شيخ قلبي(ليبية_منقولة)

الحلقة 1

🔥روايات نوزا الاماني🔥
           #شيخ_قلبي❤📿
                الحلقة1

رهف: واقفة ع لمراية تسرح في شعرها وتحكي ف التلفون.... يا سطل قلتلك اليوم مانقدرش نشوفك بنمشي لحوش خالتي
سيف: وعلاش بتمشي لحوش خالتك يعني؟
رهف: قلتلك ولدهم كان يقرا برا واليوم مروح
سيف: وشن دخلك في امه مروح ولا قاعد شن انتي اللي بتستقبليه ولا شن
رهف: حطت الفرشة من يدها وتحكي ... ياعمري ياقلبي مش حنستقبله ولا حنشوفه اصلا هوا شيخ مدين مايخشش ع النسوان ونزيدك بأخرا متزوج مرتين😑نحنا بس ماشيين بنسحمدولهم بسلامته بنقيمو الواجب وانت مكبر الموضوع
سيف: مش مكبر الموضوع بس تعرفيني ياحبي قداش نغار عليك
رهف: هنعلي هنعلي من اللي يغار علي😘اطمن مش نشوف لغيرك ولا حد حيشوفني غيرك ياقلبي
عزة:هيا يا بنت بنمشو عنك راه
رهف: باهي انا جية..خلاص حبي انا بنسكر توا
سيف:اوكي ياقلبي دير بالك ع روحك وكيف ماقلتلك ماتقعديش بحدا اولاد خالتك😒
رهف: حاضر ياعنوني باي... سكرت الخط وطلعت
سند: تي وين الحصلة اهيا تي قسم بالله نمشي عنها راه
سالمة: اصبر ياولد خيرك مستعجل هكي
عزة: اهي جت
رهف: ركبت في السيارة... سوري تأخرت عليكم🤗
سند: سوري جتك والله مرة تانية معادش مستني حد انا
سالمة: تي ساد وهيا امشي
رهف: بصوت واطي... ادراه كبد
عزة: اسكتي فكينا توا يسمعك
سند: يشبحلهم من مراية السيارة... وهدا شن لزواق اللي على وجهك ماكش ماشية لعرس راه
عزة: اناااا😳
سند: لا مش انتي اللي بحداك
عزة: اه😪
رهف: سلم خوي شوف قدامك و سوق عن تقلب بينا السيارة بلا كلام فارغ
سند:باهي يافرخة صار كلام فارغ تو تشوفي عليها لما نروحو
سالمة: لا حولا ولا قوة الا بالله مش عارفة امتى بتكبرو وتبطلو نقارة انت وياها
سند: هيا وصلنا انزلو فكوني منكم وبعدين اول مانقوللكم اطلعو تطلعولي
رهف: به غير اقلب وجهك للمربوعة... وخشت تجري
سند: تو نوريك يافرخة... وخش للمربوعة البرية
سالمه&عزة: السلام عليكم
مبروكة&نسيبة&اية&براءة: وعليكم السلام ورحمة الله وبركاته
رهف: بتوشويش... اي جينا لعيت قال الله قال الرسول
نسبية:شنو قلتي
رهف: لا قلتلك شن حالكم شن اخباركم
نسيبة: اها🙄
سالمة: كيف حال يامبركة شن مزال ماوصلش قتيبة
مبروكة: بخير اوخيتي لا والله مزال بس قال قريب
سالمة: يوصله الله طيب
مبروكة: انشالله انشالله
رهف: وقفت ونحت عبايتها وكانت لابسة تيشرت ابيض وسروال جينز ضيق ودايرا شعرها فتولة🔥
سالمة: شهقت... شن هدا يابنت البسي عبايتك ماكش جاية لفرح وزيادة قتيبة جاي
رهف: تي شن هوا تيشرت وسروال مش قفطان سهرة راه
مبروكة: ههههه خليها براحتها ياسالمة
سالمة: عيب ماتشوفش في البنات كلهن لابسات كويس ومتحجبات الا هي
مبروكة: كان عليا انا ياريت حتى بناتي يتفتحو شوي ويلبسو هكي غير بوهم ربي يسامحه رباهم ع التدين
سالمة: تبارك الله عليهم ياريتهن بنات كل حبيب مش زي هالحصلة اللي عندي
رهف: من تقصدي ياماما😒
سالمة: نقصدك بالك مش عاجبك
رهف: لا والله ع قلبي زي العسل وعاجبتني روحي ونا هكي🙂
نسيبه: تعالي يا براءة نطلعو لضايفة
براءة: مشت هي ونسيبة للكوجينة
عزة: حتى انا جاية معاكم... ولحقتهم للكوجينة
رهف: تعالي بحداي ياأية انتي الوحيدة اللي طبيعة في هالحوش
اية: مشت قعمزت بحدا رهف...ماحكيتلكش عن حبيبي لجديد😍
رهف: قصدي كيف هكي خوتك كولهم مدينين ومتشددين الا انتي طالعتلي صايعة😂
أية: هههه نقصي صوتك تو من يسمعك