فاطمه : لا
خالد : كنت ناوي اوديج بورصه بس خلاص
فاطمه : لالا ابا ابا
خالد : انزين
فاطمه : متى بنسير
خالد : بعد اسبوع
فاطمه : ليش مب اليوم
خالد : شو ماعيبتج اسطنبول
فاطمه : لا حلوه عيبتني
مر شهر علينا ف تركيا و اليوم رجعنا رحنا شاليه ف جميرا ريحنا اشوي وعقب طلعنا سرنا بيت اهلي سلمت عليهم وجي وعقب طلعنا سرنا بيت اهل خالد سلمت ع امه دخلت علينا ساره
ساره : جان ماييت
خالد : كنا ناوين نطول بس شسنوي يينا
ساره : هه
يلست ساره مجابلتني
خالد : صج ماتستحين ع ويهج سلمي ع زوجتي الثانيه
ساره تطالعني بحتقار وكرهه قلت ابا اقهرها بحركاتها
فاطمه : حبيبي يلا خ نروح
خالد : نروح حبيبي
فاطمه : هي يلا
ساره : عشتو
وقفت ونا خاقه ع خالد مسكت ايده : يلا
وقف خالد
ساره : ونا حرمتك ولا نسيتني
ام خالد : خالد شلها وياكم حرمتك هاي
خالد : اف قومي انزين ويانا
انقهرت يوم قالها اتي ويانا طلعنا انا وخالد يلست جدام انا و ساره يلست ورا مسكت ايد خالد
خالد : ها وين تبون تروحون
فاطمه : اي مكان حبيبي
خالد : ساره ماعندج مكان جي حلو نسيرله
ساره : نسير القريه العالميه
فاطمه : لا حبيبي ماقدر امشي
ساره : ماتقدر تمشي حسستيني سايره بوظبي مشي الا هي القريه
فاطمه : هي ماقدر خنسير دبي مول
ساره : شو الفرق يعني بين القريه ودبي مول ترا جي ولا جي بتمشين
فاطمه : اوهو خلاص حبيبي شوف المكان اللي يعيبك وبنسيرله
خالد : فطوم بنسير القريه وبلعبج مابتمشين وايد
فاطمه : زين
رحنا القريه ونزلنا انا ع يسار خالد ماسكتنه من ايده وساره ع يمينه كانت
ساره : انا مابسير الالعاب اخاف بسير ادخل القريه القطريه ابا اخذ شي
خالد : اوك يوم بتخلصين دقيلي
ساره : اوك
سارت ساره ونا وخالد رحنا الالعاب ولعبنا وكنت يوم اخاف امسك ايد خالد بالقو وكل ماصرخ يقرصني مايباني اصرخ والناس تسمع صراخي لعبنا اكثر عن لعبه لين ملينا طلعنا نمشي ف القريه كان ف خاطري ف بطاط وكان شي شباب خالد راح اييبلي ونا تريته ف واحد يا صوبي
الريال: هلا هلا
سوتله طاف وبعدت عنه
الريال : عطينا ويهه
فاطمه : انت شو تبا سير عني قلو البنات ياي عندي
الريال : وحد يشوف هالجمال ويروح لغيرج
عطيته ظهري بروح حط ايده ع جتفي خالد شافه وطاح فيه ضرب ماعرفت شو اسوي بعدت عنهم دخلوا شباب من بينهم وحازوهم عن بعض اشوي ويا خالد
