ضحايا أجرام داعش

البارت الثاني عشر

#ضحايا أجرام داعش #

#البارت "12"

بقلمي:رهام يعقوب

جميلاتي لاتنسون، التصويت بالنجمه+التعليق بين الفقرات شكد ماتكدرون+متابعه الحساب بعد چبيدي..

لست بخير ، ذبلت عيناي ، وتألم قلبي أظهر لهم أنني بخير ولكنني العكس ، يقتلني التناقض جدًا وكلما سألوني مابك يبقى عذري الدائم لا شيء .

❥❥❥❥❥❥❥❥❥❥❥

"اسينات"

_تعبت من حالتي حيلل اني اليوم انسانه فاقده كلشي مابقالي بهل دنيا حتى ذكرياتي معى اهلي ذكرياتي كلهاا نمسحت من دماغي،

لشنو باقيه بهل دنيا وليش اصلن كلشي انتها بحياتي ماعدا الي جاي امر بيي رجعت مثل الطفله مرات اريد اكول شي حتى اعبر عن الي بداخلي بس تخوني الكلمات، ماكدر اجمعهن

من انسانه كامله الى طفله حتى النطق گوا انطقا

مليت والله تعبت، صح ابويا حسن مامقصر ويا وحتى جدو ورحمه، بس هم حرام تعبو وياي كافي لهنا وبسس نگول كافيي خلي ننهي كلشي..

ويخلصون مني احسن والله

تقربت على رحمه على كيفي بستها براسها هاي اخيتي الي ماكو، بمعزتها، رحمه بالايام الفاتت حتى سبح هيه تسبحني مثل الطفله بين اديها اما شعري توه بدا يطلع صاير ولادي،وابويه مامقصر يجيب بهل زيوت ويخلي لشعري من شفت ضفيرتي حيل نقهرت، حركتها بيدي من قهري

عفتها وطلعت على كيفي جانو جدو وحسن نايمين بالهول ولمكان كلش ضلام، تقربت على ابويا شويا شويا دحگت بوجهو، نزلت دموعي يمكن راح ينقهر حيل عليه لأن راح اخذله بس مو بيدي، والله

بابا حيل متعلق بيا بحيث اذا بجيت يسوي اي شي حتى اسكت مرات حتى يشلني واني بهل عمر
صديت على جدو ابو الگلب الطيب جدو رغم احنا مو بنات بس يحبنا اكثر من روحه

دحكت بأبويا جريت ايدا وبستها اسفه يابه اعرف راح اخذلك بس مو بيدي

كمت من يما ودموعي تجرب مشيت على رئوس اصابعي شوية شوية، فتحت باب المطبخ وفتت، جان ضلمه حيلل

صرت ادور للجداحه عسى الكاها بهل ضلامه
مشيت ايدي على الرفوف ولگيتها جدحت بيها حتى ايضوي المكان، رحت للچولة وفرغت كل نفطها
البيها، قربت انفي وشميت الريحه، حسيتها طيبه مادري ليش، اعشق ريحته هوه والبانزين

بنص الزلگ اشتم ريحه،
اخذتهن وطلعت من المطبخ متجها للدرج
صعدت اول باية،

وگول بنفسي هاي هية اسينات راح تقابلين اهلج، بس يمكن ما اتذكرهم، يمكن ابقى ناسيتهم، اتراجع ورد اقوي نفسي ماكو أمل لازم اخلص