العروسه والشله الموكوسه( مكتمله)

الحادي عشر

العروسه والله الموكوسه

١١

لا حول ولا قوه الا بالله

ليلي كانت هامشي وعمار مسك أيدها ، صرخت

: عماااار.  سيب ايدي

عمار : وطي صوتك شويه .  وافهمي .

ليلي : مش عايزه افهم حاجه. 

عمار : لا هتفهمي وغصب عنك كمان.  بس قبل ما اتكلم في أي حاجه من حقي اعرف.  اذا كان في بينك وبين زياد حاجه ..

ليلي.  :  لا مفيش، بتسال ليه

عمار  ارتاح بس حب يرخم عليها : كويس .  اصله مش مسؤول ومتهور وبتاع بنات ، حبيت بس الفت نظرك

ليلي :  انت في بينك وبينها حاجه

عمار : اه

ليلي : جاتك  ضربه يا غبي.  اشبع بيها ما هي شبههك ..

.....

مهند قرب منهم : ليلي الاكل خلص وانا جعان .. يلا ناكل بسرعه مش قادر امسك نفسي

ليلي : جعان ايه ياض ده انا شايفاك واكل كيلو لحمه لوحدك وانت بتشوي

مهند  ' الاه مش كنت بدوق الاكل استوي وله لسه

ليلي : مفيش اكل تاني ليك

مهند : نعمممم والله ما حد هياكل غيري

جري مهند بطبق اللحمه وليلي وراه

عمار واقف بيضحك عليها

...

زياد : مهند سيبلها الطبق ، في تاني

ناني : مهتم اوي. 

زياد : زي ما انتي مهتمه بعمار

ناني ' عمار اخويا

زياد : اخوكي في الاسلام 😏

ناني : لا . اخويا في الرضاعه .  وبعد وفاه خالتي هو اتربي معايا.  يعني اخوات . 

زياد : انا ازاي معرفش المعلومه دي

ناني : مش عارفه .

زياد فهم خوف عمار علي ناني وفهم ليه هما كانو قريبين لبعض   . . قعدو كلهم ياكلو ويهزرو.  وليلي بتشغل نفسها مع مهند

 

عمار : يلا يا ناني اوصلك
ناني : لا خليك انا هطلب اوبر

ليلي : خايف عليكي لتخطفي ..

زياد : طيب ما تخليكي هنا  الوقت اتاخر .. باتي مع ليلي  في اوضتها والصبح نروح الشركه ..

ليلي  بصت لمهند : هو قال ليلي وله انا متهيالي

مهند : قال يا سيد المعلمين

ليلي : امسكني عشان هعمل نفسي بضربه