رياح هائجة

2

#رياح الهائجه
#للكاتبه: الخفاجيه
#بارت 2
★★★★★★

مها:الخميس راح يرجع
اسيل:منو لي راح يرجع
مها: عمج وعائلته
اسيل بصدمه:شنووووو راح يرجعون بعد هل خراب
مها بغصه:وبيت جدج فرحانين حتى راح يسون عزيمه
اسيل:من كل عقلهم هذول
مها:ما كول بس حسبي الله ونعم الوكيل
اسيل بحزن:وهسه شلون اذا عرفت
مها:ما ادري حايره شسوي وشلون افتح الموضوع وياها
اسيل:وهوا هم يرجع
مها:.......

........................
أريج:طبيت للقسم جان اشوف الدكتوره طابلنه شافني كام سد الباب بوجهي ضليت صافنه هاذ شبي اليوم خبل
الدمعه صارت بطارف عيني عرفت اليوم لازم يصير شي ادري بحضي رحت كعدت بلحديقه اتصلت على السايق يجي يرجعني للبيت لان حسيت بدوخه وهاج عليه الم راسي شلون الشقيقه صدك نص ساعه واجه رجعت للبيت كوه امشي من الوجع طبيت شفت امي واسيل كاعدات يسولفن من شافني سكتن
مها:شبيج ماما ليش رجعتي وشبي وجهج اصفر
أريج بتعب:وجع راسي موتني
مها:سوده عليه صعدي مددي هسه اجيبلج علاج واجي
أريج:صعدت شمرت غراضي وغيرت ملابسي ومددت بفراشي كمت اعصر بلغطه من الوجع جتي امي جابتلي علاجي اخذته وشربت مي سدت الضوه وجتي يمي تفرك براسي وتقره ايات
مها:صاير شي وياج مضوجج
أريج:ماكو شي بس تعبانه
مها: العصر اخذج ونروح للمستشفى اشوف وضعج
أريج:ما يحتاج مابيه شي
مها:حتى اذا لازم اشوف وضعج
أريج:هزيت راسي وتقربت الها خليت راسي بحضنها ونمت براحه
مها:ضليت اقره ايات وافرك براسها شفتها نامت ابتسمت بستها من راسها الله يريحج يا امي بعد هل تعب لي شفتي بحياتج الله يعوضج عن كلشي خسرتي ويرجعلج بنتج وتخليها بحضنج غطيتها زين وكمت طلعت
اسيل:ها شلون صارت
مها:زينه اطيتها علاج ونامت
اسيل:يله باي اني راح اطلع للدوام
مها:الله وياج
...............
مينا:ولججججججج ريفووو تعالي لا انعل يومج بنت الحلو
ريفان:عمه ما ادرس ما ادرس
مينا:تنجبين ويله تعالي درسي قبل لا يجي ابوج وهوا روحه بخشمه يخلينه ويكتلنه
ريفان ببرائه:عمهه حبيبتي ما ادرس
مينا::استغفر الله يماااااه يماااه
زينب:ولطما شبيج تجوعرين
مينا:تعالي لبنت ابنج ما تقبل تدرس وباجر دوامها
زينب:عيفيها هسه شوي واجي ادرسها اني
مينا:من سمعت ريفان كلام امي كامت اطفر شلون القرد من الفرحه هل ابنيه حيل وكحه ابد ما تسمع الكلمه بس من ابوها لان تخاف منه وهل ايام ابوها مشغول بشغل فا هيه مستغله فترة غيابه
زينب:صعدي عزلي غرفة اخوج لان اليوم يرجع
مينا:ماشي صعدت واني ادندن بأغنيه فتحت باب الغرفه وطبيت كمت انضف بيها غيرت الفرشه وكنست الغرفه ومسحتها فتحت الكنتور ردت ارتب ملابسه جان اشوف ذيج الشوفه ضليت صافنه طلعت صورة بنيه اية من الجمال تشبه زوجته الاولى بس مو هيه منو هاي وليش هل صوره بلكنتور شفت اوراق فوك هم اخذتهن اقره ونصدمت صدمه ثانيه .........

...............

أريج:كعدت مرتاحه شوي احسن من الصبح كمت غسلت وجهي ورفعت شعري نزلت لكيت اهلي مجتمعين بصاله يسولفون
مها'ها يمه صح النوم كومي اكلي خليتلج غده
أريج:من تجي اسيل اكل طبيت للمطبخ سويت كهوه مره وصعدت ادرس واشرب كهوه اخير شي مليت كمت شمرت الملازم وكعدت بلكاع احس بنفسي مخنوكه اخذت صورة بنتي اخير مره شفتها جان عمرها شهر وبعدين اخذوها مني شكد اشتكيت بس القانون جان ويا وطبعن بواسطات اخذها وراح محد يعرف بيا دوله هسه وكفت كدام الشباك اباوع على الشارع اذكر الماضي كله وشنو الجبرني ازوج بعمر صغير بنص ذكرياتي حسيت على فتحت الباب شفت اسيل
اسيل:يله نزلي نتغده ميته جوع
أريج:نزلنه للمطبخ حميت الاكل وصبيته بدينه ناكل ونسولف
اسيل:سمعتي هل خبر
أريج:يا خبر
اسيل:هه غير خطوبة ابن عمي عمر هل سبوع
أريج: ليش هوا شوكت خطب
اسيل: قبل اسبوعين  رايحين خاطبيله بنيه من كرايب امه
أريج:اممم
اسيل:تروحين مو
أريج:افكر وشوف
اسيل:حبابه خل نروح
أريج:انتي روحي اني شعليه بيج
اسيل:اله انتي وياي استحي اروح وحدي
أريج:عود اشوف واردلج خبر بعد هواي للخطوبه
اسيل:اوك
أريج:كمت غسلت مواعين وكعدنه ويا الاهل شوي نسولف
ثاني يوم جان وكتها خميس وعندي دوام كعدت با 7ونص نزلت تريكت وطلعت للكليه جان اشوف ساره جتي تركض حضنتني وتبوسني
ساره:اويلي ولك ضلع مشتاقلك
أريج:حبيبتي الحمدلله على السلامه سمعت مريضه
ساره:اي والله طكتني فلاونزه
أريج:ضلينه نسولف شوي وطبينه للمحاضره بنص المحاضره جان تهمسلي
ساره:البارحه حجيت ويا مياده وجان تكولي عدنه عزيمه هل ايام جاينه خطار من الخارج
أريج:شنو يا عزيمه ويا خطار
ساره:والله هيج كالت ضليت صافنه منو لي راح يجي
أريج:باوعت لساره وعيوني ادمع جان يشوفنه الدكتور
احمد
دكتور احمد:اطلعن مطرودات من المحاضره لعدم انتباهجن وكلامجن بنص المحاضره
أريج:كمت جريت الجنطه والملازم وطلعت وساره تركض وراي
ساره:اوكفي ولج أريجه يلجلبه
أريج:رحت للحديقه كعدت خليت اديه على راسي وصافنه والدمعه بطارف عيني
ساره:أريج وجهج صار اصفر
أريج :منو الخطار لي راح يرجع من الخارج
ساره:والله كتلها منو ما ردت يمكن نامت
أريج:اكيد هوا راح يرجع
ساره:شو باعي ولج شمدريج هوا يمكن صدك خطار مو اله هوا
أريج:متأكده هوا
ساره:ما تفرحين اذا ترجع بنتج ويا
أريج :اموت من الصدمه اذا شفتها بعد هل 6 سنين ما تعرفين شكد مشتاكتلها اتمنى اشوف بس صوره الها وهيه جبيره مشتاقه اضمها لحضني
ساره:يارب ترجعلج
أريج:خلصت محاضره الاولى طبينه للقسم بعد ما انطردنه بدت دك محاضرات علينه با1 طلعنه بنص الطريق شفت 3 سيارات يم بيت جدي ما هتميت كلت اكيد اصدقاء جدي لو عمامي وصلت للبيت نزلت اهلي ماكو استغربت وين راحو صعدت لغرفتي غيرت ملابسي وغسلت وجهي ونزلت وهمه ماكو شفت على الطباخ كداري فتحتهن شفتهن برياني ومرك فاصوليا صبيت وكعدت اكل ميته جوع انفتحت الباب وطبت امي وجها احمر
مها:ها يمه شوكت جيتي
أريج:قبل شوي جيت وين جنتو لا انتي ولا بابا بلبيت
مها بتوتر:جنت يم بيت جدج شفت بيبيتج مريضه
أريج:تحجي ومبين عليها التوتر راحت غسلت ونزلت عبايتها وجتي كعدت ابوي شو ماكو
مها:يم بيت جدج ضل هناك عمامج
أريج:امم شبيها بيبيتي
مها:ماكو شي بس ضغطها صاعد
أريج:كملت غده غسلت المواعين وصعدت مددت بفراشي
ما حسيت اله على صوت ماما تكعد بيه
مها:كومي كافي نوم صار المغرب ولج
أريج:كعدت النعسه بعدها بعيني يي كعدت طلعت امي رجعت نمت ما كعدت لي 8 بليل مصحصحه نزلت شفتهم كاعد يتعشون كعدت وياهم اكل
اسيل:بعد وكت ما ضليتي نايمه
أريج:ولج جيت ميته تعب والله بس تغديت وصعدت نمت صارلي 3 ايام ما نايمه زين
اسيل:لعد اني شكول هم سادس وهم دك امتحانات
أريج:تهون وصير سوالف كملنه عشه اسيل غسلت المواعين واني نضفت المطبخ كملنه رحنه للصاله نشوف فلم ويا اهلي ونكرز حب صارت با 1 كلهم اطشرو لغرفهم واني من ضمنهم صعدت شفت الغرفه وصخه كمت انضفها وغيرت الفرشه وعطرتها شلت ملابسي من الكاع رتبتهن بلكنتور خلصت كلشي وكفت يم الشباك اباوع شفت ضل واكف يم باب بيت جدي استغربت منو هاذ وشعدنه بهل وقت المتأخر واكف جان واكف ويباوع لبيتنه ماجان مبين زين لان ضلمه سديت البرده ورحت لفراشي سحبت صورة بنتي وكعدت اتأملها طلعت حذاء وردي صغيره كلش من الخانه لي بصفي اول ما عرفت بيه بنيه شتريت هل حذاء مسحت ادموعي لي نزلت حسيت بشعور الوجع حسيت بخنكه واني اذكر شلون اخذ بنتي كدامي بكل برود واستهزاء وكتها عرفت اني ضعيفه
مابيدي شي اسوي بعمر ال 18 سنه ضميت الحذاء وخليت الصوره بصفي ونمت واني اشهك وادعي من ربي يرجعلي نصفي الثاني بنتي

......
اسيل:كاعد ادرس اكمل واجباتي مال الاحد جان يدك مبايلي شفت المتصل هاجر شعدها هاي تتصل بهل وقت رديت عليها اشوف شتريد
هاجر:لحكي ولج اسيلو
اسيل :شكو ولج شرايده
هاجر:سمعت كلام يخليج تنصدمين
اسيل:شصاير ولج احجي يمصكوعه
هاجر: ....راجع للعراق ويا بنته
اسيل:شنوو بربج شوكت زين
هاجر:ما ادري شوكت بس عرفت راجع
اسيل:يعني بنت اختي هنا بلعراق موو
هاجر:يي بلعراق
اسيل:منو كالج انتي
هاجر:امي سامعه من بيت جدي وجتي كالت
اسيل:اها
هاجر:يي ولج واكيد راح يجي يم بيت جدي بهل ايام واحم يلتقون اختج وهوا اكيد
اسيل:سديت الاتصال من هاجر وشمرت التلفون ضليت صافنه شنو شعور اختي من تلتقي بيهم اكيد تتخبل اختي واعرفها

........
9:00صباحا
أريج:حسيت على المنبه كمت طفيته ورحت للمغاسل غسلت وطلعت اشد بشعري نزلت لكيت امي كاعده وصافنه رحت كعدت يمها وين صافن الحلو
مها:ها صباح الخير
أريج:صباح النور شبيج شو مبينه ضايجه
مها:لاماكو شي
أريج:امم جوعانه
مها:كومي تلكين كيمر  بلثلاجه طلعي وتريكي
أريج:كمت للمطبخ طلعت الكيمر  وطكيت بيض  وكعدت اتريك انوب نزلت اسيل هم كعدت تتريك وياي كملنه اسيل كامت تغسل المواعين واني نضفت البيت كله وامي اسوي غده كملنه شغل با 10 ونص صعدت شفت غرفتي نضيفه لان بليل نضفتها اخذت ملازمي ونزلت بلحديقه ادرس
اسيل:شعندج كاعده هنا بلشمس يمعوده طبي لا يصيرلج شي
أريج:لا الجو حلو اليوم مو شمس
اسيل:بكيفج بعد
أريج:ضليت كاعده  شوي وطبيت للبيت صعدت للغرفه طبيت للحمام غسلت وطلعت انشف بشعري واكفه كدام المرايه جان اشوف الاثر لي قريب على ركبتي تلمسته هل اثر رايح شوي بس من واحد يصير قريب عليه ينتبه عليه زين كمت شديت شعري ومددت اقرأ روايه
......

بعد مرور ثلاث ايام

أريج:اجيت من الكليه تعبانه نزلت من الخط شفت سيارات هواي و هوسه يم بيت جدي خفت خاف صاير شي طبيت اركض وتمنيت ما طابه شفته واكف بين عمامي بلبسه لي عباره عن سواد وعيونه الناعسه
انتبهولي كلهم وهوا من ضمنهم رجعت لي يوره من خوفي وطلعت اركض
معقوله هوا يي اجه شجابه بعد هل سنين

....
يتبع