شيخ قلبي(ليبية_منقولة)

الحلقة 8

🔥روايات نوزا الاماني🔥
                      #شيخ_قلبي❤
                        الحلقة8

رهف:طايحة وتشوفله كيف يضحك.... محلا ضحكتك تهبببل😍
قتيبة: وعى لروحه وسكر الخط... وحتى لما سكر قعد طول الطريق يتفكر فيها يضحك ويستغفر😂

تسريع الاحداث
تم العرس نسيبة روحت مع راجلها وكل واحد روح لحوشة والحوش فضى من الناس

سند: مقعمز هو وامه وخواته .... امي نبي نتزوج
سالمة: ماشالله ماشالله هدي الساعة المباركه
رهف: بسخرية... كح كح هههه من هدي تعيست الحظ اللي بترضى بيك
سند: ضمي فمك انتي ماتخلينيش انوضلك
عزة: عندك وحدة في بالك ولا نخطبولك براءة بنت خالتي تهبببل
رهف: هي اسمها براااااءة تبي تخطبيها لواحد عمره مامرتش عليه البراءة حرام وظلم في حق الانسانية😂
سند: وقف ورفع شبشبه.... شديها يما شديهااا والله نقتلها رااه
رهف: هربت تجري وهي تضحك
عزة: هههه امهبلة
سالمة: غير قعمز قعمز وقولي عند وحدة ف بالك ولا نخطبولك
سند: اي عندي
سالمة: ماشالله من هدي وبنت من
سند: ماتعرفيهاش حتى انا متعرف عليها جديد
سالمة: شن ياولدي ماتقولش من جماعتك هدوك ... كانو كلهم عارفين سند متع بنات وديما مع وحدة
سند: توتر وتنهد... لا يا امي انشالله تعجبك
سالمة: باهي وين تسكن باش نمشي نخطبهالك
سند: بتوثر... لا لا مزال مابتمشيش غير نضبط اموري بعدين ندزك ليهم
عزة: باهي خلينا نتعرفو عليها
سند: لالا تو بعد نخطبها تتعرفو عليها
رهف: رجعت و وقفت من بعيد تسمع فيهم.... علي ليمين وراها قصة هدي اصلا منيش مرتاحة لأختياره اختاريله انتي ياماما لان الطيور على اشكالها تقع
سند: حدف عليها الشبشب وصوبها على راسها
رهف: ااااه ياراسي عمرض ياوطي امشي انشالله ماتتهناش بيها باهي😭.... وخشت لدارها تبكي
سند&عزة: 😂😂
سالمة: ربي يهديكم ويحنن قلوبكم على بعض

 
            🔥روايات نوزا الاماني🔥

قتيبة: مقعمز مع نساوينه وامه ... امي نبيك تمشي لحوش خالتي وتحددي الفرح خلاص نبي نتزوج
حنين: 😤
نسرين: شبحتله وابتسمت بلا تعابير فرح
مبروكة: ماشاءلله وامتى ناوي تتزوج
قتيبة: اقل من شهر لو يقدرو
حنين: وعلاش مستعجل
مبروكة: احسن علاش يقعد ماسك البنت خلي يتزوج
نسرين: ربي يكملك على خير
قتيبة: جزاك الله خير
مبروكة: خلاص امالا اليوم نمشولهم و نحددو

             🔥روايات نوزا الاماني🔥

ترن ترن ترن
سند: بفرحة ... ايوا عيوني
خلود: تسلملي عيونك😊وينك معادش شفتك ولا سمعت صوتك
سند: قلت نعطيك وقت تفكري
خلود: اوك انا فكرت بس مابنقولك ردي الا لما تجيني
سند: طايرة جايك ياقلبي اكيد الرد بيفرحني
خلود: هههه بيفرحك بس ماتجيش توا تعالا في الليل احسن
سند: وعلاش في الليل حبي بيجيك حد ولا بتطلعي؟
خلود: اي معاي صاحبتي
سند: متأكدة صاحبتك مش حد تاني؟
خلود: هههه لا اطمني بنت صاحبتي
سند: اوكي تمام خلاص امالا لما تروح منك كالميني نجيك
خلود: اوكي تمام هي باي
سند: تمام باي
خلود: اممووواح... باي
سند: اااه ياقلبي😍... سكر الخط وهو دايب يستنى غير في الليل امتى يجي