هالوقت كنت قاعده اكلم حبيبي
خالد: حبيبتي ابي اكلمج ف موضوع
فاطمه : اوك اتكلم
خالد : امي بتزوجني بنت خالتي
فاطمه : شو ونا وين رحت
خالد : انتي موجوده بس
فاطمه : شو بس خالد انت طول هاي الثلاث سنوات مخلني جي بس حبيبه عقب تروح تتزوج وتخليني
خالد : فهميني امي هاي ماقدر ارفض لها طلب
فاطمه : بس بترفض عشاني انا
خالد : فطيم ارفض الكل الا امي
فاطمه : خلاص خالد سو اللي تباه اتوقعت بي هاليوم اللي بتفارقني فيه وبتروح لغيري
خالد : والله ماودي ودي اتم طول عمري معاج انتي
بندت الفون وتميت اصيح وانقهرت وتضايجت وايد وقررت اني اقطع علاقتي فيه كملنا شهرين مانكلم بعض ملج خالد وحاول يدق لي بس انا ساحبه عليه لين مامليت من كثر مايدق رديت
فاطمه : خير خالد شو تبا
خالد : اباج فطيم والله اباج
مارديت عليه
خالد : والله متضايج وايد وقلبي يعورني ومشتاق لج وايد مب قادر اتحمل فراقج وبعدج عني
فاطمه : ماقدرت تتحمل شهرين بتتحمل سنوات
خالد : طلعي برع
فاطمه : شو انت وين
خالد : برع بيتكم طلعلي
فاطمه : خالد الساعه 1 فليل شو تبا ياي هالوقت مابطلع اخاف حد يشوفني
خالد : والله اذا ماطلعتي بدخل لعندج حلفت ها
فاطمه : استغفرالله منك خلاص طالعه بند باي
طلعت رحت اشوف اخواني شو يسون بس الحمدلله طلعوا راقدين طلعت من باب الصاله تميت امشي لين وصلت باب الحوي طلعت ركبت سيارة خالد
فاطمه : ها شو تبا ييت
خالد حضن فاطمه : ياليتج كنتي انتي اللي ملجت عليها
بعدت عنه من سمعت انه ملج عليها
فاطمه : ملجت
دمعت
خالد : هي اليوم
فاطمه : شو تبا ياي لي تبي تقهرني روح لمرتك
خالد : مابيها اباج انتي
كنت يايه بنزل بس خالد مسك ايدي
خالد : تمي وياي اشوي
فاطمه : خلصني قول اللي عندك
خالد : ابيج اتمين وياي لين ماتروح ضيجتي
رن فون خالد : الو هلا .. عقب بكلمج مشغول الحين .. يلا مع سلامه
خالد : ساره داقه لي مادري شو تبا
فاطمه : منو ساره حرمتك
خالد : هي
فاطمه : انزين كلمها وبروح انا
خالد : والله ماتروحين شو اباها خ تولي
فاطمه : انزين
خالد : فطوم
فاطمه : ها
خالد : احبج
فاطمه تميت ساكته مب عارفه ارد ولا استحي ولا شو اسوي
خالد : ماشي رد
فاطمه : لا
خالد : احبج اموت فيج
فاطمه : حبيبي مغلط ف مشاعرك
خالد : لا حياتي مب مغلط
رن فون خالد : اوهو شكلنا مابنخلص هاي امي
فاطمه : رد
خالد : هلا اميه
ام خالد : وينك انت
خالد : مع اللي احبها
ام خالد : خالد شو انت استخفيت اليوم مالج ورايح عند حبيبت القلب
خالد : كيفي احبها واباها بنت اختج ماتسوى ظفرها
ام خالد : خالد لا تينني بنت خالتك اولى من الغريبه
خالد : احبها واباها ومابهدها لو شو ماصار هاي حبي انا ماحبيت غيرها مستحيل اهدها لو شو ماتسوون
ام خالد : بعد شهر عرسك من بنت خالتك وبتنساها
خالد : انزين اميه انتي شو تبين الححين
ام خالد : اباك ترد البيت
خالد : انا مب ياهل يوم بشبع منها بي
ام خالد : شوف خالد اذا ماييت الحين لا انت ولدي ولا اعرفك ومع سلامه
فاطمه : شو فيها امك
خالد : قالت لي اذا ماييت الحين بتتبرا مني
فاطمه : بتتبرا منك لانك وياي
خالد: هي شفتي كيف
فاطمه : انزين روح
خالد: رايح بس الصبح قبل ما اسير الدوام بي
فاطمه : لا تيي
خالد: بي بشوفج من الدريشه
فاطمه : اذا جي اوك يلا بروح
خالد: اوك يلا روحي
فاطمه : ربي يحفظك و اشوي اشوي ها
خالد : ع العشرين بمشي
فاطمه : هي احسن
خالد : بوصل الفجر عاد جي
فاطمه : ههههه انزين لا تسرع
نزلت من السياره وسويت له باي ودخلت بيتنا مشيت بس
فهد : وين كنتي
سمعت صوت اخوي فهد دقات قلبي زادت اتوترت
فاطمه : كنت برع اشم هوا
فهد : هالوقت طالعه شايفه الساعه كم
فاطمه : هي شايفه بس شو اسوي من الضيجه
ارتحت الحمدلله ماشافني مع خالد
فاطمه : انزين فهد بسير ارقد تبا شي
فهد : لا
ركبت الدري و دخلت حجرتي ونسدحت ع الشبريه مسكت فوني ودخلت سناب يلست اشوف الستوريات لفتتني وحده كاتبه مبروك ع الملجه خالد و ساره ع طول رمستها
فاطمه : تقربين لساره ولا خالد
البنت : خالد
فاطمه : اها شو يستويلج
البنت : ولد عمي انتي اكيد تقربين لساره
فاطمه : لا
البنت : عيل تقربين لخالد
فاطمه : لا
البنت : ربيعت ساره
فاطمه : لا مب لازم تعرفين
البنت : لا لازم اعرف ابا اتعرف عليج لان اكيد بشوفج بالعرس
فاطمه : مع الايام بتعرفين
البنت : ليش ماتقولين الحين
فاطمه : كل شي بوقته حلو
شفت خالد مطرشلي ع الوتساب انه وصل بندت فوني ورقدت ع الصبح نشيت فوني كان يرن شليته ورديت
فاطمه : الو
خالد : انا تحت
فاطمه : شو تبا ابا ارقد
خالد : طلعي برع ف البلكونه ابا اشوفج
فاطمه : خالد تعبانه ابا ارقد
خالد : بس اشوي
فاطمه : اوف زين
نشيت بالقو من الشبريه شليت وقايتي لبستها طلعت ف البلكونه شفته ابتسمت له و ع طول دخلت عقيت عمري ع الشبريه حتى وقايتي مافصختها رقدت فيها ع الظهر نشيت تسبحت وصليت وتغديت وقعدت اسولف مع ربيعاتي لين العصر وبعد ثلاث اسابيع تقريبا خالد دقلي
فاطمه : ها
خالد : بتين عرسي
فاطمه : مابيي
خالد : لا بتين
فاطمه : تباني ايي عسب انقهر واروح مابا
خالد : تعالي عشان اشوفج ابيج تكونين جريبه مني ابي اشوفج انتي بس
فاطمه : متى عرسك
خالد : باجر
فاطمه : ماعندي شي البسه
خالد : بعده العصر تقدرين تطلعين
فاطمه : اوف زين
خالد : يلا الحين بتروحين
فاطمه : هي
خالد : اوديج جاهز تراني
فاطمه : لا ماباك
خالد : خلاص انزين سيري بس لا تتاخرين
فاطمه : اوك
دقيت ع ربيعتي اليازيه كاتمه اسراري الوحيده
فاطمه : يزوي اباج تطلعين وياي الحين فاضيه
اليازيه : هي فاضيه امرلج ولا بتمرين لي
فاطمه : لا انتي مريلي احسن
اليازيه : عشر دقايق وطلعي اوك
فاطمه : اوك
قمت بدلت لبست عباتي وقايتي شليت شنطتي رحت عند امي كانت يالسه ف الصاله
فاطمه : شحالج اميه
ام فهد : الحمدلله ها ع وين
فاطمه : طالعه وي يزوي باجر عرس ربيعتنا باخذلي فستان وجي
ام فهد : ها زين
رن فوني يزوزي ادقلي
ام فهد : بحفظ الله
طلعت ركبت وي يزوي سلمت عليها وسرنا دبي مول
اليازيه : شو ناويه تشترين اهني
فاطمه : باخذلي فستان ابيض
اليازيه : وين بتحصلين فستان ابيض اهني
فاطمه : ماعليج بنحصل
لفينا المول كامل لفتني فستان ابيض عيبني قايسته طلع قياسي خذته وطلعنا من المول
اليازيه : انتي الحين شو تبين تروحين عرسه
فاطمه : والله ماودي اسير بس شو اسوي جبرني الا اسير اباج اتين وياي
اليازيه : لا ماقدر عندي شغل فوق راسي والله
فاطمه : مابي اسير روحي احس بضعف اذا شفته مع غيري
اليازيه : لا ما عليج خلج قويه
فاطمه : ان شاء الله
وصلت البيت نزلت دخلت حجرتي طلعت الفستان وعلقته بدلت نزلت تحت تعشيت قعدت مع اخواني اشوي ورحت حجرتي قعدت فوق السرير دقلي خالد 3 مرات مارديت له والمره الرابعه رديت
فاطمه : ها خالد شو تبي
خالد : شفيج
فاطمه : مافيني شي
خالد: حبيت اسمع صوتج قبل مارقد
فاطمه : سمعت يلا باي
خالد : صبري فطوم خل اسولف وياج
فاطمه : اوك سولف
خالد : وين سرتي اليوم
فاطمه : دبي مول شريت فستان
خالد : والله شو لونه
فاطمه : باجر بتعرف
خالد : لا قولي الحين يلا فطوم
فاطمه : اسود
خالد : ليش عاد اسود
فاطمه : لانك بتروح لغيري
خالد : صح لغيرج ولج بعد
فاطمه : انا الحبيبه وهي الزوجه
خالد : حبيبتي وزوجتي ان شاء الله
فاطمه : تبيني اكون زوجتك الثانيه
خالد : هي
فاطمه : انا ماصرت الاولى وتباني اصير الثانيه
خالد : ابيج تعرفين شي واحد بس انج انتي كل شي بدنيتي كل شي حلو انتي
فاطمه : يلا بخليك ترقد و ترتاح
خالد : راحتي معاج
فاطمه : فديتك يلا خلنا نرقد
خالد : اوك مع سلامه
بندت عن خالد رقدت نشيت الظهر الساعه 2 مسكت فوني شفت خالد داقلي مرتين هديت الفون قمت اتسبحت وصليت و سرت اتغدا و ع العصر سرت الصالون وسويت ميكب و شعري طلعت من الصالون رديت البيت دخلت غرفتي لبست فستاني الابيض اتعطرت وتبخرت لبست عبايتي ووقايتي شليت جنطتي وطلعت ركبت سيارتي ورحت الفندق نزلت ودخلت وصلت القاعه دخلت غرفه فاضيه فصخت عباتي و وقايتي طلعت رحت صوب غرفة العروس دخلت كانت قاعده روحها رحت صوبها مديت ايدي اسم عليها
فاطمه : شحالج يالعروس
ساره: الحمدلله انتي منو اول مره اشوفج
فاطمه : انا من طرف خالد
ساره : كيف يعني من طرف خالد
فاطمه : هو عازمني عرسه
ساره : تعرفون بعض
فاطمه : هي من زمان
ساره : شو اللي بينج وبينه
فاطمه : يهمج
ساره: اكيد يهمني ريلي
فاطمه : ماشي شغل بس
ساره : انزين انتي ليش لابسه فستان ابيض
فاطمه : ابا اكون احلى عنج
ساره : هههههه ماتوصلين لي كل الانظار علي اليوم
فاطمه : مايقولون الابيض يلفت الحين بسير وكلهم بس يشوفوني
ساره : انتي معرسه
فاطمه : لا ليش
ساره : مادري سؤال يا ف بالي
فاطمه : كنت احب واحد واتزوج
ساره : حرام صدق حيوان و نذل يقهر بعد
فاطمه : امه جبرته ياخذ بنت خالته ماتباني لاني غريبه عليها
ساره : ماداني ها النوعيه من الناس بس جي اكيد ظالم زوجته وياه
فاطمه : هي مظلومه
رن فوني وكان خالد يدق رديت
فاطمه : هلا حبيبي
