شيخ قلبي(ليبية_منقولة)

الحلقة 11

🔥روايات نوزا الاماني🔥
                     #شيخ_قلبي❤
                        الحلقة11

قتيبة: صبولي شاهي
حنين: بحركة سريعة رفعت الطاسة وصبتله وهي تشوف لرهف بخبث... تفضل حبيبي
قتيبة: رفع يده جاي بيرفع من حنين طاسة الشاهي بس سبقاته رهف ورفعتها هي🔥
رهف: بستفزاز ودلع رفعت الطاسة من حنين.... ماتعبيش روحك حبيبتي ماتعبيش روحك هاتي انا نشربه قتوبي حبيبي🔥 ... وشرباته بدلع
حنين: تنرفزت وحدفت الفوطة من يدها وناضت
مبروكة: وين بنيتي كملي فطورك ماكليتيش شي
حنين: الحمدلله شبعت😤... ومشت لدارها
أية وبراءة ونسرين: يشوفو لرهف ويضحكو
قتيبة: يلا الحمدلله انا طالع ... و وقف
رهف: وقفت ومشت وراه وصلاته لباب... ربي معاك قتوبي
قتيبة: ربي يرضى عليك😊 خلاص خشي داخل
رهف: بصوت واطي.... نحبببك
قتيبة: تحشم... هههه هبله يلا السلام عليكم ... ومشى
رهف: سكرت الباب... نعلي يتعب فيا بروده والله صدق اللي قال الكلب مايحب اللي خانقه😂
مصعب: اووو عروستنا
رهف: اهلين اوبي
مصعب: البركة عليك يامطرشقة
رهف: نجك عقبالك بنخالتي
مصعب: انشالله غير كان اختك تتواضع وتوافق عليا بس
رهف: بصدمه ... كيييف😳
مبروكة: كيف قصدك تبي عزة
أية: اي يبي عزة وهي مش عاطيته بوجه😁
نسرين: ماشالله عليها عزة الحق
رهف: كلا عليا نا موافقة
مصعب: قعمز يفطر ... ههه وانتي شن دخلك من بياخد رايك اصلا
رهف: هههه واطي هدي اختي وماتأخدش الا في رايي
مصعب: خلاص امالا بالله كلموهالي وزبطولي الوضع
مبروكة: خلاص انتي يارهف شوفيها موافقة ولا لا وانا نمشي نخطبهالك
براءة: زل لسانها ... شوفو بابا قبل موافق ولا لا عن يكون مايبيهاش زي...🙊
اية&مبروكة: 😑😳
رهف: زي من ؟؟
نسرين: نقدتهم ... ا اأنا عمي ماكانش م مموافق عليا
رهف: استغربت وكانت مش مصدقة بس مادققتش في الموضوع
الباب... طق طق طق
مصعب: تو نفتح اصلا انا طالع... مشى فتح الباب وطلع
المراة السحارة: خشت... السلام عليكم قاعدة مدام حنين
أية: بتشويش ... قداش نخاف منها هالمراة
مبروكة: عيب يابنت وامشي كلمي حنين
رهف: تشوف للمرة بتركيز... خليك أية تو انا نمشي انديها ... ومشت ركبت لحنين
حنين: فتحت باب دارها انصدمت لما لقتها رهف... تفضلي شن تبي
رهف: بابتسامة مصطنعة... فيه مراة تحت تبيك
حنين: بأرتباك بلعت ريقها... ممن هي المراة
رهف: بأستعباط... مانعرفش بس شكلها مايطمنش نمشي نسألهالك شن تبي😌
حنين: بخوف... ل للالا تو ننزلها ... ونزلت تجري
رهف: هه والله ياحنين قاعدة تلعبي بديلك بس مش حيكشفك على حقيقتك غيري

  
            🔥روايات نوزا الاماني🔥 

في استراحة
سيف: يشرب في وسكي لين مولي طييينه... علاش ت تتخليني رهف علاش ت تترخي بيااا يارهف ع ععلاش
صاحبه: تي فوتها ياراجل معاشت البنت اللي اطيحك
سيف: يحكي بطريقة غريبة ومش متوازن من كتر الشرب ... انا ن ننحبها انحبهاا لازم نرجعها ليا لللاززم
صاحبه: كيف بترجعها وهي في دمة راجل غيرك
سيف: حدف طاسة الوسكي على طول يده لين تكسرت ... م مماتقولش مع ر راجل غ غغيري رهف ليييا انا ب ببس
صاحبه:بصوت واطي... ايح شكلك سكران وماكش عارف روحك شن قاعد تقول