العروسه والشله الموكوسه( مكتمله)

الخامسه

العروسه

خامسه

لا حول ولا قوه الا بالله

ليلي واقفه مع مهند وعمار

عمار : بقي انا عيل تنح .

ليلي : انا مقولتش تنح علي فكره.  روح اتعالج انت بتتخيل . بذمتك انا قولت تنح س كابتن

مهند : لا محصلش . هي قالت رخم  بس

ليلي : بالظبط كده.   الله يعمر بيتك .  عن اذنكم ورايا شغل

عمار مسكها من افاها  ؛  انا رخم  يا متخلفه

مهند : في ايه يا عمار.  انت هتتخانق مع بنت .  نزل ايدك .   وبعدين هي بتهزر معاك.   مفيهاش حاجه

عمار : وتطلع مين دي عشان تهزر معايا ،  انت مالك . بتدافع عنها ليه

مهند :    ليا .    غصب عنك  .. وابعد عنها احسنلك

. ليلي ؛ كبرتم الموضوع ي شباب . وبعدين يا عمار انا بجد معرفش انك ورايا  والا مكنتش قولت رخم  .  واصلا مش انا اللي قولت كده . ده لساني ، هو اللي طويل وجيبلي الكلام

مهند بيتريق : نسمه وبرائه الاطفال في عينيها

ليلي بتفتح وتقفل في عينها : انا فعلا نسمه وبريئه

عمار : انتي تهمه . كارثه.  مصيبه.  حاجات زي كده

ليلي : ربنا يسامحك، شوفت رديت الشتيمه اهو وانا مزعلتش.  خلصنا

مهند : روحي يا ليلي علي المطبخ ومتتاخريش عشان جعان

ليلي :  ثواني والأكل يجهز . خليك يا عمار هعزمك علي الغدا

عمار : انتي هتصاحبيني يا بت انتي.  

ليلي دخلت علي المطبخ ..

مهند : ليه بتكسفها . هي مقلتش حاجه غلط

. عمار : قولتلك ملكش دعوه

مشي عمار .  ليلي بعد وقت خلصت الاكل ومهند  عاجبه الاكل

مهند : انا كلت في اماكن كتير بس اكلك ليه طعم مميز.. شبهه اكل ماما .تسلم ايدك

ليلي : بالهنا .   شرف ليا اكون زيها . ياريت تجيبها مره معاك 

مهند ' ماما ماتت من سنتين

. ليلي: انا اسفه والله ما كنت اعرف . ربنا يرحمها

مهند بحزن : يارب.   همشي انا

ليلي :  تمشي فين . خليك ده انا هعملك طبق حلويات.   بتحب المولتن كيك

مهند : جدا

ليلي : عشر دقايق ويكون عندك احلي مولتن كيك

منهد : هستناكي

..... منصور بيراقبهم و كل اما الوقت يمر بيعجب بشخصيه ليلي اكتر  .  انسانه مكافحه وعندها اصرار.  اتمني يكون موجود في اولاده الصفه دي .