العروسه والشله الموكوسه
١٥
(سبحان الله وبحمده )
ليلي في المستشفي ومهند معاها....
عمار : جعان ، اكليني
ليلي : كل بايدك التانيه
عمار : انتي عايزاني اكل بالشمال. ادخل النار
ليلي : لا طبعا . ازاي. الواد عمل كل حاجه حلال. ناقص بس يأكل بايده اليمين
عمار : خلاص . خليكي انا هنادي علي الممرضه تيجي تاكلني.
ليلي : طيب اعملها عشان اطفحك اللي اكلته . افتح بوقك
عمار ابتسم بانتصار وليلي بتاكله دخل مهند وشد الطبق من أيدها وقعد ياكل
ليلي : انت معندكش دم ياض . اتعميت في عينك . مش شايفني باكل اخوك الغلبان اللي كل شويه يضرب ده
عمار : يوووه انا مضربتش
ليلي ' اسكت انت ..كلنا عارفين انك اضربت ..
مهند : جعان. وانت يا عم ادخل شويه خليني انام . تعبت من السواقه من بورسعيد لهنا
ليلي : ابعد عن السرير احسنلك وسيب الإكل من ايدك .. محدش هينام غيره
.
عدت الليله والصبح وصل منصور وزينب
كان عمار نايم علي الكنبه وليلي علي الكرسي ومهند هو اللي نايم علي السرير
زينب : بقي هو ده اللي بيحميهم.
منصور : هو اتصل بيا وقالي متخفش يا بابا ..انا هخلي بالي من اخويا وليلي ، 'عمار. عمار. قوم يا بني
عمار :بابا. كويس انك جيت .
ليلي : عمي. خود ابنك الجحش ده من هنا.
منصور ضحك : ايه اللي منيمكم هنا
. ليلي : المفتري ابنك .. شال عمار ورماه علي الكنبه زي شوال البطاطس
عمار. : الفاظك يا ليلي .. اسمها شوال بطاطس
ليلي : شوال رز تمشي
منصور : بس انت وهي . زينب صحي مهند خلينا نمشي
زينب : مهند. قوم
ليلي :قوليلي الفطار جاهز. هيقوم
مهند فتح عينه : ايه. الفطار جاهز . ده انا جعان جدا
ضحكو كلهم عليه.
بعدها خرج عمار من المستشفي.
زياد وعمار علاقتهم بقت احسن ..
مهند كان بيكلم كل يوم شوشو وبيطمن علي ذكري
الجده : بقولك عمها جايبلها عريس والبت عامله تعيط.
مهند : العريس ده جاي أمتي
الجده : بكره . هتعمل ايه
مهند : هاجي اولع في البيت باللي فيه.
أنت تقرأ
العروسه والشله الموكوسه( مكتمله)
Humorبنت بالصدفه بتقابل اخوات بيغيرو حياتها وهي بتغير في حياتهم بعد ما كانو مش بيحبو بعض اتغيرت فكرتهم عن الاخوه
