شيخ قلبي(ليبية_منقولة)

الحلقة 2

🔥روايات نوزا الاماني🔥
                      #شيخ_قلبي❤
                         الحلقة2

أية: يسسس تعالي نمشو لداري نعطيك قفطان تلبسيه😍
سالمة: هي تصبحو ع خير... وطلعت هي وعزة
رهف خشت مع اية لدارها باش تلبس حاجة بيت
وسالمة وبنتها عزة طلعو لسند

سند: في السيارة.... وين هديك
سالمة: مش مروحة بايتة معاهم
سند: نعممم نعم نعم وعلاش بايته يعني
سالمة: بكرا مدايرين عزومة للرجالة ع خاطر رجعت قتيبة وقلتلها تقعد تعاونهم
سند: هه وع اساس هدي تعرف تعاون في شي كل اللي تقدر عليه تصوير الاكل والجو
سالمة: ههههه حتى التصوير باهي خلي ثوتق الاحداث
عزة: مطولين في الهدرزة وانتم واقفين انا نعست راه
سند: حاضر ياست عزة مشينا.... وروحو

قتيبة& مصعب: خشو لداخل البيت بعد ماكانو في المربوعة .... السلام عليكم
مبروكة : وعليكم السلام تعال اوليدي تعالي خليني نشبع من شوفتك😍
قتيبة: ههههه جايك ياغالية لين تملي مني
مصعب: جاء حبيب القلب ونحنا بينسونا بكل
قتيبة: هههه
مبروكة: شن نبي فيك انت طول الوقت قدام وجهي توا خليني مع اللي كان غايب عليا
قتيبة: ربي لا يغيبا عن بعض، مالا وين بوي وخواتي ماشفتهمش كويس
مبروكة: بوك خش رقد والبنات في دارهن بايتة معاهن رهف بنت خالتك
قتيبة: اها انشالله خير
مصعب: رهف بس ولا معاها عزة
قتيبة: فنص فيه بمعنى شن هالسؤال
مبروكة: لا رهف بس
مصعب: تحشم وناض... تصبحو ع الخير نعست
مبروكة: هاوليدي هدرزلي احكيلي شن درت في مصر وفي دراستك انشالله ماتعباتك الغربة
قتيبة: شن بنحكيلك يا أمي .... وبدأء يحكيلها عن مسيرته الدراسية وعن الشيوخ اللي قروه وعن حياته في الغربة وكل شي لين خداهم النوم وكل واحد خش لداره

الساعة2ونص ليلآ
رهف: راقدة ع ظهرها وتشوف لسقف.... افففف أية حتى انتي رقدتي؟؟افف شن هالعيلة زي الدجاج كلهم راقدين وانا اللي نسهر لعند الفجر تو كيف بندير تو ، كساد تو حتى كان في حوشنا تراني نلود من دار لدار ومن الكوجينة للحمام ومن النت للتلفزيون لكن توا نحس في روحي متقيدة في حوش الناس 😑

قتيبة: كان راقد مع حنين وكان حنون معاهن رغم تقصيرهن لقاه راقدة من غير غطاء غطاها وطلع بيتوضى باش يصلي قيام الليل

رهف: تتقلب من الكساد ومش جايها نوم .... افف خلي نمشي نشوف شن عندهم يتاكل في الثلاجة انشالله مايحصلنيش حد... طلعت ع روس صوابعها وكانت لابسة قفطان طويل و واسع بس طالعة تهبل بيه وشعرها قاعد فتولة بس مرخية و مشفشفة شوي

قتيبة: طلع من الحمام وقعد يقول في دعاء بعد الوضوء ومتجه للكوجينة بيشرب وتلاقى هو ورهف😳😳
رهف: شيخ قتيبة😳ككنت ن ننبي نششرب بس😰
قتيبة: نزل راسه بسرعة.... استغفرالله يابنت الناس استري روحك مرة تانية انتي مش في حوشكم لاحولا ولاقوة الا بالله .... وطلع عنها
رهف: شبحت في روحها... خيرني وانا لابسة كويس واسع وطويل اهو🙄ولا ع خاطر شعري ؟عادي مابناخد عليه دنب هو مشفشف مايغريش ولا تنزل علية النية بكل... طلعت من الكوجينة وشافاته من بعيد واقف يصلي وكان شكله يهبل وكأنه ملاك نوره ساطع وهو يسجد.... ربي يهدينا كيف ماهداك .... ورجعت لدار