قارورة الـ مُخلد

الحلقة |11|

الڪاتبة | زينب صلاح
في | قارورة الـ مُخلد

♥♥♥♥♥♥♥♥♥♥♥♥♥♥

اية*

اني صح حبيت قيصر بَـس مو لدرجة اتنازل عن كرامتي ولا بهوس يخليني انسه ضربه واهانته الي واكمل حياتي وياه ابددد!! اني من سابع المستحيلات اتقبل هيج شي ولو جان ؏ حساب ڪلبي ربي هيج خلقني احب نفسي واقدرها وما اسمح لاي شخص يهيني وينزل من قيمتي...

بدوم ما يفهم او يسأل صاح بوجهي صح اني رديت بَـس لان جان اسلوبه مو راقي لو سأل ومستفسر جان جاوبته وفهمته الي سمعته مثل ما هي اخته اني زوجته ما يفضل وحده بيناتنه..

كسرت السيم كارت حذفت البرامج ونزلت مسلسل وگعدت اتابع انعل ابو الحُب الي يكسر خاطري او يعكر مزاجي دنيا فانيه ليس ازعل نفسي منو يستاهل..

عطشت ماي لذلك بعدت الهتفون وشمرت الفون ؏ السرير بَـس جذبني منظر همسه ورجف ڪلبي جان وجهاا ازرق وقابضه ؏ السرير وتتنفس بصعوبة متت الف موته بمنظرهاا..

ركضت وهزيتها من اكتافهاا..
اية- شبيجججج همسههه فدووة تنفسيي ولج مامااا لحڪيني

طلعت اركض واصرخ بصوت كلها اجت مرعوبه وتخبلوا من شافوها بهذا المنظر بابا لازم ڪلبه ويحجي وياها..

جابر- بنيتي حبيبتي شبيجج باباتي شو الصبح جنتي مثل الوردة

مهيب- شالل وعبااية بسرعةةة

ركضت اسل وجابتهم وهي ترجف لفيناها شلون ما جان وراحوا بيها ماما ومهيب وبابا مهيب شالها وركض بيها..

تركونه وحدنه نلوب وبصعوبة قنعوا قُتيبة يبقى يمنه لان هم تخبل عليها، همسه انسانه رقيقة جدًا وهادئة والي يضربها راشدي تنطي خدها الثاني اخواني يحبونهاا حيلل لان من يطلبون منها شي كله صار وتدلل ومن عيوني ما تعرف ترفض او ترادد..

كعدت ودموعي تجري خطية قُتيبة لمنه اربعتنه بحضنه وگال..

قُتيبة- لا تخافن حبيباتي ان شاء الله ما بيها شي

راما- قُتيبة وجها ازرق صار!!

اسل- اي اي وعيونها حمر عزااا شبيها ليش هيج؟

قُتيبة- اششش ما بيها شي هسه شوي واتصل عليهم ونسمع الاخبار الحلوة

اية- امووت اذا صارلها شي؟ قُتيبة بسببي اني شلون ما انبهتلها وشردت بالتلفون!!

قُتيبة- حبيبي لا تفكرين هيج والله ما بيها شي هسه ترجع مثل الوردة

اية- ان شاء الله

گام قُتيبة وشال نغمه الي غفت بحضنه وحطها بسريرها ورجع يمنه يتصل ؏ مهيب وما يرد تلفت اعصابنه وماكو خبر..

بعد ساعة تقريبًا الا جاوب لحيت ؏ قُتيبة يفتح مايك خلي وصلنه صوت مهيب بَـس شنو تعبان وبلگوه يحجي..