رفعت فوني وتصورت معاه سلفي و طلع روح الدوام صكيت الباب نسدحت ف الشبريه رقدت لين الظهر نشيت تسبحت مشطت شعري طلعت من الغرفه يلست ف الصاله وي ساره كانت تشوف برنامج طبخ انا ماحب اشوف برامج طبخ لان بس جي اشوفه وما اطبخ مسكت فوني وسولفت مع ربيعاتي اشوي ويا خالد
خالد : السلام عليكم
فاطمه و ساره : وعليكم السلام
خالد قعد حذالي : شو مسوين غدا
فاطمه : مجبوس دياي
خالد : الله منو طابخنه انتي ولا ساره
فاطمه : ههههه الشغاله
خالد : حرمتين ف البيت ولا وحده اتنزلت تطبخ
فاطمه : شو نسيت ترا انا ماعرف اطبخ
خالد : و ساره
ساره : ماتفيجت
خالد : ماتتفيجين لريلج عيل تتفيجين لمنو
ساره : والله زين تذكرت اني حرمتك
فاطمه : يلا خالد سير بدل وتعال نتغدا
خالد : اوك
تغدينا وخلصنا و ع العصر خالد راح الجم و المغرب رجع طلعت وياه ورحنا مردف دخلنا السينما وعقب تعشينا وردينا البيت ع الساعه 12 كانت ساره يالسه ف الصاله خالد كان بيقعد وياها بس سحبته من ايده
فاطمه : تعال ارقد ارتاح من نشيت الصبح مارقدت
خالد : يلا عاد حدي تعبان
سرنا حجرنا دخلت شفت خالد قاعد ع الشبريه ركبت ويلست مجابلتنه
خالد : فطوم
فاطمه : ها
ساره كانت بتروح حجرتها بس سمعتنا نسولف وقفت تسمع شو نقول بدون مانحس
فاطمه : شو فيك
خالد : ف خاطري فبيبي
فاطمه : حبيبي مستعيل اتريا سنه يعني ابا اعيش وياك و استانس مب من اول سنه احمل مابا
خالد : اوهو انتي وياي الحين من ثلاث سنوات وبعد تبين سنه كامله اتريا
فاطمه : انزين مب بيدي متى ما الله سهل علي وحملت ان شاء الله
خالد : ان شاء الله اليوم قبل باجر اسمع انج حامل وتفرحيني ابي بنت تشابهج
فاطمه : ههههه بتحبها اكثر عني
خالد : محبتج ومحبتها متساويين
ساره صوب الباب : اوف يالقهر يبي منها عيال ومني مايبي بس انا اوريكم والله ماخليك وياها دقيقه
دقت ساره الباب ودخلت
ساره : خالد بقولك شي
خالد : ها قولي
ساره : انا حامل
ساره يوم قالت حامل انصدمت ابد ماتوقعت انها تحمل قبلي صديت لساره اشوفها تبتسم وصديت لخالد كان يبادلها بالابتسامه ... خالد نزل من الشبريه وراح صوب ساره
خالد : والله حامل
ساره : هي
خالد : ياحياتي فطييم سمعتي
انقهرت حسيته وايد مستانس ع حمالها حتى من وناسته طلع وراح وياها وخلاني شليت المخده وفريتها من القهر
صوب خالد و ساره ف الحجره
خالد : متى عرفتي انج حامل
ساره : اليوم سرت المستشفى وعرفت
خالد : الحمدلله يارب
ساره مسكت ايد خالد : لاتروح لها خلك وياي
خالد : اتخبلتي اخليج انتي واروح لها تام معاج ولو تبين لين تولدين عادي اهم شي يوصل ولي العهد
ساره : حبيبي خالد تحبني
خالد تم ساكت
ساره : قولي تحبني ولا
خالد : انزين ساره برقد لان وراي دوام باجر
ساره : اوك
رقد خالد
ساره : الحمدلله
ع الصبح راح خالد الدوام حتى مادخل علي ع الظهر طلعت من الغرفه شفت خالد راد من الدوام ويالس ويا ساره يلست مجابلتنهم خالد مطنشني مول مب معبرني
ساره : اه
خالد : شو فيج
ساره : اه بطني
خالد حط ايده ع بطن ساره
ساره : يوم حطيت ايدك خف
انقهرت احس موت
خالد : حبيبي انا اللي يعذب امه
قمت ماقدرت اتحملهم سرت المطبخ وشفتهم ياين وراي وكالعاده خالد مب معبرني اتغدينا وخلصنا
ساره : خالد تعال وياي الحجره
خالد : ليش بنقعد بالصاله
ساره : لا تعال
خالد راح وياها وتميت ف الصاله اف احس بموت من الغيره نيران تشتعل داخلي مب قادره اتحملهم ولين متى جي بيتمون ع هاي الحاله انا مابخلي خالد يصفالها روحها قمت و عطول سرت حجرت ساره فتحت الباب بدون مادقه
فاطمه : خالد
ساره : شفيج خالد راقد
فاطمه : اف يوم بينش خل اييني
ساره : بالمشمش اييج خالد مايشوف غيري انا الحين
فاطمه : سيري لاه
طلعت من الحجره سرت حجرتي وصكيت الباب بالقو
فاطمه : الله يغربلها الحيوانه
شليت كوب الماي وشربته ومن القهر كسرته ييت بشله انجرحت اوف مب وقتك انت الثاني طنشت الجرح وشليت الغرش وانجرحت مره ثانيه بالقو صرخت صوت عالي وتميت اصيح من الالم و القهر اللي فيني اشوي دخل خالد ماتوقعته ابد ايي
خالد مسك ايدي : شو ها الدم ليش جي سويتي
رديت عليه وانا اصيح : ماسويت شي طاح عني ييت بشله انجرحت
خالد : فطيم ليش ماتزقرين الشغاله اتشله
قمت من مكاني ودخلت الحمام دخل وراي قعدت ع الكرسي يلست انظف ايدي ونا اصيح خالد يا ويلس حذالي
خالد : شفيج لهدرجه يعورج
مارديت عليه
خالد : عطيني ايدج
فاطمه : ليش جي اتسوي فيني يوم اتكون وياها ولا كاني وياكم وجودي وعدمي واحد ولا لانها هي حامل جي تسوي فيني
خالد : تغارين
فاطمه : مب بس اغار اموت من الغيره
خالد حط ايده الاثنين ع ويهي : وانا اموت ع اللي يغارون
دخلت ساره : خالد انت اهني وانا ادورك
خالد : هي اهني شو تبين
ساره : شو هالدم اللي ع ايدج وليش تصيحين
نزلت راسي مابي ارد عليها
ساره : كله ها لان خالد وياي
خالد : ساروه روحي حجرتج
ساره : اوك حبيبي سايره بس لا طول اترياك
راحت ساره
فاطمه : اكرها
خالد : ماعليج منها قومي لبسي عباتج بوديج المستشفى
فاطمه : ليش مايباله عادي
خالد : لا قومي بوديج
ابتمست : اوك بس ساعدني البسها
طلعت من الحمام لبسني خالد عباتي وحجبني وطلعنا رحنا المستشفى خيطو ايدي اليسار بس لان هي المجروحه بس وطلعنا ونحن بالسياره
فاطمه : انا يوم دخلت لكم الحجره انت كنت راقد
خالد : لا
فاطمه : عيل ليش مارديت لي
خالد: كنت ابا اشوفج شو تسوين وابي اشوفج ونتي تغارين
فاطمه : حرام عليك انا يوم ونص ماقدرت اتحمل لاتزيدها ها
خالد : ان شاء الله
فاطمه : وليش ييتني
خالد : سمعتج تصارخين ع طول قمت وييت
فاطمه : وساره وين كانت يوم كنت اصارخ
خالد : في الحمام
فاطمه : انزين انت وين ساير الحين
خالد : وين تبين تروحين
فاطمه : مابا ارد البيت
خالد : شرايج نسير الشاليه
فاطمه : بنتم هناك
خالد : هي
فاطمه : و دوامك
خالد : الخميس ويكند
فاطمه : هي صح اوك
سرنا الشاليه ونزلنا ع المغرب كنا يالسين ف الصاله
فاطمه : اليوم بطبخلك من ايدي
خالد : وين تطبخين ف ايد وحده
فاطمه : ايدك هي ايدي ونت بتطبخ وياي
خالد : هههه ان شاء الله بطبخ
فاطمه : يلا قوم
دخلنا المطبخ طلعت الاغراض اللي بستخدمها خالد يتمرن لانه ماراح اليوم الجم
رن فون خالد وكانت ساره
خالد : ها
ساره : شو ها انت وين
خالد : في الشاليه ليش
ساره : ليش ماتشلني وياك
خالد : تمي انتي هناك
ساره : لاوالله واذا تعبت
خالد : ماراح تتعبين يلا مع سلامه
بند وكمل تمرين
فاطمه : يلا خالد بسك تمرين تعال
خالد : ويت
فاطمه : يلا
خالد يا : ماتبين جسمي يستوي حلو
فاطمه : امبلا بس مب وياي تتمرن
خالد : خلاص انزين بتمرن عقب الحين شو تبين اسوي
فاطمه : انا بقعد وبقولك شو تسوي
قعدت انا و خالد يطبخ انا اقوله وهو يسوي اللي اقوله خلصنا طلعنا اكلنا ويلسنا صوب البحر كلينا وخلصنا
فاطمه : اوف مادري متى بتستوي ايدي زينه
خالد : ان شاء الله بتستوي زينه
