لڪاتبة | زينب صلاح
في | قارورة الـ مُخلد
♥♥♥♥♥♥♥♥♥♥♥♥♥♥
من گد توتري وفرحتي سويت عمل شعبي للبيت والابتسامة من الأذن للأذن واية تباوع وتهز ايدها، اف هالاية مو خاليه احسها بدت تميل لقيصر واتمنى من ربي تكون سعيدة دوم وما تعرف بالي مسوي قيصر لان ما اضمن ردة فعلها..
دخل بابا للبيت محمل بالمسواك ركضناله كل وحده اخذتلها علاگه وبوسناه، خطية من وجهه مبين تعبان بس ما كسر بخاطرنه حاوطنه بأيدي..
مريم- الله يساعدك ابو مهيب
جابر- هلا حبيبتي.. وين نغمه؟
مريم- گعدت اليوم مصخنه خطيه نطيتها دوه وسويتلها كمادات وهسه رجعت نامت
-خلي اشوفها
عافنه ودخل للغرفة يشوف نغم وماما راحت ويا واحنه اخذنه المسواك نعزله بالمطبخ، شوي وگالت اية بتردد..
-اكول؟.
اسل- شنو؟
اية- قيصر يريد يجي خاف عيب من بابا شلون؟
راما- وليش عيب؟
اية- مو شوفن بابا تعبان والولد طالعين وبابا لو عرف ما راح ينام وهو تعبان
همسه- والله ما اعرف بَـس انتِ انطي علم لبابا وهو يتصرف
اية- رايحه احاجي
راحت تركض والبنات عزلن المسواك واني صبيت الغده..
همسه- اسوله مدي السفرة
اسل- تمام
نقلنه الاكل ومن كعدوا بابا وماما بلشنه ناكل ومهيب وقُتيبة شاركونه بعد ما اجوا وغسلوا..
مهيب- بويه؟
جابر- هاا بويه احجي
مهيب- لگيت خوش شغله ويه صديقي وحيل عاجبتني
مريم- شغليش يمه؟
جابر- لحظة ام مهيب خلي نفهم، كمل؟
مهيب- شغل شد وفك غرف نوم
جابر- شنو ناقصك وتريد تشتغل؟
مهيب- لا والله ما ناقصني شي بَـس حاب اعتمد ؏ نفسي واتعلملي فد شي واني مو صغير
جابر- ودراستك؟
مهيب- والله ما اقصر بيها واذا اجتك نتيجتي مو مقنعه اترك الشغل.. هاا شگلت بويه؟
-الله يوفقك
اية*
لبست وتعطرت وجهزت نفسي من اجه قيصر، بَـس دخلت وسلمت طلعوا الولد وبابا تركونه وحدنه..
-شلونج؟ دراستج شلونها؟
-الحمدلله انتَ شلونك؟
تنهد وهمس..
-بخير دامج بخير
أنت تقرأ
قارورة الـ مُخلد
Aktuelle Literaturمن بين الجميع لم تنتقي عيني غيرك لم تسقط سوى على قامتك وزينتُك احببتُ ذلك الشي المُمميز بك دون غيرك ولا تسأل عن السبب فـلا علم ليّ به !! وجدت الامان بعينك، فخذلتني والحنين بين ذراعيك، فكسرتني ثُم اصلحتني وانتَ تُناديني _قارورتي_ لأكون قارورةً لك قا...
