قارورة الـ مُخلد

الحلقة |4|

الڪاتبة | زينب صلاح
في | قارورة الـ مُخلد

♥♥♥♥♥♥♥♥♥

همسة *

جسمي يرجف واني استمع للشيخ يعقدلنه ايدي ؏ القُرأن يختضن واحس الدمعه بطرف عيني من التوتر العايشته تجربه جديدة وبداية جديدة، يمڪن اواجه صعوبة بالتأقلم ويه مُخلد..

مو يمڪن لا اڪيد راح اواجه صعوبة، خلص العقد بموافقتي وموافقته ورجعوني للڪوشه واخذوا اية الي دموعها نهر جاري..

ڪسرت خاطري هاي مو احلام اختي بيوم وليلة انقلب ڪُلشي رأسًا ؏ عقب..

رجعت اية وباوعتلي بأنڪسار وڪانها تڪول ڪصوا جناحاتي وحرقوا احلامي ودمروا مستقبلي..

بدلتي جانت لون ماروني وتصميمها حديث يخبل حيلل عجبتني بس شوي دلعه من يم الصدر وڪُل شوي رافعته خجلانه من نظرات النسوان وشعري رفعت نص والنص الثاني مفتوح يعني تسريحه بسيطة ما بالغت حته بالمڪياج بس برزت عيوني وحمرتي طوختها..

اجت ماما بعد فترة طويلة وڪالت..

مريم- اسل اخذي اختج اية لغرفتجن وانتِ راما اخذي همسه لغرفتنه اني وابوج يريدون يدخلون يلبسونهن الذهب

احس نفسي ضاك وبالڪوه اسحبه، ڪعدتني راما ؏ السرير وابتسمت وطلعت شوي ودخل، عزاا شطالع هٰذا، القاط النيلي ياڪل ويشرب..

اسمع امي تحاجي وهٰو يرد عليها بس صوتهم ما واضح من سد الباب وباوعلي وشافني صافنه عليّ ابتسم وڪال..

مُخلد- شلونج

ڪعد بصفي واحس عيونه تاڪلني بالنظرات واني راسي ما ڪدرت ارفعه بس ڪان طالع هيبة وحلو بالقاط انتبهتله من حجه ويه امي..

اخذ ايدي وطبع عليها بوسه هادئه وڪال..

-خجلانه ڪلبي

رفعت راسي وعيوني بعيونه تسألت بذهول..

-ڪلبك؟

-همسه مو مصدك صرتي الي

-ليش؟

-شلعوا ڪلبي الا حصلتج

-منو؟

-ابوج وابوي ڪُل ما اڪلهم نفتح الموضو؏ ونخطب يأجلونه بحجة دراستج

ابتسمت وڪتله بحماس..

-انتَ تدري اني نجحت ومعدلي ڪُلش عالي!!

لم شفايفه داخل حلڪه وهز راسه بالموافقة بس ضجت لان ما بارڪلي ولا حجه ڪلمة حلوة ومن ڪُل عقلي عفست وجهي عليه..

الصندوك الدخله وياه حطه بحضنه وفتحه اخذ الحلقة وسحب ايدي ولبسنياها وباسها ونطاني حلقته لبستها اله
بعدين لبسني محبسين واحد سادة والثاني بي خرزه خضره واربع اساور وڪلادة تلث طوابق وياها طقمها مال التراجي وهنا وڪف وباوعلي..