العروسه والشله الموكوسه
السادس
لا حول ولا قوه الا بالله العلي العظيم
بعد اسبوع
كان منصور في المكتب قاعده ودخلت فوفو مراته
فوفو : منصور. انا الفلوس اللي في الفيزا بتاعتي خلصت عايزه اشتري طقم الماظ
منصور : اقعدي يا فوفو انا عايز اتكلم معاكي
فوفو : خير يا حبيبي
منصور : اظن انا بقالنا اكتر من شهر متجوزين
فوفو : اه . صح
منصور :انا بقول أن كفايه لحد كده.
فوفو : ليه . هو انا عملت حاجه تزعلك
منصور : لا . بس احنا اتفقنا نتجوز شويه .وخلاص الحكايه خلصت . وعشان متحسيش انك مظلومه. قولي علي المؤخر اللي يريحك
فوفو فكرت شويه : مليون
منصور : تم يا قمر. هيتحولك حالا المليون في رصيدك .. مرضيه
فوفو : مرضيه . شكرا يا منصور بيه . باي
منصور : هخلص كل حاجه عند الماذون وابعتلك ورقتك ..باي
خرجت فوفو ومنصور حس أنه ارتاح . لازم يفكر في الحاجات الأهم دلوقتي . افتكر اولاده وابتسم للخطه اللي هميشي عليها واللي أن شاء الله تنجح
....
بعد وقت
ام ليلي دخلت الأوضه كانت ليلي نائمه ، فتحت الستاره عليها
الام : قومي يا ليلي . كفايه نوم .
ليلي : هقوم ازفت ايه انا اترفدت من الفندق . من اسبوع. هقعدلك بقي ..سبيني انام براحتي انا سهرانه طول الليل
الام : سهرانه عشان بتتفرجي علي المسلسلات التركيه اللي لحست مخك
ليلي : انا قررت انهارده اغير التركي واتفرج علي هندي
الام : قومي يا بت . قومي في ناس بره عايزينك
ليلي : ناس مين
الام : منصور عايزك
ليلي : مين منصور
الام : منصور بيه . انتي لحقتي نسيتي .
ليلي قعدت علي السرير وشعرها منكوش : وده عايز ايه تاني
الام : معرفش اطلعي شوفيه . ده حتي جايب معاه ورد وشوكولاته . ذوق اوي الراجل ده
ليلي : ومال صوتك بقي ناعم كده ليه يا زينب. مش مرتحالك
الام : يوه. شوف البت . قومي بقي . لحد ما اروح اشوفه هيشرب ايه .. وسرحي شعرك المتكهرب ده
ليلي : استني هنا يا حجه ، متخرجيش بره ومتقعديش مع الراجل ده .. عينه زايغه
الام : حرام عليكي .ده عينه خضرا مش زايغه
أنت تقرأ
العروسه والشله الموكوسه( مكتمله)
Humorبنت بالصدفه بتقابل اخوات بيغيرو حياتها وهي بتغير في حياتهم بعد ما كانو مش بيحبو بعض اتغيرت فكرتهم عن الاخوه
