رياح هائجة

4

#رياح هائجة
#للكاتبه: الخفاجيه
#بارت ٤
★★★★★★★★★

أريج : حسيت على وجع براسي قوي وعيوني ما اكدر افتحهن ضليت فتره مغمضه بعدين فتحت عيوني شفت ابوي مدنك راسه وامي تبجي من شافتني مسحت دموعها
مها:ها يروح امج شتحسين بوجع
أريج:احس هه احس بوجع بكلبي  بسببكم كلكم وبودي الحك بنتي
مها: لايمه لا تحجين هيج اسم الله
أريج بدموع:اخخخخخخخ يمه اخخخخ ولج يمه بنتي راحت راحت واني ما شامتها ولا بايستها ولج يمه بنتي بنتي راحت وما تعرفني ولا شايفتني
مها :رحت حضنتها وابجي يا يمه بنتج طير من طيور الجنه بنتج راحت يم ربها
أريج:بعدها صغيره ما تتحمل التراب كاعد اتخيلها بلجفن ولج يمااا  كل ما صيح ابوي يبجي  الحد ما طبو الكل اختي ركضت الي تبجي وتواسيني  وجدي صافن عليه
مسحت دموعي وكمت رتجيت على اختي وحجيت بحقد
حسبي الله ونعم الوكيل بيكم كلكم ضلمتوني وزوجتوني واني صغيره لواحد مريض نفسي واكبر مني ما رحمتو بحالي واني احجي الحقيقه جذبتوني وما صدكتو  وحتى حلفت بلقرأن وما صدكتو  دمرتوني ودمرتو  وياي بنيه صغيره حرمتوها من امها يجي يوم كلكم تتعاقبون وبذاك الوكت مستحيل اسامحكم لا انتو ولا لي واكف بره لي حرمني من شوفتها ومن ريحتها
حسبي الله مره ثانيه عفتهم وطلعت وصلت للصاله شفته مدنك رفع رأسه باوعلي ببرود ولا جنه بنته ميته باوعتله بتقزز وطلعت   هاي اني وهاي حياتي العشتها كلها صدمات وحزن من اليوم دفنت  كلشي صار وياي وكله صار ماضي وراح  اعيش حياتي مثل ما اريدها

بعد مرور ٤سنين

٧.٠٠

صباح الخير
مها:صباح النور يله تريكي حتى نروح نسوك اليوم تجي اختج
أريج:اي ماشي
مها:صدك ليش عزلتي غرفتها ما خليتها اني اعزلها
أريج:ما جان عندي شي فا كلت اني خل انظفها احسن
مها ببستامه:ديله كومي نسوك أبين ما تجي هل عايقه
أريج :هههه يله اخذت جنطتي وطلعنه نسوك  خلصنه مسواك البيت رحنه للمول شتريت ملابس الي لان ملابسي عرضن عليه شكد ما ضعفت كملنه كلشي الساعه با ١٠رجعنه للبيت بدينه نحظر  الاكل سويت برياني وفاصوليا  لان مدام اسيل تموت على هل أكله وأبوي جاب سمج مشوي وخبز ولبن خلصت كلشي حظرته وصار جاهز اندكت الباب راح اياس يفتحها ما سمعت غير صوت اسيل يلعلع

اسيل:يماااااا وينج يمااا
مها:وسمااا كون لهل صوت ولج  ادبسز نصي صوتج
اسيل :رحت ركض عليها بستها وبست ابوي وزياد وركضت على أريج لي واكفه وتضحك  حظنتها

أريج:مشتاقتلج اسو
أسيل:والله اني هم كلش كلش مشتاقه ولك زياد طبب الجنط
زياد:لا والله امشي لج ام حلك اني اطببهن
اسيل:عابت اي والله
أريج:روحي صعدي غسلي ورتاحي اني وزياد نطبب الجنط
اسيل:فدوه لكلبج اختي حبيبتي
أريج:ام حلك يله امشي بسرعه وانته وراي
زياد :طببيهن انتي اني ما عليه
أريج بخزره:يله ولك جيرته جر اله طلع طببنه جنط اسيل صعدناهن لغرفتها ونزلنه  صبيت  الاكل وخليته على الميز
شوي ونزلت اسيل وبدينه ناكل

علي:شلونج بلقسم الداخلي
اسيل:زينه متونسه ويا البنات
مها:اي ما باقي شي وتتخرجين ونشالله نكرب عليج
اسيل:لا والله اصلن اني راح اضل هناك ما اجي ابد
أريج:هههههه غصبن عليج تجين وين تفلتين
اسيل:ها ترا نخرب اني وياج
أريج:خلصنه غده شلت المواعين غستلهن واسيل سوت جاي ونظفت الطباخ كملنه شغل وصعدنه اني وياها لغرفتها نسولف
اسيل:شلونج بلشغل
أريج:ماشي حالي وانتي شلونج هناك
اسيل:تمام زينه
أريج:شبيج شو ما عاجبني ولج شصاير
اسيل:طبلي واحد على الانستا
أريج:شيريد
اسيل:كل ما أحاجي يختفي الحد ما حظرته بس المشكله مبين يشتغل  .....
أريج:عزه بعينج وشوصله الج لعد
اسيل:شمدريني
أريج:حذفي حسابج وسوي واحد جديد احسن
اسيل:ماشي
أريج:يله رتاحي شوي راح اطلع
اسيل:اوكفي احجيلي شصار بشغلتج
أريج :نصي صوتج لا احد يسمعج وبليل نحجي احسن
اسيل:اوك
أريج:طلعت رحت لغرفتي كعدت على الكرسي وفتحت ملف القضيه  الحد ما اتصلو بيه شفت زميلي بلشغل متصل
أريج:ها عمار خير
عمار:لكيتلج معلومه تفيدج
أريج:شكو احجي
عمار: ماكو اي شي يدل على الوفاة
أريج:متأكد أنته
عمار :اي متأكد صديقي كالي
أريج:ماشي شكرا الك تعبتك وياي
عمار:تدللين
أريج:شمرت المبايل ووكفت يم المرايه ضحكت بخبث وفتحت شعري خليت حمره حمره طوخ ونزلت شفت الساعه با ٣بديت اسوي كيك وسويت حلاوه خليت الكيكه بلفرن والحلاوه صبيتها بمواعين نظفت المطبخ لان تهوس عاد اني من ادخل المطبخ واسوي اكل أبدع بلمطبخ اهوسه تهوس أسوت الكيكه بردتها وخليتها كريمه وخليتها بلفريز رحت للغرفه عزلتها وشلت الملف ظميته لان كلش مهم بي فضائح .... ونزلت شفت اهلي كاعدين حظرت العصرونيه وكعدنه بلحديقه

مها:اسيل نامت
أريج:اي نامت
علي :يله اني طالع
مها:جيب وياك عشه عفيه
علي:اجيب كباب شوي تردون
مها:اي عادي
أريج:يله اني صاعده عندي شغل
مها:الله وياج
أريج:اخذت عصير وصعدت فتحت باب الغرفه جان اشوف اسيل واكفه مصدومه

اسيل:شنو هاي
أريج:ذبي من ايدج بسرعه
اسيل:احجي صدك لي مكتوب
أريج:اي صدك أرتاحيتي
اسيل:يعني طلعو تجار
أريج:هه تجار مو بس  تجار مجرمين  هم
اسيل:كعدي احجيلي
أريج:ذبيت العصير من ايدي وكعدت سمعي هل حجي لازم محد يعرفه
اسيل :ما احجي لا تخافين
أريج: .........

يتبع