شيخ قلبي(ليبية_منقولة)

الحلقة 12

🔥روايات نوزا الاماني🔥
                       #شيخ_قلبي❤
                          الحلقة12

قتيبة: يشوفلها بأعجاب كيف تلعب زي لصغار وبعدين شاف نسرين تصور فيها... تعالو وراي نصورو سلفي
رهف: نعلي من شيخي السمح
نسرين: استغربت من تصرف قتيبة لانه كان معقد معاها هي وحنين بس لما شافاته هكي عرفت ان رهف كسبت قلبه🔥
قتيبة: هيا واحد اتنين تلات.. تشككك
حنين: تو تشوفن ياتافهات... مشت ركبت في السيارة وهي متنرفزة بعد ماشافت قتيبة يضحك ويبصر معاهن

             🔥روايات نوزا الاماني🔥

براءة: أية عارفة قداش لينا ماطلعناش برا الحوش
أية: لين نسيت ههه
براءة: حاسة بتجيني حالة نفسية من الحبس
أية: انتي اصلا جاياتك غير ماكش حاسة بروحك
براءة: كيف؟
أية: قعدتي انطوائية ماتحكيش واجد وماتضحكيش ماتختلطيش بينا وتشاركينا شن ندير قعدتي بعيدة علينا
حتى في الرواية ماكتبو عنك شي😂
براءة: بأستغراب... والله؟؟مش حاسة بروحي
أية: يلا ربي يفرج الحال نتزوجو ونطلعو من الحوش هههه لان مافيش حل تاني
براءة: شن رايك تكلمي بابا نقولوله نطلهو نغيرو جو
أية: هههه امالا خاطرك في تهزيبة انتي ماكش عارفة بوك الشيخ سليمااان الاعظم كل شي عنده حرام وعيب والبنت مكانها الحوش وحتى كان طلعنا هو حيقيدنا ونا مانحبش نطلع ويقيدنا
براءة: اففف شن الحل والله مليييت من الحوش، زعما مصعب يطلعنا؟
أية: هوا وينه مصعب اربع وعشرين ساعة يمجقل في الشوارع ومتأكدة ان حيقول مش فاضي
براءة: اففف ندفنو هنا يعني وخلاص

             🔥روايات نوزا الاماني🔥

الدكتورة: انتي حامل
خلود: لا لا ا اااكيد غاطة ي ييادكتور زيدي تأكدي اكيد فيه غلط في الكشف م ممستحيل نحمل مستحييل
الدكتورة: حملك مؤكد والجنين عمره خمس شهور غريبة كيف ماحسيتيش بيه
خلود: تحكي وتبكي... ك ككيف كيفف انتي عارفتني عندي الايدز ي ييعني حتى البيبي حيكون مصاب بالايدز
الدكتورة: اي للاسف💔
خلود: لا ياربي لاااااا😭... طلعت من المصحة وهي تبكي ومخنوووقة ومش مستوعبه انها حامل من سند اللي كانت هي السبب في موتته واللي زايد قاهرها ان حتى الجنين حيكون مصاب بالايدز فوق ماظلمت سند حتظلم بيبي ماشافش شي من الدنيا💔

             🔥روايات نوزا الاماني🔥

روحو قتيبة ونساوينه للحوش
رهف: مسكت في يد قتيبة... تعالا معاي شيخي
قتيبة: عيونه قلوب.. باهي ياقلبي... وركب معاها لدارها
حنين: تشوف فيهن قريب تموت من القهر منهم
نسرين: يلا تصبحي على خير حنو
حنين: تعالي تعالي تعالي
نسرين: تلفتت وراها بأستغراب... نعم؟
حنين: شن العار والمهزلة اللي دايرته مع التافهة رهف
نسرين: شن درت؟؟
حنين: وكأنك عاطيتها وجهه اكتر عن اللزوم وماشالله تضحكي وتهدرزي معاها واجد حتى لما تشوفي قتيبة معاها الغير ماتحرك فيك ساكن
نسرين: ببرود... اول شي تعرفيني منيش حقودة ومية مرة نقولك حتى لو تزوج عشرة نساوين مش حنعاديهن لانهن ضراتي ،بلعكس حنعاملهن بأصلي وكان ماضرونيش انا مش حنضرهم وبالنسبة لقتيبة عمري مغرتش عليه ولا حنغار عليه لانه مش هامني بصراحة🔥
حنين: باهي تو تنفعك رهف لين اطلقك من قتيبة تعالي قولي رح نعاملها بأصلي
نسرين: ههه ياريت والله امنيتي نطلق.... ومشت عنها
حنين: مصدومة من كلام نسرين ومتنرفزة من رهف وقتيبة شعور بايخ حاسة بيه ركبت لدارها وهي مضايقة